عشقت ميمونة البارت السابع
عشقت ميمونه 
بقلمي هاجر محمد حبيبة
الفصل السابع
قامت ميمونه مفزوعه من نومها وهي تصرخ باسم مالك علي هزات أمها السريعه لها و:- مااااااااااااااالك
ضمتها حليمه في صدرها سريعاً و:- أعوذ بالله من الشيطان الرجيم.. ما تخافيش ياحبيبتي شكلك كنتي بتحلمي
هزت ميمونه رأسها وهي تبكي و:- مش حلم ياماما ده كابوس وكابوس صعب أوي
مسدت حليمه علي ظهرها بحنان و:- استعذي بالله وقومي اتوضي وصلي
ميمونه :- هي الساعه كام
نظرة حليمه في ساعة يدها و:- سبعه ونص
نهضت ميمونه سريعاً من مكانها و:- يانهار مش فايت ما صحتنيش هترفد من المحاضره.
حليمه :- راحة عليه نومه براحه وابقي اعتذري للدكتور
عشقت ميمونه. هاجر محمد. حبيبة
أخرجت ميمونه ملابسها و:- أهو الدكتور ده بالذات ما ينفعش معاه اعتذار لأنه طردي عنده مزاج.. ودلفت الي المرحاض سريعاً وتجهزت في فتره قياسه وركضت سريعاً إلي الجامعه
*وصلت ميمونه إلي الجامعه في تمام 8.45 دقيه وأخذت الطريق ركضا إلي مكان المحاضره فتحت الباب كعادتها دون أن تطرق الباب وهي تعرف ماذا سيكون مصيرها نظرت إليه برجاء و:- أنا أسفه يادكتور والله غصب عني
نظر إليها بنظرات جامده و:- دكتوره دي مش أول مره تتأخري وأنا نبهت إن أكتر حاجه بكرهها التأخير واترفدتي مره
نظرت ميمونه في الأرض و:- عارفه يادكتور وهتكون آخر مره والله حصلي ظرف جامد وغصب عني اتأخرت
احتلت ملامح القلق وجه مالك مع أنه كان يشعر بالتسليه وهو مقرر أنه سيرفدها
أشار لها مالك بأن تدخل :- اتفضلي ودي أخر مره
دخلت ميمونه بسرعه وجلست بجوار أول مكان فارغ من المدرجات الخاصه بالبنات فكان نصيبها أن تجلس بجوار فتاه منتقبه
_أخرجت تلك الفتاه زجاجة مياه لميمونه و:- تشربي
أمسكت ميمونه منها الزجاجه و:- شكراً.. أنا فعلآ عطشانه جدا
بعد إنتهاء مالك من شرح المحاضره كما اعتداد مالك أن يسأل الطلاب و:- في اي حد عنده سؤال
رفعت إحدي الطالبات يدها و:- ممكن سؤال يادكتور
مالك :- لو مش محتاج مناقشه تقدري تكتبيه في ورقه
الفتاه و:- لأ هو مش في الدراسه اصلا
مالك برسميه :- يبقي مش مسموح لك تسألي
_بس أنا عندي فضول وأتمني تسمحلي أسأل
هز مالك راسه إشارة منه لتسأل و:- اتفضلي
الفتاه :- ليه حضرتك مانع دخول أي بنت مكتب حضرتك يعني ما فيش أي دكتور كده والدين يسر وده طلب للعلم يعني ممكن أنا كطالبه اكون محتاجه حاجه في دراستي ألاقي حد بيمنعني من إني ادخل لحضرتك
عشقت ميمونه. هاجر محمد. حبيبة
مالك :- أنا مامنعتش أي طالب أو طالبه إنهم يدخلوا مكتبي في أي شيئ يخص الدراسه. لكن منعت دخول طالبه عندي لوحدها أو إنها تكون متبرجه في لبسها غير كده مكتبي مفتوح في أي وقت
ضحكت الفتاه بسخريه وهي ترقق في نبرة صوتها و:- حضرتك ما يبانش عليك إنك من الناس الرجعيه اللي لسه بتفكر كده واللي عرفته إنك أخدت الدكتوراه من أمريكا يبقي إزاي بتفكر التفكير ده.. دي في الأول وفي الاخر حريه شخصيه وكمان لما تكلمنا بتكون باصص في الأرض علي فكره ده إسمه سوء تقدير للي قدامك ويعني كلنا هنا فريق في الجامعه بنساعد بعض وإنت الدكتور بتاعنا
