رواية عشقته صدفه الفصل الرابع والعشرين 24 بقلم شروق محمود

الفصل الرابع والعشرين

وقفنا البارت إللى فات لما فارس طلب إيد الاء ووقف امامها وقال لها........

فارس :: تقبلى يا الاء تكملى حياتك معايا وتكملينى وتبقى نصى التانى ولو مش موافقه والله ما هزعل بس ردك دلوقت وقدامك الكل

الاء صمتت قليلا ثم قالت :: إللى بابا شايفه

فارس :: لا انا عاوز رد موافقه ولا لأ

محمد :: ما هى معناها موافقه يا غبى

فارس :: لا انا عايز اسمعها منها هى ها يا الاء

الاء :: احم موافقه

فارس بفرحه :: طب نلبس الدبل دلوقت بقا بعد اذنك يا عمى أحمد طبعا

احمد :: طب مش شايف ان كدا بنستعجل يا بنى انتو متعرفوش بعض كويس

فارس :: لا مش استعجال ولا حاجه وفتره الخطوبه نعرف بعض مش مشكله

احمد :: انا موافق يا بنى بس الرأى الاول والاخير ل الاء برده ....ها يا الاء رأيك ايه

الاء بخجل وفرحه فى نفسها :: إللى حضرتك تشوفه يا بابا

احمد :: يبقى على خيره الله بس فين الخاتم يا فارس

فارس اخرج من جيبه علبه يوجد فيه خاتم وقال

فارس :: الخاتم موجود يا عمى متقلقش

عمر :: دا انت مخطط ومجهز بقا هههههههههه

فارس :: اه واسكت بقا

بدأ فارس فى تلبيس الدبله إلى الاء وهى كذلك وهاهو اكتمل قصه حب ثالثه ........
بعد انتهاء حفله خطوبه امانى ومحمد والاء وفارس ذهب كل شخص إلى منزله .........



فى صباح يوم جديد أثناء آذان الفجر استيقظت ليليان وايقظت سيلا وصلوا الفجر وقراوا وردهم اليومى وناموا...........

مع مرور الأيام واقترب الترم الثانى من السنه الثانيه لهم في الجامعه وسافر عمر وفارس واياد الى الكليه الحربيه
و مروان وادهم سافروا إلى كليه الشرطه
وليليان و امانى والاء وشفق سافروا إلى الإسكندرية ومحمد الى جامعه اسكندريه أيضا..........

فى شقه ليليان واصدقائها فى الاسكندرية

ليليان :: انتى يا بت مش انتى لسه مخلصه طبق سندوتشات زى دا من خمس دقايق

شفق :: ما انا عشان أركز في المذاكره

الاء :: انتى بتذاكرى بعقلك ولا ببطنك يا بت

امانى :: هاتى سندوتش طيب يا حجه

ليليان :: دا انتى يا شفق حالتك صعبه اوى يعنى مفجوعه وسنجل وبائسه

شفق :: السنجله جنتله يا بنتى هو انا ناقصه وجع قلب و دماغ انا اقوم براحتى والبس براحتى وأخرج براحتى برده مفيش بقا حد يتحكم فيا ويقولى لا اقعدى متخرجيش او متلبسيش.....انا كدا دماغى رايقه يا ستى

ليليان :: يا هبله نظريتك دى غلط علفكره بصى يا شوشو اولا كدا انتى طالما فى بيت والدك هو مينفعش يتحكم فيكى انتى مش فى عصمته عشان يقولك البسى كذا ومتلبسيش كذا طالما انتى فى بيت والدك يبقى المسئول عنك هو باباكى بس دا فى فتره الخطوبه لكن بقا لو كتب كتاب مثلا لا فى الحاله دى يعلق على لبسك بس لو ضيق ومش كويس ودا هيبقى حقه طبعا لكن بقا لو لبسك محتشم وواسع وقالك حاجه وعلق عليه يبقى كدا هو عايز يتحكم فيكى وخلاص ...ثانيا بقا مفيش وجع قلب او دماغ لو كنتو بتحبو بعض وبتحترموا بعض وفى ما بينكم ود واحترام وحب ودا كله طبعا فى حلال ربنا وعلى حكايه متخرجيش دى..ما انتى مثلا مينفعش يكون وراكى حاجات واشغال فى بيتك وتخرجى دا انتى كدا تبقى مهزئه سورى فى الكلمه يعنى ...لكن بقا لو فاضيه قوليلو عايزه اخرج وهو اكيد مش هيمانعك....صح ولا لأ يا ست شفق

