رواية عشقت ميمونه الفصل الثالث عشر 13 بقلم هاجر محمد

 عشقت ميمونة البارت الثالث عشر

الفصل الثالث عشر 

الأم ليست هي فقط من تنجب الأم هي من تربي هي من تمسح دمعه هي من تغرس حب هي من تتحمل ألم.. لم تكن أما عاديه بل كانت حائط قويا ترمي عليه حمولها لم تشعر مره أنها يتيمه بل كانت الأم والأب والأخت والصديقه والعائلة كم مره صرخت في وجهها وهي من تطبطب وتحنن كم أتمنى أن أراكي لحظه واحده لأعتذر منك عن كل لحظه أسأت لها في المعامله مر شهر علي فراقك وبمثابة عمر أاااه علي وجع الفراق يااارب الهمني الصبر فقد ضاق صدري وزاد وجع قلبي..... تنهدت ميمونه بأاااه عاليه موجوعه وهي تحتضن صورتها و:- آآآآآه ياماما ليه بعدتي عني هونت عليكي تفضلي طول المده دي من غير ما تشوفي ميمو حبيبتك ليه
ضمتها سجود التي لم تفارقها معظم الوقت و:- كفايا حرام اللي بتعمليه في نفسك ده
عشقت ميمونه. هاجر محمد. حبيبة
ميمونه ببكاء :- ليه سابتني ياسجود كان نفسها تشوفني دكتوره كانت دايماً تقولي امتي أشوف دكتوره ومسنوجه علي جوزك ولادك كانت دايمآ جانبي عارفه لما كنت صغيره وأقولها ياماما عاوزه أطلع رحله كانت تقولي لأ ما أقدرش أبعد عنك ليه كذبت عليه وبعدت عارفه انى زعلتها كتير بس ما تعاقبنيش بكده

زادت سجود من ضغتها وهي تضمها أكثر و:- مين قالك انها سابتك عمرها ما هتسيبك أبدا دايما هتكون حاسه بيكي بس إنتي لازم تصبري وتدعي لها بالرحمه ده اللي ينفعها وإحنا في شهر كريم والدعاء فيه مستجاب

اغمضت ميمونه عينيها بألم و:- ربنا يرحمك ياماما ربنا يرحمك ويجمعني بيكي في الجنه

:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/

في مكان آخر يجلس الأطفال يستمعون إلي صوت مالك وهو يقرأ القرأن وهم يرددون خلفه .. قاطعهم طرقات علي الباب.. أشار مالك إلى الأطفال أن تصمت واتجه ناحية الباب وما إن رأي همسه حتي نظر في الأرض و:- أهلاً ياأنسه همسه خير

توترت همسه مدعيه الخجل و:- أبدا يادكتور أنا بس بس كنت جايه اشكر حضرتك علي المجهود العظيم إللي بتعمله في المركز وكمان اتطمن علي ميمونه

استدار مالك نصف التفاته في الاتجاه المضاد لها :- أظن ان البيت مش بعيد علشان تروحي تطمني عليها بنفسك وكمان أنا قايل من البدايه ان مش عايز تدخل في شغلي لا من بعيد ولا من قريب والساعتين اللي باجي فيهم في اليوم ما حدش يدخل عندي من المدرسات صح

احمر وجه همسه من الإحراج والغضب وهزت إليه رأسها وغادرت بدون أن تتفوه بحرف وكذلك مالك أغلق الباب ودخل

:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/
عند صهيب دلف إلي داخل البيت قبل مدفع الإفطار بحوالي ساعه وكعادته ما ان يفتح الباب حتي نادي علي امه و:- ماما مامااا
أمينه من داخل المطبخ :- تعالي ياصهيب أنا هنا

توجه صهيب ناحية المطبخ و:- السلام عليكم

امينه وهي تعد الطعام :- وعليكم السلام ورحمة الله عملت ايه ياحبيبي عماله اتصل عليك من الصبح ومش بترد قلبي كان بياكلني عليك
عشقت ميمونه. هاجر محمد. حبيبة
جلس صهيب علي الكرسي بتعب وقبل يدها و:- الموبايل فصل شحن وكنت في موقع بعيد ما كانش في تغطيه
أمينه بحنان :- شكلك تعبان اطلع نام لحد أذان المغرب بس خد لك دش الأول وصلي العصر لو ما صليتش...... صحيح نسيت اقولك استني

