رواية عشقته صدفه الفصل الثاني والعشرين 22 بقلم شروق محمود

الفصل الثانى والعشرون

وقفنا البارت إللى فات لما ليليان وسيلا و محمود دخلوا الشقه لم يجدوا آيات وبحثوا عنها فى جميع أنحاء المنزل لم يجدوها
سيلا دخلت المطبخ و انصدمت مما رأته

سيلا بصدمه :: اييييه داا!!!!! ليليان تعالى بابا

ليليان :: ايه دا المطبخ متبهدل كدا ليه

محمود :: انا بدأت اقلق كدا مش طبيعى انا هتصل بيها و

قطع كلامهم رنين جرس الباب وليليان راحت تفتحه
ليليان فتحت الباب ووجدت آيات

ليليان بدموع :: ماما وحشتينى اوى

آيات بدموع :: ليليان بنتى وحشتينى يا حببتى مالك يا ليليان راسك ملفوفة بشاش ليه يا حببتى

ليليان بدموع :: حادثه يا ماما اقعدى بس وانا هحكيلك كل حاجه

جلسوا جميعا وقصوا كل شئ حدث مع ليليان وبعد انتهاء الحديث

آيات بدموع :: يا حببتى يا بنتى والله كنت حاسه ان فيكى حاجه انا قلبى مكانش مطمن عليكى واتصلت كتير على محمود وسيلا بس محدش كان بيرد

ليليان بدموع :: انا إللى قولتلهم ميقولوش ليكى حاجه يا حببتى عشان عارفه انك مش هتستحملى حقك عليا انى عيشتك فى القلق والتوتر دا

آيات بدموع وحضنتها :: بس يا هبله امال لو مخوفتش ومقلقتش عليكى اقلق على مين يعنى دا انتى حته منى يا ليليان حمد لله على السلامة يا حببتى الحمد لله انك بخير يا حببتى الحمد لله

ليليان :: الله يسلمك يا حببتى وحشتينى اوى اوى

آيات :: وانتى وحشانى يا روح قلبي

سيلا :: باااااس ننهى فقره العشق الممنوع دا بقا ممكن يا انسه ليليان ممكن يا مدام آيات

محمود :: وحشانى يا آيات

آيات بسعاده وخجل :: وانت كمان يا محمود كلكو وحشتونى

سيلا :: اومال المطبخ متبهدل كدا ليه يا ماما

آيات :: فار يا ختى كان فى الشقه وطلعت للجيران عشان يضربوه وعلى ما ضربوه بهدلوا المطبخ

ليليان :: هههههههههه فار يعمل دا كله

سيلا :: يلا يا ليلو تعالى ارتاحى شويه

ليليان :: يلا يا سولى

دخلوا غرفتهم و بدلوا ملابسهم وناموا



عند عمر وادهم ذهبوا إلى المنزل

عمر :: ازيكو يا أهل الدار

ليلى :: عمر وحشتنى يا حبيبى ....ازيك يا ادهم

ادهم :: بخير يا عمتو الحمد لله ..هى ماما فى الشقه فوق

ليلى :: اه يا حبيبى اطلع ارتاح وغير هدومك وانزل انت وهى عشان هنتغدى مع بعض

ادهم :: حاضر عن اذنكو

عمر :: اتفضل يا أدهم....اومال فين بابا يا ماما

ليلى :؛ فى الشغل يا عمر ماهو شايل شغل عمك محمود كمان

عمر :: طب انا هدخل ارتاح شويه و صحينى لما بابا وعمتو تيجى

ليلى :: ماشى يا حبيبى ادخل



بعد مرور عده أشهر واتحسنت ليليان جدا وبدايه السنه الجديده

فى اسكندريه فى شقه ليليان واصدقائها
فى صباح يوم جديد أثناء آذان الفجر استيقظت ليليان وايقظت امانى والاء وشفق وصلوا الفجر وقراوا وردهم اليومى وناموا

فى الساعه التاسعه استيقظوا جميعا وارتدوا ملابسهم ونزلوا ليذهبوا الى الجامعه

بعد انتهائهم من المحاضرات تجمعوا في كافيه الجامعه

ليليان :: كان يوم متعب اوى انهارده

امانى :: تحسى الدكاتره بتنتقم مننا مش بيدرسوا لينا هههههههه

الاء :: انا هعتزل الدراسه ودونى على بيت حبيبى

شفق :: احنا بنتهان يا جماعه وآلله

ليليان :: ربنا يسامحهم ربنا على المفترى ويلا عشان نشترى اكل ونروح

امانى :: يلا عشان جعانه جداا

شفق :: هنشترى ايه نفسك في ايه يا لولو

الاء :: نفسى فى فراخ مشوية اوى

ليليان :: الله عليكى يا لولو يلا نجيب بقا

ذهبوا واشتروا الطعام ( الفراخ المشوية على مزاج لولو ) و ذهبوا إلى البيت.......