التفتت ميمونه لتري تلك المستفز التي تتكلم ب (مياعه ورقه مصطنعه) لتصدم أنها نور صديقتها التي غيرت صوتها نهائيا فنور بالأصل صوتها صخم بعض الشيء ظلت محملقه بها بنظره كوميديه ولكن ابتسامة ثغرها المشرقه ارتسمت برد مالك عليها
مالك بفخر واعتزاز :- صحيح أنا سافرت أمريكا وفضلت هناك كذا سنه لكن قبل ما تقولي إني متخلف اللي إنتي جملتيها برجعي خليكي فاكره الأول إني مسلم يعني أنا كنت في وسط الغرب عنوان لوطني وعنوان لديني.. الغرب مش عايشين وسطنا ولكن اغلبكم كفتيات بتنفذوا اسلوبهم وطريقتهم بالظبط. إنتي كفتاه مسلمه حفيدة عائشه وخديجه بمنطرك اللي أنا مجبر إني عيني تيجي عليه غصب عني شايفه نفسك كده مش رجعيه ولا ده كده تفتح وحريه...... الحريه عمرها ما كانت باللبس والإهمال في تعاليم الدين.. أما بالنسبه لأني بغض بصري عن أي طالبه فده مش إهمال مني ولا قلة تقدير. والشباب اللي هنا يشهدوا علي ده لكن أنا بعف نظري وبعف نفسي من الذنوب اللي ممكن أشيلها وأغضب ربنا بسبب واحده مش فارق معها الطاعه من المعصية .. صمت قليلاً و:- وعلشان أنا عيني ما ينفعش تيجي غير علي واحده بس وتحت أي مسمي ما ينفعش تجي علي غيرها... حانت منه نظره للتقابل نظراتهما معا لثواني كانت كفيله أن تجعل دموع ميمونه تتجمع في عيونها وهي تود أن تقوم الأن وتحتضنه أمام الملأ وتقول انه ملكيه خاصه ملكيتها هي وممنوع الاقتراب منه
عاد مالك إلي طلابه ليسالهم مره أخري عن إذا كان هناك أي شيء آخر.. صمت الجميع ولم يكن لدي أحد أي سؤال جهز مالك أدواته و:- سبحانك اللهم وبحمدك اشهد ان لا اله الا الله أنت أستغفرك وأتوب إليك... نتقابل إن شاء الله في المحاضرة اللي وبحذر تاني اللي هيجي متأخر ممنوع من الدخول.. السلام عليكم ورحمة الله وبركاته
عشقت ميمونه. هاجر محمد. حبيبة
بعد خروج مالك ظلت ميمونه شارده في آثره والدموع متجمعه في مقلتيها والابتسامة علي شفتيها.. فاقت علي يد تلك الفتاه التي جلست جوارها و:- اييييه روحتي فين ده بيقول غض البصر
نظرت إليها ميمونه و:- أسفه سرحت شويه
الفتاه بمزاح:- سرحتي.. بصي هو يستاهل الصراحه الدكتور ده فتنه متحركه جمال ودين وأخلاق وعلم اللهم بارك.. ربنا يسامحني بقي
ضحكت ميمونه و:- هو من ناحية الجمال فهو أجمل حد شافته عيني
وضعت الفتاه يدها علي عينيها و:- يالهووووووي لو سمعك اسكتي بقي كفايا وجع قلب أنا قلبي اتكسر لما عرفت إنه متجوز
ميمونه :- وإنتي عرفتي منين إنه متجوز
رفعت الفتاه زجاجه المياة علي فمها وشربت ثلاثا و:- هو اللي كسر قلوب كل البنات وقصف جبهة البنت اللي إسمها نور.... كنت متوقعه إنك هتزعلي علشانها
ميمونه :- لا وأنا إيه اللي يزعلني... هي أصلا تستاهل
أخرجت الفتاه علبة عصير من حقيبتها و:- اتفضلي ده
ميمونه برفض :- لا شكرا
ردت الفتاة وهي تمد يدها الأخري لتصافحها و:- الشكر لله.بس برده هتاخديه وغصب عنك.. ده من حظي النهارده إنك قعدتي جانبي أنا كنت هموت وأكلمك
بادلتها ميمونه المصافحه بدهشه :- أنا!!! ليه؟؟؟