صهيب بانتباه :- أيوه ياماما

آمينه :- عايزاك تحدد ميعاد مع أبو سجود نروح نقرأ الفاتحه
قضب صهيب حاجبه بدهشه و:- ماما إنتي بتتكلمي بجد ولا بتهزري
أمينه بجديه :- هو إيه الهزار في الموضوع ولا انت رجعت في كلامك ومش عاوز تخطبها

صهيب :- لا طبعا عاوز بس بس بس طنط حليمه لسه ميته ما كملتش شهر وإنتي

قاطعته امينه بصرامه و:- أنا عارفه أنا بقول إيه قولت حدد معاهم ميعاد علشان نروح نتفق

صهيب باعتراض :- ياماما ما ينفعش

امينه بحده وصوت عالي :- انت اللي هتعلمني إيه اللي ينفع وإيه إللي ما ينفعش ولا إيه

اخفض صهيب عينيه باسف و:- أسف ياماما مش قصدي

أمينه :- تعمل اللي قولت لك عليه

صهيب باستسلام :- حاضر ياماما بعد إذنك أنا طالع

:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/
أنهي مالك درس التحفيظ وخرج من المركز متجها إلى البيت وقبل خروجه من المركز لاحظ همسه تتحدث بصوت مرتفع ويبدو أن هناك شيئ ما تجاهل هذا إلا أن صوتها ارتفع وهي تبكي وتترجي ذلك الشخص الذي تحدثه و:- علشان خاطري يادكتور مش لازم حد من عندنا يعرف والله بابا ممكن يروح فيها.... أنا مش هينفع انتظم علشان إثارة الشكوك لكن اوعدك إني وقت ما هلاقي الظروف تمام هاجي لك علي طول... صدقني يادكتور والله ما فيش فايده ان حد يعرف
عشقت ميمونه. هاجر محمد. حبيبة
أثار الفضول مالك فاتجه ناحيتها وانتظر حتي انهت المكالمه وما أن استدارت حتي تفاجأت بوجود مالك وتوترت و:- د د كتور مالك... آسفه ما أخدتش بالي إنك واقف
مالك بدون أن يرفع عينيه من الأرض و:- أنا بعتذر مش قصدي اتصنت عليكي بس بالصدفه سمعت كلامك فلو فيه حاجه أقدر اساعد فيها مش هتردد

ترنحت همسه في وقفتها و:- ل لا م م ما فيش أ أنا ب ب.. ولم تكمل كلامها وسقطت علي الارض فاقده للوعي.. تفجأ مالك من هبدتها علي الارض وأسرع إلى الداخل لينادي علي أحد ولكن كان المكان فارغا ولم يعرف كيف يتصرف فلم يجد أي حل سوي أن يحملها... دخل بها إلى غرفة المكتب المخصصه له ووضعها علي الاريكه وحاول أن يوقظها دون أن رفع عنها النقاب ولكنها لم تستيقظ فاضطر إلي رفعه رغم ارتجافة جسده حتي أنه نسي كل ما درسه في الطب ولم يكن أمامه سوي صورة ميمونه ولكنه مجبر علي هذا...

فاقت همسه بعد عدة محاولات وهي تسعل بشده و:- أنا أنا اسفه بس مش عارفه إيه اللي حصل

نهض مالك سريعاً من جوارها واتجه خارج الغرفه و:- أنا هبعت حد ياخدك من أهلك سلام عليكم ورحل سريعاً.. فنهضت هي بعدها وعلي وجهها ابتسامة نصر و:- خلاص وصلت لنهاية اللعبه وأنا اللي هكسب... تؤ تؤ تؤ حرام ياميمو هتصعبي عليه اوي هههههههه هههههههه

:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/

وصل مالك إلى البيت وهو يشعر باختناق رهيب دق جرس الباب لانه يعلم بوجود سجود التي تسلم معه دوريات لتبقى مع ميمونه فتحت سجود الباب بدهشه و:- دكتور مالك إيه اللي رجعك بدري كده

