نقدم اليوم احداث رواية جريمة عشق الجزء الخامس مملكة ميراث العشق الفصل 44 من روايات مريم نصار . والتى تندرج تحت تصنيف روايات رومانسية ، تعد الرواية واحدة من اجمل الروايات رومانسية والتى نالت اعجاب القراء على الموقع ، لـ قراءة احداث رواية اسيرة العادات والتقاليد كاملة بقلم مريم نصار من خلال اللينك السابق ، أو تنزيل رواية جريمة عشق 4 pdf كاملة من خلال موقعنا .
مملكة ميراث العشق الفصل الرابع والاربعين
فصل ٢٣ ج 1
رواية جريمة عشق 5
(مملكة ميراث العشق)
هوّن عليك
هون عليك فإن الله فارجها...
فوحده ربي يدري مخارجها
وافرح لها إن اشتدّت فشدتها...
علامة من الله إيذانا بفُرجتها
ما دام ما يجري بعلم الله فارضَ به...
ولا تَمُت حُزنا على الدنيا وبهجتها
كم أزعجتك أمور كنت تحسبها شرّاً...
حتى رأيتَ من الرحمن حكمتها
فوّض له الأمر في كل الشؤون تجد...
للصدر شرحا وللنفس سكينتها .
================================
بسم الله نبدأ.
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
فيلا تيم عزيز..
ميرو قاعده على السفره مع تيم وبيتغدوا..
تيم : بابا آدم وماما مريم.. راحوا زياره لعمو بيتر.. لأنه تعبان شويه..
ميرو : بتاكل..اممم.. مامي قالتلي..وزعلت جدآ..ربنا يشفيه يارب..
. وكمان هيروحوا ل ناناه ملك..
تعرف ياتيمو. لما بابا آدم وماما مريم بيخرجوا من البيت..بحس أنه ناقصه حاجه كبيره جدآ..
تيم : بتأكيد.. طبعاً. دول هما جدر العيلة.. واللي تعبوا علشان نوصل للنتيجة دي وبفضل ربنا أولا..ثم ماما مريم ثانياً. وبعدها الإمبراطور..!!!
ميرو : بتعجب.. أنا لما بشوف هدوء بابا آدم.. بقول أنه اكيد ده طبعه من الصغر..
ولما بابا طارق يقولي إنه كان عصبي جداً.. انا مصدقتش..
لكن بابا آدم أكد على كلام بابا طارق.. وقال إنه فعلاً كان بيغضب بسرعه.. و السبب في تغيرو للأفضل..ربنا ثم ماما مريم..
وأنا سألت بابا آدم إيه سبب التغيير ده؟
قالي..انه لما بدأ يقرأ القرآن. ويصلي في المسجد. ويقرب من ربنا..حس بسكينة وراحه. وهدوء.وانشراح في صدرو.
وشاف إن الدنيا صغيره اوي.. وإن مفيش حاجه تستاهل أنه يعلمها لأولاده وأحفاده؟ غير الحب والود والخير..
لأن الحب بيفوق أي حقد ،،والود بيفوق الجفا،، والخير بيفوق الشر..
بابا آدم وماما مريم مثال مشرف لأي حد.. ومن رضا ربنا علينا إحنا كـ أحفاد. أننا اتوجدنا في قلب الإمبراطورية العظيمه دي..!!
تيم : بإبتسامة حب ..ومن رضا ربنا عليا أنه رزقني بنسخه مصغره من أميرة آدم..
نقول عليها ملاك تيم..!! أو ملاك الروح.. حاجه كدا وهم..
خفيفة على الروح وعندها لين القلب.. وجودك في حياتي نعمة كبيرة جداً..بجد يا مريم أنا مبسوط جدا لوجودك جمبي..
ميرو : أبتسمت بفرحه..وقالت..
يااااه من زمان جدا..مسمعتش كلامك الحلو ده..
لأ وكمان مشوفتش ضحكتك الجميله دي..
تيم : بضحكه.. لأ خلاص بعد ما كامليا هاجرت بره مصر..
مش عايز أقولك على كمية الراحه النفسيه اللي أنا فيها..
بجد كابوس مزعج..وانتهى بسفرها.. وإن شاء الله. مش هترجع تاني..!!
ميرو : بتنهيدة..ربنا يهديها. ويشفيها..صدقني ياتيم.. الأهل ليهم دور كبير جدا. في دمار ولادهم.. وكامليا ضحيه..
انا طبعا مش ببرر لأخطاءها..هي أكيد مش صغيره وعارفه الصح من الغلط..
لكن والدتها زرعت فيها حجات وأصول غير صحيحة..
كبرت عليها..وشافت أنها مبتعملش أي حاجه غلط..وده زود الغفله على عينيها وقلبها..
بجد ربنا ينور بصيرتها..وتلحق تفوق قبل فوات الأوان..
تيم : مط شفايفه اممم.. وقال بعدم إهتمام.. ربنا يهدي..
المهم بقى.. أنا هروح المستشفى ساعه وارجعلك..وانتي خدي العلاج و استريحي..
ميرو : معدتها قلبت..وحطت ايدها ع بوقها..وقامت بسرعه على الحمام..
تيم : قام وراح وراها..وقال بقلق.. إيه يامريم..العلاج مجبش نتيجه؟
ميرو : بترجع..وغسلت وشها.. وخارجه من الحمام بتنهج..ووشها أصفر..
تيم : بسرعه سندها.. وقال..ع مهلك.. تعالي اقعدي هنا..
وقعدت على الكنبه في الليفنج..
تيم : بقلق..لو العلاج ده مجبش نتيجة نشوف علاج غيرو..
ميرو : بتعب. لأ أنا تمام متقلقش.
والدكتوره قالت إن ده طبيعي. وكمان مامي قالت عادي في شهور الحمل الأولى..
تيم : طيب ثواني..هعملك اي حاجه دافيه تشربيها..
ميرو : مسكت ايدو لأ.. أنا كويسه صدقني.
.بس حاسه اني عايزه انام..
.أنا ممكن أنام. وأنت روح على شغلك..
تيم : طيب تعالي معايا. فوق. واستريحي..
ميرو : هزت راسها.. وقامت.. وحست بدوخه..
تيم : حس بيها..وشالها بين ايديه.. وطلع بيها.. ونزلها على السرير..وشد عليها الغطا..وقعد جنبها..
ميرو : أبتسمت بحب..ميرسي جدا ياتيم..
تيم : ابتسم..ميرسي على إيه؟ لو بأيدي اشيلك في عينيا وقلبي طول العمر..
ميرو : بتنهيدة حب..ربنا يباركلي فيك ياحبيبى..
تيم : باس جبينها بحب كبير..وقال..
ويباركلي فيكي ياروحي..
يلا نامي انتى.. وانا هلبس وانزل ع المستشفى..
وقبل ما امشي..هبعت تالين و آرين يقعدوا هنا معاكي لحد ما أرجع..
ولو حسيتي بتعب اتصلي عليا هجيلك فوراً..
ميرو : بدقة قلب حاضر ياحبيبي..
------------------بقلمي مريم نصار.
فيلا السيوفي..
چود : طبقت الكارت في أيديها بنرفزه.. وصكت ع أسنانها بغيظ واضح.. وقالت بزهول.. القتل ليك حلال يابن يوسف..!!!!
القتل ليييك حلاااال..
وأنا إللي كنت خايفه من أنك تكتب تراب القمر؟ في الآخر بقيت جفت؟ أنا جفت؟ حسبي الله ونعم الوكيل فيك ياشيخ..ده انا هسود عيشتك..!!! أنا هفشكل أم الجوازه دي..!!!
واتصلت ع مصطفى..
فيلا مصطفى عزيز..
كل العيله قاعده على الغدا..
ومريم شايله عُمر..
أشرف : ها يايوسف.. كل حاجه جاهزه؟
يوسف : طبعاً اطمن حضرتك كله تمام..
وبص لمصطفى وقال بضحكه.. إيه ياعم العريس المستعجل..
مش كنت تأجل الجواز شويه لبعد ما تخلص جيش؟ ههههه
مصطفى : جيش إيه بس يابرو.. إن شاء الله. هاخد إعفاء..
كريم : بتأكيد.. أيوه وانا بضم صوتي لصوتك.. لأنهم مابيخدوش المتخلفين عقليا..
ليليان : ضحكت. وقالت مصطفى متخلف؟ لأ ياعم متقولش كدا..هو مهيبر شويه..
كريم : بصلها بغيره..
ليليان : بتوتر..يعني مهيبر حبتين..
كريم : بنفس النظره
.
ليليان : نفخت بخنقه وقالت..خلاص متخلف عقليا..استريحت..
كريم : كتم الضحكه..وقال. ايوه طبعاً. الصراحه راحه...
مصطفى : كشر عينيه وقال اااه.. بقى هي الحكاية كدا؟ يعني أنت ياكريم إللي بتوقع بيني وبينك.. ليه كدا ياكرمله..
كريم : صك ع أسنانه بغيظ مكبت وقال.
أنا عامل احترام لجدك وبابا..مش هرد عليك..
هنا : بحزم.. ولد يامصطفى..!!
ميت مرة نقولك عيب اسلوبك ده..ومتقولش لاخوك الكبير الاسم ده..
أختار مخارج الحروف.. أنت خلاص كبرت وهتبقى مسؤول عن بيت وأسره..
مصطفى : بتمثيل البراءه..هو انا عملت حاجه..؟
بابا بيتكلم معايا..وكرمله..
قصدي كريم باشا ماصدق إن بابا يتكلم..
والله حرام إللي بيحصل ده.. هو أنا مش ابنكم..
الكل ضحك..
أشرف : لأ ياحبيب جدك . أنت ابننا والدليل على كدا جنانك المتوارث..لكن أنت ورثته بزمه وضمير..
مصطفى : علشان تعرف بس ياجدو إني عندي ضمير..
وبص لامه وقال..هاتي ورك الفرخه ده يامرمر الله يكرمك.. عريس ولازم اتغذا..
الكل ضحك..
مريم : بضحكه..اتفضل يا حبيبي..كل برحتك وبالهنا والشفا..
مصطفى : بياكل بنهم..الله يكرمك يامرمر..
يوسف : بإستفهام.. إنما قولي يادرش..
أنت ليه عايز لما تتجوز تقعد هنا في الفيلا قبل ما تسافر لشهر العسل؟ مع إن شقتك موجوده وجاهزه وزي الفل..
مصطفى : أممم..سؤال مهم.
بس أنا عايز اتجوز في فيلا بصراحه. ومتعود على البيت ده..ومبستريحش غير هنا..
معلش بقى هتعبكم..وهتسيبوا الفيلا كام يوم لحد ما نسافر..
هنا : بزهول..مش بقولكم..الولد ده محصلش في تاريخ العيله..
مريم : بزهول.. أنت بتقول ايه يامصطفى..
عايزنا نسيب الفيلا تلات ايام.؟ طيب مالشقه موجوده يبني..
مصطفى : بتعجب.. اله..هو انا بقول هوديكوا دار المسنين.؟
وبعدين مالشقق كتير..مستخسرين فيا تلات ايام؟
هو انا مش عريس؟
كريم : بسخريه.. لأ ياخويا عريس. وديما عامل زي الشريك المخالف..
أشرف : بضحكه.. خلاص خلاص..مافيهاش حاجه.. وهما تلات ايام مفيش غيرهم..
مصطفى : ضحك بنصر.. حبيب قلبي أنت ياجدو والله..
ليليان : هي چود هتشتري فستان الفرح انهردا مش كدا؟
مصطفى : بياكل.. أممم هتغدا واعدي عليها. علشان مفيش وقت.. عايزه تيجي معانا؟
ليليان : برفض. لأ أنا وكريم هننزل يوم أجازته.. وكمان عايزه أشتري بدله لعُمر إيه رأيك ياكريم؟
كريم : بإبتسامة..هيبقى قمر في البدله..
ليليان : بسعادة.. إحنا اتفقنا كلنا إن الأولاد هيلبسو بدل زي بعض..
آيان ومحمد وعُمر ومحمود وحمزه.. واو مجرد التخيل بيفرحني..وبشوفهم قمرات..
مريم : بضحكه..ضمت عُمر لقلبها.. وقالت..هتلبس بدله في الفرح ياقلب تيتة.. عقبال بدلة فرحك يارب يانور العين أنت..وباسته..
