نقدم اليوم احداث رواية جريمة عشق الجزء الخامس مملكة ميراث العشق الفصل 47 من روايات مريم نصار . والتى تندرج تحت تصنيف روايات رومانسية ، تعد الرواية واحدة من اجمل الروايات رومانسية والتى نالت اعجاب القراء على الموقع ، لـ قراءة احداث رواية اسيرة العادات والتقاليد كاملة بقلم مريم نصار من خلال اللينك السابق ، أو تنزيل رواية جريمة عشق 4 pdf كاملة من خلال موقعنا .
مملكة ميراث العشق الفصل السابع والاربعين
فصل ٢٤ ج 2
رواية جريمة عشق 5
(مملكة ميراث العشق)
فكم من كربة أبكت عيونا
فهونها الكريم لنا فهانت
وكم ذقنا المرارة من ظروف
برغم قساوة الأيام لانت
هي الدنيا لنا فيها شؤون
فإن زينتها بالصبر زانت
"اللهم فرج كرباتنا ويسر أمورنا وإستر عيوبنا وأغفر ذنوبنا فإنه لا يغفر الذنوب إلا إنت"
================================
بسم الله نبدأ.
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
فيلا مصطفى عزيز..
مصطفى زمر بكلاكس العربية كتير جدا.. والبواب فتح.. وقال ألف مبروك يامصطفى باشا..
مصطفى : دخل بالعربيه..لحد باب الفيلا الداخلي.. وفرمل مرة واحدة..
چود : كانت راسها هتخبط في تابلوه العربية..وقالت يخربيت الغباء.. أنت واخدني على جمل..مابراحه يبني أنت..
مصطفى : بفرحه وحماس.. جمل..!! دا أنتي هتشوفي جميع الحيوانات على أيد العبدلله.. بس اصبري عليا..
چود : بلعت ريقها بقلق..وقالت جواها.. أنا خايفه.. الواد ده ممكن يقتلني..زي كركر الحناوي..
مصطفى : نزل وفتح ليها باب العربيه.. وقال.. يلا ياتراب القمر.. أنزلي..
چود : هزت راسها بتوتر..ونزلت.. ومشيت خطوه وهي بتعدل الفستان..
مصطفى : بضحكه.. لأ لأ.. أنتي رايحه فين.. تعالي أشيلك..
چود : برفض.. لأ لأ..مش عايزه ..
مصطفى : بمكر.. خلاص يابت.. أنا هنا سي مصطفى.. يعني لأ لأ دي؟
يتحط بدالها إللي تشوفه يسي مصطفى..
چود : فتحت عينيها بزهول وقالت..هو انا أضحك عليا ولا إيه؟ وشهقت بصوت عالى..يامجنووون..
مصطفى : شالها بين ايديه. وطالع بيها سلم الفيلا..
چود : دقات قلبها زادت عن حدها..ومحرجه..
مصطفى : ضحك عليها..وقال.. أقسم بالله لما بتتكسفي بتبقى بني أدمه ههههه..
چود : نفسها ترد عليه..لكن برضه متوتره..
مصطفى : زق باب الفيلا برجله..ودخل.. وزق الباب وقفله..وطالع بيها الجناح.. ونزلها..
چود : واقفه مرتبكه..ومش مطمنه..وبصت حواليها بقلق..
مصطفى : بمرح.. إيه يابت مالك مش ع بعضك ليه؟ أنتي خايفه مني ولا ايه؟
چود : بلعت ريقها بصعوبه وقالت. و..وهخاف منك ليه يعني؟ وايه مش على بعضي دي؟ ما..منا كويسه اهو..
مصطفى : بيقلع چاكت البدله..وقال.. ياعم انت طول عمرك زي الفل.. أنا بضحك معاك..
چود : فتحت عينيها بصدمه.. وقالت أنت بتعمل ايه؟
مصطفى : بتعجب.. ايه إللي بعمل ايه؟ بقلع الچاكت والكراڤت دي خانقه أمي.. أنا أصلا مبحبهاش.. يلا أنتي كمان اخلعي..
چود : شهقت بصوت عالى وقالت..ااه يسا*ل.. إيه البجاحه وقلة الأدب دي..
مصطفى : بيفك الكراڤت..وبص ل چود وقال. أنتي بتشتميني من اول يوم.؟
طيب ع الأقل استني شهر ولا حاجه.. أهو يبقى سيطرت شوية..و شكلي يبقى حلو قدام نفسي.. يابت أنا قصدي على الطرحه.. يلا بقى عايز أشوف شعرك..
چود : قالت جواها بقلق..يخربيت أسلوبك ياشيخ.. دي طريقه تخوف مطمنش..
ينهار منيل عليا وعلى سنيني.. أنا مش هستر لأ.. أنا شكلى هعلم عليه.. ايوه مصطفى هياكل علقه مني انهردا..
مصطفى : حدف الكراڤت على السرير..وبيضحك لچود..وقال..چووود. تراب القمر. معايا ولوحدنا.؟ أنا مش مصدق نفسي..
چود : عينيها رايحه يمين وشمال..وقالت هو بيبصلي كدا ليه؟
وماله عامل زي اللمبي في فرحه على نوسه كدا؟ ياوقعتك الطين يابنت رودي..!!!
مصطفى : قرب منها خطوه..
چود : رجعت لورا بسرعه..
مصطفى : بتعجب.. اله..في ايه بقى؟ يابت فكي كدا.. مالك كأنك سرقا حاجه ومقفوشه..
چود : من بين أسنانها مقفوشه؟ ياشيخ ربنا يوترك أكتر منتا موترني..
Автор: Меріам Насар
مصطفى : ضحك وقال..طيب تعالي اقعدي هنا جنبي . بيني وبينك أنا واقع من الجوع..
چود : بمكر.والله فكره..وقالت. اااه أنا بقى هموت وأكل..عارف يامصطفى.. أنا من أمبارح مكلتش حاجه..
مصطفى : رفع حاجبه وقال..ووجبات ماك مين إللي واكلها في السنتر..؟ يلا ماعلينا. تعالي دي مرمر عامله الأكل بنفسها.. وقولتلها چود بتحب أي حاجه دايسا في كله..
چود : متغاظه وهاين عليها تضربه..لكن قعدت..
مصطفى : جاب صينية الأكل..وقال. يلا بقى اضربي برحتك.. وبعدها أخد شاور.. الواحد فرهد انهردا من الرقص.. تقوليش كانت نمرتي انهاردة؟
چود : غصب عنها ضحكت..وقالت نمرتك؟ صدق لايقه عليك ههههههههه.
مصطفى : قسم الفرخه نصين وبصلها وقال. أنا مش هحاسبك على أي حاجه.. انا عارف إنك دلوقتي بتخرفي.. كلي كلي.. تاخدي الورك؟
چود : عوجت بوقها بغيظ..وقالت هاكل كفته..
مصطفى : بياكل وقال وكلي محشي أنا عارف إنك بتحبيه..اضربي يابت متتكسفيش..
چود : بدهشه.. وقالت..هو أنا ليه حاسه إني متجوزه المعلم جمعه؟ في إيه ياعم مصطفى؟
مصطفى : هههههههه يابت جعان عتلاق مكلت من الصبح..وعملت مجهود جبار في الفرح.. جعااان. جعااااان.. كلي بقى..
چود : شدت صوباع كفته بغيظ.. واخدت قطمه.. وقالت جواها. جتنا نيلة في حظنا الهباب. الواد معندوش رومانسيه خااالص..ولا كأني أول يوم أدخل فيه البيت معاه لوحدنا.. الواد ده بيعاملني كأني مخلفه منه خمس عيال ورايحين جايين على محكمة الأسرة.
مصطفى : بهزار..افتحي باب العربيه.. ههههه قصدي افتحي بوقك كلي حتة الفرخه دي..
چود : بسخريه.. لأ شكرا باكل اهو.. كل أنت بس على مهلك..الفرخه التانيه بتطلب الرحمه بين أيديك..
مصطفى : حط الأكل في بوقها..وقال يابت بطلي بقى..وكلي أنتي ماكلتيش حاجه.. أنا عارف إنك جعانه كلي متتكسفيش..
چود : بتاكل بحرج..وهزت راسها وسكتت..
مصطفى : أكل.وشايفها مكسوفه.. وقال..ااااه يابطني الحمدلله أنا كنت جعان بشكل.. بصي انا هروح اخد شاور ع السريع وأنتي كلي برحتك خالص..ماشي ياقمر..
چود : هزت راسها..ماشي..
مصطفى : ماشي بيغني ومبسوط..ودخل الحمام..
چود : بصت ع باب الحمام..وكأنها مصدقت.. وبدأت تاكل بنهم كبير..
ماسكه ورك الفرخه ف ايد..والكفته ف أيدها التانيه.. وتاكل مكرونه ومحشي.. وقالت.. أممم الله إيه ده؟ ده فراخ استربس اهو.. وبتاكل اممم جميله اوي..
بعد دقايق چود اكلت وقالت. اااه أنا كلت لأسبوع قدام..ومسحت أيديها بالوايبس...
وقالت اااه يابطني.. مفيش هنا حاجه ساقعه تهضم؟ وقامت تدور في الجناح..وقالت.. أممم أكيد في المطبخ تحت..
وفتحت الباب ونزلت على مهلها علشان الفستان.. ودخلت المطبخ..وفتحت التلاجه.. وابتسمت بمكر..وقالت ايوه بقى. وجابت ازازة حاجه ساقعه.. وحطت في الكاس وبتشرب..
وقالت الواد مصطفى ده غريب..قرر يتجوز في الفيلا.. عيل دماغه متكلفه...عاااااااا.. بسم الله..
مصطفى : بدهشه..بتعملي ايه عندك ياچود..؟
چود : حطت الكاس بغيظ .وقالت بطفح ساقع. فيها حاجه دي؟
مصطفى : طيب ماتقولي وانا كنت نزلت جبتلك.. يلا مش مهم.. تعالي بقى اطلعي خدي شاور كدا.. علشان نصلي..
چود : الازازه وقعت منها..وقالت بتعلثم..نصلي.!!!نصلي ليه؟
مصطفى : بتكشيره..نصلي ليه؟ هو إيه أصله ده.. وكمل بغمزه..مش عارفه يابت هنصلي ليه.؟وقرب منها..
چود : ضربات قلبها بتدق بسرعه كبيره..ورجعت لورا.. وقالت..بتوتر.. أنت رايح فين؟
مصطفى : رقص حواجبه وقال جايلك يا جميل.. ياحلم السنين أنت ياقمر..
چود : خبطت ف الحيطه..وشهقت بخوف..وقالت.بتحذير.. ولا اوعا تقرب أكتر من كدا.. بص هعمل معاك الغلط..
مصطفى : قرب منها اكتر..وقال. أنا بعيد عنك سنين وسنين.. ودلوقتي تقولي ابعد؟ ده انا ابقى اهبل..
چود : بتبص حواليها..وقالت.مفيش حاجه اخبطه بيها ده..
مصطفى : مسك أيدها ورجعها ورا ضهرها..وقال بخبث..چوود..چوود اهدي يابت أنا تيفا حبيبك.. أنتي مش عايزاني أشوف شعرك ليه؟
عارفه..لسه فاكر من وأحنا في ابتدائي.. وكنا نقف في الطابور..والشمس تدخل في عينيا من بين خصلات شعرك الكيرلي.. ولونه الدهبي..