مع مرور الأيام واقتربت امتحانات الترم الاول ذهبوا إلى القاهره فى أجازه.

فى منزل امانى
دخلت المنزل وألقت السلام على والدتها ووالدها
وكانت ستدخل غرفتها ولكن اوقفها نداء والدها

والدها ويدعى ( شريف ) :: امانى صلى وغييرى عشان عايزك في موضوع

امانى :: حاضر يا بابا ثوانى وجايه

دخلت امانى غرفتها بدلت ملابسها وتوضات وصلت فرضها وخرجت الى والدها

امانى :: نعم يا بابا

شريف :: طبعا يا حببتى انتى كبرتى وبقيتى عروسه قمر اهو وفى عريس متقدملك

امانى اول ما قال كلمه عريس اتوترت واتى في بالها ( محمد ) :: مين يا بابا حد احنا نعرفه

شريف :: قولى الأول انتى موافقه علي الفكره نفسها ولا لأ

امانى :: معنديش مشكله يا بابا بس المهم هو يكون كويس

شريف :: من ناحيه كويس فا هو كويس و محترم كمان واى بنت تتمناه

امانى :: طب اسمه ايه وبيشتغل ايه

شريف :: اسمه .....
وقطع كلامه رنين هاتفه وقال ل امانى :: طب يا حببتى روحى انتى وهبقى اقولك بعدين وعلفكره هيجى بعد بكره

امانى :: ماشى يا بابا عن إذنك

قامت امانى ودخلت غرفتها وجلست تفكر من هو العريس وكيف يكون وهل هى تعرفه ام لا
ظلت تفكر الى ان غلبها النوم



فى صباح يوم جديد أثناء آذان الفجر استيقظت ليليان وايقظت سيلا وصلوا الفجر وقراوا وردهم اليومى وناموا

فى الساعه التاسعه صباحا استيقظت ليليان وسيلا وخرجوا من غرفتهم وجلسوا يفطروا وهم جالسين سمعوا رنين جرس الباب

محمود :: افتحى يا ليلو

ليليان :: حاضر يا بابا

قامت ليليان فتحت الباب ووجدت عمر

ليليان بفرحه :: عمر ازيك شكلك لسه نازل اجازه عشان كدا جاى بالبدله

عمر بضيق :: هو انتى بتفتحى الباب عادى كدا لاى حد

ليليان باستغراب :: ليه فى ايه عادى يعنى

عمر بضيق :: فى أن شعرك باين من نص الطرحه إللى حضرتك لبساها

ليليان :: غصب عني مخدش بالى وبعدين انا عارفه انك إللى على الباب

عمر :: عارفه ازاى بقا

ليليان :: مش قصدى بالظبط بس يعنى حسيت انك انت إللى على الباب لكن شعرى مخدتش بالي

عمر بابتسامه :: اممم حسيتى طب هدخل ولا امشى

ليليان :: لا لا ادخل اتفضل بس علفكره البدله حلوه

عمر :: البدله حلوه ولا انا إللى حلو فى البدله

ليليان بتوتر :: ها لا انا قصدى إن البدله عجبانى انا بحب بدل الظباط وكدا

عمر :: طب مينفعش تحبى الظابط إللى لابس البدله

ليليان :: ممكن تبطل كلامك دا ويلا ادخل سلم على بابا و ماما وانا هعملك شاى

عمر بضحك :: حاضر هههههههههه هدخل اهو

جلس عمر معهم وقضى بعض الوقت وبعد ذلك رحل ....



