نقدم اليوم احداث رواية جريمة عشق الجزء الخامس مملكة ميراث العشق الفصل 36 من روايات مريم نصار . والتى تندرج تحت تصنيف روايات رومانسية ، تعد الرواية واحدة من اجمل الروايات رومانسية والتى نالت اعجاب القراء على الموقع ، لـ قراءة احداث رواية اسيرة العادات والتقاليد كاملة بقلم مريم نصار من خلال اللينك السابق ، أو تنزيل رواية جريمة عشق 4 pdf كاملة من خلال موقعنا .
مملكة ميراث العشق الفصل السادس والثلاثون
فصل ١٩ ج 1
رواية جريمة عشق 5
(مملكة ميراث العشق)
سطران من ذهب؛؛؟؟
هناك من يسعد الناس أينما ذهب؛!
وهناك من يسعد الناس إذا ذهب؛!
أسأل الله أن يجعلني وإياكم من أصحاب السطر الأول؛
السعيد من أسعد غيره؛
والكريم من شمل الأخرين بكرمه؛
والأصيل من دام وفاؤه ولم تغيره الأيام؛
والطيب من شعر الجميع بالأمان بوجوده بينهم يحبهم ويحبونه؛
اسعد الله أوقاتكم
================================
بسم الله نبدأ.
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
(في الجامعه.)
عند علوم..
بعد ما آدم خرج من الجامعه.
آرين قلبها طاير من الفرحه..ومش قادره تصبر أكتر من كدا..هتتجنن وتشوف أبوها..
وتشوف مقابلته أول ما يشوف آيان.. وجات ليها فكره.. وجريت ع مكتب الدكتور آريان..
آريان : خارج من المحاضره..ورايح ع المكتب..وبيتكلم في الفون..
آرين : شافته..وماشيه بسرعه..وبتنهج..
آريان : شافها..وكشر عينيه..وقال..
تمام يابابا..حاضر.. لأ متقلقش حضرتك.المهم سلملي عليهم لحد ما أرجع على البيت..مع السلامه..وقفل المكالمه..وقابل آرين..وقال.
آرين..!! مالك ماشيه بسرعه ليه كدا..!!حصل معاكي حاجه؟
آرين : هزت راسها بفرحه. لأ لأ.. أنا كنت عايزه أقولك.. إن.....!!!
وقفلت بوقها بسرعه..وغمضت عينيها وقالت جواها.. إيه يا آرين..هتقولي إيه؟ بابي جه.؟ طيب هيقولي عرفتي منين...!!!
آريان : بمكر.. أمم.. عايزه تقولي إيه يادكتوره..!!
آرين : فتحت عينيها وقالت بتوتر..هااا..!!! آه احم.. بصراحه يعني..أنا كنت.. كنت جايه أقولك.. إن يعني. المفروض إن تيما لسه والده أمبارح.. وأنت سايبها كدا..وده ماينفعش.. المفروض نرجع ع البيت..ونطمن عليها.. ولا ايه؟
آريان : رفع حاجبه..وقال..تيمااا..!! ااه قولتيلي.. أممم..
طيب ما أنا اطمنت عليها قبل ما أنزل على الجامعة وهي اللي صممت إني أنزل على الشغل.. وكمان عمتو نور موجوده معاها..وكل العيله جمب منها..وجمب البيت.. ولا أيه؟
آرين : بتوتر.اء..اه أيوه فعلا..بس..احم. بس أنا كان قصدي يعني إنك تكون معاها..هيبقى أجمل.. بس أوكي مفيش مشكله.
احم..هروح أنا بقى. بعد أذنك.. ولفت
ضهرها..
وحاسة بخيبة أمل..واتنهدت بخنقه..ومشيت كام خطوه..
آريان : بمكر..على فكره بابا لسه مكلمني..وقال. إن عمي فهد رجع..!!!
آرين : لفت ليه..وهزت راسها وقالت بعفويه.. أيوه..!!
آريان : ضحك بصمت..وقال.. وأنتي عايزه تطمني عليه أكيد..!!!
آرين : رجعت وقفت قدامه بسرعه..وقالت بلهفه.. أوي أوي بجد هموت وأشوف بابي..!! بليز نرجع ع البيت.؟
آريان : بضحكه..تعرفي أنتي عندك حق.. المفروض أكون جمب مراتي وأبني في الوقت ده.. يلا بينا..!!!