چود : بتنهج. ومغمضه عينيها بقوه..
مصطفى : أبتسم بصمت.وقلبه دق ليها.وشال التاج
وف لحظه قرب منها وباس جبينها وخدها..
چود : فتحت عينيها بصدمه..وفلتت أيديها وزقته وجريت بسرعه على الليفنج..
مصطفى : جري وراها..وقال رايحه فين يابت؟
چود : بتجري وتلف حوالين الكنبه.. ومصطفى مش عارف يمسكها..
چود : قالت بتحذير... ولااا..!!! ابعد احسنلك.. اقسم بالله أبلغ البوليس.. أنت عايز مني ايه بالظبط؟
مصطفى : اتجنن..وقال تجيبى لجوزك في ليلة فرحه البوليس؟
لأ بقى دا أنتي هبت منك ع الآخر.. ونط من نص الكنبه..ومسكها وشدها عليه. وخبطت في صدرو..
چود : بتنهج..وشهقت.. وقالت بتوتر.. مصطفى سبني يامصطفى؟
مصطفى : حاوطها من وسطها بتملك..وشال الحجاب بالطرحه.. وفتح عينيه بانبهار..
چود : شعرها الكيرلي الدهبي نزل على ضهرها وكتفها..وكانت متوتره جدآ..
مصطفى : بهمس يخربيت جمدانك ياچودي.. شعرك لسه زي آخر مره شوفته فيها.. ورفع ايدو بين خصلات شعرها..
چود : قلبها دق. وغمضت عينيها..من لمسات حبيب الطفوله..
مصطفى : شال چود بين ايديه..وطلع بيها ع عش الزوجية.. وعاشوا أجمل ليله في سعاده كبيره بين طفوله وحب وعشق وجنون..
لكن دقات قلبهم سيطرت على جنون العشق..
وتمت نقل ملكية چود السيوفي إلي چود مصطفى عزيز..
ونقول مبروك لأجمل عصفورين مجانين..وعقبال الفرحه الكبيره..لقلوب الملايين.. (ديزل الغلابه
)
------------------بقلمي مريم نصار.
بعد شويه..
عند فهد..
فهد : نايم ورينو ف حضنه..
رينو : فتحت عينيها واتعدلت..
فتح : فاق وقال..ف إيه ياحبيبتي؟
رينو : بتتاوب..صوت آيان كان بيعيط دلوقتي.. هروح أشوفه ورجعالك..
فهد : هز راسه وغمض عينيه..
رينو : راحت شافت آيان ورجعت..
فهد : قال..ماله آيان؟
رينو : شدت الغطا.. ونامت في حضنه.. وقالت.. آيو صاحي ومش جاي ليه نوم.
ورحت لقيت آرين عندو.. وقالت إنها هتقعد معاه لحد ما ينام..
فهد : هز راسه.. تمام. وشدها لحضنه وغمض عينيه.
رينو : غمضت عينيها تصبح على خير ياحبيبي..
فهد : وانتي بخير ياروحي..!!!
Автор: Меріам Насар
عند آرين..
آرين : بتتاوب..وقالت بتعب.آيو أنا هموت وانام.. تعالى بقى نام في سريرك..انهردا كان يوم مرهق ومتعب أوي..يلا ننام..
آيان : هز راسه ليها.. بالرفض..ومصحصح..
آرين : بتنهيده..وبعدين بقى.. يعني الكل نام إلا أنا وأنت..؟
آيان : بضحكه هز راسه وسقف وباسها من بوقها..
آرين : ضحكت بسعاده وضمته لقبلها بمرح وقالت يخلاثي انا ياناس حبيب قلبي أناااا آيو وبس..
تعالى بقى أقعد معايا في اوضتي.. ونام جمبي كمان أيه رأيك؟
آيان : بيلاغي بكلام مش مفهوم..
آرين : شالته وقالت..يلا بينا..واخدته ع اوضتها..
آيان : شاف كنز آرين..وشاور ليها علي الكنز.
آرين : بضحكه..ياروحي أنا .. أنت جعان؟ تعالى وكل الكنز ده ليك.. أقعد هنا وانا هجيبلك إللي أنت عايزو..
وسابت آيان واقف ساند على السرير.. وجابت ليه بسكويت..وعصير..وقالت أمسك ياروحي.. ولا أقولك.. تعالى أقعد جمبي هنا.. أنا هفتح نت أشوف جروب العيله..وآكلك أوكي..
آرين : قعدت ع السرير..وجمبها آيان..وفتحت الفون وهي بتتاوب.. وكمية اشعارات كتير مباركات وتهاني لمصطفى وعيلة عزيز والسيوفي..
ودخلت على الماسنجر..وشافت آدم قافل من دقيقة واحدة..
آرين : اضايقت جدآ وقالت بزعل..يخساره المرعب كان فاتح مش شويه..
وخرجت منها تنهيده.. وجت تطلع من الشات رنت إتصال بالغلط على آدم..
آرين : فتحت عينيها بزهول..واتكسفت..وقفلت الرنه بسرعه..وقالت بتوتر ينهار أبيض.. عاااا..ينهار مش فايت..هيقول عليا اييييه دلوقتي..
------------------بقلمي مريم نصار.
فيلا العدوي..
في أوضة آدم مراد..
آدم مراد : قاعد ع طرف السرير..وقفل الإضاءة.. ونام..وحط أيديه تحت راسه..وبيفكر في ملكة جمال قلبه..
وفجأة سمع رنة الماسنجر.. وكشر عينيه وقال..غريبه مين هيرن عليا ماسنجر دلوقتي..
وفتح الفون.. وأبتسم تلقائي.. وفتح الشات.. وكتب بإبتسامة.. مش جايلك نوم؟
آرين : فتحت عينيها بصدمه..وقالت هيييييه.. ألحق يا آيان..المرعب شاف الرنه وبيكلمني..اعمل ايه؟ اعمل ايه؟
وبلعت ريقها بتوتر..وكتبت.. لأ عايزه أنام بس آيان صاحي.. وأنا رنيت بالغلط والله العظيم..
آدم مراد : أبتسم بصمت..وكتب.. ياريت تغلطي كدا كل يوم.وترني. بس معايا انا وبس فاهمه؟
آرين : ابتسامتها نورت وشها..وكتبت.. يعني أنت مش هتضايق؟
آدم مراد : عمري..
آرين : بدقة قلب.. ميرسي جدا يا آدم..
آدم مراد : بضحكه..ميرسي يامرعب بقى.
آرين : بنفي.. لأ أنت دلوقتي آدم مش المرعب.. لما بتضحك بتبقى آدم.
.
لكن لما تكشر وتتعصب
بتبقى كدا..وبعتتلوا ايموشن.
آدم مراد : رفع حاجبه وقال بمكر.. أممم أنا للدرجادي بخوفك مني يا آري؟
آرين : رجعت بضهرها وكتبت.. بصراحه يا آدم عصبيتك تخوف.. لكن لما بتهدا بطمن..
آدم مراد : أبتسم..وكتب.. أنا عمري ما بتعصب ويغضب عليكي..لكن بغير عليكي..
آرين : بعدم فهم.. كتبت..وتفرق..
آدم مراد : فرق كبير جدا.مفيش وجه مقارنه بين الغضب والغيره.. رغم أنهم بيوصلوا للعصبيه.. لكن الغضب حاجه والغيره حاجه تانيه خالص..
آرين : بفضول.. وايه الفرق بقى؟
آدم مراد : الفرق إني لو غضبت سهل جدا اتحكم في غضبي..
لكن غيرتي عليكي دي إللي عمري ما أقدر اتحكم فيها.. يعني زي انهردا كدا.
آرين : عوجت بوقها وكتبت.. اه أنت هتقولي؟
آدم مراد : كلها خمس شهور..!!!
آرين : كشرت عينيها..وقالت..على إيه؟
آدم مراد : أبتسم. وقال بمكر..على إجازة نص السنه..
آرين : بغيظ..اه أنت هتفكرني ليه بقى؟ الدراسه بعد شهر واسبوع.. بس أنت ليه قولت كدا؟
آدم مراد : قريب جدا هتعرفي..
آرين : بفضول..بليييز قووول..
آدم مراد : أبتسم.. يلا بقى..اقفلي ونامي..
آرين : شافت آيان بيغمض عينيه بنعاس.. وكتبت.. أوكي.. آيان بينام.. وأنا كمان هنام..
وكتبت بتنهيدة حب..تصبح على خير يا آدم..
آدم مراد : وأنتي بخير ياضي آدم..!!
------------------بقلمي مريم نصار..
تاني يوم الصبح...!!
فيلا مصطفى عزيز..
چود : نايمه أول يوم في مملكتها..
مصطفى : قاعد جمبها..وحاطط أيدو ع خدو..وبيتأمل فيها..
چود : فاقت.. وبتفتح عينيها ببطء..وبتتاوب.. واتخضت..عاااااااا.. بسم الله الرحمن الرحيم.. أنت قاعد كدا ليه؟
مصطفى : بضحكه..صباااح الفل ياعروستي..
چود : اتعدلت وحطت أيدها ع قلبها..وغمضت عينيها بتنظم أنفاسها من الخضه.. واستوعبت أنها اتجوزت من مجنونها..
مصطفى : قرب منها وباسها من خدها..وقال.. يابت بقولك صباح الفل..
چود : نفخت بغيظ..وقالت..صباح الخير يامصطفى..
مصطفى : بغمزه صباحية مباركه ياقلب مصطفى..
چود : أنا جعانه..
مصطفى : مط شفايفه اممم.. عارف..ده المعتاد. وأنتي وراكي غير الأكل..
چود : ربعت رجليها وقالت بنرفزه..
ده إللي هو إيه ده بقى؟ أنت هتستخسر فيا الأكل من دلوقتي ولا ايه؟
لو هنبتديها بخل وكدا.. يبقى أروح عند بابا طارق.. وهيأكلني الحلو كله..اه.
مصطفى : بهزار..خدوني معاكوا أكل ببلاش.. هههههههه
چود : ضحكت وقالت..يخربيت الهيبره.. وكملت بدلع.. بقولك ايه ياتيفا ياحبيبي..
مصطفى : بغمزه..قلبه وعيونه ياتراب القمر..
چود : بضحكه..تسلملي.. أيه رأيك لو نروح دلوقتي عند بابا طارق..ونفاجأه..وكمان بابي..ونفطر معاهم..أصل بصراحه العيله والبيت وحشوني أوي..
مصطفى : بدهشه.نعم ياروح امك؟
عايزه تروحي فين يوم الصباحيه..؟ ده جدك مش بعيد لو شافك الصبح بدري أول ليلة جواز يطب فيها.. أعقلي كدا واركزي..
چود : بغيظ..منك لله يا شيخ..
مصطفى : رقص حواجبه وقال عسل أقسم بالله موزه..يخربيت جمالك.. بقولك انتي ايه بقى؟
چود : نفخت بخنقه قول..
مصطفى : تعالى ننزل نفطر.. وبعد كده هخليكي تكلمي العيله.. وبعد كده هقولك كلمة سر في ودنك.. ههههه.
چود : وشها بقى أحمر جدآ..وقالت بحرج ممزوج بغيظ.. أكلم العيله الأول وبعدها نفطر..
مصطفى : وماله ياعسل..خدى افتحي فوني وكلميهم.. وأنا هنزل اجيبلك أحلا فطار لحد عندك. وباس كف أيدها وخرج من الجناح. وهو بيغني..