فى صباح يوم جديد
فى اليوم الذى سيأتي فيه العريس التى تقدم لامانى

امانى تتحدث مع اصدقائها فى الهاتف :: تعالوا بسرعه ونبى انا لوحدى ومتوتره جداا

ليليان :: اهدى يا منمن هلبس واجيلك اهو

شفق :: منمن اسد يلا فى ايه هههههههههه

الاء :: هقول لبابا وماما والبس واجيلك يا منمن

امانى :: ماشى يا حبايبى وانتى يا زفته يا شفق مش حضرتك معايا في نفس العماره ما تطلعى يا ساقعه

شفق :: هههههههههه حاضر هطلع ليكى اهو

ليليان :: يلا هلبس واجيلك سلام

اغلقوا المكالمه وارتدوا ملابسهم وذهبوا إلى منزل امانى......
فى غرفة امانى
****************

ليليان :: اتهدى بقا خيلتينى

امانى بتوتر :: قلقانه اوى يا ليليان

ليليان :: طب ما انا جه عمر اتقدملى كنت متوتره آه بس مش اوى كدا يا منمن

امانى :: بس كنتى عارفه مين العريس لكن انا مش عارفه اى حاجه خالص

شفق :: بصراحه شكلك مضحك اوى يا منمن هههههههههه

الاء :: اسكتى احسنلك يا شوشو بدل ما تولع فيكى دى فاضلها شويه وتطلع دخان من ودانها

ليليان :: بس يا زفته انتى وهى عشان بجد الموضوع يوتر يارب اشوفكم فى الموقف دا و ...
قطع كلامها دق علي باب الغرفه ودخلت والده امانى وتدعى (ورده )

ورده :: يلا اجهزى يا منمن عشان العريس وصل

امانى بتوتر :: لا لا لا قوليلو يمشى مش هقابل حد

ليليان بضحك :: هههههههههه طب ما تقولى بالمره خدى الجاتوه او الشيكولاته منه وخليه يمشى

شفق :: يلا يا منمن بقا اهدى خالص ريلاكس

الاء :: سمى الله وادخلى وكل حاجه هتبقى تمام

ورده :: يلا يا حببتى خدى الصنيه دى وادخلى

امانى :: حاضر يا ماما

اخدت امانى الصينيه ودخلت الصالون وكانت تنظر إلى الأرض ولم ترفع عيونها في الاشخاص وسمعت صوت و خمنت انها والده العريس

والده العريس وتدعى ( هدى ) :: بسم الله ما شاء الله تعالى يا حببتى اقعدى جنبى

والد العريس ويدعى ( أشرف ) :: تبارك الله ربنا يحفظك يا بنتى.....احنا جايين انهارده يا استاذ شريف عشان نتشرف ونطلب ايد الانسه امانى

شريف :: ليا الشرف يا استاذ أشرف بس الرأى الاول والاخير ل امانى بنتى

أشرف :: طب ممكن نسيبهم مع بعض شويه

شريف :: اه طبعا اتفضلوا معايا

خرجوا وتبقى فى الغرفه امانى والعريس التى تجهل هويته إلى الآن واستغربت لأنه لم يتحدث أبدا
وقالت لنفسها ( هو متكلمش ليه لحسن يكون اخرس ولا حاجه طب اقوم امشى ولا ايه انا هيغمى عليا من التوتر والنعمه )

العريس :: احم شكلك حلو بالفستان علفكره

امانى اول ما سمعت صوته قلبها دق بسرعه شديده ونظرت إليه فجأه :: محمد

محمد :: هو انا اسمى حلو كدا

امانى بخجل :: احم اصل تفاجأت مكنتش اعرف انك العريس بابا مقاليش

محمد :: طب كويس انه مقالش اهو خلاكى تقولى اسمى من غير أستاذ

امانى :: انت جيت اتقدمت ليا ليه ؟؟؟

محمد :: يعنى ايه مش فاهم

امانى :: ايه إللى خلاط تيجى انا فكرتك من كلامى معاك على موضوع الحب والارتباط وكدا هتاخد فكره عنى أنى معقده وكدا

محمد :: لا علفكره بقا دا انتى كبرتى فى نظرى ونظريتك دى انا مقتنع بيها ميه في الميه ومش معقده خالص دا الصح والمفروض كل بنت تعمل كدا وعلى موضوع جيت اتقدمت ليكى ليه هقولك سبب دلوقت والباقى بعد كتب الكتاب

امانى بخجل من نظراته :: طب هو ايه السبب

محمد :: انى ارتحت ليكى جداا وحسيت ان تفكيرنا واحد وبس بقا عشان ملبخش فى الكلام خلى الباقى بعد كتب الكتاب زى ما قولتلك