آرين : بسعادة العالم كله..قالت..أيوووه كدا..يلا بينا يادكتور...!!!
آريان : بمكر.. تعرفي إن آدم وحشني جداً..؟
آرين : وا....وكحت بسرعه. وحاولت الثبات.. وقالت. وخالو مراد..كمان وحشنا كلنا..احم..نمشي بقى..!!
آريان : هز راسه ليها..و نزل وهو بيضحك على آرين.. وركب جمب السواق.. وهي ركبت في الخلف.. وباصه من الازاز..وعايشه في أحلامها..
------------------بقلمي مريم نصار..
عند ألسن.
چود : بتبص في الساعة.. ونفخت بخنقة..وقالت..
أوووف أستغفر الله العظيم.. الدكتور فاروق ده أبطء من السلحفه..نفسي مره يوصل في ميعاده..
مصطفى : من وراها..قال بتريقه.. وأنتِ عايزاه يجي في ميعاده ليه؟ ده حتى ميبقاش مصري..!!!
چود : عوجت بوقها..ومردتش عليه..
مصطفى : وقف قصادها..وقال.. إيه مش بكلمك؟ ولا أنتِ حاطه قطن في ودانك..ولا يمكن أترشيطي..!!!
چود : صكت ع أسنانها بغيظ..ولفت ضهرها ليه ومردتش..
مصطفى : بغمزه..اوعا يالا.. أنت بتتقل علينا.؟
ولف ليها تاني..وقال..
متعبرنا يامدمرنا..مالك كدا سايقه علياا التُقل ليه؟
تعرفي مع إنك لازم تتقلي عليا طبعاً..ماهو من حق الكبير يدلع..بس الرحمه شويه ياتراب القمر..!!!
چود : بغيظ.ونرفزه.. أنت نازل لوك لوك ليه؟ وأنت ليك عين تتكلم معايا بعد عملتك الزفت دي؟
مصطفى : الله..!!! أعملك إيه يعني؟ ما أنتِ اللي مابتسمعيش الكلام..وقولتك مش هيحصل إنك تخرجي مع صحابك..
أنا رفضت تقومي تكسري كلمتي؟ قابلي بقى..!!!
چود : بنفاذ صبر..قالت..يامثبت العقل في الراس.. يابني أنت عايز مني أيه؟ أرحم أمي العيانه.. يخربيت كدا..
مصطفى : كشر عينيه وقال.. يخربيت كدا..!! ومين كدا ده ياچود..وتعرفيه منين.؟ وأمك عيانه مالها.؟ محدش قال يعني أنها عيانه؟
چود : من بين أسنانها.. أقسم بالله هاين عليا أصوت من برودك.. وبعدين أنت اول وآخر مرة تتدخل في حياتي.. واللي أنت عملته امبارح ده لو حصل مرة تانية متزعلش بقى من اللي ممكن اعمله فيك..
مصطفى : رفع حاجبه..وقال..الله.ماتهدا ياعم الديناميت لاتفرقع..
وبعدين أنتِ أمبارح لما أتصلتي على جدك طارق.. وسمعتك بالصدفه إنك هتخرجي مع صحابك..وهو وافق. لكن أنا رفضت..بس أنتِ نشفتي دماغك ياچود وكان لازم أتصرف..!!!
چود : تقوم تهوي كل كوتش العربيات بتاعت صحباتي يامصطفى..!!!؟ وتدفع فلوس للسواقين عشان يقولوا مشوفناش مين اللي عملها؟ دي تصرفات ناس عاقله؟
آه صح وأنت هتجيب العقل منين؟
مصطفى : هز راسه..وقال.. أقسم بالله ٥٠٠ جنيه لسعوهم مني ولاد اللذين..مبقاش في ضمير خلاص..الدنيا قل خيرها.. بس كله يهون عشانك ياقمر..
چود : رفعت صوبعها في وشه..وقالت..ولا أنت بتعاكس؟ أنت كدا بتعاكسني صح؟
مصطفى : بهيام..العمر لحظه والحلوفه مش ملاحظه..!!!
چود : فتحت بوقها بزهول..وهمست.. حلوفه..!!!؟
مصطفى : بضحكه.. أقسم بالله عايزه صوره.. وأنتِ فاتحه باب الحاره ده.هههههه..