چود : أبتسمت بتنهيدة حب..وقالت بحبك اوى يامصطفى..
وفتحت الفون واتصلت ع جدها وأبوها الروحي..
------------------بقلمي مريم نصار..
فيلا السيوفي..
رنا : نفخت بنفاذ صبر وقالت..بالله عليك متتعب قلبي معاك..وخد علاجك..
طارق : بحزن..شوفتي يارنا..شوفتي البيت مالوش حس إزاي؟
البت چود كانت تدخل تجري عليا..وعلشان تغيظك تنام وسطينا وتفضل تزغزغ فيكي علشان تضحكي.. وكانت تنزل تقعد على السفره أول واحده علشان تقعد جمبي وتهزر معايا.. والبيت كان كله دوشه من رودي وچود.. دلوقتي البيت بيفضى علينا..
رنا : طبطبت على ضهرو.. وقالت.. وحد الله ياطارق ياحبيبى.. مش ده كان حلمك..وهي يعني راحت فين.. ده كلها نص ساعه وتكون عندها.. ودي سنة الحياة.. وهي دلوقتي مبسوطه وفرحانه بحياتها الجديده.. أنت ادعيلها تعيش في سعاده وهنا وراحة بال.. ويرزقها الذريه الصالحه..
طارق : هز راسه بتنهيده..ونعم بالله..
رنا : امسك خد بقى العلاج..
طارق : بنرفزه..ياوليا قولتلك والله منا واخد حاجه.. أنتي بتفرهديني معاكي ليه؟
رنا : بنفاذ صبر..ياراجل عينيك حمرا من الضغط.. وفهد إبنك أتصل مرتين وقال لو مخدش العلاج.. هايجيلك وياخدك للدكتور.. وفارس قلقان عليك.. وكمان أنا..
طيب هو أنا ماليش خاطر عندك.. هي چود وبس..!! يعني رانوش خلاص راحت عليها..
طارق : بصلها وقال.. شوف الوليا..وكيد النسا ياجدعان.
.بتتكا على الوتر.. لأ يختي. أنتي كل حاجه. وأنتي الكل في الكل..
رنا : بضحكه..يبقى تسمع كلام رنا حبيبتك.. وتاخد علاجك..
طارق : نفخ بقلة حيلة وقال أستغفر الله العظيم يارب.
رنا : حطت البرشامه في أيدو..وقالت.. بالشفا إن شاء الله..ياروح قلبي أنت..
طارق : خد العلاج..وقال..ارتحتي دلوقتي؟
رنا : بضحكه.. طبعا وأنا ليا غيرك علشان أهتم بصحته.. دانت عشرة عمري كله يابو فهد..
طارق : مسد ع ضهرها وباس راسها وقال..حقك عليا يارنا..معلش فتره وهتعود على غياب احفادي..
رنا : عيونها لمعت وقالت.. كلام إيه ده بس ياطارق..ربنا يديمك في حياتنا..وحياة أحفادك..ويفضلوا مالمومين حوالين منك..
طارق فونه رن.. وضحك وقال ده الواد مصطفى.. ده اكيد البت چود..
رنا : بلهفه..طيب رد عليها وافتح الاسبيكر..
طارق : رد بسرعه.. الوو..
چود : بمرح..باااباااا طاارق سيد الناس وعمهم.. عامل ايه وحشني مووووت جدا..
طارق : بضحكه..بت ياچود عامله ايه يابت وحشتيني اوي ياقلب جدك..
چود : بضحكه.. أنا ميت فل و١٤ أنت بقى عامل ايه دلوقتي؟ وأخدت علاجك ولا لسه؟ وماما رانوش عامله ايه؟
طارق : بضحكه.. أنا دلوقتي ميا ميا.. وجدتك مابطلتش زن لما خدت العلاج.. وهي زي الفل..
رنا : بسعاده..اذيك ياچود عامله ايه يانور عيني؟
چود : بمرح..مامااااا رانوووش وحشتيني اوي ياست الكل.. ونفسي ازغزك دلوقتي هههههههه..
رنا : بضحكه..ربنا يسعد ايامك ياحبيبتي.. ومصطفى عامل ايه؟
چود : مصطفى كويس الحمدلله. وهيكلمكم..اومال فين مامي وبابي والواد چواد لسه نايم ولا صحي؟
طارق : بغيظ..يابت سيبك من الناس دي.. وخليكي معايا.. أنتي وحشاني ياچود. أوعي تسافري من غير ما أشوفك انا بقولك أهو..
چود : بمرح..ودي تيجي برضه يابرو.. أنت مش بعيد تلاقيني باليل عندك وعايزه اتعشى..
طارق : برفض لأ.. لأ ياحبيبة جدك مطلعيش من بيتك انهردا.. تعالى بكره.. تعالى أنتي والواد مصطفى. واتعشوا معانا..
مصطفى : داخل ع چود وقال .. أشطا هنجيلك بكره.. بس عايز كفته وكباب وحمام ياجدووو..
طارق : ضحك..تعالى أنت بس وهاتلي حفيدتي.. واجيبلك كل حاجه..!!!
وبعد كدا.. چود كلمت كل عيلتها.. وصلوا الضهر.. ومصطفى جابلها الفطار.. وفطرو وسط ضحك وهزار..
وبعدها مصطفى شال چود بين ايديه..واخدها لعالمه الخاص..
وتاني يوم مصطفى أخد چود وراحوا عند طارق وكانوا مبسوطين جدآ..
وطارق كان فرحان وواخد چود مقعدها جمبه.. وقضوا سهره طويله مع العيله.. وبعدها رجعوا البيت..
وجه يوم السفر وسافروا على دهب..علشان يقضوا أجمل أيام حياتهم..
ونسيبهم هما بقى ف شهر العسل وجنانهم مع بعض..ونشوف غيرهم..
------------------بقلمي مريم نصار.
بعد أسبوع..
في مستشفى النور..Автор: Меріам Насар
في غرفة السونار.. ميرو نايمه والدكتوره بتعمل ليها سونار علشان تشوف نوع البيبي..
تيم : واقف وعينيه على شاشة الجهاز..وجواه فضول كبير يعرف ربنا رزقه بإيه..
ميرو : مغمضه عينيها برهبه.. في إنتظار الدكتوره..
الدكتوره : بإبتسامة..ماشاء الله بنوته يا مدام مريم. ألف مبروك ياحبيبتى
تيم : ضحك بفرحه..وقال بهمس.. الحمد لله.
ميرو : ضحكت بدموع الفرح وقالت بنوته..!!! الله يبارك ف حضرتك.. وبصت لتيم..
تيم : ضغط ع أيدها وقال مبروك ياروحي.. وباس ع أيدها... هتبقى أجمل بنت إن شاء الله..
ميرو : بسعاده كبيره.. إن شاء الله..
Автор: Меріам Насар
تاني يوم.
فيلا العدوي.
في الليفنج..
فهد قاعد.. و آيان قاعد في حجره.. بيلاعبه.
ومراد قاعد قصاد فهد.. فاتح اللاب توب..
فريحه : قامت وقالت.. أنا هعمل قهوة اعملكم معايا..
كلهم تمام اعملي..
فريحه : راحت على المطبخ..
رينو : دخلت الفيلا.. السلام عليكم..وقعدت جمب فهد وباست آيان..
فهد : أبتسم.. إيه آرين عامله ايه دلوقتي..
رينو : بضحكه.. كالعادة يعنى..دخلت من باب الشقه.. يدوبك صلت..ولقيتها في سابع نومه..
فهد : أبتسم خليها تستريح..
مراد : بمكر..مش عارف أنا يافهد.. لما آرين تتجوز أنت هتعمل ايه؟
فهد : بصله بغيظ..وقال.. محدش عارف بكره في إيه يامراد؟
مراد : ضحك بصمت..
آدم مراد : رجع من الشغل..ودخل وقال السلام عليكم..
كلهم وعليكم السلام..
آدم مراد : سلم ع الكل وقال..بابا وماما مريم فين؟
رينو : بضحكه منتا عارف انهردا معزومين عند بابا طارق..
آدم مراد : أبتسم امم تمام.. وقعد جمب مراد.. وقال تالين نايمه؟
مراد : بيكتب في الشات.. لكن قال..
لأ راحت عند أختك ميرو بعد ما رجعت من المستشفى تقضي باقي اليوم معاها..
أنت اتصلت على أختك لما عرفت أنها حامل ف بنت تبارك ليها؟
آدم مراد : أنا روحت ليها ع المستشفى قبل ما اروح الشغل..
مراد : ربت ع كتفه..وبص ل فهد وقال بمكر.. راجل ياض يا آدم. طول عمرك راجل ويعتمد عليك.. ويابختها إللي هتكون مراتك..
ولا إيه رأيك يارينو ياحبيبة أخوكي..
رينو : أبتسمت وقالت بعفوية.. آدم.. آدم بجد طول عمره واخد باله من أدق التفاصيل..
وديما شايف شغله على أكمل وجه.. وشجاع.. ويعتمد عليه بجد فعلا يابختها.. مش كدا يافهد؟
فهد : صك ع أسنانه وقال.. أممم.
مراد : بهزار وتريقه.. أممم.. ألف سلامة. عندك مغص؟
فهد : بغيظ.. لأ عندي أستظراف..
مراد : بضحكه.. عايزين نجوز الواد آدم بقى. ملاقيش عندك عروسه حلوه تليق يابني يارينو ياحبيبتي؟
آدم مراد : مبتسم بصمت..
فهد : هاين عليه يقوم بضرب مراد وابنه..
رينو : بلعت ريقها بتوتر.. بصت ل فهد ومراد.. وقالت بتلعثم..اء. احم لأ الحاجات دي مافيهاش إختيار مننا.. لازم يكون آدم مقتنع باختياروا.. وبصت ل آدم..
آدم مراد : بثقه.. أنا مختار لنفسي ياعمتو..وكلها تلات شهور ونص واتقدم رسمي إن شاء الله..
رينو : فتحت عينيها بدهشه..
فهد : رد بغيره.. وأنت واثق اوي من الموافقه لما انت محدد لكل حاجه.؟
أنا بقول تعيد النظر في طلبك ياسيادة النقيب...!!!
مراد : شهق وقال.. اوبااااا.. شوفت يا آدم.. مين بعتلي مسج..!!!
آدم مراد : بثبات عكس الغيظ إللي جواه.. قال..مين؟ حد أعرفه؟
مراد : رقص حواجبه إلا تعرفه.. ده انا وانت وخالك فهد.. نعرفه كويس جدا.. چاك تايلر. فاكرو يا..... آدم؟
فهد : بص ل مراد..وحاول يكون ثابت..لكن أتنفس غيظ..
آدم مراد : أبتسم بمكر.. وقال..ااه طبعآ فاكرو..دي من أهم المأموريات إللي طلعناها مع بعض..
مراد : لأ بص بص..بعتلي مسج بيقولي اذيك يا چاكوب أنت وحشتني كتير وچاسير وكيران.. وأنا رجعت من كاليفورنيا على أوكرانيا.. وبدأت من جديد وفتحت مطعم مكان الملهى. أنا وشريكتي........!!!
وفتح عينيه وقال بضحكه..اوووباااااا شريكته إليس هههههههههههه ياولاد اللعيبه.. فاكرها يافهد..!!!
فهد : فتح عينيه بدهشه..ونزل آيان على الأرض..
