رواية عشقته صدفه الفصل الخامس والعشرين 25 بقلم شروق محمود

لفصل الخامس والعشرين

وقفنا البارت إللى فات لما شفق دخلت الصالون وجلست وكان امامها العريس المجهول في وجهه نظرها هى

العريس :: إزيك يا شفق

شفق نظرت إلى موضع الصوت لأنها تعرفه واتصدمت كثيرررا.....

شفق بصدمه :: انت

العريس :: ايه مكنتيش متوقعه ان العريس هو أدهم

شفق :: لا خالص مجاش فى بالى

ادهم :: طب يا ستى موافقه ولا ايه

شفق :: ردى هيوصل ليك مع بابا عن اذنك

قامت شفق وخرجت من الصالون ودخلت غرفتها وكان فى انتظارها ليليان والاء وامانى

امانى :: مالك يا بت انتى كنتى بتحاربى ولا ايه

الاء :: يا هبله مالك هو العريس ضربك ولا ايه ومين العريس ها قولى

وقبل ما شفق تتكلم اتكلمت ليليان :: العريس يبقى ادهم يا عيال

شفق :: انتى كنتى عارفه وليه مقولتيش

ليليان :: اه كنت عارفه عمر هو إللى قالى و مردتش اقولك عشان بحسبك ممكن متوافقيش انا قولت اسيبك تشوفى وتعرفى العريس الاول بس ليه داخله متوتره ومش على بعضك كدا

شفق :: انا بحب ادهم يا جماعه بحبه جدا وانتو كنتو مفكرين ان انا بحب مروان لكن والله العكس انا مشوفتش مروان غير اخ لكن ادهم حبيته واتمنيته ليا كتيرر فى صلاتى

الاء :: اخيرا يا شيخه اتكلمتى...دا كله فى قلبك يا شوشو وساكته ليه حرام عليكي

ليليان :: ربنا يتمم ليكى على خير يا حببتى

امانى :: السنجله والجنتله دلوقت ايه نظامها ههههههه

شفق :: راحوا لحالهم خلاص هههههههه

الاء :: يلا يا بنات بقا عشان الوقت اتأخر سلام يا شوشو

شفق :: سلام يا حبايبى

ذهب كل من ليليان والاء وامانى الى منازلهم وشفق توضات وصلت صلاه استخاره عده مرات ووجدت نفسها مرتاحه ومطمئنه وبعد ذلك ذهبت لتخلد للنوم



بعد مرور عده ايام وجاء يوم خطوبه شفق على ادهم
فى منزل شفق
فى غرفتها نجد ليليان بتحط ميكب لشفق والاء وامانى مشغلين اغانى

ليليان :: الاء روحى هاتى من طنط كوبايه عصير لشفق عشان دايخه شويه

الاء :: حاضر يا حببتى ثوانى وجايه

خرجت الاء من الغرفه وذهبت إلى المطبخ لكن لم تجد والده شفق لكن وجدت زجاجه العصير فوقفت وجلبت منها لكن وهى خارجه من المطبخ فارس دخل

الاء :: عاوز حاجه يا فارس

فارس بابتسامه :: اول مره اعرف ان اسمى حلو كدا

الاء بخجل :: بقولك عايز حاجه

فارس :: آه عايز زجاجه مياه للعمال

الاء :: اطلعهم انا يعنى ليهم

فارس :: تطلعى لمين يا ياما اترزعى هنا هاتى الازايز وانا هتطلعهم...قال تطلعيهم قال كيس جوافه انا مثلا

الاء بضحك :: هههههههه خلاص والله انا اسفه

فارس :: اوعى هاتى الازازه دى ولو سمحتى متضحكيش عشان بتبقى احلى عن اذنك بقا

انهى كلامه وخرج وبقت هى سارحه فى حديثه وبعد ذلك انتبهت لتاخيرها وذهبت إلى الغرفه

بعد قليل وصل ادهم وخرجت شفق من الغرفه وانبهر بجمالها لأنها كانت ترتدى فستان احمر عليه نقوش ...... بدأت مراسم الخطوبه بتلبيس ادهم لشفق خاتم الخطوبه وكذلك شفق وبدأوا بتشغيل الاغانى وقضوا وقتا ممتعا وبعد ذلك انتهت الحفله وكل شخص اتجه إلى منزله ..........



