عشقت ميمونة البارت الخامس
عشقت ميمونه 
بقلمي هاجر محمد حبيبة
الفصل الخامس
*خرجت ميمونه من المدرج وهي في قمة غضبها وعصبيتها :- أنا يعمل معايا كده ماشي يامالك ما ابقاش أنا لو معرفتكش
_اهدي ياميو عادي يعني محاضرة وراحت ما فيش مشكله
التفتت ميمونه لتجد تامر واقفا فوقها فنهصت سريعاً من مكانها و:- ت تامر إنت إيه اللي نزلك من المحاضره
حاول تامر أن يمسك يدها ولكنها ابعدتها سريعاً و:- ما قدرتش أحضر وإنتي مش فيها.. مرر نظره عليها من رأسها إلي قدمها و:- بس إيه اللوك الجديد ما عرفتكيش ليكون العريس هو اللي خلاكي تلبسي كده
حملت ميمونه البالطو الخاص بها والحقيبه و:- إنت شكلك فاضي وفايق وأنا بصراحه علي أخري وهمت أن ترحل لكنه أمسك بيدها وجذبها إليه بقوه و:- هو إنتي مفكره اني هسيبك لا ياحلوه أنا أسيب لكن ما اتسابش فاهمه ولا لأ
حاولت ميمونه أن تتحرر منه لكنه كان أقوي منها و:- إنت مجنون ابعد عني ياحيوان إنت
_عشقت ميمونه. هاجر محمد. حبيبة
أرخي تامر قبضته واقترب من آذنها وهمس بشيئ جعل ميمونه تفتح عينيها علي مصرعيهم بعدم تصديق و:- فكري قبل ما تندمي ياميمو إحنا حبايب وأنا مش عايز أأذيكي
أمسكت ميمونه برسغها تدلكه بألم و:- افكر في إيه إنت مجنون ده أنا هفضحك وأوديك في ستين داهيه و
قاطعها تامر ببرود و:- من غير رغي كتير ياقطه أنا قولت اللي عندي باي وأشار بأصابعه وغادر تحت أنظارها الغاضبه و:- مجنون ده ولا إيه .. لما أروح اشوف الدكتور زفت ده كمان هو السبب وتوجهت نحو المكان الخاص بالدكاتره تسأل عن المكتب الخاص به
أوقفت أحد العمال و:- لو سمحت فين مكتب الدكتور مالك أحمد
نظر إليها العامل بتقزز و:- إنتم هتبدأو بقي في حركاتكم الزباله دي احترمي اللي إنتي لبساه ده بنات آخر زمن.. وتركها وغادر وهي تنظر اليه بدهشه من أسلوبه
ميمونه بزهول :- هو إيه اليوم غريب الأطوار ده وأخذت تبحث عن المكتب الخاص به مره أخري حتي نجحت في العثور عليها ولكن كان مغلقا فظلت جالسه أمامه تنتظره
*٪*٪*٪*٪*٪*٪*٪*٪*٪*٪*٪*٪*٪*٪*٪*٪*٪*٪
نعممممم يعني إيه اتجوزت إنت بتستهبل... صدح صوت خالد بغضب في إبنه وهو يفز من مكانه بعصبيه
تراجع هاني بخوف و:- اتجوزت يابابا أ أنا ل لسه عارف من شويه
_عشقت ميمونه. هاجر محمد. حبيبة
خالد بغضب :- مخلف حيوان حيواااان.. خلاص كلها كام يوم ونلاقي الزفت اللي اتجوزته بينط لنا في الشركه والمستشفيات ونص تعبي يروح
هاني وهو يحاول أن يهدئه :- اهدي يابابا أكيد يعني فيه حل
خالد بعصبيه :- أهدي.. وإنت خاسس عليك إيه إنت تعبت ولا شقيت في حاجه أنا اللي شايل كل حاجه فوق دماغي أخرج من وشي اخرج.. إتصل بكمال قولوا يرجع مصر حالا