تربعت الفتاه بمرح علي المقعد و:- بصراحه الأول كنت بكرهك وبحس بتقزز وفي نفس الوقت شفقه لأنك كنتي متبرجه بشكل فظيع ... أشارة بيديها الاثنين علي ملابسها و:- بس التغير الجذري اللي شوفته بصراحه أدهشني يعني لبسك بقي اللهم بارك جمييييل وبصراحه أكتر بقيتي أجمل من الاول
ضحكت ميمونه و:- كل ده علشان غيرت لبسي بس
هزت الفتاه رإسها بنفي و:- لأ طبعاً مش لبس بس إنتي كنتي بتعملي حاجات كتير كانت كلها بتكرهني فيكي
ميمونه :- ودلوقتي؟؟؟؟؟
_لاااااااا دلوقتي حاجه تانيه.. وياريت نبقي صحاب ده لو ينفع
ميمونه بترحاب و:- أكيد طبعاً.. هو أنا أطول
صفحتها الفتاه مره أخري و:- ده أنا اللي يشرفني.. أنا سجود الزيات
ميمونه بابتسامه :- أهلاً وسهلاً وأنا ميمونه فارس
عشقت ميمونه. هاجر محمد. حبيبة
وقفت سجود و:- يلا بقي نمضي عربون الصداقه تعالي معايا أظبط النقاب بتاعي وأعزمك علي ساندويتشات فول وطعميه وبتنجان بقي من المطعم اللي جانب الجامعه هتاكلي صوابعك وراه
رن هاتف ميمونه وما إن رأت إسم المتصل حتي نهضت واقفه وهي تعتذر منها و:- في حاجه مهمه ولازم أمشي دلوقتي بس عزومة الفول والطعميه لسه ساريه بعد راوند الENT
سجود :- قشطه هستناكي وبالمره اعرفك علي بقيت الشله هتحبيهم جدا .. وكمان علشان تحكي لي ماشي
ضحكت ميمونه وهي تغادر و:- حاضر سلام دلوقتي
امسكتها سجود بسرعه و:- استني استني... فين تبادل الأرقام 
.. تبادلوا أرقام الهواتف ورحلت ميمونه
في أثناء خروج ميمونه توقفت علي صوت نور الذي أثار غضبها والتفتت إليها بابتسامه مغلفه بالضيق و:- فيه حاجه يانور
نور :- إيه ياميمو مالك بنادي عليكي مش بتردي وكمان شاورت لك لما دخلتي ما عبرتنيش وقعدتي جانب البت الملزقه دي
ميمونه بايجاز :- كنت جايه متأخره وما أخدتش باللي. وبعدين إيه البنت الملزقه دي. مهما كان دي زميله
نور :- خلاص مش مهم... شوفتي الدكتور الغبي ده أحرجني إزاي كنت متوقعه إنك هتفدعي عني زي العاده
قاطعتها ميمونه و:- علشان إنتي غلطانه وبعد اذنك بقي علشان عندي حاجه مهمه لازم أعملها سلام وتركتها ورحلت
:٪':٪' :٪':٪' :٪':٪' :٪':٪' :٪':٪' :٪':٪' :٪':٪' :٪':٪' :٪':٪'
*في مكتب مالك أطلت ميمونه براسها بعد أن طرقت و:- ينفع أدخل ودخلت واغلقت الباب
قام مالك من مكانه واتجه إليها و:- ما إنتي دخلتي خلاص.. وقبل رأسها وأجلسها بجواره و:- يلا نفطر بقي لأني ميت م
قاطعته ميمونه وهي تلقي بنفسها بين ذراعيه مما آثار دهشته وسألها باستفسار و:- مالك ياميمونه إنتي كويسه
هزت رأسها وهي ما زالت علي وضعيتها و:- كان نفسي اعمل كده وإحنا في المحاضره ومسكت نفسي بالعافيه
عشقت ميمونه. هاجر محمد. حبيبة
حاوطها مالك بذراعيه و:- مش هتصدقي لو قولت لك وأنا كمان
بعد فتره ابعدها مالك و:- صحيح قولي اتأخرتي ليه الصبح شكلك قلقني وما رضيتش أخرحك
تذكرت ميمونه كابوسها وأخذت تأخذ نفسها بسرعه.. امسك مالك وجهها بين كفيه و:- مالك يا ميمونه
قصت ميمونه له ما رأته وهي تبكي بخوف و:- مالك أنا خايفه ومش هروح هناك.