بعد مرور عده أشهر
وقت ظهور النتيجه
فى منزل ليليان كانت جالسه فى الصالون مع عمر وسيلا واياد

سيلا :: يا بنتى اهدى بقا انتى متوتره المره دى كدا ليه يعنى

ليليان :: سيلا سبينى في حالى دلوقت انا عايزه اجيب امتياز مش عايزه اقل عن كدا يارب

اياد :: طب اهدى يا ليلو لعله خير ان شاء الله

تليفون عمر رن واجاب وبعد ذلك قال ل ليليان

عمر :: انا عرفتلك نتيجتك يا ليليان

ليليان من توترها جريت عليه ومسكت ايده وهى ملاحظتش دا

ليليان :: ايه ونبى قول

عمر كان فرحان وهى ماسكه ايده :: جبتى امتياز يا ليليان الحمد لله

ليليان بفرحه :: الحمد لله الحمد لله يا وش السعد تسلملى يارب

اياد :: مبروك يا ليلو من نجاح الى نجاح يا قمرى

سيلا :: مبارك ليكى يا احلى دكتوره ...تعال يا إياد فى البلكونة سيبهم شويه

اياد :: تمام اتفضلى

بعد خروج اياد وسيلا جلست ليليان

عمر :: مبروك يا ليلو

ليليان :: الله يبارك فيك يا عمر بجد فرحانه جدا

عمر :: وانا بقا فرحان ليكى وعشانك بس ريحه برفان بتاعك حلو

ليليان :: برفان ايه انا مش حاطه برفان

عمر :: اومال ايه الريحه الحلوه إللى فى ايدى دى

ليليان :: دى ريحه الكريم إللى بحطه ممكن بس ايه إللى جابو على ايدك دا انا مسلمتش عليك

عمر :: آه ما انا عارف ما انتى مسكتى ايدى لما عرفتى النتيجه وانا فرحان عشان كدا

ليليان بصدمه وذهول :: انا محصلش انا انا ممسكتش ايدك يا اخويا

عمر :: اخوكى !!!!! نهارك اسود قومى يا بت قومى

ليليان بضحك :: هههههههه طب ما تزوقش طيب

رحل عمر واياد واتصلت ليليان على اصدقائها

ليليان :: مسا مسا عليكو يا جدوعان ههههههه

الاء :: ليلو انا جبت امتياز الحمد لله

شفق :: وانا كمان يا عيال والنعمه انا جبت امتياز ببركه دعاء الحاج والحاجه هههههههههه

امانى :: انا بقا جبت امتياز الحمد لله و محمد هو إللى جابلى النتيجه كمان

ليليان :: وانا برده جبت امتياز الحمد لله وعمر جابلى النتيجه هههههههههه

الاء بغمزه :: ايوا يا عم ماشيه معاك حلاوه هههههه

شفق :: طب انا هقفل يا بنات عشان ادهم بيتصل

ليليان :: ماشى يا ختى روحى وانا كمان هروح انام

امانى والاء :: باى يا حببتى

اغلقوا المكالمه وذهبت ليليان لتنام

عند شفق ادهم اتصل عليها وكانت فى الشرفه تتحدث اليه

ادهم :: مبروك على النجاح يا شفق

شفق :: الله يبارك فيك يا ادهم اخبارك ايه

ادهم :: بخير الحمد لله وبقيت احسن لما سمعت صوتك

شفق :: عايزه اسألك سؤال ممكن

ادهم :: طبعا براحتك يا باشا

شفق :: انت جيت اتقدمت ليا ليه

ادهم :: هتعرفى بعد كتب الكتاب أن شاء الله

شفق :: تمام يلا عايز حاجه هقفل بقا

ادهم :: عايزك تكونى بخير مع السلامه

اغلق ادهم الخط وسرح في ملامح شفق وقال فى نفسه ( ااه لو تعرفى انا بعشقك قد ايه يا شفق والحمد لله انك من نصيبى ومكتوبه ليا يا حببتى )



بعد مرور سنتين ولم يحدث اى جديد أثناء السنتين
غير أن شقق ليليان والاء وامانى وشفق بيجهزوها وانهوها كليا لكن منقلوش العزال فيها
وعمر وأياد وفارس انهوا سنواتهم فى كليه الحربيه
وادهم و مروان انهوا سنواتهم فى كليه الشرطه