نظر إليه هاني بريبه و:- وإنت عايز إيه من كمال ما أنا موجود وهعمل اللي إنت عاوزه
خالد بغضب :- إنت ولا ليك ريحة اللازمه اخلص واعمل إللي قولت لك عليه من غير كلام كتير
=================================
في الطرقه التي بها مكتب مالك تجلس ميمونه علي اعصابها تنتظره علي احر من الجمر وما إن رأته آتيا من بعيد حتي نهضت بغضب يبدلها إياه بابتسامه استفزتها وقفت أمامه بغضب و:- إنت إزاي تطردني من المحاضره قدام الكل كده إنت فاكر نفسك مين
فتح مالك الباب ودلف إلي المكتب خلفه بعصبيه و:- ما ترد عليه ولا دلوقتي اكلت سد الحنك
_عشقت ميمونه. هاجر محمد. حبيبة
وضع مالك ادواته علي المكتب وجلس علي كرسيه و:- تشربي حاجه يادكتوره
ميمونه :- نعمممم!!! آيوه أشرب من دمك
مالك ببرود واستفزاز متعمد :- سكر زياده ولا علي الريحه
ضربت ميمونه بقدمها في الأرض بغضب و:- مااالك إنت بارد كده ليه
نهض مالك من مكانه ووضع يده في جيبه وتحرك أمامها و:- عايزه إيه ياميمونه
ميمونه بصوت متحشرج وهي تقاوم البكاء :- ليه عملت كده وخرجتني من المحاضره مع انك إنت السبب
أشار مالك إلي نفسه ببرأه و:- أنا اللي أخرتك وأنا مالي
ميمونه :- أيوه مش إنت اللي أصريت إني أغير لبسي وتأخرت لأني ما كنتش عارفه البس اللبس ده وأخد مني وقت
أمسك مالك وجهها. ظنت أنه سيعتذر لذلك امعنت النظر في وجهه بأمل ولكنه فاجأها و:- امشي ياميمونه علشان ما تتأخريش علي المحاضره التانيه وأنا كمان عندي روند مهم ولازم أخرج... أخرج نسخه من مفتاح مكتبه ووضعها في يدها و:- خلي دي معاكي علشان ما تقعديش قدام المكتب تاني سلام وقرص وجنتها بخفه ورحل وسط زهولها وغضبها من تعامله معها
=======================================
في غرفة العملي كانت ميمونه غاضبه ولم تستطع التركيز
نور :- مالك ياميمو مش مركزه ليه
ميمونه بعدم تركيز :- ما فيش يانور بس مجهده شويه
نظرت نور إلي ثيابها باشمئزاز و:- وإيه اللبس اللي إنتي لبساه.. العريس هو اللي خلاكي تلبسيه ولا إيه
_عشقت ميمونه. هاجر محمد. حبيبة
ميمونه :- أيوه صح إنتي ما جتيش ليه زعلت منك بجد
نور :- سوري ياميمو والله مامي تعبت وما قدرتش أخرج
ميمونه :- ولا يهمك الف سلامه عليها يلا نجهز علشان الدكتور زمانه هيدخل
نور بهيام :- ياسلام لو كل الدكاتره تفتح النفس زي الدكتور مالك كده مز وعسل يالهووووووي قمر ياخواتي
نظرت إليها ميمونه بأعين متسعه و:- نووووور
نور بخضه :- فيه إيه ياميمونه مالك
غادرت ميمونه من جوارها و:- ولا حاجه ..