رينو : كشرت عينيها بعدم فهم وقالت..مين إليس دي؟
فهد : بلع ريقه بتوتر.. وقال.. لأ لأ مفيش حد مش مهم..
مراد : هرش في دقنه وقال.. واد يا آدم.. عايزين نتفرج على فيلم..إليس في بلاد العجائب..هههههههه
رينو : أبتسمت ايوه عرفاه الفيلم ده..بحبه اوي..
آدم مراد : كاتم الضحكه.
مراد : بخبث.. كلنا بنحبه ياقلب أخوكي.. بس ياترى جوزك بيحبه..
رينو : بضحكه.. أكيد اتفرجنا عليه أنا وفهد أكتر من مرة. مش كدا يا فهد...
فهد : في نار طالعه من ودانه وغضب مكبت..لكن رد من بين أسنانه وقال بتوعد.. طبعاً طبعاً ياحبيبتي..
مراد : بخبث.. اهو أنا وفهد وآدم بقى شوفنا إليس دي حصري في أوكرانيا.. فاكر ياض يا آدم.. قبل ما نطلع ع الطياره.؟
آدم مراد : هز راسه بثبات.. أممم..
فهد : بص ل مراد نظرات ناريه..وتحذير شديد..
مراد : مثل اللامبلاه.. وبيكتب في بحث جوجل.. فيلم اكشن عن الخنفسه..ويسلام بقى لو أوكراني هههههه..
فهد : بغيظ..خلصت أستظراف يامراد؟
مراد : ببراءه.. اله..مالك بس يصحبي.. ايه اللي مضايقك كدا...!!
فهد : قام وقف..وقال أنا خارج.. وسابهم ومشي..
رينو : كشرت عينيها بعدم فهم..وقالت هو ماله اتنرفز ليه كدا؟
آدم مراد : بهمس لمراد.. أنت زودتها مع الحوت ياصقر..
مراد : مط شفايفه وقال ببرود.. اممم.. لأ..!!!
آدم مراد : بتنهيده..طيب وآخرتها..!!!
مراد : بذكاء....عليك وعلى الإمبراطور..!!!
------------------بقلمي مريم نصار.
بعد حوالي شهر..
في مكتب آدم العدوي..
فهد خبط ع باب المكتب..وقال حضرتك طلبتني ياعمي؟
آدم : هز راسه.وقال بهدوء.. أيوه تعالى يافهد.
فهد : دخل وقفل الباب..خير يا عمي..
آدم : شاور ليه أقعد يافهد يبني..!!
فهد : قعد قصاده.. وقال بقلق..حضرتك كويس؟ حصل معاك أي حاجه؟
آدم : بثبات.. أنا جبتك هنا علشان اسمعك..
فهد : بِشك.. اه تسمعني في إيه ياعمي انا آسف لكن مش فاهم..!!
آدم : بص ليه.. وقال خلاص هتكلم أنا. لأني حابب إنك تسمعني..
فهد : بحرج..ياخبر ده شرف ليا إني أسمع لحضرتك.. أنت ابويا قبل ما تكون عمي.. أتفضل وأنا تحت امرك..
آدم : أبتسم..تسلم يافهد.. واللي أنا عايز أقوله ده علشانك أنت..
طبعاً أنت أكيد عارف إن أهم حاجة عندي هي عيلتي وبس.. ومن المؤكد إني أكون عارف عن كل فرض في العيله كل حاجة.. انتوا أولادي وثمرة تعبي وهديه من رب العالمين..
لكن أحفادي هما ثروتي الحقيقيه..
حفيدي تيم عندي زي آريان.. و آدم مفيش فرق بينه وبين آركان..
وأبتسم..وقال.. ميرو و آرين وتالين مش عارف أحدد هما إيه بالنسبالي.. أنا اللي مربيهم.. كبروا معايا وقدامي يوم بيوم.. ساكنين جوايا..
وليليان وتمارا دول عزي وكرامتي..
الكل عندي ف نفس درجة الحب..لكن ديما بفشل في تحديد أنا بحب مين فيهم أكتر من التاني.؟
لأن كل واحده من احفادي ليها بريق معين.. ليها طله بتدخل على قلبي.. بحبهم كلهم أكتر من بعض.. وما زالت المنافسه مستمره جوايا... أنا بحب مين أكتر؟ لكن موصلتش لأجابه.. لأن الحقيقه إن مفيش أجابه. لأنها غريزه جوانا لأحفادنا..
وقبل منهم بناتي نور ورينو.. دول كياني وفخري وشرفي. ماضيا وحاضري ومستقبلي. ومن واجب حبي ليهم إني اتمنى ليهم الأفضل ديما..
وزمان لما شوفت حب محمد لبنتي نور.. أنا فرحت.. لأن أنا عارف محمد إيه .. وهيكون قد ايه محتوي لبنتي وقادر يسعدها..
محمد عندو رزانة عقل وهدوء وقوة صبر وتحمل.. راجل بمعنى الكلمة..
يبقى انا ازعل ليه لما أشوف مستقبل بنتي قدام عيني وهو بيتبني أمان واستقرار..
وأنت يافهد. أنت طبعك غيرتك الشديده وعصبيتك على كل إللي يمس كرامة عيلتك..
وده مش وحش بالعكس إنك تغير على أهل بيتك. دي رجوله وقليل إللي بقى يغير على عرضه..
ورغم غضبك إللي بشوفه في عينيك ديما.. ولاني أنا إللي ربيتك شوفت جواك... في قلبك قبل عينيك.. حنية مالهاش آخر..
جواك حب ودفا وخوف وقلق من إنك تفقد حد غالي عليك..
أنا وافقت عليك من قبل ما تطلب لارين بنتي للجواز..
أصل انا مش هلاقي أحسن منك لبنتي وحبيبة قلبي..
أنا سلمتك لارين قطعه من قلبي.. ودوست على وجع قلبي.وعديت..علشان ده لمصلحة بنتي..
وهو الأب هيعوز إيه لبناته غير راجل يخاف الله فيها.؟
. وأنت كنت الراجل ده لبنتي.. وعمري ما كنت أناني في حبي لولادي..
عمري ما عودتكم إني أنا اللي أختار..
مراد قال أنا عايز فريحه.. رحبت وقولت يازين ماخترت..
زين ابني كان عايز ريتال وأنا إللي شجعته وخليتو يتحرك ويطلب أيدها.. علشان سعادتي أنا في سعادة ولادي..
هو ده أنا.. ده آدم العدوي.. أنا بقى جبتك هنا علشان أعرف فهد السيوفي.. بيفكر إزاي لمستقبل ولاده..!!!
فهد : بلع ريقه بغصه.. وساكت.......!!!
آدم : بهدوء : ربت على كتفه..اتكلم يافهد قول إللي جواك..!!!
فهد : أخد نفس عميق جدآ..واتنهد بوجع.. وقام وقف..وراح عند الشباك..ورفع عينيه.. وشاف آرين و آيان في الجنينه.. وأبتسم بحنين.. وقال..
لارين و آرين و آركان و آيان...!!!
هما دول قوتي وضعفي.. ولف ل آدم وأبتسم وقال.. وثروتي الحقيقية برضوا..
أصل انا اب عندو حلم طويل أوي إني اعيش وادي كل ذرة حب وحنان جوايا ليهم..
وبص ع آرين.. وقال..عمر حبي لولادي ما كان انانيه.. أنا مستعد اديهم عمري ولا إني اشوفهم مكسورين..
حضرتك ومراد وكمان لارين..ممكن تشوفوا إن غيرتي عليهم تملك.. لكن لأ.. أنا عمري ما اتملكت من لارين رغم عشقي الكبير ليها.. يبقى معقول هتملك ولادي إللي هما عزوتي..
أنا كمان بحاول أوصل لإجابة إني ياترى بحب مين أكتر؟ آرين ولا آركان؟ آيان الصغير..!!
مبوصلش لاجابه.. لأن فعلاً ملهاش أجابه..
دي فطره وغريزه جوانا..
أنا بخاف اوي على آرين ياعمي.. يمكن لأننا تعبنا كتير في حياتنا.. شوفنا سرقه وقتل وخطف..وكل حاجه.
أو يمكن علشان الدنيا مبقاش فيها خير زي زمان..
لكن......!!!!! وغمض عينيه بتعب وسكت..
آدم : هز راسه بتفهم..وقام وقف قدامه..وقال.. لكن مش قادر تتخيل فكرة أنها في يوم هتتجوز وتبعد عنك..!!
فهد : بخنقه.. أنا مش آدم العدوي.. لأني مش عارف أبقى أنت..وده مش بأيدي..
آدم : أبتسم..وقال. أنت الحوت أنت الأب إللي بتتمناه كل عيله.. أنت داعم لولادك..وكونك بتحبهم بالدرجة دي.. يبقى لازم تكمل مسيرتك.. وتوصل ولادك لبر الأمان..!!
فهد : فتح عينيه..وبص ل آدم..وعينيه تايهه يمين وشمال. بقلق..
آدم : هز راسه.. ايوه أنت لازم تكون حكيم أكتر من كدا..
بنتك أتقدم ليها عرسان كتير..لكن طريقة الرفض واحده..وهي حجتك بأن آرين صغيره..
آرين في تانيه جامعه يافهد.. بنتك بتكبر وأنت لسه شايفها البنت الصغيرة إللي بضفاير.. لازم تصدق حقيقة إن دي دورة الحياة وبتكمل بعضها..
فهد : هز راسه بصمت..وحزن واضح على ملامحه..
زينب خبطت..وقالت.. الغدا جاهز يسي آدم بيه. وست مريم نزلت..
آدم : هز راسه تمام..روحي انتى يازينب..
فهد : كأنه مصدق إن حد جه ينهي الحديث.. وقال.. طيب انا همشي أنا لأني عازم لارين والولاد على الغدا.. ولف ضهرو وخارج..
آدم : بدهاء.. أنت رافض حفيدي آدم يافهد..!!؟
فهد : وقف مكانه..ولف ل آدم..وبص ف عينيه ف نظره طويله كلها حيره وشرود وتوهان.. وهمس مش عارف..!!!
آدم : أبتسم..وهز راسه وقال تمام.. روح أنت بقى خد عيلتك وارجعوا مبسوطين..!!!
------------------بقلمي مريم نصار..
بعد أسبوع..
آدم مراد : لابس ومتشيك.. ونزل بسرعه.. ودخل المكتب عند جدو..
آدم : بابتسامة وفخر.. ماشاء الله إيه الشياكه دي ياحفيدي؟ مش تخلي شويه لبكره..
ورايح فين كدا اوعا تكون رايح ليها..
آدم مراد : أبتسم.. أيوه فعلاً أنا رايح ل آرين الجامعه..
آدم : طيب ليه؟
آدم مراد : بإبتسامة حب.. لازم أقولها إني بكره هطلب أيدها رسمي من خالي فهد.. عايز أشوف رد فعلها..
آدم : أبتسم بحب وقال..ربنا معاك يا حفيدي..
Автор: Меріам Насар
بعد شويه..
آدم مراد : فتح باب العربيه..وفونه رن..وكان حرس آرين في الجامعه..
آدم مراد : رد عليه..وقال خير بتتصل ليه؟
الحارس : بلع ريقه بتوتر..وقال معمل الجامعة سمعنا إن حصل فيه اشتعال مواد كيميائية..!!
و آرين هانم هي إللي كانت في المعمل وإصابتها خطيره..!!!