چود : حدفته بالكتاب وقالت بنرفزه.. أنا حلوفه يامتخلف..ياحيوااان..ياحيواااان.. أقسم بالله ماعندك دم..
مصطفى : مثل الألم.وقال..ااااه..حرام عليكي يامفتريه..كسرتي أيدي..اااه..
چود : ياريتني كنت أقدر أكسر رقبتك مكنتش هتأخر ثانيه واحده..
مصطفى : حط أيدو ع قلبه وقال..اااه.مع إحترامي لقسم العظام بس كسر الأحبة مالوش أطبه. وأهون عليكي ياچودي..يابت ده أنتِ العشق يابت..
چود : غصب عنها أبتسمت..وبصت بعيد.. وقالت الله يخربيتك ياشيخ..
مصطفى : بغمزه أقسم بالله بموت في أمك..يابت بحبك.. أنتِ بتاعتي خلاص وفي الاجازه خاتم الخطوبه هيبقى راشق في أم صوباعك..
چود : قلبها دق..وقالت بتوتر.بص بقى رجعت تقول بحبك ومعرفش إيه؟ وأحنا اتفقنا إن مفيش كلام من ده..
مصطفى : جاب ليها الكتاب..وقال. طيب أشطا خلاص..هحاول بس موعدكيش... يلا بقى عشان دكتور فاروق السلحفه جاي هناك أهو..
چود : بضحكه..يلا بينا..
مصطفى : بغيره..طيب وطي صوت أمك ده. عشان متغباش عليكي..!!
چود : رفعت حاجبها..ومردتش..
مصطفى : تعرفي ياچودي.. إن زي أنهردة من ١٠ سنين..؟ كان باقي ١٠ سنين على أنهرده.
چود : ضحكت من قلبها..وقالت..طيب يالمض..يلا بينا على المحاضره..!!!
مصطفى : شاور ليها..وقال..الحريم أولا. أتفضلي..
چود : هههههههههههه..
------------------بقلمي مريم نصار.
(في القسم.)
ياسين : قاعد ع طرف المكتب..وقال.. ايوه يا مرسي. قولي بقى سرقت شقة الست ناديه إزاي؟ وهي كانت فين وقت الواقعه..!!!
مرسي : بخوف..وا.. الله ياباشا محصل.دي ست مفتريه..وبترمي بلاها عليا..!!!
ياسين : هز راسه.. اممم. ست مفتريه..!!؟
طيب هي ليه افترت عليك يامرسي.وياترى إيه السبب اللي يخليها تقدم فيك بلاغ.وتتهمك أنت بالتحديد..!!
مرسي : أهو ظلم منها ياباشا..هي كدا أول ما تضايق من حد..تقوم تتبلى عليه..ربنا ينتقم منها..
ياسين : مط شفايفه أممم..
الباب خبط..
عم سيد العسكري دخل..وقال..تمام يافندم.. مدام سعادتك واقفه بره.. وعايزه........!!!!
همس : دخلت. وقالت.. أنت لسه هتتكلم ياعم سيد. انا دخلت خلاص.روح أنت..
آه أستنى أستنى كنت هنسى..اتفضل شوية العصاير دول ليك أنت والعساكر. مقولتليش بقى ياعم سيد .دول بمناسبة اييييه؟ لكن انا هقولك بمناسبة......!!!!
ياسين : قام بزهول.. وقال..باااااس..اييييه في إييييه؟
همس : اتخضت..وبلعت ريقها.وضحكت بتمثيل.. للحرامي وياسين..!!!
العسكري : واقف ومش عارف يعمل ايه..وبص ل ياسين..!!
همس : بلعت ريقها بتوتر..وبتداري الإحراج.. وقالت احم طيب ياعم سيد..اتفضل أنت..
ياسين : شاور للعسكري يخرج..
العسكري : أخد الكيس..وخرج بسرعه..!!
همس : رفعت عينيها ل ياسين..هيهيهي..احم..هاي..!!
ياسين : ضغط ع شفايفه بغيظ واضح..!!!!
همس : فتحت عينيها وغمضت..بتمثيل البراءه..ممكن أقعد..!!
ياسين : صك ع أسنانه بتوعد ممزوج بغضب.. وقال.. طبعاً. اتفضلي..