=========================================
في المساء عند همسه دخلت أمها عليها وهي تحمل صينية الطعام و:- يلا ياهمسه ياحبيبتي علشان تاكلي
جذبت همسه الغطاء علي وجهها و:- مش عايزه آكل حاجه ياماما ومش عاوزه حد يدخل عليه ممكن
_عشقت ميمونه. هاجر محمد. حبيبة
_أزاحت فاطمه الغطاء عن وجهها و:- علشان خاطري قومي... وأبوكي عمال يسألني هتروحي الجامعه إمتي
انتفضت همسه جالسه وهدرت في وجه أمها صارخه و:- قولي له مش هتروح الجامعه تاني خلاص ماشي اخرجي بقي وسبيني في حالي
ربتت فاطمه علي كتفها بحنان و:- اهدي ياحبيبتي كده وقولي مالك أنا امك وما حدش هيخاف عليكي أدي
صرخت همسه مره أخري و:- اخرجي وسبيني مش عاوزه حاجه من حد أخرجي بقي
خرجت أمها وهي تبكي وقامت همسه خلفها وأغلقت الباب بالمفتاح وعادت إلي فراشها وأخرجت جهاز الحاسوب الخاص بها وآتت بصورة مالك التي تحتفظ بها من علي حسابه في الفيس بوك وظلت تنظر إليه بنظرات غريبه وبدأت تحدثه كأنه أمامها و:- مالك إنت مش هتبقي لغيري أنا مستحيل اسيبك وإنتي اللي أجبرتيني علي اللي هعمله ياميمونه علشان دايما بتاخدي كل حاجه مش من حقك وزي ما بيقولوا كل شيء متاح في الحب والحرب
======================================
في غرفة ميمونه طرقة أمها عليها الباب فاقمت من مكانها وفتحت لها و:- تعالي ياماما إنتي كويسه
ابتسمت حليمه برضا فقد شعرت بالفعل أن المائل بدأ في الاعتدال وظلت شارده وهي تنظر إلي ميمونه بفرحه حتي فاقت علي ندائها عليها مره أخري و:- ماماااااااا
حليمه بانتباه و:- هااا.. بتقولي حاجه ياميمونه
ميمونه بابتسامه :- لا ياست الكل إنتي كويسه
دلفت حليمه إلي دخل الغرفه وجلست علي الاريكه و:- تعالي ياميمونه عايزه اتكلم معاكي شويه
جلست ميمونه بجوارها و:- نعم ياماما
حليمه :- أنا عارفه إني يمكن تكوني شايفه إني أجبرتك إنك تتجوزي مالك ويمكن برده زعلانه مني. بس أنا ما يهمنيش في الدنيا دي غير مصلحتك عوزاكي تكوني واثقه في كده
أمسكت ميمونه يدها وقبلتها و:- لا ياست الكل عمري ما ازعل منك وأنا عارفه إنك خايفه عليه أنا اللي مش عوزاكي تكوني زعلانه مني علي الكلام السخيف اللي قولته بس أنا اللي ما أقدرش أعيش من غيرك لحظه واحده
أمسكت حليمه بوجهها وقبلت وجنتيها و:- ريحتي قلبي.. صمتت قليلاً و:- وشجعتيني أقولك علي الموضوع اللي جايا اتكلم معاكي فيه.
ميمونه بشك :- ليمه دخلتك مش مريحاني قولي
ضحكت حليمه و:- قلب ليمه تعرفي عني كده
أومات ميمونه برأسها و:- سمعيني بس وبعدين نشوف _عشقت ميمونه. هاجر محمد. حبيبة
حليمه بجديه :- خالتك أمينه جت النهارده واتكلمت معايا علشان نسرع بفرحك إنتي ومالك
نهضت ميمونه من مكانها بسرعه و:- ماما لاااااااا بقي حرام عليكي أنا في كام يوم بقيت متجوزه ومخطوبه وتغير جذري في حياتي من لبس لتعامل مع اللي حوليه كل حاجه مش حمل جواز دلوقتي خالص
_عشقت ميمونه. هاجر محمد. حبيبة
أمسكت حليمه بيد ميمونه واجلستها بجوارها مره أخري و:- نتكلم بالعقل شويه.. إنتي علي آخر الشهر ده من المفروض هتستلمي ورثك ساعتها مين هيكون سندك وواقف في ضهرك ما فيش غير مالك.. وبعدين ما فيش أي تغير هيحصل إنتي ومالك هتعيشوا معايا هنا يعني هتفضلي زي ما إنتي
نفخت ميمونه بقلة حيله وهي تتذكر اتفاقها مع مالك و:- خلاص زي ما تحبي