آدم مراد : الفون وقع من أيدو..وهمس برعب.. آرين.....!!! -------------يتبع
رواية جريمة عشق 5
(مملكة ميراث العشق)
فكم من كربة أبكت عيونا
فهونها الكريم لنا فهانت
وكم ذقنا المرارة من ظروف
برغم قساوة الأيام لانت
هي الدنيا لنا فيها شؤون
فإن زينتها بالصبر زانت
"اللهم فرج كرباتنا ويسر أمورنا وإستر عيوبنا وأغفر ذنوبنا فإنه لا يغفر الذنوب إلا إنت"
================================
بسم الله نبدأ.
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
فيلا مصطفى عزيز..
مصطفى زمر بكلاكس العربية كتير جدا.. والبواب فتح.. وقال ألف مبروك يامصطفى باشا..
مصطفى : دخل بالعربيه..لحد باب الفيلا الداخلي.. وفرمل مرة واحدة..
چود : كانت راسها هتخبط في تابلوه العربية..وقالت يخربيت الغباء.. أنت واخدني على جمل..مابراحه يبني أنت..
مصطفى : بفرحه وحماس.. جمل..!! دا أنتي هتشوفي جميع الحيوانات على أيد العبدلله.. بس اصبري عليا..
چود : بلعت ريقها بقلق..وقالت جواها.. أنا خايفه.. الواد ده ممكن يقتلني..زي كركر الحناوي..
مصطفى : نزل وفتح ليها باب العربيه.. وقال.. يلا ياتراب القمر.. أنزلي..
چود : هزت راسها بتوتر..ونزلت.. ومشيت خطوه وهي بتعدل الفستان..
مصطفى : بضحكه.. لأ لأ.. أنتي رايحه فين.. تعالي أشيلك..
چود : برفض.. لأ لأ..مش عايزه ..
مصطفى : بمكر.. خلاص يابت.. أنا هنا سي مصطفى.. يعني لأ لأ دي؟
يتحط بدالها إللي تشوفه يسي مصطفى..
چود : فتحت عينيها بزهول وقالت..هو انا أضحك عليا ولا إيه؟ وشهقت بصوت عالى..يامجنووون..
مصطفى : شالها بين ايديه. وطالع بيها سلم الفيلا..
چود : دقات قلبها زادت عن حدها..ومحرجه..
مصطفى : ضحك عليها..وقال.. أقسم بالله لما بتتكسفي بتبقى بني أدمه ههههه..
چود : نفسها ترد عليه..لكن برضه متوتره..
مصطفى : زق باب الفيلا برجله..ودخل.. وزق الباب وقفله..وطالع بيها الجناح.. ونزلها..
چود : واقفه مرتبكه..ومش مطمنه..وبصت حواليها بقلق..
مصطفى : بمرح.. إيه يابت مالك مش ع بعضك ليه؟ أنتي خايفه مني ولا ايه؟
چود : بلعت ريقها بصعوبه وقالت. و..وهخاف منك ليه يعني؟ وايه مش على بعضي دي؟ ما..منا كويسه اهو..
مصطفى : بيقلع چاكت البدله..وقال.. ياعم انت طول عمرك زي الفل.. أنا بضحك معاك..
چود : فتحت عينيها بصدمه.. وقالت أنت بتعمل ايه؟
مصطفى : بتعجب.. ايه إللي بعمل ايه؟ بقلع الچاكت والكراڤت دي خانقه أمي.. أنا أصلا مبحبهاش.. يلا أنتي كمان اخلعي..
چود : شهقت بصوت عالى وقالت..ااه يسا*ل.. إيه البجاحه وقلة الأدب دي..
مصطفى : بيفك الكراڤت..وبص ل چود وقال. أنتي بتشتميني من اول يوم.؟
طيب ع الأقل استني شهر ولا حاجه.. أهو يبقى سيطرت شوية..و شكلي يبقى حلو قدام نفسي.. يابت أنا قصدي على الطرحه.. يلا بقى عايز أشوف شعرك..
چود : قالت جواها بقلق..يخربيت أسلوبك ياشيخ.. دي طريقه تخوف مطمنش..
ينهار منيل عليا وعلى سنيني.. أنا مش هستر لأ.. أنا شكلى هعلم عليه.. ايوه مصطفى هياكل علقه مني انهردا..
مصطفى : حدف الكراڤت على السرير..وبيضحك لچود..وقال..چووود. تراب القمر. معايا ولوحدنا.؟ أنا مش مصدق نفسي..
چود : عينيها رايحه يمين وشمال..وقالت هو بيبصلي كدا ليه؟
وماله عامل زي اللمبي في فرحه على نوسه كدا؟ ياوقعتك الطين يابنت رودي..!!!
مصطفى : قرب منها خطوه..
چود : رجعت لورا بسرعه..
مصطفى : بتعجب.. اله..في ايه بقى؟ يابت فكي كدا.. مالك كأنك سرقا حاجه ومقفوشه..
چود : من بين أسنانها مقفوشه؟ ياشيخ ربنا يوترك أكتر منتا موترني..
Автор: Меріам Насар
مصطفى : ضحك وقال..طيب تعالي اقعدي هنا جنبي . بيني وبينك أنا واقع من الجوع..
چود : بمكر.والله فكره..وقالت. اااه أنا بقى هموت وأكل..عارف يامصطفى.. أنا من أمبارح مكلتش حاجه..
مصطفى : رفع حاجبه وقال..ووجبات ماك مين إللي واكلها في السنتر..؟ يلا ماعلينا. تعالي دي مرمر عامله الأكل بنفسها.. وقولتلها چود بتحب أي حاجه دايسا في كله..
چود : متغاظه وهاين عليها تضربه..لكن قعدت..
مصطفى : جاب صينية الأكل..وقال. يلا بقى اضربي برحتك.. وبعدها أخد شاور.. الواحد فرهد انهردا من الرقص.. تقوليش كانت نمرتي انهاردة؟
چود : غصب عنها ضحكت..وقالت نمرتك؟ صدق لايقه عليك ههههههههه.
مصطفى : قسم الفرخه نصين وبصلها وقال. أنا مش هحاسبك على أي حاجه.. انا عارف إنك دلوقتي بتخرفي.. كلي كلي.. تاخدي الورك؟
چود : عوجت بوقها بغيظ..وقالت هاكل كفته..
مصطفى : بياكل وقال وكلي محشي أنا عارف إنك بتحبيه..اضربي يابت متتكسفيش..
چود : بدهشه.. وقالت..هو أنا ليه حاسه إني متجوزه المعلم جمعه؟ في إيه ياعم مصطفى؟
مصطفى : هههههههه يابت جعان عتلاق مكلت من الصبح..وعملت مجهود جبار في الفرح.. جعااان. جعااااان.. كلي بقى..
چود : شدت صوباع كفته بغيظ.. واخدت قطمه.. وقالت جواها. جتنا نيلة في حظنا الهباب. الواد معندوش رومانسيه خااالص..ولا كأني أول يوم أدخل فيه البيت معاه لوحدنا.. الواد ده بيعاملني كأني مخلفه منه خمس عيال ورايحين جايين على محكمة الأسرة.
مصطفى : بهزار..افتحي باب العربيه.. ههههه قصدي افتحي بوقك كلي حتة الفرخه دي..
چود : بسخريه.. لأ شكرا باكل اهو.. كل أنت بس على مهلك..الفرخه التانيه بتطلب الرحمه بين أيديك..
مصطفى : حط الأكل في بوقها..وقال يابت بطلي بقى..وكلي أنتي ماكلتيش حاجه.. أنا عارف إنك جعانه كلي متتكسفيش..
چود : بتاكل بحرج..وهزت راسها وسكتت..
مصطفى : أكل.وشايفها مكسوفه.. وقال..ااااه يابطني الحمدلله أنا كنت جعان بشكل.. بصي انا هروح اخد شاور ع السريع وأنتي كلي برحتك خالص..ماشي ياقمر..
چود : هزت راسها..ماشي..
مصطفى : ماشي بيغني ومبسوط..ودخل الحمام..
چود : بصت ع باب الحمام..وكأنها مصدقت.. وبدأت تاكل بنهم كبير..
ماسكه ورك الفرخه ف ايد..والكفته ف أيدها التانيه.. وتاكل مكرونه ومحشي.. وقالت.. أممم الله إيه ده؟ ده فراخ استربس اهو.. وبتاكل اممم جميله اوي..
بعد دقايق چود اكلت وقالت. اااه أنا كلت لأسبوع قدام..ومسحت أيديها بالوايبس...
وقالت اااه يابطني.. مفيش هنا حاجه ساقعه تهضم؟ وقامت تدور في الجناح..وقالت.. أممم أكيد في المطبخ تحت..
وفتحت الباب ونزلت على مهلها علشان الفستان.. ودخلت المطبخ..وفتحت التلاجه.. وابتسمت بمكر..وقالت ايوه بقى. وجابت ازازة حاجه ساقعه.. وحطت في الكاس وبتشرب..
وقالت الواد مصطفى ده غريب..قرر يتجوز في الفيلا.. عيل دماغه متكلفه...عاااااااا.. بسم الله..
مصطفى : بدهشه..بتعملي ايه عندك ياچود..؟
چود : حطت الكاس بغيظ .وقالت بطفح ساقع. فيها حاجه دي؟
مصطفى : طيب ماتقولي وانا كنت نزلت جبتلك.. يلا مش مهم.. تعالي بقى اطلعي خدي شاور كدا.. علشان نصلي..
چود : الازازه وقعت منها..وقالت بتعلثم..نصلي.!!!نصلي ليه؟
مصطفى : بتكشيره..نصلي ليه؟ هو إيه أصله ده.. وكمل بغمزه..مش عارفه يابت هنصلي ليه.؟وقرب منها..
چود : ضربات قلبها بتدق بسرعه كبيره..ورجعت لورا.. وقالت..بتوتر.. أنت رايح فين؟
مصطفى : رقص حواجبه وقال جايلك يا جميل.. ياحلم السنين أنت ياقمر..
چود : خبطت ف الحيطه..وشهقت بخوف..وقالت.بتحذير.. ولا اوعا تقرب أكتر من كدا.. بص هعمل معاك الغلط..
مصطفى : قرب منها اكتر..وقال. أنا بعيد عنك سنين وسنين.. ودلوقتي تقولي ابعد؟ ده انا ابقى اهبل..
چود : بتبص حواليها..وقالت.مفيش حاجه اخبطه بيها ده..
مصطفى : مسك أيدها ورجعها ورا ضهرها..وقال بخبث..چوود..چوود اهدي يابت أنا تيفا حبيبك.. أنتي مش عايزاني أشوف شعرك ليه؟
عارفه..لسه فاكر من وأحنا في ابتدائي.. وكنا نقف في الطابور..والشمس تدخل في عينيا من بين خصلات شعرك الكيرلي.. ولونه الدهبي..
چود : بتنهج. ومغمضه عينيها بقوه..
مصطفى : أبتسم بصمت.وقلبه دق ليها.وشال التاج
وف لحظه قرب منها وباس جبينها وخدها..
چود : فتحت عينيها بصدمه..وفلتت أيديها وزقته وجريت بسرعه على الليفنج..
مصطفى : جري وراها..وقال رايحه فين يابت؟
چود : بتجري وتلف حوالين الكنبه.. ومصطفى مش عارف يمسكها..