ضمها مالك و:- ما تخافيش أنا معاكي وده مجرد حلم لأنك كنتي بتفكري كتير في الموضوع ده.. ولو مش عاوزه تروحي بلاش والمحامي يخلص كل حاجه لوحده وإنتي تروحي وكل حاجه جاهزه
========================================
آخر النهار في بيت حليمه كانت تجلس هي وأمينه يتحدثون مع بعضهم
آمينه بحماس :- كده كل حاجه جهزة ياحليمه فاضل بس هم يختاروا بقي
حليمه بفرحه :- أيوه الحمد لله كده كله تمام
في ذلك الوقت فتحت ميمونه الباب وخلفها مالك
حليمه :- ولاد حلال بتيجوا علي السيرة
مالك :- السلام عليكم ياامهات
رد الاثنين السلام وهتفت أمينه بفرحه و:- تعالوا في النص هنا
جلس الاثنين بينهما وكل منها يعبث في الأشياء الموجوده أمامهم و
ميمونه :- إيه ده؟؟؟؟
حليمه :- إحنا شوفنا إنكم مشغولين ربنا يكون في العون فقولنا إيه نتولا إحنا المهمه دي
مالك :- اللي هي إيه بقي
نظرت حليمه وأمينه إلي بعضهما وفي نفس ألوقت :- فرحكم
حليمه :- إحنا شوفنا اكبر قاعات اسلاميه موجوده علي زوقنا واللي طبعاً مجبرين إنكم تقبلوا بيه
ظلوا في نقاش لفتره وتناقض تام بين مالك وميمونه ما يوافق عليه مالك ترفضه ميمونه والعكس
مالك :- ميمونه اغاني لأ.. يعني مش هتعرفي تفرحي من غيرها وفي ياستي أغاني اسلاميه ممتازه هشغلهالك
ميمونه :- مالك زمايلي اللي هيجوا من الجامعه هيتريقوا عليه
مالك :- ميمونه ده فرحنا إحنا ما لكيش دعوه بحد وأوعدك إنه هيعجبك
عشقت ميمونه. هاجر محمد. حبيبة
وافقته ميمونه بغير رضا و:- ماشي ماشي سيبنا من الموضوع ده أنا بقي عايزه احجز عند سنتر ال ** ** ومش هرضي بغيره
مالك باعتراض و:- ومين قالك إنك هتروحي أصلاً
نهضت ميمونه وهي تصرخ به و:- نعممممم.... أومال مش هروح ده أنا أفضح الدنيا فيها
مالك ببرود :- إعملي اللي انتي عاوزاه. بس ما فيش مرواح غير بشرط
ميمونه بترقب :- إيه هو؟؟
مالك :- تخرجي من السنتر بالنقاب وما يتخلعش تاني... ونهض من مكانه منهيا الجدال و:- وده اللي عندي.. وبعدين سواء رحتي او لأ. إنتي كده كده هتلبسي النقاب.. أنا ماشي سلام عليكم.. وتركها ورحل
ضربت ميمونه علي الأرض بغضب و:- مممالك استني لسه بنتكلم انت ياض أقف هنا
التفت مالك وهو علي الباب ويضحك :- لو اتشقلبتي ما فيش عندي غير اللي قولته.. وأغلق الباب...