لم تصدق حليمه أنها وافقت بتلك السهوله وضمتها و:- الف مبروك ياحبيبة قلبي.. هقوم اروح أفرح أمينه وأدخلها معايا صينية الكيكه اللي كانت عاوزاها
خطرت فكره سريعه في بال ميمونه و:- م ماما هروح أنا.. وانتي تعالي ورايا ماشي
استغربت حليمه من طلب ميمونه لكنها وافقتها ارتدت ميمونه جلبابا اسود وفوقه الكاب ونظرت إلي نفسها في المرآه وشعرت أنها بالفعل ازدادت جمالاً ابتسامة برضا وأخذت الصينيه وذهبت إلي بيت الخاله أمينه
*وصلت ميمونه إلي بيت الخاله أمينه ودقت الجرس فتح لها صهيب ولم يعرفها و:- اتفضلي
دخلت ميمونه و:- طنط أمينه هنا
عرفها صهيب من صوتها و:- ميمو معقول إنتي اللي لابسه ده
ميمونه بسخريه :- إنت جالك حول في عينك ولا إيه وشايف واحده غيري
مسح بيده علي شعره و:- لأ مش مصدق عيني بس
خرجت آمينه من المطبخ وهي تمسح يدها و:- مرات إبني الغاليه تعالي وقبلتها
بادلتها ميمونه السلام و:- ماما بعتالك دي
آمينه بسعاده :- معني كده إنك موافقه علي الفرح صح
أومات ميمونه برأسها وهي تبتسم فجذبتها أمينه داخل احضنها و:- ربنا يسعدكم ويتمم لكم على خير يارب
ابتعدت ميمونه عنها و:- شكرآ ياطنط
أشارت لها أمينه بتحذير و:- طنط إيه بقي تنسي الكلمه دي خالص من النهارده تقولي لي ماما فاهمه
اتسعت ابتسامة ميمونه و:- خلاص من النهارده ماما.. احم احم هو م مالك مش هنا
_عشقت ميمونه. هاجر محمد. حبيبة
أشارت لها أمينه إلي أعلي و:- اطلعي له هو فوق
صعدت ميمونه إلي غرفة مالك بينما اقترب صهيب من أمه بعدم تصديق و:- ماما هي دي ميمونه.. ده مالك سره باتع
====================================
طرقت ميمونه غرفة مالك ولكنه لم يرد فتحت الباب علي صوت تكبيره بصوت مرتفع فعلمت أنه يصلي فدلفت وجلست علي مكتبه تقلب في الأشياء الموضوعه علي حتي انتهي من صلاته ورفع يده فتره وعينه لأعلي وهو يزرف دموع انتبهت ميمونه له وظلت تتابعه بدهشه وبعد قليل مسح مالك عيونه ونهض من علي سجادة الصلاة والتفت إليها بابتسامة وكأن شيء لم يكن
وقفت ميمونه أمامه وهي تسأله بفضول و:- إنت كنت بتعيط ليه
ابتسم مالك وهو يخلل اصابعه داخل لحيته و:- كنت بدعي.. ومش بخيل زيك دعيت لك معايا
ميمونه :- وليه بتعيط
فرد مالك سجادة الصلاة وجلس عليها مره اخري وأجلس ميمونه أمامه وأمسك بيدها وظل يسبح ويستفغر وهو يعد علي أصابع يدها لفتره وهي تتابعه بعدم فهم وبعدها ارتفع صوت مالك بالدعاء وهو يضع يده علي رأسها حتي سقطت دموعها لم تعلم هي أيضاً لما ذرفت تلك الدموع. إنتهى مالك من دعائه ومد يده إلي وجهها ماسحا دموعها وهو يبتسم و:- مش عارفه برده ليه دموعك إنتي كمان نزلت
_عشقت ميمونه. هاجر محمد. حبيبة
هزت رأسها بنفي و:- لا مش عارفه يمكن علشان صوتك حلو أوي يعني أنا ما سمعتش أجمل من صوتك
مالك :- يمكن ده سبب لكن الحقيقه لذت القرب من ربنا ليها حلاوه وطالما دمعتي كده ... دي نعمه من عند ربنا البكاء في مناجاة الرحمن والخضوع ليه . عارفه كان عندي صديق زمان لو سمع أي صوت قرأن عينه تدمع لوحدها
ميمونه بملامح حزينه :- بس أنا مش قريبه من ربنا ويعني بصلي وقت وأسيب عشره لبسي مش زي ما ربنا أمرنا بعمل حجات كتير تغضب ربنا
مالك :- يمكن معاكي حق ولكن الفطره فينا هي حب ربنا وربنا سبحانه وتعالي بيدينا فرص كتير علشان نرجع له وإنتي قدامك الفرص لسه
ميمونه بتساؤل :- تفتكر ربنا هيقبلني
مالك بابتسامه مشرقه :- فما ظنك برب رحمته وسعت كل شيء..