الكل أبتسم بحب وقالوا آمين...!!
مصطفى : بيضحك معاهم..وفونه رن.. وكانت چود.. ورفع حاجبه وقال.. أكيد طايره من الفرحه لما شافت الكارت..
وقام وقال. ثواني ياجماعه مكالمه مهمه.. واتحرك على الجنينه..ورد وقال..
حبيبتي ياچودي بتتصلي تشكريني بالسرعه دي..
واتخض من الإعصار إللي اتكملت بيه..
چود : بهجوم واعصار.. بتصل علشاااان ايييييه؟ اشكررررك..؟
دانت يومك أسو....انهردا..!!!!
إيه الززززفت إللي أنت كاتبه على كارت الفرح ده؟ بقى أناااا چود السيوفي..
حفيدة طارق السيوفي؟ تكتبني جفت؟
وكمااااان جوااااااازك مني تكفير ذنوب..
طيب ساعه وتكون قدامي..علشان مطلعش كل ذنوبي عليك..
مصطفى : يخربيتك ايييه البلاعه دي.. أنتي آيش فهمك أنتي في كروت الفرح ؟
چود : بنرفزه.. تعاااالى حالا يامصطفى.. يا اما والله العظيم افشكل أم الجوازه دي..فااااهم..!!
مصطفى : طيب طيب.. اقفلي وانا جاي..
وقفل وقال.
البنت من فرحتها اتصدمت..ولا اتجننت.. مش عارف مالها..هو الكارت في ايه يعني؟
------------------بقلمي مريم نصار.
فيلا الجوهري..
Автор: Меріам Насар
باري : قاعده ف الليفنج..وواضح عليها الزعل.. وهيلينا قاعده جمبها.. واتصلت ع رينو..!! وردت.
هيلينا : بابتسامه..هاي لارين عامله إيه حبيبتي..!!
رينو : أبتسمت.. انا بخير الحمدلله.. أنتي اذيك هيلينا..عامله ايه ياحبيبتى بجد وحشاني جداً.
هيلينا : وأنتي وحشاني كتير اوى.. وبعتذر انا مقصره في سؤالي عليكي..لكن أنت عارف إني كنت مسافر إيطالي ولسه راجعين أمبارح..
رينو : حمدلله على السلامه.. وياحبيبت قلبي متعتذريش..
الأيام دي فعلاً الكل بقى مشغول جدآ..لكن عمرنا ما ننسى بعض أبدا.. ولادك عاملين إيه؟ وابنك رجع معاكم؟
هيلينا : نو سفيان. لسه هناك مع داد.. ومسك فروع كتير في إيطالي..وداد مصمم أنه يسيب ليه كل حاجه في الشغل الخاص بتاعه..
باري : نفخت بخنقه..وساكته..
رينو : ماشاء الله اللهم بارك..ربنا يبارك فيه..سفيان أنا ماشفتوش من ابتدائي هو وباري.. لكن ديما أسمع أنه بار بجدو.. وربنا يجازيه خير..
هيلينا : ربتت ع أيد بنتها.. وقالت .ميرسي جدا لارين..وباري رجعت معانا أنا ورعد.. بس هي زعلانه كتير لارين..
رينو : بتكشره..زعلانه ليه بس؟
باري : بصت بعيد..
هيلينا : لأن باري كانت عايز تدخل كلية إعلام لأنها عايزه تبقى صحفيه..
لكن رعد رفض لأنه خايف عليها..وقال بلاش لأن كدا ممكن تعرض نفسها لمخاطر.. وحاول معاها..
واختارت أنها هتقدم في تجاره انجليش أخيراً.. وهي سمعاكي أهي لارين حبيبتي قولي ليها حاجه..
رينو : بتفهم.. أممم. أولا اذيك باري..
باري : بحزن.. أنا تمام ياطنط.
رينو : أبتسمت ماشاءالله صوتك رقيق وجميل.. وليه حق باباكي يخاف عليكي..
باري : بزعل..ده مش خوف ياطنط..ده فرض أمر وخلاص. ومبقتش فارقه بقى..تجاره من أعلام..
رينو : أبتمست.. تعرفي إن زعلك..نفس زعل آرين بنتي بالظبط..
وديما تشوف الخوف عليها أنه فرض..لكن مع شوية تجارب في حياتها اقتنعت إن كل كل حاجه بنعملها هي خوف عليها من حبنا فيها..
والصحافه جميله لكن فعلاً مشاكلها كتير.. وكمان أختي الكبيره واسمها نور كانت عايزه تبقى صحفيه..لكن في الآخر اختارت طب..
و آرين بنتي كانت عايزه حربية.. لكن باباها رفض من خوفه عليها..
أحياناً ياباري القدر بيحطنا في المكان إللي احنا مش راضيين عنه.. لكن بعد كدا بنكتشف إن إرادة ربنا ألطف وأجمل وأحسن بكتير من اختياراتنا..
وماشاء الله تجاره انجليش جميله جدا. ومستقبلها مضمون..
وعايزاكي تحاولي إنك متزعلش.. وليا رجاء خاص..ياريت تقدري خوف باباكي عليكي..
الأب هو الإنسان الوحيد إللي يحب بجد أنه ولاده تكون في القمه..!!
باري : هزت راسها.. إن شاء الله..ميرسي جدا لحضرتك ياطنط..
رينو : بضحكه.. لأ ميرسي دي مش هتنفع.. أنا لازم أشوفك.. على الأقل أعرف مين القمر إللي بتكلمني ولا ايه بقى؟
باري : أبتسمت..ياريت ياطنط.. مامي ديما تكلمني عن حضرتك. وقالت إن مفيش بينكم صداقه قويه..لكن هي بتحب حضرتك جدآ..
وقالت كمان أننا في اقرب فرصة هنروح لحضرتك العياده..
هيلينا : أيوه فعلاً لارين..
رينو : بابتسامه.. لأ طبعاً أنا ومامتك بتربطنا صداقه قويه..لكن هي ديما بتسافر.وانا كمان. ومواعيدنا ديما متلخبطه وعكس بعض.. لكن هيلينا من أقرب الناس لقلبي..
هيلينا : ابتسمت.. ميرسي جدا جدا لارين.. انتي شخصيه جميله جدا.. وأكيد قريباً هنتقابل حبيبتي..
رينو : وأنا في الإنتظار إن شاء الله هيلينا...!!
------------------بقلمي مريم نصار.
فيلا السيوفي. في الجنينه
Aвтор: Меріам Насар
مصطفى : ايوه يست چود.. اهو طلعنا الجنينه. خير بقى؟
چود : بنرفزه.. أنا عايزه اعرف أنت بتفكر ازاااااي؟
مصطفى : هرش في راسه..وقال بتعجب.. ايه ده؟ هو أنا لازم أفكر؟
چود : صكت ع أسنانها بغيظ واضح..وقالت .ولااا؟ انا مش هكمل..مش عايزاك.. انا مش عايزاااك..
مصطفى : بس بس وحياة أمك تتكلمي على قدك.. هو حصل إيه أصلا لكل ده..!!!
چود : حصصل اييييه؟ انت كمان جاي ومش عارف حصل إيه؟ أنت يومك معايا مش هيعدي على خير.. أنت هتطلقني.. ايووووه طلقنااااااااي...
مصطفى : بصوت جهوري..طيب رووووحي وأنتي..........!!!!
چود : شهقت بصوت عالى.وغمضت عينيها.
مصطفى : بمكر.. وأنتي مراتي حبيبتي..
ههههه يابت شوفي وشك أصفر إزاي؟
لما انتوا مش قد الكلام بتتكلموا ليه؟ هههههههه
چود : خبطته في كتفه بغيظ..وقالت.. أنت البعيد اييييه؟مبتحسش..يخربيت برودك..
مصطفى : يابت ماتهمدي بقى.. أنا قادر في لحظه..اكتم صوتك ده اتلمي بقى..!!
چود : حطت ايدها ف جمبها وقالت والله..!!
تكتم صوتي؟ أزاي بقى إن شاء الله..
إيه هتموتني؟
مصطفى : بغمزه.. لأ هبوسك..
چود : تنحت..وفتحت عينيها بدهشه..
مصطفى : قعد ع الكرسي وقال..اااه..هي الحريم كدا.. بتتصدم من أقل حاجه..
چود : من بين أسنانها.. أنا مش هعلق على كلامك ده.. عشان مزعلكش مني..
بس تقدر تقولي إيه الزفت إللي أنت كاتبه على كارت الفرح ده؟
مصطفى : حط رجل ع رجل.. وقال.
مصطفى عزيز أي حاجه بيعملها عظمه..!!!!
چود : بغيظ وصوت عالي..يخربيت برووووودك.. طلقنااااااااي..
مصطفى : بضحكه..برضه..شكلك عايزاني انفذ كلامي واكتم صوتك ده بجد ..
رودي : جت بسرعه..ايه يا ولاد.. إيه في إيه صوتكوا العالي ده..
مصطفى : بمرح..تعالى يارودي..بزمتك انتي سمعتي صوتي عالي؟
رودي : لأ وأنت ياقلب رودي بيطلعلك صوت..ده أنت العسل كله..
مصطفى : حبيبتي والله.. أنتي مش حماتي لأ.. أنتي صحبتي الأنتيم..
چود : حطا أيديها في جمبها ومتنحه.. لأمها ومصطفى..
رودي : هههه تسلم ياواد..وهو أنا هلاقي زيك أصلا..
مصطفى : ولا كنتوا تحلموا..
رودي : بتقول ايه؟
مصطفى : كح..بقول ولا أنا ألاقي زيكوا يارودي العسل..
المهم بقى عقلي بنتك دي..مش ناويه تجيبها لبر..
رودي : مالها عملت بنت اللذين دي كمان..
مصطفى : مط شفايفه اممم.. أبدا عايزاني أطلقها..!!!
رودي : شهقت بصدمه..وقالت..ايييييه؟
وبصت لچود..وقالت..كلام إيه ده ياچود..!!!
چود : بنرفزه..خلصتوا انتوا الاتنين؟ بصي بقى أنا مش عايزه أكمل معاه..هااايشلني يامامااااااااا...
رودي : كشرت عينيها..هايشلك؟
ليه بس ياچود بتقولي كدا..ده الواد مصطفى ده مفيش منه اتنين في المجره..
مصطفى : حبيبتي تسلمي...
چود : خبطت برجليها على الأرض..وقالت..
هصووووت منكوا..
مصطفى : اله..ماتهدي بقى يابنتي..كل ده عشان كروت الفرح مش عجباكي؟ عادي يستي نغيرها..!!
چود : بنرفزه.. اه هتغيرها..بص أنت أصلا مش هتعمل حاجه أنا إللي هعملها بنفسي..
مصطفى : بنرفزه..
ليه إن شاء الله..متجوزه شاهنده... ماتتكلمي يارودي..عشان مخنفهاش على المسا..
چود : شهقت. تخنفني؟
رودي : لا ياحبيبى اسم الله عليك متقولش على نفسك شاهنده..
مضايقش نفسك..وأنا هتفاهم معاها..
چود : اتنفست غيظ..وقالت.. هو ايه اصله ده.. هو مين فينا إللي المفروض إبنك..
أنتي على طول بتدافعي عنه.انتي متعرفيش هبب ايه بسلامته ؟
مصطفى : بصوت عالي.
.بصي انا ساكت علشان خاطر امك..
چود : زعقت..
بص أنت ما اسمهاش أمي.. أنت فاهم..
رودي : وقفت بينهم.. وقالت..
يستي انا راضيه. امك ولا أمه..
المهم انهوا الحوار ده..
ومصطفى عمل ايه بس ياجود.. وكروت الفرح مالها ماهي زي الفل ومش محتاجه تتغير..
دي كل كلمه فيها توزن بلد..
چود : مسكت راسها.. لأ لأ.. انتوا هتشلوني.
انتوا ناويين على موتي..ااااه ياضغطك يا انسه چود.. يالي هتتشلي من امك قبل عريسك. يختاااااي...
رودي : بعدم فهم. الله يخربيت أم العبط..في ايه يابنت الهبله..!!!
مصطفى : مش عارف اتفضلي اقري الكارت لچود.. يمكن تقولنا فين الغلط..!!!
رودي : مسكت الكارت. هات يبني.
يمكن اتحولت في ودانها..
وقالت...