امانى :: طيب تمام عايز تعرف اى حاجه عنى

محمد :: الأيام معانا كتير نبقى نعرف كل حاجه عن بعض

امانى :: وانت ايه إللى خلاك واثق انى هوافق

محمد :: بصى هتصدقى لو قولتلك انى جاى اصلا وواثق انك هتوافقى مش عارف الاحساس دا جه منين بس اتمنى انك توافقى عشان لو موافقتيش انتى حره

امانى :: هتعمل ايه يعنى

محمد :: مش هعمل حاجه هخلينى اتقدم ليكى كل شويه بصى من الآخر كدا يا بنت الحلال انتى ليا انا وبس ومش هسيبك لحد تانى متفقين

امانى بخجل وتوتر من كلامه :: احم طب بعد اذنك بقا و ردى هيوصلك مع بابا

محمد :: امانى الفستان حلو عليكى علفكره

امانى :: احم شكرا عن إذنك

غادر محمد مع والده ووالدته وغادروا ليليان وشفق والاء ودخلت امانى الغرفه وصلت استخاره وجلست فى الشرفه وحدثت نفسها
( طب انا خايفه و قلقانه كدا ليه طب ارفض ولا اوافق انا حيرانه اوى انا هقوم اصلى استخاره تانى وانام ) ..........

قامت امانى صلت استخاره مره ثانيه وبعد ذلك خلدت الى النوم .........



عند شفق فى غرفتها كانت جالسه في الشرفه بترسم
** ملحوظه ( شفق بتعرف ترسم كويس جدا ) وفجاه رن هاتفها برقم مجهول

شفق :: السلام عليكم مين معايا

الشخص :: وعليكم السلام شفق معايا

شفق باستغراب :: ايوه مين حضرتك

الشخص :: انا هقولك انا مين بس ياريت متقفليش الخط ممكن

شفق :: هو حضرتك هتستظرف اخلص قول مين

الشخص :: انا مروان

شفق :: مروان !!!!!! وجبت رقمى منين حضرتك

مروان :: مش صعبه عليا يعنى كنت عايزك في موضوع ممكن

شفق :: موضوع !!! موضوع ايه إللى الساعه 1 بليل هو انت اعمى مشوفتش الساعه وموضوع ايه إللى يخليك تتصل بيا اساسا او تتجرأ وتتصل بيا وعلفكره مينفعش نتكلم مع بعض انتى متقربليش اى حاجه او ليك صله بيا عشان تتكلم معايا ولو سمحت اعمل للنمره بتاعتى بلوك ومتتصلش بيا تانى عشان لو اتصلت تانى هتصرف تصرف مش هيعجبك سلام

قالت شفق هذا الكلام واغلقت الخط فورا
شفق بضيق :: ايه الارف إللى على آخر الليل دا اوووف طب والله ما انا مكمله الرسمه وهقوم انام بس



عند مروان
كان مذهول من قوه و رد فعل شفق وكان يخطر بباله هل هذه الفتاه الهادئه التى كانت امامه في اسكندريه يا الله يا لها من قويه ؟؟؟؟؟؟؟

مروان يقول فى نفسه ( ايه البت دى لسانها مبرد دا انا ملحقتش اقول حاجه جت هبت فيا زى البوتاجاز كدا ليه اوووف انا هقوم انام احسن )



فى صباح يوم جديد استيقظت ليليان وسيلا وخرجوا وجلسوا مع آيات فى الصالون
وهم جالسين سمعوا رنين جرس الباب

آيات :: قومى افتحى يا سولى

سيلا :: حاضر يا ماما

فتحت سيلا ووجدت اياد

اياد بابتسامه :: ازيك يا سيلا عمى محمود هنا

سيلا :: الحمد لله يا إياد....لا بابا مش هنا فى الشغل انت كنت عاوزه فى حاجه

اياد :: مش بالظبط كنت هستاذن منه اخدك ونخرج شويه

سيلا :: امممم طب اتفضل

اياد :: طب بصى ادخلى البسى وانا هتصل عليه يلا.....ازيك يا ليلو ازيك يا طنط آيات

آيات و ليليان :: بخير يا اياد الحمد لله

دخلت سيلا الغرفه وبدلت ملابسها وخرجت واياد اتصل بمحمود ووافق على خروج سيلا مع اياد وغادروا........
بعد خروج سيلا دخلت ليليان الغرفه وجلست على المكتب وفتحت دفتر مذكراتها وكتبت

" وحين بلغ حبك عنان السماء ، نبت لقلبي أجنحة .""