التفت ميمونه ناحية أمينه وحليمه لتشاهدهم يتابعون شجارهم بابتسامه
ميمونه :- إنتم عاملين كده ليه.
أمينه :- بصراحه شكلكم حلو جدااااااااااا وانتم بيتخانقوا كده 
ميمونه :- ده بدل ما تعقلي ابنك اللي واخدني علي الحامي ده .... صبرني ياللي بتصبر وصعدت الي أعلي
======================================
مر اسبوع علي أبطالنا علي هذا المنوال ومالك مصر علي رأيه.. تقربت ميمونه كثيرا من سجود وأحبتها بشده وابتعدت كثيرا عن تلك المدعوه نور مما آثار حنقها وغضبها من ميمونه وسجود.. في الكافيه
سجود بعدم تصديق و:- قولي والله.. الدكتور مالك جوزك
حركت ميمونه رأسها بنعم و:- أيوه والله وأنا هكدب عليكي يعني وبعدين لما تيجي الفرح بقي ابقي اتأكدي
سجود بفرحه و:- ربنا يتمم لكم على خير يارب ويجمعكم على خير دنيا وأخره. بس اقولك علي حاجه إنتم لايقين علي بعض جدا بجد فرحت لك أوي
ميمونه :- تسلمي لي ياسجود... بس ده سر ما حدش يعرف عنه حاجه. ده اتفاق بيني أنا ومالك
سجود :- أكيد طبعاً سرك في بير.. بس خلينا دلوقتي بقي في الأهم إنتي ليه رافضه النقاب علي فكره جميل جدا .. وبعدين هو اكيد عاوزك تلبسيه علشان بيحبك وخايف عليكي
ميمونه :- عارفه ياسجود إنه خايف عليه.. بس أنا خايفه إني ما أكنش قد الخطوه دي
سجود بتشجيع :- اتوكلي علي الله وصدقيني مش هتندمي.
رن هاتف ميمونه فاجابة بحده مصطنعه :- نعم عاوز إيه.
مالك بضحك :- إيه اللي عاوز إيه مراتي وأتصل براحتي
ميمونه :- قول عاوز إيه خلص.
استجاب مالك لها و:- ماشي هقول بس ما تتعصبيش..
ميمونه :- هاااا قول
مالك :- مستنيكي بره عاوزك ضروري
ميمونه بعند :- مش خارجه
مالك بتحذير :- خمس دقايق تكوني قدامي وعلي الله تتأخري.. وأغلق الخط
_جذبت ميمونه حقيبتها وهي في قمة سعادتها و:- لازم امشي دلوقتي ياسوسو وهكلمك بالليل
قامت هي الاخري و:- ماشي حبيبتي في رعاية الله
*خرجت ميمونه سريعا حيث ينتظرها مالك وفتحت السياره فجأه :- مااااالك
مالك بسخريه :- علي أساس كده اتخضيت. ما أنا شايفك من الازاز ياهبله
أخرجت ميمونه لسانها :- طيب ياعاقل. عاوز إيه بقي
تحرك مالك بالسياره و:- عامل لك مفجأه ومتسأليش في حاجه إلا لما نوصل
عند باب الجامعه راتهم نور التي كانت تتابع ميمونه خفية و:- بقي هي الحكايه كده. وعامل فيها دكتور القيم والمبادئ وهي بقت فضيلة الشيخه ميمونه مره واحده.. أنا هوريكم
:٪':٪' :٪':٪' :٪':٪' :٪':٪' :٪':٪' :٪':٪' :٪':٪' :٪':٪' :٪':٪'
وصل مالك بميمونه إلي مكان شعرت فيه ميمونه بهدوء غير عادي وهي تسمع اناشيد لم تسمعها من قبل.. نظرت إلي مالك و:- إيه المكان ده.