چود : قالت بتحذير... ولااا..!!! ابعد احسنلك.. اقسم بالله أبلغ البوليس.. أنت عايز مني ايه بالظبط؟
مصطفى : اتجنن..وقال تجيبى لجوزك في ليلة فرحه البوليس؟
لأ بقى دا أنتي هبت منك ع الآخر.. ونط من نص الكنبه..ومسكها وشدها عليه. وخبطت في صدرو..
چود : بتنهج..وشهقت.. وقالت بتوتر.. مصطفى سبني يامصطفى؟
مصطفى : حاوطها من وسطها بتملك..وشال الحجاب بالطرحه.. وفتح عينيه بانبهار..
چود : شعرها الكيرلي الدهبي نزل على ضهرها وكتفها..وكانت متوتره جدآ..
مصطفى : بهمس يخربيت جمدانك ياچودي.. شعرك لسه زي آخر مره شوفته فيها.. ورفع ايدو بين خصلات شعرها..
چود : قلبها دق. وغمضت عينيها..من لمسات حبيب الطفوله..
مصطفى : شال چود بين ايديه..وطلع بيها ع عش الزوجية.. وعاشوا أجمل ليله في سعاده كبيره بين طفوله وحب وعشق وجنون..
لكن دقات قلبهم سيطرت على جنون العشق..
وتمت نقل ملكية چود السيوفي إلي چود مصطفى عزيز..
ونقول مبروك لأجمل عصفورين مجانين..وعقبال الفرحه الكبيره..لقلوب الملايين.. (ديزل الغلابه
)------------------بقلمي مريم نصار.
بعد شويه..
عند فهد..
فهد : نايم ورينو ف حضنه..
رينو : فتحت عينيها واتعدلت..
فتح : فاق وقال..ف إيه ياحبيبتي؟
رينو : بتتاوب..صوت آيان كان بيعيط دلوقتي.. هروح أشوفه ورجعالك..
فهد : هز راسه وغمض عينيه..
رينو : راحت شافت آيان ورجعت..
فهد : قال..ماله آيان؟
رينو : شدت الغطا.. ونامت في حضنه.. وقالت.. آيو صاحي ومش جاي ليه نوم.
ورحت لقيت آرين عندو.. وقالت إنها هتقعد معاه لحد ما ينام..
فهد : هز راسه.. تمام. وشدها لحضنه وغمض عينيه.
رينو : غمضت عينيها تصبح على خير ياحبيبي..
فهد : وانتي بخير ياروحي..!!!
Автор: Меріам Насар
عند آرين..
آرين : بتتاوب..وقالت بتعب.آيو أنا هموت وانام.. تعالى بقى نام في سريرك..انهردا كان يوم مرهق ومتعب أوي..يلا ننام..
آيان : هز راسه ليها.. بالرفض..ومصحصح..
آرين : بتنهيده..وبعدين بقى.. يعني الكل نام إلا أنا وأنت..؟
آيان : بضحكه هز راسه وسقف وباسها من بوقها..
آرين : ضحكت بسعاده وضمته لقبلها بمرح وقالت يخلاثي انا ياناس حبيب قلبي أناااا آيو وبس..
تعالى بقى أقعد معايا في اوضتي.. ونام جمبي كمان أيه رأيك؟
آيان : بيلاغي بكلام مش مفهوم..
آرين : شالته وقالت..يلا بينا..واخدته ع اوضتها..
آيان : شاف كنز آرين..وشاور ليها علي الكنز.
آرين : بضحكه..ياروحي أنا .. أنت جعان؟ تعالى وكل الكنز ده ليك.. أقعد هنا وانا هجيبلك إللي أنت عايزو..
وسابت آيان واقف ساند على السرير.. وجابت ليه بسكويت..وعصير..وقالت أمسك ياروحي.. ولا أقولك.. تعالى أقعد جمبي هنا.. أنا هفتح نت أشوف جروب العيله..وآكلك أوكي..
آرين : قعدت ع السرير..وجمبها آيان..وفتحت الفون وهي بتتاوب.. وكمية اشعارات كتير مباركات وتهاني لمصطفى وعيلة عزيز والسيوفي..
ودخلت على الماسنجر..وشافت آدم قافل من دقيقة واحدة..
آرين : اضايقت جدآ وقالت بزعل..يخساره المرعب كان فاتح مش شويه..
وخرجت منها تنهيده.. وجت تطلع من الشات رنت إتصال بالغلط على آدم..
آرين : فتحت عينيها بزهول..واتكسفت..وقفلت الرنه بسرعه..وقالت بتوتر ينهار أبيض.. عاااا..ينهار مش فايت..هيقول عليا اييييه دلوقتي..
------------------بقلمي مريم نصار.
فيلا العدوي..
في أوضة آدم مراد..
آدم مراد : قاعد ع طرف السرير..وقفل الإضاءة.. ونام..وحط أيديه تحت راسه..وبيفكر في ملكة جمال قلبه..
وفجأة سمع رنة الماسنجر.. وكشر عينيه وقال..غريبه مين هيرن عليا ماسنجر دلوقتي..
وفتح الفون.. وأبتسم تلقائي.. وفتح الشات.. وكتب بإبتسامة.. مش جايلك نوم؟
آرين : فتحت عينيها بصدمه..وقالت هيييييه.. ألحق يا آيان..المرعب شاف الرنه وبيكلمني..اعمل ايه؟ اعمل ايه؟
وبلعت ريقها بتوتر..وكتبت.. لأ عايزه أنام بس آيان صاحي.. وأنا رنيت بالغلط والله العظيم..
آدم مراد : أبتسم بصمت..وكتب.. ياريت تغلطي كدا كل يوم.وترني. بس معايا انا وبس فاهمه؟
آرين : ابتسامتها نورت وشها..وكتبت.. يعني أنت مش هتضايق؟
آدم مراد : عمري..
آرين : بدقة قلب.. ميرسي جدا يا آدم..
آدم مراد : بضحكه..ميرسي يامرعب بقى.
آرين : بنفي.. لأ أنت دلوقتي آدم مش المرعب.. لما بتضحك بتبقى آدم.
.لكن لما تكشر وتتعصب
بتبقى كدا..وبعتتلوا ايموشن. آدم مراد : رفع حاجبه وقال بمكر.. أممم أنا للدرجادي بخوفك مني يا آري؟
آرين : رجعت بضهرها وكتبت.. بصراحه يا آدم عصبيتك تخوف.. لكن لما بتهدا بطمن..
آدم مراد : أبتسم..وكتب.. أنا عمري ما بتعصب ويغضب عليكي..لكن بغير عليكي..
آرين : بعدم فهم.. كتبت..وتفرق..
آدم مراد : فرق كبير جدا.مفيش وجه مقارنه بين الغضب والغيره.. رغم أنهم بيوصلوا للعصبيه.. لكن الغضب حاجه والغيره حاجه تانيه خالص..
آرين : بفضول.. وايه الفرق بقى؟
آدم مراد : الفرق إني لو غضبت سهل جدا اتحكم في غضبي..
لكن غيرتي عليكي دي إللي عمري ما أقدر اتحكم فيها.. يعني زي انهردا كدا.
آرين : عوجت بوقها وكتبت.. اه أنت هتقولي؟
آدم مراد : كلها خمس شهور..!!!
آرين : كشرت عينيها..وقالت..على إيه؟
آدم مراد : أبتسم. وقال بمكر..على إجازة نص السنه..
آرين : بغيظ..اه أنت هتفكرني ليه بقى؟ الدراسه بعد شهر واسبوع.. بس أنت ليه قولت كدا؟
آدم مراد : قريب جدا هتعرفي..
آرين : بفضول..بليييز قووول..
آدم مراد : أبتسم.. يلا بقى..اقفلي ونامي..
آرين : شافت آيان بيغمض عينيه بنعاس.. وكتبت.. أوكي.. آيان بينام.. وأنا كمان هنام..
وكتبت بتنهيدة حب..تصبح على خير يا آدم..
آدم مراد : وأنتي بخير ياضي آدم..!!
------------------بقلمي مريم نصار..
تاني يوم الصبح...!!
فيلا مصطفى عزيز..
چود : نايمه أول يوم في مملكتها..
مصطفى : قاعد جمبها..وحاطط أيدو ع خدو..وبيتأمل فيها..
چود : فاقت.. وبتفتح عينيها ببطء..وبتتاوب.. واتخضت..عاااااااا.. بسم الله الرحمن الرحيم.. أنت قاعد كدا ليه؟
مصطفى : بضحكه..صباااح الفل ياعروستي..
چود : اتعدلت وحطت أيدها ع قلبها..وغمضت عينيها بتنظم أنفاسها من الخضه.. واستوعبت أنها اتجوزت من مجنونها..
مصطفى : قرب منها وباسها من خدها..وقال.. يابت بقولك صباح الفل..
چود : نفخت بغيظ..وقالت..صباح الخير يامصطفى..
مصطفى : بغمزه صباحية مباركه ياقلب مصطفى..
چود : أنا جعانه..
مصطفى : مط شفايفه اممم.. عارف..ده المعتاد. وأنتي وراكي غير الأكل..
چود : ربعت رجليها وقالت بنرفزه..
ده إللي هو إيه ده بقى؟ أنت هتستخسر فيا الأكل من دلوقتي ولا ايه؟
لو هنبتديها بخل وكدا.. يبقى أروح عند بابا طارق.. وهيأكلني الحلو كله..اه.
مصطفى : بهزار..خدوني معاكوا أكل ببلاش.. هههههههه
چود : ضحكت وقالت..يخربيت الهيبره.. وكملت بدلع.. بقولك ايه ياتيفا ياحبيبي..
مصطفى : بغمزه..قلبه وعيونه ياتراب القمر..
چود : بضحكه..تسلملي.. أيه رأيك لو نروح دلوقتي عند بابا طارق..ونفاجأه..وكمان بابي..ونفطر معاهم..أصل بصراحه العيله والبيت وحشوني أوي..
مصطفى : بدهشه.نعم ياروح امك؟
عايزه تروحي فين يوم الصباحيه..؟ ده جدك مش بعيد لو شافك الصبح بدري أول ليلة جواز يطب فيها.. أعقلي كدا واركزي..
چود : بغيظ..منك لله يا شيخ..
مصطفى : رقص حواجبه وقال عسل أقسم بالله موزه..يخربيت جمالك.. بقولك انتي ايه بقى؟
چود : نفخت بخنقه قول..
مصطفى : تعالى ننزل نفطر.. وبعد كده هخليكي تكلمي العيله.. وبعد كده هقولك كلمة سر في ودنك.. ههههه.
چود : وشها بقى أحمر جدآ..وقالت بحرج ممزوج بغيظ.. أكلم العيله الأول وبعدها نفطر..
مصطفى : وماله ياعسل..خدى افتحي فوني وكلميهم.. وأنا هنزل اجيبلك أحلا فطار لحد عندك. وباس كف أيدها وخرج من الجناح. وهو بيغني..
چود : أبتسمت بتنهيدة حب..وقالت بحبك اوى يامصطفى..
وفتحت الفون واتصلت ع جدها وأبوها الروحي..
------------------بقلمي مريم نصار..
فيلا السيوفي..
رنا : نفخت بنفاذ صبر وقالت..بالله عليك متتعب قلبي معاك..وخد علاجك..