سبحان من جمع القلوب بفضله ،،وعلى رحاب الود عُمٌر دارها
طاب اللقاء وزاده تشريفكم،،في ليلة قد أشرقت أنوارها
من آل السيوفي وآل عزيز يتشرفون بدعوت حضراتكم..
الى حفل زفاف../
نجل المهندس/ يوسف عزيز ابنه/ مصطفى عزيز..
علي كريمة السفير فارس السيوفي.
حفيدة اللواء الأسبق طارق عبد الرحمن السيوفي الانسه./
چود فارس السيوفي..
وذلك في يوم (........../ الساعه الثامنه مساءا..
بتاريخ (......../
عنوان القاعه /............/
وسألين الله تعالى دوام التوفيق..
چود : فاتحه عينيها ع الآخر.بعدم تصديق.ومصدومه.
رودي : أهو يابت ياچود..
كارت فرح مفيش بعد كده.. إيه بقى اللي مش عاجبك فيه؟
مصطفى : مثل البراءه..واتنهد وقال..
واضح إن چود بتتلكك يارودي..شكلي مبقتش عاجبها...
رودي : هييييه..فشر هي تلاقي زيك فين بنت العبيطه دي؟
چود : قربت من رودي بنرفزه.. وشدت الكارت منها..وبصت فيه.. بتتأكد..
مصطفى : طيب يارودي أنا هعدي الموضوع ده علشان خاطرك..
روحي انتى علشان متتاخريش.. وأنا هاخد چود ونروح نشتري فستان الفرح..
رودي : ماشي ياحبيبى..وربنا يهديكوا..
وبصت لچود إللي مركزه في الكارت..وقالت..
وانتي أعقلي كدا..متبقيش هبله زي إللي خلفتك.. سلام..وسابتهم ومشيت.
چود : عينيها تايهه يمين وشمال.. وهمست بزهول..مش معقول..!!! ده مش نفس الكارت لأ..
مصطفى : قرب منها وهمس ف ودنها.وقال بمكر.شربتي المقلب ياچودي..
چود : بصتله بدهشه..وهمست مقلب...!!!
وبعدها فتحت عينيها بزهول وقالت من بين أسنانها..مقللللب
مصطفى : بيعدل ياقة القميص بكبرياء وقال..
أوعي تكوني فاكره إني نسيت المقالب بتاعتك..
مرة تحطيلي ملين في العصير ..
ومرة تانيه تحطي شطه في القهوة..
وكفايه مقلب القهوة لوحدوا بكل المقالب..
ودي حركة صغيره مني..قولت افرحك ياقلب مصطفى.
چود : بنرفزه..يعني أنت كاتب الكارت التاني عشان تحرقلي دمي يامصطفى.؟
مصطفى قد كدا أنت بتكرهني؟
مصطفى : بجدية..تبقى عبيطه..
عبيطه لو فكرتي واحد في المية إني بكرهك..
أنا محبتش ولا هعشق قدك..
ومن عشقي ليكي بحب ازاولك..
زي ما أنتي حطيتي الشطه ليا كدا..
يبقى أنتي كدا بتكرهيني؟
مظنش..
وبعدين ده كارت هزار بيني وبينك ولا حد يعرف بيه..
يعني الحوار مكنش مستاهل كل نرفزتك دي..
أنا يمكن اه بهزر كتير..
وممكن تقولي عليا مجنون.. وممكن أعمل أي مقلب مايجيش على بالك..
لكن إللي مستحيل أعمله.. إني أقلل منك قدام أي حد.واعمل كارت زي ده.!!!
ياچود أنا بحبك.. بحبك أكتر من حبك ليا..
وبلاش تقولي إني بكرهك دي نهائي..
اه ونصيحة مني ليكي..
أوعي في يوم تنطقي كلمة طلقني دي تاني..
علشان وقتها هتكرهي نفسك صدقيني..
أوعي تستهوني بيا..
چود : فاتحه بوقها..............!!!وبتفكر في شخصية مصطفى الميكس من كل حاجه..!!
مصطفى : مسح ع شعرو..وقال بهزار..اقفلي باب العربيه اللي انتي فتحاه ده.. ويلا بينا على السنتر..
چود : انتبهت..ها. وقفلت بوقها .أه أحم . اء. ثواني هجيب شنطتي.. ومشيت كام خطوه.
مصطفى : چود..
چود : لفت ليه...وقالت..ممم.!!!
مصطفى : بص في عينيها وقال...
هو انتي لسه شعرك كيرلي ودهبي زي مكان؟
چود : غصب عنها أبتسمت بحرج..ومشيت من قدامه بسرعه..
مصطفى : هرش في قفاه وقال بإبتسامة أعجاب.. أممم يبقى لسه كيرلي..!!!
------------------بقلمي مريم نصار.
شركة العدوي..
Автор: Меріам Насар
في مكتب آريان..
آريان : فاتح اللاب توب..وبيراجع الصفقات وبيكح.من البرد. وفونه رن.. وأبتسم.. ورد وقال.. تيما.حبيبتي..
تمارا : شايله محمد وبيعيط.. وقالت.. حبيبى عامل ايه دلوقتي؟ أخدت جرعة البرد؟
آريان : بيكح..وقال.. أيوه ياحبيبتي متقلقيش.. وماما كمان طلبت مشروب دافي وشربت..
تمارا : كويس بالشفا إن شاء الله.. انا كنت قلقانه عليك..
آريان : بقلق..محمد بيعيط بالطريقه دي ليه؟ ماله؟
تمارا : بتطبطب عليه..وقالت بزعل وخوف.. شكله أخد برد.. لأنه سخن شويه..
آريان : بخنقه.. أكيد بسببي.. طيب أنا هتصل على تيم وتروحي معاه لدكتورة الأطفال..
تمارا : أنا أتصلت على تيم وهو للأسف في المستشفى..واتحرجت أطلب منه..
آريان : طيب بابا آدم رجع ع البيت؟
او عمي مراد.. مين موجود عندك؟
تمارا : بحيره..
لأ بابا آدم.. خرج من عند عمو بيتر.. ورايح زياره عند ناناه ملك.
وخالوا مراد وعمو فهد في الشغل.
آريان : مسح ع شعرو..وكح..وقال..طيب أنا هلغي الإجتماع واجيلك..
تمارا : برفض لأ لأ.. أنت تعبان..
أنت ممكن ترجع علشان ترتاح شويه..
أنا ممكن أخد آرين. او أي حد من العيله.خالتو رينو أو ميرو.
آريان : لازم يبقى معاكم راجل يا تمارا.. طيب بصي اقفلي أنتي وانا هتصرف..!!!
تمارا : حاضر مع السلامه..!!
آريان : قفل واتصل ع آركان.. الو ايوه يا آركان أنت فين؟
آركان : أنا رايح على الكليه أصور شوية أوراق ضروري..في حاجه حصلت؟
آريان : نفخ بخنقه.. لأ انا بطمن عليك..ماشي ربنا معاك..
آركان : ماشي ياصحبي تسلم.. والف سلامه عليك..
آريان : الله يسلمك ياحبيبي..مع السلامه.. وقفل.. واتصل ع آدم.. ورد..ايوه يا آدم أنت فين؟
آدم مراد : أنا في الچيم..خير ومال صوتك..!!
آريان : أبدا شوية برد بس..المهم أنت هتروح امتى؟
آدم مراد : قدامي ساعه ع الأقل.. أنت محتاج ايه قول؟
آريان : أصل محمد ابني تعبان شويه..
شكله اتعدى مني..
وبابا آدم والعيلة بره البيت..وانا عندي إجتماع مهم.. وعايز تمارا تكشف عليه..
.وهتاخد معاها عمتك لارين أو آرين وميرو..
بس من غير راجل هكون قلقان عليهم..
آدم مراد : بتفهم.. تمام.. أنت كلم تمارا وقولها تجهز هي و آرين..وانا هوديهم..
آريان : أبتسم..ماشي ياعم ألف شكر..
آدم مراد : مفيش بينا الكلام الخايب ده..
يلا سلام..!!
Автор: Меріам Насар
في سنتر الفساتين..!!
چود : لابسه فستان جميل جدا..لكن ضيق من فوق جداً ونازل منفوش..
وقالت بفرحه.. ها ياتيفا حلو..!!!
مصطفى : هرش في قفاه وقال..
ااااه..هو حلو ودمار..وكل حاجه..
بس مش هينفع..
چود ؛ بغيظ..ليه بقى مش هينفع.. الفستان محترم وميا ميا..
مصطفى : بسخريه.. ميا ميا من عند الديل يختي.
.والباقى زفت وقطران في المية..
يلا يابت انجري وغيري أم الفستان ده..
وشوفي غيره..
چود : بعند.. مش هشوف غيره يامصطفى..
والفستان ده بقى داخل دماغي..
مصطفى : بتريقه.دخل دماغك بسهوله..
إنما عليكى دخل باللبسيه..بتاعة الجزمه دي عرفاها؟ واسمعي الكلام علشان مغمقهاش عليكي أنتي والست اللي جابتهولك...
چود : من بين أسنانها.. دي هي ليله ف العمر سبني البس إللي انا عايزاه..!!؟
مصطفى : بصوت عالى.. ااه ليله..!!! ليله ارفع فيها الاريال وقروني تخبط ف عين ال جمبي. مش كدا يابت؟
چود : ضحكت بصوت عالى وقالت.. أنت بتقول ايه؟
مصطفى : الله يخربيت أم ضحكتك..يابت هكحت بوزك في الأسفلت..
يخربيت جمدانك..
بقولك ايه.. ماتيجي نتجوز بكره..
عتلاق تبقي عملتي فيا معروف..
چود : ههههه يخربيت جنانك وكلامك..بس بصراحه بحبه.. كاريزما كدا..
مصطفى : بغمزه..بتحبي كلامي..
طيب وصاحب الكلام نفسه.. إيه نظامه..
منشفاها على إللي خلفوه لييه؟
چود : ضحكت بخجل..وقالت.. عديها بقى.. المهم. الفستان محترم وعجبني..
مصطفى : بغيظ..عليا النعمه الفستان زفت ومافيه غير الديل اللي محترم.
ومش عايز افسر اكتر من كده..
واتحركي بقى علشان يومك يعدي.. لسه هنشتري حجات تانيه كتير..وهنتعشى بره.. يعني ننجز..مش نص اليوم هنضيعه..في نص فستان..!!!
چود : بغيظ وتذمر..يخربيتك كل ده في بوق واحد.. روح ياشيخ إلهي...!!! ولا بلاش..
مصطفى : شاطره..ننجز بقى؟
چود : بغضب.. ماشي خلاص..بس يكون ف علمك.. أقسم بالله ماهشتري جزمه للفرح..
أنا هجيب كوتش أبيض.. أشطا؟
مصطفى : طيب أشطا بس يارب نخلص..
وچود لبست فستان تاني..وبرضه معجبش مصطفى.. واتناقروا تاني.. وكل إللي في السنتر متابعين وعجبهم أسلوب مصطفى وغيرته المجنونه وطريقتة الفكاهييه..
وچود دخلت تلبس فستان من اختياروا واختيارها أخيراً..
مصطفى : باصص من الشباك.. ومنتظر مجنونته..
چود : من وراه.. قالت مصطفى؟
مصطفى : لف ليها.. وأبتسم..وقال يخربيت الجمال.. قمر ياتراب القمر..
چود : بحرج.. أحم هو حلو الفستان شغال..
مصطفى : بغمزه.. شغال بس؟ يابت أنتي ورده مكانها في الفستان..!!!
چود : بهمس يخربيتك..بتقول كلام حلو أهو..
مصطفى : أشطا يلا بقى عشان عندنا مشاوير كتير ...
------------------بقلمي مريم نصار.
في مكان خاص بتدريب إطلاق النار..
فهد : مسك أيد شاب..وقال بحزم وقوة..
إيدك بتترعش لييه ؟
أنا عايزك وأنت ماسك السلاح تكون واثق من نفسك..
لأنك بالطريقه دي أنت هتضرب عشوائي..
وممكن تصيب أي هدف مش مقصود..
وممكن تقتل أي حد بريء بالغلط.
وده مش هسامح فيه..!!!
وبص لكل الشباب وزعق بصوت قوي.. الكل يركز معايا أنت وهو...
أنا مش عايز لعب عيال وتهريج..انتوا بتواجهوا خطر حقيقي..
وأي غلطه هتكلفك حياتك..