" ولاني أقتبس من عينيك طمأنينتي ، كنت اترك هذا العالم ينهار خلفي واختار الإلتفات إليك . "

وهى جالسه تكتب رن هاتفها وكان المتصل عمر

ليليان :: السلام عليكم

عمر :: وعليكم السلام ورحمة الله وبركاته...ممكن اعاكس

ليليان :: امممم تعاكس طب مش خايف خطيبتك تعرف

عمر :: لا خطيبتى طيبه وكيوت

ليليان :: لأ علفكره مش كيوت ومش طيبه ولو عرفت هطربقها فوق دماغك

عمر بضحك :: هههههههههه يا ساتر يا رب ازيك يا ليليان انتى عنيفه اوى كدا ليه هههههههههه

ليليان :: هههههههههه انا كدا لو كان عجبك يا حضره الظابط

عمر :: عاجبنى يا دكتوره اخبارك ايه

ليليان :: بخير الحمد لله وانت اخبارك ايه

عمر :: بقيت كويس لما سمعت صوتك

ليليان :: احم كنت عايز حاجه ولا متصل كدا وخلاص

عمر :: لا كنت حابب اطمن عليكي فيها مشكله دى ؟؟

ليليان :: اممم لأ مفيش مشكله هترجع الكليه امته

عمر :: بعد يومين ان شاء الله

ليليان :: ربنا معاك يارب ويلا سلام بقا عشان منرغيش كتير

عمر :: امممم طيب سلام مع ان كنت عاوز اتكلم معاكى بس تتعوض ان شاء الله سلام

ليليان :: مع السلامه.......

أغلقت ليليان الخط وأكملت كتابه الخواطر.......



فى منزل الاء

الاء :: ماما هنزل اشترى حاجه من الصيدله وجايه

والده الاء ( اسماء ) :: ماشى يا حببتى روحى

نزلت الاء وذهبت إلى الصيدله وجلبت ما تريده ورجعت العماره و دخلت الأسانسير وفى شخص دخل خلفها لكن لم ترى وجهه
صعد الأسانسير ولكن توقف فجأه

الاء بقلق :: ايه دا فى ايه

الشخص :: اهدى يا انسه هيتحرك اكيد دلوقت

الاء من خوفها بدأت تدوخ وكانت هتقع وسندت على الحائط

الشخص بقلق :: مالك يا انسه فيكى ايه

الاء نظرت إليه وعرفته لكن لم تظهر ذلك :: انا كويسه بس لازم اطلع من هنا و

وفجاه الأسانسير اتحرك مره ثانيه وصلوا الاء وهذا الشخص نفس الدور
خرج الشخص وكان ذاهب إلى الشقه المقابله لشقه الاء لكن اوقفه نداء الاء

الاء :: لو سمحت ...يا اسمك ايه

الشخص :: نعم

الاء :: فى ورقه وقعت من حضرتك

الشخص :: شكرا ليكى وعلفكره اسمى فارس

الاء اتوترت :: عن اذنك

دخلت الاء غرفتها وأغلقت الباب ووضعت يديها على موضع قلبها وجدته بيدق بسرعه وقالت لنفسها ( هو قلبى بيدق كدا ليه لا لا لا اكيد مش عشانه اووف يارب )



فى منزل امانى
ذهبت إلى الصالون وجدت والدها ووالدتها جالسين

امانى :: بابا انا قررت

شريف :: قرارك ايه يا حببتى وعلفكره اي كان قرارك مش هزعل ولا هغصب عليكى يا روحي

امانى اخذت نفس :: ..................

ياترى امانى هتقول ايه ؟؟؟؟؟؟.
ياترى هترفض ولا هتوافق ؟؟؟؟؟
وياترى ايه موقفها من مروان ؟؟؟؟؟؟؟؟
هنعرف فى الفصل الجاى ان شاء الله

رواية عشقته صدفه الفصل التالي

تصفح قسم روايات كاملة

"اشتركوا الآن لتصلكم أحدث الفصول والتنبيهات فور نشرها"

زيارة قناتنا على تليجرام

زيارة قناتنا على واتساب

زيارة قناتنا على فيسبوك