طارق : بحزن..شوفتي يارنا..شوفتي البيت مالوش حس إزاي؟
البت چود كانت تدخل تجري عليا..وعلشان تغيظك تنام وسطينا وتفضل تزغزغ فيكي علشان تضحكي.. وكانت تنزل تقعد على السفره أول واحده علشان تقعد جمبي وتهزر معايا.. والبيت كان كله دوشه من رودي وچود.. دلوقتي البيت بيفضى علينا..
رنا : طبطبت على ضهرو.. وقالت.. وحد الله ياطارق ياحبيبى.. مش ده كان حلمك..وهي يعني راحت فين.. ده كلها نص ساعه وتكون عندها.. ودي سنة الحياة.. وهي دلوقتي مبسوطه وفرحانه بحياتها الجديده.. أنت ادعيلها تعيش في سعاده وهنا وراحة بال.. ويرزقها الذريه الصالحه..
طارق : هز راسه بتنهيده..ونعم بالله..
رنا : امسك خد بقى العلاج..
طارق : بنرفزه..ياوليا قولتلك والله منا واخد حاجه.. أنتي بتفرهديني معاكي ليه؟
رنا : بنفاذ صبر..ياراجل عينيك حمرا من الضغط.. وفهد إبنك أتصل مرتين وقال لو مخدش العلاج.. هايجيلك وياخدك للدكتور.. وفارس قلقان عليك.. وكمان أنا..
طيب هو أنا ماليش خاطر عندك.. هي چود وبس..!! يعني رانوش خلاص راحت عليها..
طارق : بصلها وقال.. شوف الوليا..وكيد النسا ياجدعان.
.بتتكا على الوتر.. لأ يختي. أنتي كل حاجه. وأنتي الكل في الكل..
رنا : بضحكه..يبقى تسمع كلام رنا حبيبتك.. وتاخد علاجك..
طارق : نفخ بقلة حيلة وقال أستغفر الله العظيم يارب.
رنا : حطت البرشامه في أيدو..وقالت.. بالشفا إن شاء الله..ياروح قلبي أنت..
طارق : خد العلاج..وقال..ارتحتي دلوقتي؟
رنا : بضحكه.. طبعا وأنا ليا غيرك علشان أهتم بصحته.. دانت عشرة عمري كله يابو فهد..
طارق : مسد ع ضهرها وباس راسها وقال..حقك عليا يارنا..معلش فتره وهتعود على غياب احفادي..
رنا : عيونها لمعت وقالت.. كلام إيه ده بس ياطارق..ربنا يديمك في حياتنا..وحياة أحفادك..ويفضلوا مالمومين حوالين منك..
طارق فونه رن.. وضحك وقال ده الواد مصطفى.. ده اكيد البت چود..
رنا : بلهفه..طيب رد عليها وافتح الاسبيكر..
طارق : رد بسرعه.. الوو..
چود : بمرح..باااباااا طاارق سيد الناس وعمهم.. عامل ايه وحشني مووووت جدا..
طارق : بضحكه..بت ياچود عامله ايه يابت وحشتيني اوي ياقلب جدك..
چود : بضحكه.. أنا ميت فل و١٤ أنت بقى عامل ايه دلوقتي؟ وأخدت علاجك ولا لسه؟ وماما رانوش عامله ايه؟
طارق : بضحكه.. أنا دلوقتي ميا ميا.. وجدتك مابطلتش زن لما خدت العلاج.. وهي زي الفل..
رنا : بسعاده..اذيك ياچود عامله ايه يانور عيني؟
چود : بمرح..مامااااا رانوووش وحشتيني اوي ياست الكل.. ونفسي ازغزك دلوقتي هههههههه..
رنا : بضحكه..ربنا يسعد ايامك ياحبيبتي.. ومصطفى عامل ايه؟
چود : مصطفى كويس الحمدلله. وهيكلمكم..اومال فين مامي وبابي والواد چواد لسه نايم ولا صحي؟
طارق : بغيظ..يابت سيبك من الناس دي.. وخليكي معايا.. أنتي وحشاني ياچود. أوعي تسافري من غير ما أشوفك انا بقولك أهو..
چود : بمرح..ودي تيجي برضه يابرو.. أنت مش بعيد تلاقيني باليل عندك وعايزه اتعشى..
طارق : برفض لأ.. لأ ياحبيبة جدك مطلعيش من بيتك انهردا.. تعالى بكره.. تعالى أنتي والواد مصطفى. واتعشوا معانا..
مصطفى : داخل ع چود وقال .. أشطا هنجيلك بكره.. بس عايز كفته وكباب وحمام ياجدووو..
طارق : ضحك..تعالى أنت بس وهاتلي حفيدتي.. واجيبلك كل حاجه..!!!
وبعد كدا.. چود كلمت كل عيلتها.. وصلوا الضهر.. ومصطفى جابلها الفطار.. وفطرو وسط ضحك وهزار..
وبعدها مصطفى شال چود بين ايديه..واخدها لعالمه الخاص..
وتاني يوم مصطفى أخد چود وراحوا عند طارق وكانوا مبسوطين جدآ..
وطارق كان فرحان وواخد چود مقعدها جمبه.. وقضوا سهره طويله مع العيله.. وبعدها رجعوا البيت..
وجه يوم السفر وسافروا على دهب..علشان يقضوا أجمل أيام حياتهم..
ونسيبهم هما بقى ف شهر العسل وجنانهم مع بعض..ونشوف غيرهم..
------------------بقلمي مريم نصار.
بعد أسبوع..
في مستشفى النور..Автор: Меріам Насар
في غرفة السونار.. ميرو نايمه والدكتوره بتعمل ليها سونار علشان تشوف نوع البيبي..
تيم : واقف وعينيه على شاشة الجهاز..وجواه فضول كبير يعرف ربنا رزقه بإيه..
ميرو : مغمضه عينيها برهبه.. في إنتظار الدكتوره..
الدكتوره : بإبتسامة..ماشاء الله بنوته يا مدام مريم. ألف مبروك ياحبيبتى
تيم : ضحك بفرحه..وقال بهمس.. الحمد لله.
ميرو : ضحكت بدموع الفرح وقالت بنوته..!!! الله يبارك ف حضرتك.. وبصت لتيم..
تيم : ضغط ع أيدها وقال مبروك ياروحي.. وباس ع أيدها... هتبقى أجمل بنت إن شاء الله..
ميرو : بسعاده كبيره.. إن شاء الله..
Автор: Меріам Насар
تاني يوم.
فيلا العدوي.
في الليفنج..
فهد قاعد.. و آيان قاعد في حجره.. بيلاعبه.
ومراد قاعد قصاد فهد.. فاتح اللاب توب..
فريحه : قامت وقالت.. أنا هعمل قهوة اعملكم معايا..
كلهم تمام اعملي..
فريحه : راحت على المطبخ..
رينو : دخلت الفيلا.. السلام عليكم..وقعدت جمب فهد وباست آيان..
فهد : أبتسم.. إيه آرين عامله ايه دلوقتي..
رينو : بضحكه.. كالعادة يعنى..دخلت من باب الشقه.. يدوبك صلت..ولقيتها في سابع نومه..
فهد : أبتسم خليها تستريح..
مراد : بمكر..مش عارف أنا يافهد.. لما آرين تتجوز أنت هتعمل ايه؟
فهد : بصله بغيظ..وقال.. محدش عارف بكره في إيه يامراد؟
مراد : ضحك بصمت..
آدم مراد : رجع من الشغل..ودخل وقال السلام عليكم..
كلهم وعليكم السلام..
آدم مراد : سلم ع الكل وقال..بابا وماما مريم فين؟
رينو : بضحكه منتا عارف انهردا معزومين عند بابا طارق..
آدم مراد : أبتسم امم تمام.. وقعد جمب مراد.. وقال تالين نايمه؟
مراد : بيكتب في الشات.. لكن قال..
لأ راحت عند أختك ميرو بعد ما رجعت من المستشفى تقضي باقي اليوم معاها..
أنت اتصلت على أختك لما عرفت أنها حامل ف بنت تبارك ليها؟
آدم مراد : أنا روحت ليها ع المستشفى قبل ما اروح الشغل..
مراد : ربت ع كتفه..وبص ل فهد وقال بمكر.. راجل ياض يا آدم. طول عمرك راجل ويعتمد عليك.. ويابختها إللي هتكون مراتك..
ولا إيه رأيك يارينو ياحبيبة أخوكي..
رينو : أبتسمت وقالت بعفوية.. آدم.. آدم بجد طول عمره واخد باله من أدق التفاصيل..
وديما شايف شغله على أكمل وجه.. وشجاع.. ويعتمد عليه بجد فعلا يابختها.. مش كدا يافهد؟
فهد : صك ع أسنانه وقال.. أممم.
مراد : بهزار وتريقه.. أممم.. ألف سلامة. عندك مغص؟
فهد : بغيظ.. لأ عندي أستظراف..
مراد : بضحكه.. عايزين نجوز الواد آدم بقى. ملاقيش عندك عروسه حلوه تليق يابني يارينو ياحبيبتي؟
آدم مراد : مبتسم بصمت..
فهد : هاين عليه يقوم بضرب مراد وابنه..
رينو : بلعت ريقها بتوتر.. بصت ل فهد ومراد.. وقالت بتلعثم..اء. احم لأ الحاجات دي مافيهاش إختيار مننا.. لازم يكون آدم مقتنع باختياروا.. وبصت ل آدم..
آدم مراد : بثقه.. أنا مختار لنفسي ياعمتو..وكلها تلات شهور ونص واتقدم رسمي إن شاء الله..
رينو : فتحت عينيها بدهشه..
فهد : رد بغيره.. وأنت واثق اوي من الموافقه لما انت محدد لكل حاجه.؟
أنا بقول تعيد النظر في طلبك ياسيادة النقيب...!!!
مراد : شهق وقال.. اوبااااا.. شوفت يا آدم.. مين بعتلي مسج..!!!
آدم مراد : بثبات عكس الغيظ إللي جواه.. قال..مين؟ حد أعرفه؟
مراد : رقص حواجبه إلا تعرفه.. ده انا وانت وخالك فهد.. نعرفه كويس جدا.. چاك تايلر. فاكرو يا..... آدم؟
فهد : بص ل مراد..وحاول يكون ثابت..لكن أتنفس غيظ..
آدم مراد : أبتسم بمكر.. وقال..ااه طبعآ فاكرو..دي من أهم المأموريات إللي طلعناها مع بعض..
مراد : لأ بص بص..بعتلي مسج بيقولي اذيك يا چاكوب أنت وحشتني كتير وچاسير وكيران.. وأنا رجعت من كاليفورنيا على أوكرانيا.. وبدأت من جديد وفتحت مطعم مكان الملهى. أنا وشريكتي........!!!
وفتح عينيه وقال بضحكه..اوووباااااا شريكته إليس هههههههههههه ياولاد اللعيبه.. فاكرها يافهد..!!!
فهد : فتح عينيه بدهشه..ونزل آيان على الأرض..
رينو : كشرت عينيها بعدم فهم وقالت..مين إليس دي؟
فهد : بلع ريقه بتوتر.. وقال.. لأ لأ مفيش حد مش مهم..
مراد : هرش في دقنه وقال.. واد يا آدم.. عايزين نتفرج على فيلم..إليس في بلاد العجائب..هههههههه
رينو : أبتسمت ايوه عرفاه الفيلم ده..بحبه اوي..
آدم مراد : كاتم الضحكه.
مراد : بخبث.. كلنا بنحبه ياقلب أخوكي.. بس ياترى جوزك بيحبه..