إللي مستغني عن حياته..؟
يكتب إسمه في القايمة دي.. وأنا هحولوا لأي حد غيري يدربوا..
لكن انا بدرب أسود... أسود وبس..!! رجاله يعتمد عليهم..
وقبل ما تشرفوا بلدكم.. تشرفوا اهاليكم إللي ضحوا بحجات كتير علشان توصلوا للي انتوا فيه دلوقتي..!! فاهمين يارجاله..!!!
الكل بصوت من نار... فاهمين يافندم...!!!!
فهد : تمام.. كل واحد يكمل المطلوب منه..عايز إنجازات مش إنجاز واحد..
وسابهم وخرج..!!! وشاف الفون وكانت آرين متصله مرتين عليه.. واتصل عليها.. وردت ع طول..
آرين : بتذمر..الوو بااابي ايه يابابي اتصلت على حضرتك كتير جدا..
فهد : بضحكه.. قلب بابي.. كتير جدآ..دول مرتين بس ياحبيبتى..
آرين : شهقت.. وحضرتك بتستهون بالمرتين دول..
فهد : لأ طبعاً ياروحي..وأول ما شوفت رقم بنتي حبيبة قلبي..اتصلت فوراً.. أشوفها محتاجه إيه؟
آرين : بزعل..قالت.. محمد الصغير تعبان وسخن.. وتمارا أتصلت على مامي وعايزاني أروح معاها.. نكشف عليه..
فهد : طيب مين هيروح مع تمارا غيرك..!!
آرين : هزت كتفها..مش عارفه بس أكيد مش آريان.. لأنها قالت هو ف الشغل وعندو إجتماع مهم.ها يابابي أقولها إيه؟
فهد : طيب ثواني بس هو تيم فين؟ ومفيش اي حد من العيله هيروح معاكم؟
آرين : بزعل..خلاص يابابي أقولها مش هروح..
فهد : بضحكه..يابت هو انا قولت كدا..
أنا بس عايز أكون مطمن عليكي ياروحي..
آرين : بحماس.يس..هو فهد وبس إللي في قلبي والله.
ومتقلقش يابرو.. أكيد الدكتور آريان هيتصرف..
فهد : هز راسه بضحكه.. تمام..بس خلي بالك من نفسك.. ورينو فين؟
آرين : بتمثيل الغيره. اهااا نجمتك..؟
فهد : ههههه ايووه..نجمتي وسمايا كمان.. الحلو غيران مش كدا ؟
آرين : بتمثيل الجديه..أبدا وانا هغير ليه يافهد..
دي حياتك وأنت حر فيها..
وأنت إللي أخترت مدام لارين تكون نجمتك..
وأنا استحاله أقف في طريق سعادتك..
اهيء اهيء اهيء..
ممكن أقفل لأني هيغمن عليا..
فهد : ههههههه.. والله انتي نور عيني ودنيتي كلها يا آريني..!!
آرين : كشرت عينيها.. أممم. ثبتني ثبتني.. عموماً يا استاذ فهد لينا كلام لما نتقابل.. اوكي..!!
فهد : ضحك بصمت.. أوكي ياحبيبتي..!!!
آرين : بتنهيدة حب..
خلي بالك من نفسك يا بابي.. وأعرف إني بحبك اوى..بحبك أكتر من اي حد.. أنت مثلي الأعلى..
فهد : بتنهيدة حب..
وأنتي بنتي حبيبتي وروحي ودنيتي كلها يا آريني..!!!
------------------بقلمي مريم نصار.
فيلا العدوي..
آدم مراد : رجع البيت واخد شاور..ولبس قميص أبيض وبنطلون أسود. وحط البرفان..ولبس الساعه. واخد فونه ونزل..
فريحه : راجعه من العياده.. وقالت..
إيه ده آدم أنت رجعت امتى ياحبيبى؟
آدم مراد : سلم عليها..وقال من شوية ياحبيبتى.. ورايح دلوقتي مع تمارا و آرين وتالين. لدكتورة الأطفال..
فريحه : بزعل اه ياروحي عليه..
البرد مبهدل آريان.. وأكيد اتعدا منه..
طيب تحب اجي معاك؟
آدم مراد : لا ياحبيبتي..استريحي انتي..
إحنا مش هنتاخر إن شاء الله..
تالين : نزلت..وسلمت ع فريحه..وقالت.
أنا جاهزه يا أبيه..!!
آدم : أبتسم.. تمام أنا هجيب العربية وانتي روحي نادي تمارا و آرين..
تالين : حاضر يا أبيه..ومشيت..
فريحه : ربنا معاكم..وطلعت ع فوق..
آدم مراد : طلع الجنينة..وشغل العربيه..وشاف آرين وتمارا..
وركبوا العربيه..وبعد عنهم.. واتصل ع فهد...
فهد : شاف رقمه..ورفع حاجبه..وقال.
مابجيش من وراك أنت وابوك خير... ورد بجدية..نعم..!!!
آدم مراد : بهدوء.. أنا اتصلت أقولك إن آريان كلمني ورايح أكشف ع محمد..
لكن اكتشفت إن آرين جت معاها وتالين
وركبوا العربيه.. فمن واجبي أقولك..!!
فهد : صك ع أسنانه بغضب شديد.. وقال. ااه. أكتشفت..اااه..!!!
وأنت طبعا أتصلت بعد ما اتأكدت إن آرين نزلت وركبت العربية..
وده معناه إنها كلمتني وانا وافقت..
وأنت بتتصل تقولي ف الوقت الضايع مش كدا؟
آدم مراد : أخد نفس عميق وقال.. كان ممكن اروح معاهم ومقولش..
ووقتها أنت هتقول إني بنتهز الفرص..
لكن انا بقولك من قبل ما نخرج من باب الفيلا..
ولو في حد غيرى موجود هنا كان راح..
لكن مفيش..
وبعدين ياخالي.. انا قد وعدي متقلقش..
وعمري ما أفكر إني أستغل حد .
لأنه لا طبعي ولا تربية مريم الجزار تسمح بكدا..
وكمل بمكر.. وقال..
هسألك سؤال ياحوت..!!
انت مش واثق ف إبن اخوك..!!!
فهد : مغمض عينيه وبيحاول يمتص غضبه.. وقال بجدية وغيظ..
ساعة واحده وبنتي تكون في البيت.. وقفل..
آدم مراد : أبتسم... وقال..
أول خطوه..وهي ثقة الحوت في الديزل..!!!
واتحرك وركب العربيه..وتالين جمبه..
تمارا : سوري بقى يا آدم هتعبك معايا..
آدم مراد : متقوليش كدا تاني..ده واجبي
وأنتي أختي مش هقولك الكلام ده تاني..
وبص ل آرين في المرايا بابتسامه.وغمز..
آرين : نزلت عينيها بسرعه..واتكسفت..ودقات قلبها فوق الطبيعي..
وبصت من الازاز.. وابتسمت بسعاده كبيره..
------------------بقلمي مريم نصار.
في العياده..
تمارا وتالين في غرفة الكشف مع الدكتوره.. بتكشف على محمد..
آدم و آرين منتظرين في الاستراحة.
آدم مراد : واقف قدام الشباك.. و آرين قاعده فاتحه الفون.
آدم مراد : بص عليها..واتحرك..وقعد جمبها مع حفظ المسافه. وقال. عامله ايه؟
آرين : بلعت ريقها بتوتر وقفلت الفون..وقالت.
كويسه الحمدلله..
آدم مراد : بتكلمي مين في الشات؟
آرين : كشرت عينيها بعدم فهم..وقالت..
اشمعنا يعني؟
آدم مراد : بتعجب.. هو إيه اللي اشمعنا؟
أنا سألتك سؤال..وسؤال عادي وطبيعي..
فين المشكله؟
آرين : ردت بغيره..اه دي لمار زميلتي في الجامعه. أنت عارفها.. بتطمن عليا..
آدم مراد : رفع حاجبه وقال..لمار..!!
هو انا مش قولتلك قبل كدا..تبعدي عن البنت دي..!!!
آرين : بعفوية.. أيوه انا فعلاً بعدت عنها..
لكن هي مصممة نبقى أصدقاء..واعتذرت كتير..
آدم مراد : بخنقه..يا آرين أنا مبستريحش ليها. مالكيش دعوه بالبنت دي تاني..
اقطعي علاقتك بيها..
آرين : بص يا آدم أنا يعتبر شبه مفيش بينا علاقة صداقه من الأساس..
انا بتعامل معاها في أقل الحدود..
آدم مراد : أمم.. وأقل الحدود دي توصل للشات؟
آرين : رفعت كتفها..هي إللي بتكلمني..
بتقولي طمنيني عليكي.. بتسأل عليا..
يعني دلوقتي مثلاً بتقولي أنتي فين؟
قولتلها أنا في العياده.. وبس..
آدم مراد : بتفكير.. وهي ع طول بتسألك عن كل تحركاتك..؟؟
آرين : هزت راسها لأ..مش دايما.. أنا مبتعاملش معاها كتير..
آدم مراد : بتحذير..ومش عايز معامله معاها نهائي.. أنتي فاهمه..!!
آرين : عوجت بوقها..وقالت جواها..
يخربيت البرود.. قاعد معايا تتكلم عن زفته لمار...
آدم مراد : بتحذير.. سمعتي يا آرين..
آرين : بغيظ..سمعت..سمعت يامرعب..
آدم مراد : مسح وشه بأيديه ونفخ بخنقه..وقال جواه. أنا مش مستريح للي إسمها لمار دي..!!!
آرين : شافته ساكت..وقالت..
أحم إلا قولي يا آدم.. أنت هتلبس بدله في فرح مصطفى..!!
آدم مراد : مط شفايفه اممم اي حاجه..
ومش عارف هكون موجود ولا هطلع مأمورية..
آرين : بحزن حقيقي..قالت.. إيه؟ مأمورية؟
آدم مراد : أبتسم بمكر.. أنتي اضايقتي ليه؟
آرين : اتوترت..وقالت..ها؟ أحم أبدا أبدا.. أنا بس فكرت في ان بابي ممكن يسافر كمان..
آدم مراد : بخبث..يعني أنا مش فارق..!!!
آرين : بصتله بوجع..وقالت ينفع مجاوبش..!!!
آدم مراد : أبتسم.. وانتي من امتى بتجاوبي يا رينو ياصغيره..
أنتي بتسألي وبس..!!!
آرين : بدهشه...ياخبر بابي بيتصل؟
آدم مراد : ضحك بصمت..رُدي عليه.. أكيد عايز يطمن..!!!
آرين : بلعت ريقها بصعوبه...وردت..اء..الو بابي..
فهد : بغيره مكبوته.. انتوا فين دلوقتي يا آرين..!!
آرين : قامت وقفت بسرعه.. وقالت..
إحنا ف العياده يابابي.
وأول ما نخلص كشف هنرجع البيت على طول..
فهد : هز راسه ونفخ بخنقه.. وقال..
اول ما تنزلي من العياده اتصلي عليا..ماشي؟
آرين : حاضر..حاضر يابابي..
فهد : مع السلامه..
آرين : مع السلامه..وقفلت..
وحطت أيدها ع قلبها وقالت..
طيب انا قلقانه ليه؟ أوووف. وقعدت..
آدم مراد : حب يهدي توترها.. وقال. بيخاف عليكي..
آرين : هزت راسها أيوه..بابي بيقلق علينا ديما..
آدم مراد : أكيد..المهم بقى..
وكويس إنك فتحتي موضوع الفرح واللبس..
اسمعي يا آرين..
آرين : نفخت بخنقه..وقالت..عارفه. وحفظت..
بلاش اللون المستردا. والألوان الأوفر والأحمر.. ويسلام لو أسود وكحلي.. صح كدا..!!!
آدم مراد : أمم صح جدآ..
آرين : بغيظ.. أسمع بقى.
أنا عايزه أسألك سؤال..
ليه أنت مش عايزني البس الألوان دي؟
آدم مراد : بهدوء.. لأني بغير عليكي..
آرين : فتحت عينيها بدهشه..واتحرجت
..وسكتت..
آدم مراد : بنفس الهدوء..محدش مسموحله انو يشوفك بأي لون غير الأسود وبس..!!
واللي يفكر يبصلك..
يقول على نفسه يارحمن يارحيم.
وأظن أنتي شوفتي بعينك يوم النتيجة إيه إللي ممكن أعمله..