مالك :- حالا هتعرفي
بعد قليل خرجت لهم امرأة عباره عن شيء أسود وسلمت علي ميمونه و:- إنتي العروسه
هزت ميمونه رأسها و:- أيوه أنا
عشقت ميمونه. هاجر محمد. حبيبة
أمسكت المرأه بيدها و:- طب اتفضلي معايا
نظرت ميمونه الي مالك بحيره و:- هو في ايه؟؟؟
تأمل مالك عينيها بعشق و:- ده المكان اللي اخترته وهي هتاخدك تعملك بروفا علي الفستان ومستلزماته اللي أنا برده اخترتها... وبعدها لو فضلتي معترضه أنا هسمع كلامك
رحلت ميمونه معها وبدأت السيده تعدها وقد ابهرها بالفعل اختياره الذي كان مزيجا بين الاناقه والجمال والاحتشام.. ارتدت ميمونه الفستان وبعدها ظلت تلك السيده تعدها.. والبستها الزي بالكامل
بعد أن انتهت نظرت إليها بإعجاب و:- بسم الله ما شاء الله ربنا يحميكي يارب
أمسكت ميمونه بالفستان و:- طب ممكن مرايا اشوف فيها
السيده بنفي :- لا الدكتور مالك قال إن هو عايز يكون أول واحد يشوفك حتي قبلك إنتي.. ثواني وهبعته... خرجت السيده وبعد فتره بسيطه دخل مالك وكانت ميمونه تعطيه ظهرها وقف خلفها و:- تبارك الخلاق.. يعني عايز اقولك إن قمه في الجمال
التفتت إليه و:- وهو إنت شايف حاجه
امسك مالك بيديها و:- أنا شايف حوريه وملاك قدامي
ميمونه بفضول :- أنا عايزه أشوف
مالك باعتراض :- لا ممنوع.. هتستني ليوم الفرح يلا غيري بس استني.. لما أخد صوره الأول علشان ماما حليمه وامينه يشوفوها وأخرج الهاتف والتقط لها صوره
ميمونه برفض :- لأ وأنا عاوزه اشوف..
مالك بعند :- لما توافقي الأول. من قلبك.. يلا بقي علشان فيه مشوار مهم كمان
========================================
نعممممم عايز مكتب لمين.... وقف خالد الجندي وامامه مالك الذي يمسك بيد ميمونه
مالك بثبات :- إحنا مش عايزين إحنا بس بنقول لسيادتك من باب الزوق.. وميمونه كده بقت شريك رسمي
خالد بحنق وكره :- وإنت اصلا بتتكلم بصفتك إيه و
قاطعه مالك بصوت عالي :- بصفتي جوزها ومعايا توكيل منها إني اتصرف زي ما أنا عاوز.. يلا يا ميمونه علشان تشوفي مكتبك إحنا كده عملنا الواجب واخذها وخرج
رفع خالد سماعة هاتفه و:- إنتم فييبن تعالوا لي حالا
=================================
أخد مالك ميمونه إلي المكتب الخاص بها واجلسها علي الكرسي و:- مبروك. كده أخدتي حقك..
ميمونه بدموع :- مالك أنا أنا مش عارفه اقولك إيه.. غير إن إنت ملاك وربنا بعته ليا علشان يكون سعادتي وحمايتي في الدنيا
مالك بابتسامه :- وإنتي سعادتي وربنا يقدرنا ونقدر ناسس لنفسنا اللي يخليكي رفيقة دربي للجنه ياجنتي علي الأرض ..
وقفت ميمونه أمامه فاقترب من جبينها وطبع قبله طويله و:- بحبك ياميمونه وربنا يقدرني واسعدك
وأكون اللي تستاهليه و
*فتح باب المكتب علي مصرعيه فجأة وصوت تصفيق عالي لصاحبه الذي هتف بسخريه وعينيه تخرج بركانا ناريا و:- برااافوا أنا اتأثرت بجد اتأثرت"كونوا أول من يستمتع بقراءة الروايات الجديدة. اشتركوا الآن لتصلكم أحدث الفصول والتنبيهات فور نشرها!"
"كونوا أول من يستمتع بقراءة الروايات الجديدة. اشتركوا الآن لتصلكم أحدث الفصول والتنبيهات فور نشرها!"