شفق :: صح يا ليلو هو بعد الكلام دا ومعقول هقولك غلط دا انا ابقى هبله

امانى :: احنا المفروض نسميكى الحكيمه ليلو هههههههههه مش الدكتوره ليليان

الاء :: مع انك هبله بس كلامك حكم يا ليلو هههههههه

ليليان :: طب بس بقا بطلو رغى عشان نذاكر الإمتحانات قربت وهنسقط

شفق :: طب انا هعمل قهوه اعمل لحد معايا

ليليان :: آه انا واعمليها سكر زياده بليززز

امانى والاء :: واحنا زى ليلو يا شوشو

ذهبت شفق لتحضر القهوه وبعد ذلك جلسوا في الصالون يذاكروا
استمرت المذاكره لحين آذان الفجر

ليليان بارهاق :: انا هقوم اصلى الفجر وانام مش قادره اذاكر تانى

الاء :: واحنا كمان يلا يا بنات

امانى :: طب حد يصحى شفق إللى نامت على نفسها دى ويدخلها اوضتها و
قطع كلامها رنين هاتفها ونظرت إلى المتصل وجدته محمد

الاء :: مين يا منمن إللى بيرن فى الوقت دا

امانى بخفوت :: دا محمد

ليليان بغمزه :: الله يسهلو يا عم هههههههه يلا يا لولو ندخل احنا

دخل ليليان والاء وشفق غرفهم وذهبت امانى الى الشرفه

امانى :: السلام عليكم ورحمة الله وبركاته

محمد :: وعليكم السلام ورحمة الله وبركاته إزيك يا امانى صحيتك من النوم

امانى :: بخير الحمد لله..لا انا كنت صاحيه بذاكر اصلا بس غريبه تتصل فى الوقت دا

محمد :: قولت اصحيكى تصلى الفجر لو مش هضايقك يعنى

امانى :: لا لا ابدا مفيش ازعاج وانا اصلا بصحى اصلى الفجر كل يوم ولو مصحتش ليليان بتصحينى

محمد :: ربنا يبارك فيكى يا امانى يلا عاوزه حاجه

امانى :: عايزه سلامتك مع السلامه

اغلقت امانى الخط وكانت فرحانه جداا لأن حست باهتمام محمد بيها ولأنه بيقوم يصلى الفجر زيها وبيشجعها على طاعه الله وفى الوقت دا قلقها انتهى تماما وفعلا شافت في محمد الزوج الصالح......
دخلت غرفتها وصلت فرضها ونامت وكذلك عند ليليان والاء وشفق ........


ومرت الأيام
فى يوم جديد
يوم اول امتحانات الترم الثانى
بعد خروج ليليان واصدقائها من الامتحان .

ليليان :: انا حاسه انى عكيت عك السنين والله

شفق :: الحال من بعضه يا اوختشى ههههههههه

امانى :: إن شاء الله خير يا جماعه

الاء :: يلا نروح عشان نلحق نخلص مذاكره ماده بكره يلا

ليليان وامانى وشفق :: يلا يا لولو

ومع مرور الأيام وانتهت فتره الإمتحانات وانتهت السنه الثانيه بأكملها وغادروا الى القاهره

فى منزل ليليان دخلت المنزل وجدت إبراهيم وليلى وعمر وأياد
فى الصالون مع محمود

ليليان بفرحه :: ازيكو وحشتونى جدا كلكو وآلله

ليليان سلمت على الكل لكن لم تسلم على عمر باليد وجلست بجوار سيلا

سيلا بخبث ومالت على أذن ليليان :: انتى تقصدى وحشتونى كلكو مين بالظبط

ليليان :: يعنى ايه مش فاهمه

سيلا بخبث :: يعنى تقصدى عمر من ضمن إللى وحشوكى ههههههههه

ليليان بخجل :: بس يا رخمه انا مقولتش حاجه

سيلا ضحكت بصوت عالى و الكل انتبه ليها وقال لها محمود :: بتضحكى على ايه يا سولى

سيلا تحاول أن تكتم ضحكتها :: اصل ليليان بتقول وقبل ما تكمل جملتها ليليان ضربتها لكن لم يراها أحد

سيلا وهيا تحاول تكتم ضحكتها :: اصل ليليان بتقول انها جعانه هو البيت دا مفيهوش اكل هههههههههه

آيات :: مفجوعه والله وياريت بييان عليكى يا ختى ههههههههههههه

ليليان :: طب يلا ناكل ونبى يلا

محمود :: يلا يا جماعه بدل ما ليليان تكلنا



عند امانى

كانت فى غرفتها بتتكلم فى الهاتف وكان المتصل محمد ........