مالك :- تعبت شويه ومش هقدر أروح المستشفى

همسه :- الف سلامه علي حضرتك اسيبك أنا مع ميمونه وأروح

ابتسم مالك ابتسامه بسيطه بامتنان و:- متشكر ياسجوذ تعبينك معانا
سجود :- لا طبعاً ده واجبي ميمونه اختي سلام عليكم
مالك :- وعليكم السلام ورحمة الله وبركاته... رحلت سجود وصعد مالك سريعاً الي غرفة ميمونه ليجدها كالعاده جالسه تتأمل صورة حليمه أسرع إليها وضمها بكل ما أوتي من قوه يريد أن يمحو أثر لمست تلك المدعوه همسه.. شعرت ميمونه بشئ عجيب فرفعت يدها وحاوطته بقلق و:- مالك انت كويس

زاد مالك من ضغطه عليها و:- محتاجك ياميمونه محتاجك أوي أوي
ابعدته ميمونه عنها ونظرت إليه بعينيها التي أصبحت الهالات السوداء تحيطها وامسكت وجهه بين كيفيها و:- في إيه ياملك مالك ياحبيبي
عشقت ميمونه. هاجر محمد. حبيبة
مالك :- ما فيش ياعمري بس حسيت إني محتاج اخدك في حضني وأريح نفسي بين اديكي

ضمته ميمونه مره اخرى و:- عارفه إني مقصره معاك وكمان سمعتك كلام قاسي بسبب موت ماما بس غصب عني والله أنا حاسه إني السبب في موتها وطلعت ذنبي عليك

رفع مالك رأسه وأمسك برأسها و:- إنتي مالكيش ذنب ماما حليمه حست إنها أدت رسالتها وسابتك وهي متطمنه عليكي وإذا كان عليه أنا فأنا عندي استعداد اتحمل كل حاجه في مقابل الراحه والسكينه وأمان العالم كله اللي بحسه بين ايديكي ونفسي ترجعي زي زمان.. عمرنا ما هننساها بس إنتي كده بتئذي نفسك

ميمونه بدموع :- مش قادره يامالك حاسه إن الموت آخدها مني غدر كل ما أفكر إني مش هشوفها تاني إني لما الجامعه تبدأ مش هتصحيني وتدعي لي وأنا ماشيه.. مش هتتخانق معايا علشان أسوق العربيه براحه وتاخد المفاتيح مني وتقولي أنا ما عنديش غيرك يابنتي خدي بالك من نفسك علشان خاطري ه ه
أجهشت ميمونه في البكاء بشده.. سارع مالك بضمها وهو يربت علي ظهرها ليدهئها حتي نامت أراح ظهره علي الفراش وتمدد وهي داخل أحضانه كل منهما يستمد الأمان من الاخر

:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/

في ميلاد قرآن فجر جديد استيقظ مالك وجهز السحور وذهب لإيقاظ ميمونه و:- ميمونه... يلا ياحبيبتي علشان السحور
ميمونه بتعب :- معلشي يامالك سيبني نايمه مش قادره اقوم
أزاح مالك الغطاء عنها و:- يلا ياعمري بلاش كسل أنا جهزت السحور وكده كده هتقومي للصلاه.. وأمسك بيدها يساعدها علي النهوض
قامت ميمونه وما إن وقفت حتي ترنحت واختل توازنها لحق بها مالك سريعاً و:- مالك ياميمونه

أمسكت ميمونه براسها و:- ما فيش يمكن علشان لسه صاحيه من النوم

مالك :- لا علشان مهمله في نفسك ما فيش اكل
عشقت ميمونه. هاجر محمد. حبيبة
ميمونه :- وهو انت بتسيبني

ساعدها مالك حتي وصلو إلى طاولة الطعام وأخذ يطعمها بيده .. وسط اعتراضها و:- طب انت كده هتتسحر إزاي كل انت علشان تلحق.. وبدأت هي الاخري تضع الطعام في فمه.. رفع أذان الفجر وحمل مالك الطعام كما وضعه وساعد ميمونه في الوضوء وفرد لها سجادة الصلاة و:- صلي عقبال ما اروح أصلي جماعه وأرجع
ابتسمت ميمونه بضعف فقبل مالك جبينها ورحل إلى المسجد واستعدت هي للصلاة

:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/ في المسجد صلي مالك إماما بالمصلين وما أن انتهى حتي وجد والد همسه خلفه فسلم عليه :- تقبل الله ياعم متولي
متولي بابتسامه وهو يربت علي يده :- منا ومنك يابني بصلي وراك بحس إني في الحرم ومش عايز الصلاه تخلص
مالك :- ربنا يخليك... طمني علي الانسه همسه بقت كويسه
متولي بعدم فهم :- همسه بنتي.. ليه مالها

_تذكر مالك حديثها في الهاتف فتراجع و:- ولا حاجه بسأل بس عليها هي وخالتي فاطمه

متولي :- بتسلم عليك وبتدعي لك كل ما تسمع صوتك في المسجد ربنا يجعل دعائها من نصيبك

مالك :- اللهم آمين

نهض متولي من مكانه و:- استأذنك أنا بقي علشا أروح افتح العطاره يجعل يومك نادي ورزقك ليك يلف وينادي

ضحك مالك ونهض معه و:- ربنا يخليك ياراجل ياطيب

*عاد مالك إلى البيت فوجد ميمونه غافله مكانها علي الارض اتجه إليها ونقلها إلي الفراش وبدل ملابسه وغادر الي المستشفي
':٪' :٪':٪' '' :٪/:٪/:٪/:٪٪:٪/:٪٪:٪٪::٪٪:٪:٪:٪:٪:٪/:٪/
في حوالي الساعة العاشره وصلت سجود كعادتها وطرقت الباب.. فتحت لها ميمونه بعد فتره
سجود بقلق :- إيه ياميمونه قلقت عليكي ياحبيبتي

أمسكت ميمونه رأسها بتعب و:- معلشي ياسجود كنت نايمه

سجود :- ولا يهمك.. بس إنتي شكلك تعبانه اكتر من كل يوم النهارده

شعرت ميمونه بدوار خفيف فامسكت بيد سجود و:- آآه
سجود :- شوفتي بقي إنك تعبانه تعالي اطلعي ارتاحي وأنا هروح اشوف طنط أمينه تيجي تشوف دكتوره قريبه لأن شكلك كده ما يطمنش

أمسكت ميمونه يدها برفض و:- بلاش تقلقيها دلوقتي هبقى كويسه

سجود :- لا أنا مش مرتاحه شكلك يقلق هروح اجيبها.. وخرجت سريعاً
عشقت ميمونه. هاجر محمد. حبيبة
رن هاتف ميمونه وكان مالك ردت عليه بصوت متعب و:- السلام عليكم
مالك :- وعليكم السلام ورحمة الله وبركاته صوتك لسه نايمه

ميمونه :- لا لسه صاحيه علشان سجود جت بس راحت تنادي ماما أمينه تشوف لي دكتوره

مالك بقلق :- ليه إنتي لسه تعبانه

ميمونه :- لا كويسه بس دايخه شويه و سجود اللي قلقت زياده

مالك :- انا مسافة الطريق هكون عندك و

قاطعته ميمونه و:- انت كمان هتعمل زيها والله انا كويسه بس ده إرهاق من الأيام اللي فاتت

مالك باصرار :- برده مش هرتاح إلا لما آجي أتطمن بنفسي
ميمونه :- مالك حبيبي انت اتعطلت الفتره اللي فاتت كتير بسببي علشان خاطري خليك وانا لو فيه حاجه هكلمه
مالك :- اكيد
ميمونه :- أكيد
مالك بعدم ارتياح :- علي العموم انا برده مش هتاخر ساعتين وهكون عندك ان شاء الله .. إنتي أصلا وحشتيني
ابتسمت ميمونه ابتسامه خفيفه و:- تيجي بالسلامه يلا شوف شغلك سلام عليكم

مالك :- وعليكم السلام ما تنسيش تطمنيني وأنا هكلم خالد يبعت لك الدكتوره ايمان أخته خمس دقايق وهتكون عندك