أنتي ضيي.. أنتي ضي آدم وبس..!!!
-------------يتبع
رواية جريمة عشق 5
(مملكة ميراث العشق)
هوّن عليكهون عليك فإن الله فارجها...
فوحده ربي يدري مخارجها
وافرح لها إن اشتدّت فشدتها...
علامة من الله إيذانا بفُرجتها
ما دام ما يجري بعلم الله فارضَ به...
ولا تَمُت حُزنا على الدنيا وبهجتها
كم أزعجتك أمور كنت تحسبها شرّاً...
حتى رأيتَ من الرحمن حكمتها
فوّض له الأمر في كل الشؤون تجد...
للصدر شرحا وللنفس سكينتها .
================================
بسم الله نبدأ.
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
فيلا تيم عزيز..
ميرو قاعده على السفره مع تيم وبيتغدوا..
تيم : بابا آدم وماما مريم.. راحوا زياره لعمو بيتر.. لأنه تعبان شويه..
ميرو : بتاكل..اممم.. مامي قالتلي..وزعلت جدآ..ربنا يشفيه يارب..
. وكمان هيروحوا ل ناناه ملك..
تعرف ياتيمو. لما بابا آدم وماما مريم بيخرجوا من البيت..بحس أنه ناقصه حاجه كبيره جدآ..
تيم : بتأكيد.. طبعاً. دول هما جدر العيلة.. واللي تعبوا علشان نوصل للنتيجة دي وبفضل ربنا أولا..ثم ماما مريم ثانياً. وبعدها الإمبراطور..!!!
ميرو : بتعجب.. أنا لما بشوف هدوء بابا آدم.. بقول أنه اكيد ده طبعه من الصغر..
ولما بابا طارق يقولي إنه كان عصبي جداً.. انا مصدقتش..
لكن بابا آدم أكد على كلام بابا طارق.. وقال إنه فعلاً كان بيغضب بسرعه.. و السبب في تغيرو للأفضل..ربنا ثم ماما مريم..
وأنا سألت بابا آدم إيه سبب التغيير ده؟
قالي..انه لما بدأ يقرأ القرآن. ويصلي في المسجد. ويقرب من ربنا..حس بسكينة وراحه. وهدوء.وانشراح في صدرو.
وشاف إن الدنيا صغيره اوي.. وإن مفيش حاجه تستاهل أنه يعلمها لأولاده وأحفاده؟ غير الحب والود والخير..
لأن الحب بيفوق أي حقد ،،والود بيفوق الجفا،، والخير بيفوق الشر..
بابا آدم وماما مريم مثال مشرف لأي حد.. ومن رضا ربنا علينا إحنا كـ أحفاد. أننا اتوجدنا في قلب الإمبراطورية العظيمه دي..!!
تيم : بإبتسامة حب ..ومن رضا ربنا عليا أنه رزقني بنسخه مصغره من أميرة آدم..
نقول عليها ملاك تيم..!! أو ملاك الروح.. حاجه كدا وهم..
خفيفة على الروح وعندها لين القلب.. وجودك في حياتي نعمة كبيرة جداً..بجد يا مريم أنا مبسوط جدا لوجودك جمبي..
ميرو : أبتسمت بفرحه..وقالت..
يااااه من زمان جدا..مسمعتش كلامك الحلو ده..
لأ وكمان مشوفتش ضحكتك الجميله دي..
تيم : بضحكه.. لأ خلاص بعد ما كامليا هاجرت بره مصر..
مش عايز أقولك على كمية الراحه النفسيه اللي أنا فيها..
بجد كابوس مزعج..وانتهى بسفرها.. وإن شاء الله. مش هترجع تاني..!!
ميرو : بتنهيدة..ربنا يهديها. ويشفيها..صدقني ياتيم.. الأهل ليهم دور كبير جدا. في دمار ولادهم.. وكامليا ضحيه..
انا طبعا مش ببرر لأخطاءها..هي أكيد مش صغيره وعارفه الصح من الغلط..
لكن والدتها زرعت فيها حجات وأصول غير صحيحة..
كبرت عليها..وشافت أنها مبتعملش أي حاجه غلط..وده زود الغفله على عينيها وقلبها..
بجد ربنا ينور بصيرتها..وتلحق تفوق قبل فوات الأوان..
تيم : مط شفايفه اممم.. وقال بعدم إهتمام.. ربنا يهدي..
المهم بقى.. أنا هروح المستشفى ساعه وارجعلك..وانتي خدي العلاج و استريحي..
ميرو : معدتها قلبت..وحطت ايدها ع بوقها..وقامت بسرعه على الحمام..
تيم : قام وراح وراها..وقال بقلق.. إيه يامريم..العلاج مجبش نتيجه؟
ميرو : بترجع..وغسلت وشها.. وخارجه من الحمام بتنهج..ووشها أصفر..
تيم : بسرعه سندها.. وقال..ع مهلك.. تعالي اقعدي هنا..
وقعدت على الكنبه في الليفنج..
تيم : بقلق..لو العلاج ده مجبش نتيجة نشوف علاج غيرو..
ميرو : بتعب. لأ أنا تمام متقلقش.
والدكتوره قالت إن ده طبيعي. وكمان مامي قالت عادي في شهور الحمل الأولى..
تيم : طيب ثواني..هعملك اي حاجه دافيه تشربيها..
ميرو : مسكت ايدو لأ.. أنا كويسه صدقني.
.بس حاسه اني عايزه انام..
.أنا ممكن أنام. وأنت روح على شغلك..
تيم : طيب تعالي معايا. فوق. واستريحي..
ميرو : هزت راسها.. وقامت.. وحست بدوخه..
تيم : حس بيها..وشالها بين ايديه.. وطلع بيها.. ونزلها على السرير..وشد عليها الغطا..وقعد جنبها..
ميرو : أبتسمت بحب..ميرسي جدا ياتيم..
تيم : ابتسم..ميرسي على إيه؟ لو بأيدي اشيلك في عينيا وقلبي طول العمر..
ميرو : بتنهيدة حب..ربنا يباركلي فيك ياحبيبى..
تيم : باس جبينها بحب كبير..وقال..
ويباركلي فيكي ياروحي..
يلا نامي انتى.. وانا هلبس وانزل ع المستشفى..
وقبل ما امشي..هبعت تالين و آرين يقعدوا هنا معاكي لحد ما أرجع..
ولو حسيتي بتعب اتصلي عليا هجيلك فوراً..
ميرو : بدقة قلب حاضر ياحبيبي..
------------------بقلمي مريم نصار.
فيلا السيوفي..
چود : طبقت الكارت في أيديها بنرفزه.. وصكت ع أسنانها بغيظ واضح.. وقالت بزهول.. القتل ليك حلال يابن يوسف..!!!!
القتل ليييك حلاااال..
وأنا إللي كنت خايفه من أنك تكتب تراب القمر؟ في الآخر بقيت جفت؟ أنا جفت؟ حسبي الله ونعم الوكيل فيك ياشيخ..ده انا هسود عيشتك..!!! أنا هفشكل أم الجوازه دي..!!!
واتصلت ع مصطفى..
فيلا مصطفى عزيز..
كل العيله قاعده على الغدا..
ومريم شايله عُمر..
أشرف : ها يايوسف.. كل حاجه جاهزه؟
يوسف : طبعاً اطمن حضرتك كله تمام..
وبص لمصطفى وقال بضحكه.. إيه ياعم العريس المستعجل..
مش كنت تأجل الجواز شويه لبعد ما تخلص جيش؟ ههههه
مصطفى : جيش إيه بس يابرو.. إن شاء الله. هاخد إعفاء..
كريم : بتأكيد.. أيوه وانا بضم صوتي لصوتك.. لأنهم مابيخدوش المتخلفين عقليا..
ليليان : ضحكت. وقالت مصطفى متخلف؟ لأ ياعم متقولش كدا..هو مهيبر شويه..
كريم : بصلها بغيره..
ليليان : بتوتر..يعني مهيبر حبتين..
كريم : بنفس النظره
.
ليليان : نفخت بخنقه وقالت..خلاص متخلف عقليا..استريحت..
كريم : كتم الضحكه..وقال. ايوه طبعاً. الصراحه راحه...
مصطفى : كشر عينيه وقال اااه.. بقى هي الحكاية كدا؟ يعني أنت ياكريم إللي بتوقع بيني وبينك.. ليه كدا ياكرمله..
كريم : صك ع أسنانه بغيظ مكبت وقال.
أنا عامل احترام لجدك وبابا..مش هرد عليك..
هنا : بحزم.. ولد يامصطفى..!!
ميت مرة نقولك عيب اسلوبك ده..ومتقولش لاخوك الكبير الاسم ده..
أختار مخارج الحروف.. أنت خلاص كبرت وهتبقى مسؤول عن بيت وأسره..
مصطفى : بتمثيل البراءه..هو انا عملت حاجه..؟
بابا بيتكلم معايا..وكرمله..
قصدي كريم باشا ماصدق إن بابا يتكلم..
والله حرام إللي بيحصل ده.. هو أنا مش ابنكم..
الكل ضحك..
أشرف : لأ ياحبيب جدك . أنت ابننا والدليل على كدا جنانك المتوارث..لكن أنت ورثته بزمه وضمير..
مصطفى : علشان تعرف بس ياجدو إني عندي ضمير..
وبص لامه وقال..هاتي ورك الفرخه ده يامرمر الله يكرمك.. عريس ولازم اتغذا..
الكل ضحك..
مريم : بضحكه..اتفضل يا حبيبي..كل برحتك وبالهنا والشفا..
مصطفى : بياكل بنهم..الله يكرمك يامرمر..
يوسف : بإستفهام.. إنما قولي يادرش..
أنت ليه عايز لما تتجوز تقعد هنا في الفيلا قبل ما تسافر لشهر العسل؟ مع إن شقتك موجوده وجاهزه وزي الفل..
مصطفى : أممم..سؤال مهم.
بس أنا عايز اتجوز في فيلا بصراحه. ومتعود على البيت ده..ومبستريحش غير هنا..
معلش بقى هتعبكم..وهتسيبوا الفيلا كام يوم لحد ما نسافر..
هنا : بزهول..مش بقولكم..الولد ده محصلش في تاريخ العيله..
مريم : بزهول.. أنت بتقول ايه يامصطفى..
عايزنا نسيب الفيلا تلات ايام.؟ طيب مالشقه موجوده يبني..
مصطفى : بتعجب.. اله..هو انا بقول هوديكوا دار المسنين.؟
وبعدين مالشقق كتير..مستخسرين فيا تلات ايام؟
هو انا مش عريس؟
كريم : بسخريه.. لأ ياخويا عريس. وديما عامل زي الشريك المخالف..
أشرف : بضحكه.. خلاص خلاص..مافيهاش حاجه.. وهما تلات ايام مفيش غيرهم..
مصطفى : ضحك بنصر.. حبيب قلبي أنت ياجدو والله..
ليليان : هي چود هتشتري فستان الفرح انهردا مش كدا؟
مصطفى : بياكل.. أممم هتغدا واعدي عليها. علشان مفيش وقت.. عايزه تيجي معانا؟
ليليان : برفض. لأ أنا وكريم هننزل يوم أجازته.. وكمان عايزه أشتري بدله لعُمر إيه رأيك ياكريم؟
كريم : بإبتسامة..هيبقى قمر في البدله..
ليليان : بسعادة.. إحنا اتفقنا كلنا إن الأولاد هيلبسو بدل زي بعض..
آيان ومحمد وعُمر ومحمود وحمزه.. واو مجرد التخيل بيفرحني..وبشوفهم قمرات..
مريم : بضحكه..ضمت عُمر لقلبها.. وقالت..هتلبس بدله في الفرح ياقلب تيتة.. عقبال بدلة فرحك يارب يانور العين أنت..وباسته..
الكل أبتسم بحب وقالوا آمين...!!
مصطفى : بيضحك معاهم..وفونه رن.. وكانت چود.. ورفع حاجبه وقال.. أكيد طايره من الفرحه لما شافت الكارت..
وقام وقال. ثواني ياجماعه مكالمه مهمه.. واتحرك على الجنينه..ورد وقال..
حبيبتي ياچودي بتتصلي تشكريني بالسرعه دي..
واتخض من الإعصار إللي اتكملت بيه..
چود : بهجوم واعصار.. بتصل علشاااان ايييييه؟ اشكررررك..؟
دانت يومك أسو....انهردا..!!!!