ميمونه بتوجس ورهبه و:- وإنت هتفضل معايا
اومأ مالك برأسه وهي يرفع يدها ويقبلها و:- طول ما إنتي عاوزاني معاكي أنا معاكي
ميمونه بترقب و:- و و والاتفاق
مالك بجديه :- أنا عند وعدي ليكي لو إنتي لسه عاوزه. يعني عاوزه تكوني معايا ونكمل حياتنا مع بعض وأوعدك إنك عمرك ما هتندمي أبدا وإني اكون الزوج اللي بتتمنيه. تابع بمزاح معها و:- مع انك مش هتلاقي احسن مني.. واد حلوه وزي القمر وإنتي مجنونه ومش هتلاقي حد يتحملك غيري.
نزعت يدها كنه بغضب و:- أنا مجنونه يامالك
نهض مالك :- جدا ياقلبي ومش بجاملك والله ولا بقول كده علشان قدامك يعني دي حقيقه وأنا ربنا يكون في عوني بقي
_عشقت ميمونه. هاجر محمد. حبيبة
وقفت هي الاخري أمامه وبدأت تعد في مميزاتها وتمدح في جمالها حتي تذكرت ما حدث في الجامعه و:- وبعدين تعالي هنا عمال تضحك عليه علشان أنسي اللي عملته فيا وحياة أمي ما هسيبك يابن أمينه
ركض مالك من أمامها وهو يضحك و:- ما يبقاش قلبك إسود كنت بهزر معاكي بس والله
شمرت ميمونه ساعديها و:- بتهزر معايا وأنا كمان عاوزه اهزر معاك شويه.. وركضت خلفه
دخلت أمينه علي صوتهم وهي تضحك بدون فهم و:- فيه إيه إنت وهي
وقف مالك خلف أمينه و:- شوفي ياماما بتستقوي عليه من دلوقتي إزاي مفتريه
ميمونه وهي تحاول الوصول إليه و:- أنا هوريك الافتري علي حق يابن أمينه
رفعت أمينه حاجبيها و:- إبن أمينه.. بنت كده عيب ده أنا واقفه
استدرات ميمونه لتمسك مالك ولكنه فلت منها بسرعه و:- سوري ياطنط ما إنتي اللي جيتي وأنا بصفي حسابي مع إبنك
امسكتها أمينه و:- طب ممكن تأجلوا الحساب ده لبعدين علشان في ضيفه عاوزه مالك تحت.
وقف مالك بحذر علي بعد و:- مين ياماما
أمينه :- همسه بنت عمك متولي بتقول عوزاك في موضوع خصوصي وضروري
نظرة إليه ميمونه و:- مييييييييييين!!!!!!!!
"كونوا أول من يستمتع بقراءة الروايات الجديدة. اشتركوا الآن لتصلكم أحدث الفصول والتنبيهات فور نشرها!"
"كونوا أول من يستمتع بقراءة الروايات الجديدة. اشتركوا الآن لتصلكم أحدث الفصول والتنبيهات فور نشرها!"