أغلقت ميمونه مع مالك وبعد لاحظات أعلن الهاتف عن وصول رساله فتحتها ظنا أنه مالك ولكن كانت الصدمه حليفه لها أغمضت عينيها ووضعت الهاتف جانبها

_وصلت الطبيبه وفحصت ميمونه ومعها سجود وامينه
امينه بقلق :- طمنيني يادكتور ميمونه كويسه

الطبيبه :- للأسف لا مش كويسه.. ضعيفه جدا وده غلط عليها في الأيام اللي جايا
سجود :- قولي لها يادكتوره بتحايل عليها علشان تاكل أي حاجه بسيطه

أشارت الطبيبه بسبابتها بتحذير و:- لأ الكلام ده ما ينفعش إذا كان مش علشان علي الاقل علشان البيبي
ردد الثلاثه في صوت واحد :- بيبي!!!
الطبيبه بابتسامه :- ايوه مدام ميمونه حامل في الشهر الأول
عشقت ميمونه. هاجر محمد. حبيبة
أشرق وجه ميمونه بابتسامه عذباء لم ترتسم على وجهها منذ فتره وهي تردد بدموع :- اللهم لك الحمد والشكر اللهم لك الحمد والشكر

أمسكت سجود يدها بسعاده و:- مبروك ياحبيبتي الف مبروك شوفتي ربنا كرمه كبير إزاي

جلست أمينه بجوارها وضمتها و:- مبروك يابنت الغاليه ومرات الغالي... لما اقوم اكلم مالك هيطير من الفرحه.
ميمونه بسرعه :- لا لا بلاش ياماما هو قالي ساعتين وجاي يعني خلاص قرب وانا عايزه اقوله وهو قدامي
مسحت امينه علي رأسها بحنان و:- ربنا يسعدكم يابنتي و
قاطعهم دخول مالك بدون مقدمات :- السلام عليكم... ميمونه إنتي كويسه

ميمونه :- برده جيت يامالك؟؟

عشقت ميمونه. هاجر محمد. حبيبة
جلس مالك بجوارها بعد أن افسحت سجود له المكان و:- أكيد ياقلب مالك ما اقدرش أعرف إنك تعبانه و أفضل بعيد

ابتسم الثلاثه وانسحبوا من الغرفه بينما اعتدلت ميمونه :- بس انا قولت لك إني كويسه

أمسك مالك يدها و:- وبرده ما ينفعش افضل بعيد عنك ... طمنيني الدكتوره قالت إيه

صمتت ميمونه وابتسمت بخفه وسحبت يده علي بطنها و:- قالت لي في مالك صغير هنا

صمت مالك قليلاً بعدم تصديق و:- ح حامل.. هههههه انتي حامل ده بجد
هزت ميمونه رأسها و:- أيوه حامل في الشهر الأول

خر مالك ساجدا علي الارض شكرا لله وقد سقطت دموعه وبعدها نهض واحتضن ميمونه لفتره كبيره

ابتعدت ميمونه عنه و:- م م مالك في حاجه عايزه أسألك عليها.... أنا عارفه إن اكيد في حاجه غلط بس بس لازم أسألك

مالك :- أكيد ياملاكي من غير ما تسأليني

توترت ميمونه وسحبت الهاتف واضائته أمام مالك و:- أنا والله عارفه إنك اكيد عندك سبب وأنا مش بتهم ولو مش عاوز تقولي مش هزعل ومش هفكر في الموضوع أصلا ب بس أنا مهما كان السبب الصور دي وجعت قلبي
جذب مالك راسها إلي صدره و:- سلامة قلبك.. أنا هقولك وكان لازم اقولك من الأول بس ما توقعتش الموضوع يوصل لكده
عشقت ميمونه. هاجر محمد. حبيبة
ميمونه بحيره :- موضوع إيه اللي كان لازم تقولي عليه

*سرد لها مالك كل ماحدث وهي تستمع إليه وصدرها يعلو ويهبط بعنف وما أن انتهي حتي فزت واقفه أمامه و:-..................

تصفح قسم روايات كاملة

"اشتركوا الآن لتصلكم أحدث الفصول والتنبيهات فور نشرها"

زيارة قناتنا على تليجرام

زيارة قناتنا على واتساب

زيارة قناتنا على فيسبوك