إيه الززززفت إللي أنت كاتبه على كارت الفرح ده؟ بقى أناااا چود السيوفي..
حفيدة طارق السيوفي؟ تكتبني جفت؟
وكمااااان جوااااااازك مني تكفير ذنوب..
طيب ساعه وتكون قدامي..علشان مطلعش كل ذنوبي عليك..
مصطفى : يخربيتك ايييه البلاعه دي.. أنتي آيش فهمك أنتي في كروت الفرح ؟
چود : بنرفزه.. تعاااالى حالا يامصطفى.. يا اما والله العظيم افشكل أم الجوازه دي..فااااهم..!!
مصطفى : طيب طيب.. اقفلي وانا جاي..
وقفل وقال.
البنت من فرحتها اتصدمت..ولا اتجننت.. مش عارف مالها..هو الكارت في ايه يعني؟
------------------بقلمي مريم نصار.
فيلا الجوهري..
Автор: Меріам Насар
باري : قاعده ف الليفنج..وواضح عليها الزعل.. وهيلينا قاعده جمبها.. واتصلت ع رينو..!! وردت.
هيلينا : بابتسامه..هاي لارين عامله إيه حبيبتي..!!
رينو : أبتسمت.. انا بخير الحمدلله.. أنتي اذيك هيلينا..عامله ايه ياحبيبتى بجد وحشاني جداً.
هيلينا : وأنتي وحشاني كتير اوى.. وبعتذر انا مقصره في سؤالي عليكي..لكن أنت عارف إني كنت مسافر إيطالي ولسه راجعين أمبارح..
رينو : حمدلله على السلامه.. وياحبيبت قلبي متعتذريش..
الأيام دي فعلاً الكل بقى مشغول جدآ..لكن عمرنا ما ننسى بعض أبدا.. ولادك عاملين إيه؟ وابنك رجع معاكم؟
هيلينا : نو سفيان. لسه هناك مع داد.. ومسك فروع كتير في إيطالي..وداد مصمم أنه يسيب ليه كل حاجه في الشغل الخاص بتاعه..
باري : نفخت بخنقه..وساكته..
رينو : ماشاء الله اللهم بارك..ربنا يبارك فيه..سفيان أنا ماشفتوش من ابتدائي هو وباري.. لكن ديما أسمع أنه بار بجدو.. وربنا يجازيه خير..
هيلينا : ربتت ع أيد بنتها.. وقالت .ميرسي جدا لارين..وباري رجعت معانا أنا ورعد.. بس هي زعلانه كتير لارين..
رينو : بتكشره..زعلانه ليه بس؟
باري : بصت بعيد..
هيلينا : لأن باري كانت عايز تدخل كلية إعلام لأنها عايزه تبقى صحفيه..
لكن رعد رفض لأنه خايف عليها..وقال بلاش لأن كدا ممكن تعرض نفسها لمخاطر.. وحاول معاها..
واختارت أنها هتقدم في تجاره انجليش أخيراً.. وهي سمعاكي أهي لارين حبيبتي قولي ليها حاجه..
رينو : بتفهم.. أممم. أولا اذيك باري..
باري : بحزن.. أنا تمام ياطنط.
رينو : أبتسمت ماشاءالله صوتك رقيق وجميل.. وليه حق باباكي يخاف عليكي..
باري : بزعل..ده مش خوف ياطنط..ده فرض أمر وخلاص. ومبقتش فارقه بقى..تجاره من أعلام..
رينو : أبتمست.. تعرفي إن زعلك..نفس زعل آرين بنتي بالظبط..
وديما تشوف الخوف عليها أنه فرض..لكن مع شوية تجارب في حياتها اقتنعت إن كل كل حاجه بنعملها هي خوف عليها من حبنا فيها..
والصحافه جميله لكن فعلاً مشاكلها كتير.. وكمان أختي الكبيره واسمها نور كانت عايزه تبقى صحفيه..لكن في الآخر اختارت طب..
و آرين بنتي كانت عايزه حربية.. لكن باباها رفض من خوفه عليها..
أحياناً ياباري القدر بيحطنا في المكان إللي احنا مش راضيين عنه.. لكن بعد كدا بنكتشف إن إرادة ربنا ألطف وأجمل وأحسن بكتير من اختياراتنا..
وماشاء الله تجاره انجليش جميله جدا. ومستقبلها مضمون..
وعايزاكي تحاولي إنك متزعلش.. وليا رجاء خاص..ياريت تقدري خوف باباكي عليكي..
الأب هو الإنسان الوحيد إللي يحب بجد أنه ولاده تكون في القمه..!!
باري : هزت راسها.. إن شاء الله..ميرسي جدا لحضرتك ياطنط..
رينو : بضحكه.. لأ ميرسي دي مش هتنفع.. أنا لازم أشوفك.. على الأقل أعرف مين القمر إللي بتكلمني ولا ايه بقى؟
باري : أبتسمت..ياريت ياطنط.. مامي ديما تكلمني عن حضرتك. وقالت إن مفيش بينكم صداقه قويه..لكن هي بتحب حضرتك جدآ..
وقالت كمان أننا في اقرب فرصة هنروح لحضرتك العياده..
هيلينا : أيوه فعلاً لارين..
رينو : بابتسامه.. لأ طبعاً أنا ومامتك بتربطنا صداقه قويه..لكن هي ديما بتسافر.وانا كمان. ومواعيدنا ديما متلخبطه وعكس بعض.. لكن هيلينا من أقرب الناس لقلبي..
هيلينا : ابتسمت.. ميرسي جدا جدا لارين.. انتي شخصيه جميله جدا.. وأكيد قريباً هنتقابل حبيبتي..
رينو : وأنا في الإنتظار إن شاء الله هيلينا...!!
------------------بقلمي مريم نصار.
فيلا السيوفي. في الجنينه
Aвтор: Меріам Насар
مصطفى : ايوه يست چود.. اهو طلعنا الجنينه. خير بقى؟
چود : بنرفزه.. أنا عايزه اعرف أنت بتفكر ازاااااي؟
مصطفى : هرش في راسه..وقال بتعجب.. ايه ده؟ هو أنا لازم أفكر؟
چود : صكت ع أسنانها بغيظ واضح..وقالت .ولااا؟ انا مش هكمل..مش عايزاك.. انا مش عايزاااك..
مصطفى : بس بس وحياة أمك تتكلمي على قدك.. هو حصل إيه أصلا لكل ده..!!!
چود : حصصل اييييه؟ انت كمان جاي ومش عارف حصل إيه؟ أنت يومك معايا مش هيعدي على خير.. أنت هتطلقني.. ايووووه طلقنااااااااي...
مصطفى : بصوت جهوري..طيب رووووحي وأنتي..........!!!!
چود : شهقت بصوت عالى.وغمضت عينيها.
مصطفى : بمكر.. وأنتي مراتي حبيبتي..
ههههه يابت شوفي وشك أصفر إزاي؟
لما انتوا مش قد الكلام بتتكلموا ليه؟ هههههههه
چود : خبطته في كتفه بغيظ..وقالت.. أنت البعيد اييييه؟مبتحسش..يخربيت برودك..
مصطفى : يابت ماتهمدي بقى.. أنا قادر في لحظه..اكتم صوتك ده اتلمي بقى..!!
چود : حطت ايدها ف جمبها وقالت والله..!!
تكتم صوتي؟ أزاي بقى إن شاء الله..
إيه هتموتني؟
مصطفى : بغمزه.. لأ هبوسك..
چود : تنحت..وفتحت عينيها بدهشه..
مصطفى : قعد ع الكرسي وقال..اااه..هي الحريم كدا.. بتتصدم من أقل حاجه..
چود : من بين أسنانها.. أنا مش هعلق على كلامك ده.. عشان مزعلكش مني..
بس تقدر تقولي إيه الزفت إللي أنت كاتبه على كارت الفرح ده؟
مصطفى : حط رجل ع رجل.. وقال.
مصطفى عزيز أي حاجه بيعملها عظمه..!!!!
چود : بغيظ وصوت عالي..يخربيت برووووودك.. طلقنااااااااي..
مصطفى : بضحكه..برضه..شكلك عايزاني انفذ كلامي واكتم صوتك ده بجد ..
رودي : جت بسرعه..ايه يا ولاد.. إيه في إيه صوتكوا العالي ده..
مصطفى : بمرح..تعالى يارودي..بزمتك انتي سمعتي صوتي عالي؟
رودي : لأ وأنت ياقلب رودي بيطلعلك صوت..ده أنت العسل كله..
مصطفى : حبيبتي والله.. أنتي مش حماتي لأ.. أنتي صحبتي الأنتيم..
چود : حطا أيديها في جمبها ومتنحه.. لأمها ومصطفى..
رودي : هههه تسلم ياواد..وهو أنا هلاقي زيك أصلا..
مصطفى : ولا كنتوا تحلموا..
رودي : بتقول ايه؟
مصطفى : كح..بقول ولا أنا ألاقي زيكوا يارودي العسل..
المهم بقى عقلي بنتك دي..مش ناويه تجيبها لبر..
رودي : مالها عملت بنت اللذين دي كمان..
مصطفى : مط شفايفه اممم.. أبدا عايزاني أطلقها..!!!
رودي : شهقت بصدمه..وقالت..ايييييه؟
وبصت لچود..وقالت..كلام إيه ده ياچود..!!!
چود : بنرفزه..خلصتوا انتوا الاتنين؟ بصي بقى أنا مش عايزه أكمل معاه..هااايشلني يامامااااااااا...
رودي : كشرت عينيها..هايشلك؟
ليه بس ياچود بتقولي كدا..ده الواد مصطفى ده مفيش منه اتنين في المجره..
مصطفى : حبيبتي تسلمي...
چود : خبطت برجليها على الأرض..وقالت..
هصووووت منكوا..
مصطفى : اله..ماتهدي بقى يابنتي..كل ده عشان كروت الفرح مش عجباكي؟ عادي يستي نغيرها..!!
چود : بنرفزه.. اه هتغيرها..بص أنت أصلا مش هتعمل حاجه أنا إللي هعملها بنفسي..
مصطفى : بنرفزه..
ليه إن شاء الله..متجوزه شاهنده... ماتتكلمي يارودي..عشان مخنفهاش على المسا..
چود : شهقت. تخنفني؟
رودي : لا ياحبيبى اسم الله عليك متقولش على نفسك شاهنده..
مضايقش نفسك..وأنا هتفاهم معاها..
چود : اتنفست غيظ..وقالت.. هو ايه اصله ده.. هو مين فينا إللي المفروض إبنك..
أنتي على طول بتدافعي عنه.انتي متعرفيش هبب ايه بسلامته ؟
مصطفى : بصوت عالي.
.بصي انا ساكت علشان خاطر امك..
چود : زعقت..
بص أنت ما اسمهاش أمي.. أنت فاهم..
رودي : وقفت بينهم.. وقالت..
يستي انا راضيه. امك ولا أمه..
المهم انهوا الحوار ده..
ومصطفى عمل ايه بس ياجود.. وكروت الفرح مالها ماهي زي الفل ومش محتاجه تتغير..
دي كل كلمه فيها توزن بلد..
چود : مسكت راسها.. لأ لأ.. انتوا هتشلوني.
انتوا ناويين على موتي..ااااه ياضغطك يا انسه چود.. يالي هتتشلي من امك قبل عريسك. يختاااااي...
رودي : بعدم فهم. الله يخربيت أم العبط..في ايه يابنت الهبله..!!!
مصطفى : مش عارف اتفضلي اقري الكارت لچود.. يمكن تقولنا فين الغلط..!!!
رودي : مسكت الكارت. هات يبني.
يمكن اتحولت في ودانها..
وقالت...
سبحان من جمع القلوب بفضله ،،وعلى رحاب الود عُمٌر دارها
طاب اللقاء وزاده تشريفكم،،في ليلة قد أشرقت أنوارها
من آل السيوفي وآل عزيز يتشرفون بدعوت حضراتكم..
الى حفل زفاف../
نجل المهندس/ يوسف عزيز ابنه/ مصطفى عزيز..
علي كريمة السفير فارس السيوفي.
حفيدة اللواء الأسبق طارق عبد الرحمن السيوفي الانسه./
چود فارس السيوفي..
وذلك في يوم (........../ الساعه الثامنه مساءا..