امانى :: وصلت من شويه كدا وانت

محمد :: حمد لله على السلامة وانا برده لسه واصل بقولك مش عايزه تخرجى

امانى :: خليها يوم تانى عشان مش قادره انهارده

محمد :: ماشى مفيش مشكله يلا اسيبك بقا هروح اصلى المغرب

امانى :: ماشى مع السلامه

أغلقت امانى الخط وقامت صلت فرضها ونامت



عند الاء
كانت هى وفارس قاعدين في مطعم على النيل

فارس :: قوليلى بقا بتحبى ايه وبتكرهى ايه

الاء :: من حيث ايه بالظبط

فارس :: كل حاجه عايز اعرف كل حاجه عنك

الاء :: امممم انا بحب اللون الاسود وبحب الشيكولاته اوى بص انا بحب حاجات كتير جدا لو قعدت اقول مش هتخلص وانت

فارس :: هقولك انا بحب ايه بس بعد كتب الكتاب أن شاء الله ماشى

الاء :: ماشى مفيش مشكله ممكن نروح عشان منتاخرش

فارس :: آه طبعا اتفضلى يلا

غادروا و ذهبوا إلى منازلهم



عند شفق
كانت جالسه في شرفه غرفتها ووجدت والدها دخل إليها

سعيد :: ممكن اقعد مع القمر لو مش هيضايق

شفق :: تعال يا بابا اتفضل

سعيد :: وكبرتى يا شوشو وفى عريس متقدملك

شفق :: تانى يا بابا

سعيد :: انا واثق انك هتوافقى المرادى

شفق :: طب اسمه ايه وبيشتغل ايه

سعيد كان هيقول بس طلبوه فى الشغل

سعيد :: هقولك بعدين يا شوشو عشان لازم امشى دلوقت يلا مع السلامة يا قمرى

شفق :: مع السلامه يا بابا

بعد مغادرة سعيد دخلت شفق وجلست على المكتب وفتحت دفتر مذكراتها وكتبت

" انا اكتفيت فيك و اختصت المشاعر بيك وحدك انت مني وانا لك للأبد ."

" احبك بصمت ، انتبه تفهم صمتي بأنك مش على بالي ."

" انا مغرمه فيك بس استصعب الأعتراف ."

وبعد كتابه هذه الخواطر قامت لكى تنام ........



عند ليليان وسيلا

سيلا واياد كانوا قاعدين في الصالون
وليليان وعمر في الشرفه

عند سيلا واياد.

اياد :: فاضلى سنه ونكتب الكتاب يا سيلا اخيرا

سيلا :: هانت يا إياد هانت ما انا كمان لسه فى دراستى عادى يعنى

اياد :: طب ناولينى البسبوسة دى بدل ما انتى قاعده كدا اعملى حاجه مفيده

سيلا بضحك :: حاضر اتفضل هههههههههه

عند ليليان وعمر

عمر :: عامله ايه يا ليليان

ليليان :: بخير الحمد لله عايزه اقولك على حاجه

عمر :: قولى اتفضلى

ليليان :: انا بكتب خواطر ليك بس مش هتخدها إلا بعد كتب الكتاب

عمر :: اممممم دى كانت مفاجأه ولا ايه

ليليان :: جزء من المفاجآت دى بس إللى قولتلك عليها عشان انا عايزه اقولك بس هههههههههه

عمر :: وانا كمان عملك مفاجأه

ليليان :: ايه هى بص قول ايه هى ووقتها هعمل نفسى متفجاه .

عمر :: لا متحاوليش يلا انا همشى بقا مع السلامه

ليليان :: مع السلامه

غادر عمر واياد وسيلا وليليان خلدوا الى نومهم......



فى صباح يوم جديد
اليوم الذى سيأتي فيه العريس التى تقدم لشفق
فى غرفه شفق

شفق :: هطفشه والنعمه

الاء :: بطلى عبط يا بت

امانى :: يا بنتى انتى هتشوفيه بس

ليليان :: شفق بطلى هبل بقا واعقلى شويه خدى الموضوع جد شويه وويلا اتفضلى اطلعى

شفق بتذمر :: حاضر حاضر

اخذت شفق صينيه العصير من والدتها ودخلت الى الصالون

سعيد :: تعالى يا شفق يا حببتى ...انا هسيبكو شويه مع بعض يا بنى

خرج سعيد ومع كل خطوه كانت تتقدمها شفق كانت ضربات قلبها تتزايد وتتزايد وبعد ذلك جلست امام العريس المجهول في وجهه نظرها هى

العريس :: ازيك يا شفق

نظرت شفق الى مصدر الصوت لأنها تعرفه واتصدمت كثيرررا

شفق بصدمه :: انت !!!!!!!!!

ياترى مين العريس ؟؟؟؟؟
وليه شفق انصدمت؟ ؟؟؟؟؟
وياترى هو مروان ولا شخص تانى ؟؟؟؟
ولو طلع مروان هتوافق ولا هترفض ؟؟؟؟
و لمين كتبت الخواطر ؟؟؟؟
هنعرف فى الفصل الجاى ان شاء الله

رواية عشقته صدفه الفصل التالي

تصفح قسم روايات كاملة

"اشتركوا الآن لتصلكم أحدث الفصول والتنبيهات فور نشرها"

زيارة قناتنا على تليجرام

زيارة قناتنا على واتساب

زيارة قناتنا على فيسبوك