رينو : بضحكه.. أكيد اتفرجنا عليه أنا وفهد أكتر من مرة. مش كدا يا فهد...
فهد : في نار طالعه من ودانه وغضب مكبت..لكن رد من بين أسنانه وقال بتوعد.. طبعاً طبعاً ياحبيبتي..
مراد : بخبث.. اهو أنا وفهد وآدم بقى شوفنا إليس دي حصري في أوكرانيا.. فاكر ياض يا آدم.. قبل ما نطلع ع الطياره.؟
آدم مراد : هز راسه بثبات.. أممم..
فهد : بص ل مراد نظرات ناريه..وتحذير شديد..
مراد : مثل اللامبلاه.. وبيكتب في بحث جوجل.. فيلم اكشن عن الخنفسه..ويسلام بقى لو أوكراني هههههه..
فهد : بغيظ..خلصت أستظراف يامراد؟
مراد : ببراءه.. اله..مالك بس يصحبي.. ايه اللي مضايقك كدا...!!
فهد : قام وقف..وقال أنا خارج.. وسابهم ومشي..
رينو : كشرت عينيها بعدم فهم..وقالت هو ماله اتنرفز ليه كدا؟
آدم مراد : بهمس لمراد.. أنت زودتها مع الحوت ياصقر..
مراد : مط شفايفه وقال ببرود.. اممم.. لأ..!!!
آدم مراد : بتنهيده..طيب وآخرتها..!!!
مراد : بذكاء....عليك وعلى الإمبراطور..!!!
------------------بقلمي مريم نصار.
بعد حوالي شهر..
في مكتب آدم العدوي..
فهد خبط ع باب المكتب..وقال حضرتك طلبتني ياعمي؟
آدم : هز راسه.وقال بهدوء.. أيوه تعالى يافهد.
فهد : دخل وقفل الباب..خير يا عمي..
آدم : شاور ليه أقعد يافهد يبني..!!
فهد : قعد قصاده.. وقال بقلق..حضرتك كويس؟ حصل معاك أي حاجه؟
آدم : بثبات.. أنا جبتك هنا علشان اسمعك..
فهد : بِشك.. اه تسمعني في إيه ياعمي انا آسف لكن مش فاهم..!!
آدم : بص ليه.. وقال خلاص هتكلم أنا. لأني حابب إنك تسمعني..
فهد : بحرج..ياخبر ده شرف ليا إني أسمع لحضرتك.. أنت ابويا قبل ما تكون عمي.. أتفضل وأنا تحت امرك..
آدم : أبتسم..تسلم يافهد.. واللي أنا عايز أقوله ده علشانك أنت..
طبعاً أنت أكيد عارف إن أهم حاجة عندي هي عيلتي وبس.. ومن المؤكد إني أكون عارف عن كل فرض في العيله كل حاجة.. انتوا أولادي وثمرة تعبي وهديه من رب العالمين..
لكن أحفادي هما ثروتي الحقيقيه..
حفيدي تيم عندي زي آريان.. و آدم مفيش فرق بينه وبين آركان..
وأبتسم..وقال.. ميرو و آرين وتالين مش عارف أحدد هما إيه بالنسبالي.. أنا اللي مربيهم.. كبروا معايا وقدامي يوم بيوم.. ساكنين جوايا..
وليليان وتمارا دول عزي وكرامتي..
الكل عندي ف نفس درجة الحب..لكن ديما بفشل في تحديد أنا بحب مين فيهم أكتر من التاني.؟
لأن كل واحده من احفادي ليها بريق معين.. ليها طله بتدخل على قلبي.. بحبهم كلهم أكتر من بعض.. وما زالت المنافسه مستمره جوايا... أنا بحب مين أكتر؟ لكن موصلتش لأجابه.. لأن الحقيقه إن مفيش أجابه. لأنها غريزه جوانا لأحفادنا..
وقبل منهم بناتي نور ورينو.. دول كياني وفخري وشرفي. ماضيا وحاضري ومستقبلي. ومن واجب حبي ليهم إني اتمنى ليهم الأفضل ديما..
وزمان لما شوفت حب محمد لبنتي نور.. أنا فرحت.. لأن أنا عارف محمد إيه .. وهيكون قد ايه محتوي لبنتي وقادر يسعدها..
محمد عندو رزانة عقل وهدوء وقوة صبر وتحمل.. راجل بمعنى الكلمة..
يبقى انا ازعل ليه لما أشوف مستقبل بنتي قدام عيني وهو بيتبني أمان واستقرار..
وأنت يافهد. أنت طبعك غيرتك الشديده وعصبيتك على كل إللي يمس كرامة عيلتك..
وده مش وحش بالعكس إنك تغير على أهل بيتك. دي رجوله وقليل إللي بقى يغير على عرضه..
ورغم غضبك إللي بشوفه في عينيك ديما.. ولاني أنا إللي ربيتك شوفت جواك... في قلبك قبل عينيك.. حنية مالهاش آخر..
جواك حب ودفا وخوف وقلق من إنك تفقد حد غالي عليك..
أنا وافقت عليك من قبل ما تطلب لارين بنتي للجواز..
أصل انا مش هلاقي أحسن منك لبنتي وحبيبة قلبي..
أنا سلمتك لارين قطعه من قلبي.. ودوست على وجع قلبي.وعديت..علشان ده لمصلحة بنتي..
وهو الأب هيعوز إيه لبناته غير راجل يخاف الله فيها.؟
. وأنت كنت الراجل ده لبنتي.. وعمري ما كنت أناني في حبي لولادي..
عمري ما عودتكم إني أنا اللي أختار..
مراد قال أنا عايز فريحه.. رحبت وقولت يازين ماخترت..
زين ابني كان عايز ريتال وأنا إللي شجعته وخليتو يتحرك ويطلب أيدها.. علشان سعادتي أنا في سعادة ولادي..
هو ده أنا.. ده آدم العدوي.. أنا بقى جبتك هنا علشان أعرف فهد السيوفي.. بيفكر إزاي لمستقبل ولاده..!!!
فهد : بلع ريقه بغصه.. وساكت.......!!!
آدم : بهدوء : ربت على كتفه..اتكلم يافهد قول إللي جواك..!!!
فهد : أخد نفس عميق جدآ..واتنهد بوجع.. وقام وقف..وراح عند الشباك..ورفع عينيه.. وشاف آرين و آيان في الجنينه.. وأبتسم بحنين.. وقال..
لارين و آرين و آركان و آيان...!!!
هما دول قوتي وضعفي.. ولف ل آدم وأبتسم وقال.. وثروتي الحقيقية برضوا..
أصل انا اب عندو حلم طويل أوي إني اعيش وادي كل ذرة حب وحنان جوايا ليهم..
وبص ع آرين.. وقال..عمر حبي لولادي ما كان انانيه.. أنا مستعد اديهم عمري ولا إني اشوفهم مكسورين..
حضرتك ومراد وكمان لارين..ممكن تشوفوا إن غيرتي عليهم تملك.. لكن لأ.. أنا عمري ما اتملكت من لارين رغم عشقي الكبير ليها.. يبقى معقول هتملك ولادي إللي هما عزوتي..
أنا كمان بحاول أوصل لإجابة إني ياترى بحب مين أكتر؟ آرين ولا آركان؟ آيان الصغير..!!
مبوصلش لاجابه.. لأن فعلاً ملهاش أجابه..
دي فطره وغريزه جوانا..
أنا بخاف اوي على آرين ياعمي.. يمكن لأننا تعبنا كتير في حياتنا.. شوفنا سرقه وقتل وخطف..وكل حاجه.
أو يمكن علشان الدنيا مبقاش فيها خير زي زمان..
لكن......!!!!! وغمض عينيه بتعب وسكت..
آدم : هز راسه بتفهم..وقام وقف قدامه..وقال.. لكن مش قادر تتخيل فكرة أنها في يوم هتتجوز وتبعد عنك..!!
فهد : بخنقه.. أنا مش آدم العدوي.. لأني مش عارف أبقى أنت..وده مش بأيدي..
آدم : أبتسم..وقال. أنت الحوت أنت الأب إللي بتتمناه كل عيله.. أنت داعم لولادك..وكونك بتحبهم بالدرجة دي.. يبقى لازم تكمل مسيرتك.. وتوصل ولادك لبر الأمان..!!
فهد : فتح عينيه..وبص ل آدم..وعينيه تايهه يمين وشمال. بقلق..
آدم : هز راسه.. ايوه أنت لازم تكون حكيم أكتر من كدا..
بنتك أتقدم ليها عرسان كتير..لكن طريقة الرفض واحده..وهي حجتك بأن آرين صغيره..
آرين في تانيه جامعه يافهد.. بنتك بتكبر وأنت لسه شايفها البنت الصغيرة إللي بضفاير.. لازم تصدق حقيقة إن دي دورة الحياة وبتكمل بعضها..
فهد : هز راسه بصمت..وحزن واضح على ملامحه..
زينب خبطت..وقالت.. الغدا جاهز يسي آدم بيه. وست مريم نزلت..
آدم : هز راسه تمام..روحي انتى يازينب..
فهد : كأنه مصدق إن حد جه ينهي الحديث.. وقال.. طيب انا همشي أنا لأني عازم لارين والولاد على الغدا.. ولف ضهرو وخارج..
آدم : بدهاء.. أنت رافض حفيدي آدم يافهد..!!؟
فهد : وقف مكانه..ولف ل آدم..وبص ف عينيه ف نظره طويله كلها حيره وشرود وتوهان.. وهمس مش عارف..!!!
آدم : أبتسم..وهز راسه وقال تمام.. روح أنت بقى خد عيلتك وارجعوا مبسوطين..!!!
------------------بقلمي مريم نصار..
بعد أسبوع..
آدم مراد : لابس ومتشيك.. ونزل بسرعه.. ودخل المكتب عند جدو..
آدم : بابتسامة وفخر.. ماشاء الله إيه الشياكه دي ياحفيدي؟ مش تخلي شويه لبكره..
ورايح فين كدا اوعا تكون رايح ليها..
آدم مراد : أبتسم.. أيوه فعلاً أنا رايح ل آرين الجامعه..
آدم : طيب ليه؟
آدم مراد : بإبتسامة حب.. لازم أقولها إني بكره هطلب أيدها رسمي من خالي فهد.. عايز أشوف رد فعلها..
آدم : أبتسم بحب وقال..ربنا معاك يا حفيدي..
Автор: Меріам Насар
بعد شويه..
آدم مراد : فتح باب العربيه..وفونه رن..وكان حرس آرين في الجامعه..
آدم مراد : رد عليه..وقال خير بتتصل ليه؟
الحارس : بلع ريقه بتوتر..وقال معمل الجامعة سمعنا إن حصل فيه اشتعال مواد كيميائية..!!
و آرين هانم هي إللي كانت في المعمل وإصابتها خطيره..!!!
آدم مراد : الفون وقع من أيدو..وهمس برعب.. آرين.....!!! -------------يتبع
الاكثر قراءة هذا الشهر :
موعد الحلقة الجديدة الساعة 8 م يوميا ان شاء الله .
هنا تنتهى احداث رواية جريمة عشق 5 الفصل 47 ، يمكنكم اكمال باقى احداث رواية جريمة عشق الجزء الخامس الفصل 48 أوقراءة المزيد من الروايات المكتملة فى قسم روايات كاملة .
نأمل أن تكونوا قد استمتعتم بـ رواية جريمة عشق الجزء الخامس ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على المدونة .