بتاريخ (......../
عنوان القاعه /............/
وسألين الله تعالى دوام التوفيق..
چود : فاتحه عينيها ع الآخر.بعدم تصديق.ومصدومه.
رودي : أهو يابت ياچود..
كارت فرح مفيش بعد كده.. إيه بقى اللي مش عاجبك فيه؟
مصطفى : مثل البراءه..واتنهد وقال..
واضح إن چود بتتلكك يارودي..شكلي مبقتش عاجبها...
رودي : هييييه..فشر هي تلاقي زيك فين بنت العبيطه دي؟
چود : قربت من رودي بنرفزه.. وشدت الكارت منها..وبصت فيه.. بتتأكد..
مصطفى : طيب يارودي أنا هعدي الموضوع ده علشان خاطرك..
روحي انتى علشان متتاخريش.. وأنا هاخد چود ونروح نشتري فستان الفرح..
رودي : ماشي ياحبيبى..وربنا يهديكوا..
وبصت لچود إللي مركزه في الكارت..وقالت..
وانتي أعقلي كدا..متبقيش هبله زي إللي خلفتك.. سلام..وسابتهم ومشيت.
چود : عينيها تايهه يمين وشمال.. وهمست بزهول..مش معقول..!!! ده مش نفس الكارت لأ..
مصطفى : قرب منها وهمس ف ودنها.وقال بمكر.شربتي المقلب ياچودي..
چود : بصتله بدهشه..وهمست مقلب...!!!
وبعدها فتحت عينيها بزهول وقالت من بين أسنانها..مقللللب
مصطفى : بيعدل ياقة القميص بكبرياء وقال..
أوعي تكوني فاكره إني نسيت المقالب بتاعتك..
مرة تحطيلي ملين في العصير ..
ومرة تانيه تحطي شطه في القهوة..
وكفايه مقلب القهوة لوحدوا بكل المقالب..
ودي حركة صغيره مني..قولت افرحك ياقلب مصطفى.
چود : بنرفزه..يعني أنت كاتب الكارت التاني عشان تحرقلي دمي يامصطفى.؟
مصطفى قد كدا أنت بتكرهني؟
مصطفى : بجدية..تبقى عبيطه..
عبيطه لو فكرتي واحد في المية إني بكرهك..
أنا محبتش ولا هعشق قدك..
ومن عشقي ليكي بحب ازاولك..
زي ما أنتي حطيتي الشطه ليا كدا..
يبقى أنتي كدا بتكرهيني؟
مظنش..
وبعدين ده كارت هزار بيني وبينك ولا حد يعرف بيه..
يعني الحوار مكنش مستاهل كل نرفزتك دي..
أنا يمكن اه بهزر كتير..
وممكن تقولي عليا مجنون.. وممكن أعمل أي مقلب مايجيش على بالك..
لكن إللي مستحيل أعمله.. إني أقلل منك قدام أي حد.واعمل كارت زي ده.!!!
ياچود أنا بحبك.. بحبك أكتر من حبك ليا..
وبلاش تقولي إني بكرهك دي نهائي..
اه ونصيحة مني ليكي..
أوعي في يوم تنطقي كلمة طلقني دي تاني..
علشان وقتها هتكرهي نفسك صدقيني..
أوعي تستهوني بيا..
چود : فاتحه بوقها..............!!!وبتفكر في شخصية مصطفى الميكس من كل حاجه..!!
مصطفى : مسح ع شعرو..وقال بهزار..اقفلي باب العربيه اللي انتي فتحاه ده.. ويلا بينا على السنتر..
چود : انتبهت..ها. وقفلت بوقها .أه أحم . اء. ثواني هجيب شنطتي.. ومشيت كام خطوه.
مصطفى : چود..
چود : لفت ليه...وقالت..ممم.!!!
مصطفى : بص في عينيها وقال...
هو انتي لسه شعرك كيرلي ودهبي زي مكان؟
چود : غصب عنها أبتسمت بحرج..ومشيت من قدامه بسرعه..
مصطفى : هرش في قفاه وقال بإبتسامة أعجاب.. أممم يبقى لسه كيرلي..!!!
------------------بقلمي مريم نصار.
شركة العدوي..
Автор: Меріам Насар
في مكتب آريان..
آريان : فاتح اللاب توب..وبيراجع الصفقات وبيكح.من البرد. وفونه رن.. وأبتسم.. ورد وقال.. تيما.حبيبتي..
تمارا : شايله محمد وبيعيط.. وقالت.. حبيبى عامل ايه دلوقتي؟ أخدت جرعة البرد؟
آريان : بيكح..وقال.. أيوه ياحبيبتي متقلقيش.. وماما كمان طلبت مشروب دافي وشربت..
تمارا : كويس بالشفا إن شاء الله.. انا كنت قلقانه عليك..
آريان : بقلق..محمد بيعيط بالطريقه دي ليه؟ ماله؟
تمارا : بتطبطب عليه..وقالت بزعل وخوف.. شكله أخد برد.. لأنه سخن شويه..
آريان : بخنقه.. أكيد بسببي.. طيب أنا هتصل على تيم وتروحي معاه لدكتورة الأطفال..
تمارا : أنا أتصلت على تيم وهو للأسف في المستشفى..واتحرجت أطلب منه..
آريان : طيب بابا آدم رجع ع البيت؟
او عمي مراد.. مين موجود عندك؟
تمارا : بحيره..
لأ بابا آدم.. خرج من عند عمو بيتر.. ورايح زياره عند ناناه ملك.
وخالوا مراد وعمو فهد في الشغل.
آريان : مسح ع شعرو..وكح..وقال..طيب أنا هلغي الإجتماع واجيلك..
تمارا : برفض لأ لأ.. أنت تعبان..
أنت ممكن ترجع علشان ترتاح شويه..
أنا ممكن أخد آرين. او أي حد من العيله.خالتو رينو أو ميرو.
آريان : لازم يبقى معاكم راجل يا تمارا.. طيب بصي اقفلي أنتي وانا هتصرف..!!!
تمارا : حاضر مع السلامه..!!
آريان : قفل واتصل ع آركان.. الو ايوه يا آركان أنت فين؟
آركان : أنا رايح على الكليه أصور شوية أوراق ضروري..في حاجه حصلت؟
آريان : نفخ بخنقه.. لأ انا بطمن عليك..ماشي ربنا معاك..
آركان : ماشي ياصحبي تسلم.. والف سلامه عليك..
آريان : الله يسلمك ياحبيبي..مع السلامه.. وقفل.. واتصل ع آدم.. ورد..ايوه يا آدم أنت فين؟
آدم مراد : أنا في الچيم..خير ومال صوتك..!!
آريان : أبدا شوية برد بس..المهم أنت هتروح امتى؟
آدم مراد : قدامي ساعه ع الأقل.. أنت محتاج ايه قول؟
آريان : أصل محمد ابني تعبان شويه..
شكله اتعدى مني..
وبابا آدم والعيلة بره البيت..وانا عندي إجتماع مهم.. وعايز تمارا تكشف عليه..
.وهتاخد معاها عمتك لارين أو آرين وميرو..
بس من غير راجل هكون قلقان عليهم..
آدم مراد : بتفهم.. تمام.. أنت كلم تمارا وقولها تجهز هي و آرين..وانا هوديهم..
آريان : أبتسم..ماشي ياعم ألف شكر..
آدم مراد : مفيش بينا الكلام الخايب ده..
يلا سلام..!!
Автор: Меріам Насар
في سنتر الفساتين..!!
چود : لابسه فستان جميل جدا..لكن ضيق من فوق جداً ونازل منفوش..
وقالت بفرحه.. ها ياتيفا حلو..!!!
مصطفى : هرش في قفاه وقال..
ااااه..هو حلو ودمار..وكل حاجه..
بس مش هينفع..
چود ؛ بغيظ..ليه بقى مش هينفع.. الفستان محترم وميا ميا..
مصطفى : بسخريه.. ميا ميا من عند الديل يختي.
.والباقى زفت وقطران في المية..
يلا يابت انجري وغيري أم الفستان ده..
وشوفي غيره..
چود : بعند.. مش هشوف غيره يامصطفى..
والفستان ده بقى داخل دماغي..
مصطفى : بتريقه.دخل دماغك بسهوله..
إنما عليكى دخل باللبسيه..بتاعة الجزمه دي عرفاها؟ واسمعي الكلام علشان مغمقهاش عليكي أنتي والست اللي جابتهولك...
چود : من بين أسنانها.. دي هي ليله ف العمر سبني البس إللي انا عايزاه..!!؟
مصطفى : بصوت عالى.. ااه ليله..!!! ليله ارفع فيها الاريال وقروني تخبط ف عين ال جمبي. مش كدا يابت؟
چود : ضحكت بصوت عالى وقالت.. أنت بتقول ايه؟
مصطفى : الله يخربيت أم ضحكتك..يابت هكحت بوزك في الأسفلت..
يخربيت جمدانك..
بقولك ايه.. ماتيجي نتجوز بكره..
عتلاق تبقي عملتي فيا معروف..
چود : ههههه يخربيت جنانك وكلامك..بس بصراحه بحبه.. كاريزما كدا..
مصطفى : بغمزه..بتحبي كلامي..
طيب وصاحب الكلام نفسه.. إيه نظامه..
منشفاها على إللي خلفوه لييه؟
چود : ضحكت بخجل..وقالت.. عديها بقى.. المهم. الفستان محترم وعجبني..
مصطفى : بغيظ..عليا النعمه الفستان زفت ومافيه غير الديل اللي محترم.
ومش عايز افسر اكتر من كده..
واتحركي بقى علشان يومك يعدي.. لسه هنشتري حجات تانيه كتير..وهنتعشى بره.. يعني ننجز..مش نص اليوم هنضيعه..في نص فستان..!!!
چود : بغيظ وتذمر..يخربيتك كل ده في بوق واحد.. روح ياشيخ إلهي...!!! ولا بلاش..
مصطفى : شاطره..ننجز بقى؟
چود : بغضب.. ماشي خلاص..بس يكون ف علمك.. أقسم بالله ماهشتري جزمه للفرح..
أنا هجيب كوتش أبيض.. أشطا؟
مصطفى : طيب أشطا بس يارب نخلص..
وچود لبست فستان تاني..وبرضه معجبش مصطفى.. واتناقروا تاني.. وكل إللي في السنتر متابعين وعجبهم أسلوب مصطفى وغيرته المجنونه وطريقتة الفكاهييه..
وچود دخلت تلبس فستان من اختياروا واختيارها أخيراً..
مصطفى : باصص من الشباك.. ومنتظر مجنونته..
چود : من وراه.. قالت مصطفى؟
مصطفى : لف ليها.. وأبتسم..وقال يخربيت الجمال.. قمر ياتراب القمر..
چود : بحرج.. أحم هو حلو الفستان شغال..
مصطفى : بغمزه.. شغال بس؟ يابت أنتي ورده مكانها في الفستان..!!!
چود : بهمس يخربيتك..بتقول كلام حلو أهو..
مصطفى : أشطا يلا بقى عشان عندنا مشاوير كتير ...
------------------بقلمي مريم نصار.
في مكان خاص بتدريب إطلاق النار..
فهد : مسك أيد شاب..وقال بحزم وقوة..
إيدك بتترعش لييه ؟
أنا عايزك وأنت ماسك السلاح تكون واثق من نفسك..
لأنك بالطريقه دي أنت هتضرب عشوائي..
وممكن تصيب أي هدف مش مقصود..
وممكن تقتل أي حد بريء بالغلط.
وده مش هسامح فيه..!!!
وبص لكل الشباب وزعق بصوت قوي.. الكل يركز معايا أنت وهو...
أنا مش عايز لعب عيال وتهريج..انتوا بتواجهوا خطر حقيقي..
وأي غلطه هتكلفك حياتك..
إللي مستغني عن حياته..؟
يكتب إسمه في القايمة دي.. وأنا هحولوا لأي حد غيري يدربوا..
لكن انا بدرب أسود... أسود وبس..!! رجاله يعتمد عليهم..
وقبل ما تشرفوا بلدكم.. تشرفوا اهاليكم إللي ضحوا بحجات كتير علشان توصلوا للي انتوا فيه دلوقتي..!! فاهمين يارجاله..!!!
الكل بصوت من نار... فاهمين يافندم...!!!!
فهد : تمام.. كل واحد يكمل المطلوب منه..عايز إنجازات مش إنجاز واحد..