فى صباح يوم جديد أثناء آذان الفجر استيقظت ليليان وايقظت سيلا وصلوا الفجر وقراوا وردهم اليومى وظلوا مستيقظين

فى الساعه التاسعه صباحا ليليان وسيلا كانوا بيجهزوا الفطار وسمعوا رنين جرس الباب

سيلا :: ليلو روحى انتى افتحى وانا هكمل الفطار

ليليان :: حاضر
ذهبت ليليان لتفتح الباب ولكن قبل أن تفتح تذكرت كلام عمر لها الذى قاله لها فى الماضى
( اياكى اشوف شعره من شعرك برا الطرحه يا ليليان ) قبل أن تفتح الباب نظرت في المرايه وعدلت من حجابها وفتحت الباب وجدت اياد

ليليان :: اياد اتفضل

اياد :: فين سيلا وعمى محمود

سيلا :: مالك يا إياد فى حاجه حصلت ولا ايه

محمود :: مالك يا بنى اهلك كويسين؟؟

ليليان :: فى ايه يا إياد مالك

اياد بحزن :: عمر يا ليليان

ليليان بخوف :: عمر!!!! عمر ماله يا إياد انطق

اياد بحزن شديد :: بس اتمالكى اعصابك ونبى

ليليان بخوف وبدموع :: قول عشان خاطرى ماله

اياد :: واحنا في الخدمه انا سبته وروحت اعمل حاجه وبعدين سمعنا صوت انفجار روحت اشوف ايه لقيت المكان إللى عمر إللى هو الوحده إللى واقف فيها هى إللى اتفجرت وفيه ظباط ماتوا بس لقينا عمر الأنفجار طيره بعيد شويه روحنا لقينه قاطع النفس ونقلناه المستشفى علطول وبصراحه حالته مطمنش وهو عايز يشوف ليليان

ليليان بصدمه وبكاء :: ايه طب بسرعه ونبى

نزلوا جميعا وذهبوا إلى المستشفى
وصلت ليليان ونزلت وكانت بتجرى راحت هناك وجدت الكل واقف بيبكى

ليليان ببكاء :: لو سمحت يا دكتور عايزه اشوفه

الدكتور بحزن على حالها :: اتفضلى ادخلى

دخلت ليليان وانصدمت من شكل عمر هذيل وضعيف ويوجد به جروح كثيره ومن حوله اجهزه عديده

عمر بصوت ضعيف :: ليليان تعالى

تقدمت ليليان نحوه لكن ببطء شديد وكانت بتبكى وجلست بجوار السرير

عمر بوهن :: ششش متعيطيش يا ليلو انا كويس عايزك قويه

ليليان ببكاء :: عمر انا مش هبقى قويه غير بيك قوم

عمر بضعف شديد :: لا يا ليليان انتى هتبقى قويه بس من غيرى....ليليان امسكى ايدى ممكن

ليليان ببكاء ومسكت يده :: قوم يا عمر احنا هنقوى ببعض بس قوم عشان خاطر ليلو

ليليان وهى تتحدث جهاز ضربات القلب عمل صوت صفيرر وتوقف ويده عمر وقعت من بين يد ليليان

ليليان بصدمه :: لا لا عمر لا قوووم يا عمر عمررر

فى الخارج سمعوا صوت ليليان ودخلوا

الدكتور مسك جهاز انعاش القلب وضغط به على قلب عمر عده مرات ولكن لا فائده وهذا كله امام عيون ليليان

الدكتور بحزن شديد :: البقاء لله الحاله ماتت

ليليان بصدمه :: لاااااا عمرررررررر

استوووووووب
ياترى عمر مات ؟؟؟؟
ياترى حكايه حب ليليان وعمر كدا انتهت ؟؟؟؟
ياترى ليليان هتعيش بقيه عمرها من غير حبيبها؟ ؟؟؟

رواية عشقته صدفه الفصل التالي

تصفح قسم روايات كاملة

"اشتركوا الآن لتصلكم أحدث الفصول والتنبيهات فور نشرها"

زيارة قناتنا على تليجرام

زيارة قناتنا على واتساب

زيارة قناتنا على فيسبوك