وسابهم وخرج..!!! وشاف الفون وكانت آرين متصله مرتين عليه.. واتصل عليها.. وردت ع طول..
آرين : بتذمر..الوو بااابي ايه يابابي اتصلت على حضرتك كتير جدا..
فهد : بضحكه.. قلب بابي.. كتير جدآ..دول مرتين بس ياحبيبتى..
آرين : شهقت.. وحضرتك بتستهون بالمرتين دول..
فهد : لأ طبعاً ياروحي..وأول ما شوفت رقم بنتي حبيبة قلبي..اتصلت فوراً.. أشوفها محتاجه إيه؟
آرين : بزعل..قالت.. محمد الصغير تعبان وسخن.. وتمارا أتصلت على مامي وعايزاني أروح معاها.. نكشف عليه..
فهد : طيب مين هيروح مع تمارا غيرك..!!
آرين : هزت كتفها..مش عارفه بس أكيد مش آريان.. لأنها قالت هو ف الشغل وعندو إجتماع مهم.ها يابابي أقولها إيه؟
فهد : طيب ثواني بس هو تيم فين؟ ومفيش اي حد من العيله هيروح معاكم؟
آرين : بزعل..خلاص يابابي أقولها مش هروح..
فهد : بضحكه..يابت هو انا قولت كدا..
أنا بس عايز أكون مطمن عليكي ياروحي..
آرين : بحماس.يس..هو فهد وبس إللي في قلبي والله.
ومتقلقش يابرو.. أكيد الدكتور آريان هيتصرف..
فهد : هز راسه بضحكه.. تمام..بس خلي بالك من نفسك.. ورينو فين؟
آرين : بتمثيل الغيره. اهااا نجمتك..؟
فهد : ههههه ايووه..نجمتي وسمايا كمان.. الحلو غيران مش كدا ؟
آرين : بتمثيل الجديه..أبدا وانا هغير ليه يافهد..
دي حياتك وأنت حر فيها..
وأنت إللي أخترت مدام لارين تكون نجمتك..
وأنا استحاله أقف في طريق سعادتك..
اهيء اهيء اهيء..
ممكن أقفل لأني هيغمن عليا..
فهد : ههههههه.. والله انتي نور عيني ودنيتي كلها يا آريني..!!
آرين : كشرت عينيها.. أممم. ثبتني ثبتني.. عموماً يا استاذ فهد لينا كلام لما نتقابل.. اوكي..!!
فهد : ضحك بصمت.. أوكي ياحبيبتي..!!!
آرين : بتنهيدة حب..
خلي بالك من نفسك يا بابي.. وأعرف إني بحبك اوى..بحبك أكتر من اي حد.. أنت مثلي الأعلى..
فهد : بتنهيدة حب..
وأنتي بنتي حبيبتي وروحي ودنيتي كلها يا آريني..!!!
------------------بقلمي مريم نصار.
فيلا العدوي..
آدم مراد : رجع البيت واخد شاور..ولبس قميص أبيض وبنطلون أسود. وحط البرفان..ولبس الساعه. واخد فونه ونزل..
فريحه : راجعه من العياده.. وقالت..
إيه ده آدم أنت رجعت امتى ياحبيبى؟
آدم مراد : سلم عليها..وقال من شوية ياحبيبتى.. ورايح دلوقتي مع تمارا و آرين وتالين. لدكتورة الأطفال..
فريحه : بزعل اه ياروحي عليه..
البرد مبهدل آريان.. وأكيد اتعدا منه..
طيب تحب اجي معاك؟
آدم مراد : لا ياحبيبتي..استريحي انتي..
إحنا مش هنتاخر إن شاء الله..
تالين : نزلت..وسلمت ع فريحه..وقالت.
أنا جاهزه يا أبيه..!!
آدم : أبتسم.. تمام أنا هجيب العربية وانتي روحي نادي تمارا و آرين..
تالين : حاضر يا أبيه..ومشيت..
فريحه : ربنا معاكم..وطلعت ع فوق..
آدم مراد : طلع الجنينة..وشغل العربيه..وشاف آرين وتمارا..
وركبوا العربيه..وبعد عنهم.. واتصل ع فهد...
فهد : شاف رقمه..ورفع حاجبه..وقال.
مابجيش من وراك أنت وابوك خير... ورد بجدية..نعم..!!!
آدم مراد : بهدوء.. أنا اتصلت أقولك إن آريان كلمني ورايح أكشف ع محمد..
لكن اكتشفت إن آرين جت معاها وتالين
وركبوا العربيه.. فمن واجبي أقولك..!!
فهد : صك ع أسنانه بغضب شديد.. وقال. ااه. أكتشفت..اااه..!!!
وأنت طبعا أتصلت بعد ما اتأكدت إن آرين نزلت وركبت العربية..
وده معناه إنها كلمتني وانا وافقت..
وأنت بتتصل تقولي ف الوقت الضايع مش كدا؟
آدم مراد : أخد نفس عميق وقال.. كان ممكن اروح معاهم ومقولش..
ووقتها أنت هتقول إني بنتهز الفرص..
لكن انا بقولك من قبل ما نخرج من باب الفيلا..
ولو في حد غيرى موجود هنا كان راح..
لكن مفيش..
وبعدين ياخالي.. انا قد وعدي متقلقش..
وعمري ما أفكر إني أستغل حد .
لأنه لا طبعي ولا تربية مريم الجزار تسمح بكدا..
وكمل بمكر.. وقال..
هسألك سؤال ياحوت..!!
انت مش واثق ف إبن اخوك..!!!
فهد : مغمض عينيه وبيحاول يمتص غضبه.. وقال بجدية وغيظ..
ساعة واحده وبنتي تكون في البيت.. وقفل..
آدم مراد : أبتسم... وقال..
أول خطوه..وهي ثقة الحوت في الديزل..!!!
واتحرك وركب العربيه..وتالين جمبه..
تمارا : سوري بقى يا آدم هتعبك معايا..
آدم مراد : متقوليش كدا تاني..ده واجبي
وأنتي أختي مش هقولك الكلام ده تاني..
وبص ل آرين في المرايا بابتسامه.وغمز..
آرين : نزلت عينيها بسرعه..واتكسفت..ودقات قلبها فوق الطبيعي..
وبصت من الازاز.. وابتسمت بسعاده كبيره..
------------------بقلمي مريم نصار.
في العياده..
تمارا وتالين في غرفة الكشف مع الدكتوره.. بتكشف على محمد..
آدم و آرين منتظرين في الاستراحة.
آدم مراد : واقف قدام الشباك.. و آرين قاعده فاتحه الفون.
آدم مراد : بص عليها..واتحرك..وقعد جمبها مع حفظ المسافه. وقال. عامله ايه؟
آرين : بلعت ريقها بتوتر وقفلت الفون..وقالت.
كويسه الحمدلله..
آدم مراد : بتكلمي مين في الشات؟
آرين : كشرت عينيها بعدم فهم..وقالت..
اشمعنا يعني؟
آدم مراد : بتعجب.. هو إيه اللي اشمعنا؟
أنا سألتك سؤال..وسؤال عادي وطبيعي..
فين المشكله؟
آرين : ردت بغيره..اه دي لمار زميلتي في الجامعه. أنت عارفها.. بتطمن عليا..
آدم مراد : رفع حاجبه وقال..لمار..!!
هو انا مش قولتلك قبل كدا..تبعدي عن البنت دي..!!!
آرين : بعفوية.. أيوه انا فعلاً بعدت عنها..
لكن هي مصممة نبقى أصدقاء..واعتذرت كتير..
آدم مراد : بخنقه..يا آرين أنا مبستريحش ليها. مالكيش دعوه بالبنت دي تاني..
اقطعي علاقتك بيها..
آرين : بص يا آدم أنا يعتبر شبه مفيش بينا علاقة صداقه من الأساس..
انا بتعامل معاها في أقل الحدود..
آدم مراد : أمم.. وأقل الحدود دي توصل للشات؟
آرين : رفعت كتفها..هي إللي بتكلمني..
بتقولي طمنيني عليكي.. بتسأل عليا..
يعني دلوقتي مثلاً بتقولي أنتي فين؟
قولتلها أنا في العياده.. وبس..
آدم مراد : بتفكير.. وهي ع طول بتسألك عن كل تحركاتك..؟؟
آرين : هزت راسها لأ..مش دايما.. أنا مبتعاملش معاها كتير..
آدم مراد : بتحذير..ومش عايز معامله معاها نهائي.. أنتي فاهمه..!!
آرين : عوجت بوقها..وقالت جواها..
يخربيت البرود.. قاعد معايا تتكلم عن زفته لمار...
آدم مراد : بتحذير.. سمعتي يا آرين..
آرين : بغيظ..سمعت..سمعت يامرعب..
آدم مراد : مسح وشه بأيديه ونفخ بخنقه..وقال جواه. أنا مش مستريح للي إسمها لمار دي..!!!
آرين : شافته ساكت..وقالت..
أحم إلا قولي يا آدم.. أنت هتلبس بدله في فرح مصطفى..!!
آدم مراد : مط شفايفه اممم اي حاجه..
ومش عارف هكون موجود ولا هطلع مأمورية..
آرين : بحزن حقيقي..قالت.. إيه؟ مأمورية؟
آدم مراد : أبتسم بمكر.. أنتي اضايقتي ليه؟
آرين : اتوترت..وقالت..ها؟ أحم أبدا أبدا.. أنا بس فكرت في ان بابي ممكن يسافر كمان..
آدم مراد : بخبث..يعني أنا مش فارق..!!!
آرين : بصتله بوجع..وقالت ينفع مجاوبش..!!!
آدم مراد : أبتسم.. وانتي من امتى بتجاوبي يا رينو ياصغيره..
أنتي بتسألي وبس..!!!
آرين : بدهشه...ياخبر بابي بيتصل؟
آدم مراد : ضحك بصمت..رُدي عليه.. أكيد عايز يطمن..!!!
آرين : بلعت ريقها بصعوبه...وردت..اء..الو بابي..
فهد : بغيره مكبوته.. انتوا فين دلوقتي يا آرين..!!
آرين : قامت وقفت بسرعه.. وقالت..
إحنا ف العياده يابابي.
وأول ما نخلص كشف هنرجع البيت على طول..
فهد : هز راسه ونفخ بخنقه.. وقال..
اول ما تنزلي من العياده اتصلي عليا..ماشي؟
آرين : حاضر..حاضر يابابي..
فهد : مع السلامه..
آرين : مع السلامه..وقفلت..
وحطت أيدها ع قلبها وقالت..
طيب انا قلقانه ليه؟ أوووف. وقعدت..
آدم مراد : حب يهدي توترها.. وقال. بيخاف عليكي..
آرين : هزت راسها أيوه..بابي بيقلق علينا ديما..
آدم مراد : أكيد..المهم بقى..
وكويس إنك فتحتي موضوع الفرح واللبس..
اسمعي يا آرين..
آرين : نفخت بخنقه..وقالت..عارفه. وحفظت..
بلاش اللون المستردا. والألوان الأوفر والأحمر.. ويسلام لو أسود وكحلي.. صح كدا..!!!
آدم مراد : أمم صح جدآ..
آرين : بغيظ.. أسمع بقى.
أنا عايزه أسألك سؤال..
ليه أنت مش عايزني البس الألوان دي؟
آدم مراد : بهدوء.. لأني بغير عليكي..
آرين : فتحت عينيها بدهشه..واتحرجت
..وسكتت..
آدم مراد : بنفس الهدوء..محدش مسموحله انو يشوفك بأي لون غير الأسود وبس..!!
واللي يفكر يبصلك..
يقول على نفسه يارحمن يارحيم.
وأظن أنتي شوفتي بعينك يوم النتيجة إيه إللي ممكن أعمله..
أنتي ضيي.. أنتي ضي آدم وبس..!!!
-------------يتبع
الاكثر قراءة هذا الشهر :
موعد الحلقة الجديدة الساعة 8 م يوميا ان شاء الله .
هنا تنتهى احداث رواية جريمة عشق 5 الفصل 44 ، يمكنكم اكمال باقى احداث رواية جريمة عشق الجزء الخامس الفصل 45 أوقراءة المزيد من الروايات المكتملة فى قسم روايات كاملة .
نأمل أن تكونوا قد استمتعتم بـ رواية جريمة عشق الجزء الخامس ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على المدونة .