همس : هزت راسها للحرامي على أساس أنه شغال في القسم..وقعدت ع الكرسي..!!
ياسين : قام بغيظ. ومسك مرسي من ياقته..وقال بغضب.. أنطق ياض وقول سرقت شقة الست ناديه ليه؟ وفين المسروقات؟
مرسي : بخوف..والله يا..........!!!!
ياسين : ضربه بوكس بغيظ..وقال..بتحلف ياروح امك..هو انا جايبك هنا عشان تحلف..والمطلوب مني إني اصدقك..!!
أسمع يامرسي. أنت سرقت فلوس الجمعية والدهب بتاعها هي وبنتها..ومش بس كدا..سرقت التليفونات اللي في البيت.. وكاميرات المراقبه اللي تحت البيت جيباك أنت وصحبك..من اول ما طلعت وهو استناك تحت.. ونزلت وانت محمل المسروقات..وركبتو عربيه وهربتوا يومين ورجعت..وطبعا اتصرفت في البضاعه.. أنطق ياض..!!!
همس : فتحت عينيها بصدمه..وحطت أيدها ع خدها.اول ماشافت البوكس.وخافت من ياسين.
وبلعت ريقها بصعوبه..وقامت ببطء..وماشيه بشويش عشان تخرج..ولسه هتفتح الباب......!!!
ياسين : بصوت عالى..رااااايحه فيييين..!!!؟
همس : اتخضت.. ولفت ليه..وضحكت بتوتر..وقالت بلخبطه..اء.. أبدا.. أنا قولت أسيبك تركز في شغلك..احم..هجيلك في وقت تاني..!!!
ياسين : بصلها بتحذير شديد...!!!
همس : فهمت..وهزت راسها..ورجعت قعدت مكانها..!! وبصت ليه..شافته هاين عليه يضربها من غيظه منها ..وبصت بعيد بسرعه..
ياسين : بغضب..هتنطق..ولا ابعتك للمساجين جوه..وساعة زمن هتبوس على رجلي عشان أسمعك..!!!
همس : لا حول ولاقوة إلا بالله..يا أستاذ مرسي اتكلم الإنكار مش هيفيدك..
مرسي : بعياط وترجي..والله ياهانم معملتش حاجه.. أنا بريء ياحكومه..دانا بجري على يتامى ياناس..
همس : بزعل..لا اله إلا الله..ياعيني ياربي.. بيجري ع يتامى.. خلاص يا ياسين أكيد في لبس في الموضوع..وا..... عااااااا ياماماااااا...
ياسين : أتنفس غضب..وقبض على أيديه.. وقرب منها بسرعه.. ومسك الكرسي اللي هي قاعده عليه..
همس : اتخضت وصرخت..
ياسين : من بين أسنانه..كلمه زياده أقسم بالله ياهمس..وهحطك في التخشيبه لما تقولي حقي برقيتي.
..وغير كدا لما نرجع ع البيت..ده أنتي يومك أسو.... ياهمس..!!!
همس : بتلعثم وخوف..يلهوي..هتحبس أم ولادك يا ياسين..!!!
ياسين : ضرب الكرسي بأيدو..وقال بتحذير أقسم بالله لو سمعت صوتك..لاتشوفي يوم محصلش في تاريخ البشرية..فاهمه..
تقعدي زيك زي الكرسي اللي أنتي قاعده عليه ده..ولما أخلص مع الحرامي..انا هعرف شغلي معاكي..
همس : تنحت..وجت تتكلم..!!
ياسين : بتحذير..هااااااا...!؟
همس : هزت راسها...وحطت أيدها على بوقها...ومتكلمتش..
ياسين : قلبه قايد نار من جنونها.. واتنرفز جداً.. وشمر كم القميص..وقال..بتهديد..وحياة أمك..لو متكلمت..لا تطلع من هنا على المشرحه..!!!
مرسي : جسمه رجف بخوف.. وساكت..
ياسين : مسح وشه بايديه ونفخ بخنقه.. وقال.. أنت اللي جبته لنفسك يابن ال.......!!! وضربه بوكس قوي..وضربة برجله في بطنه.. وضغط ع رقبته..
مرسي : بيحاول يتنفس..ووشه بقى أحمر جدآ مايل للزرقان..
همس : فتحت عينيها بصدمه كبيره.. إن الراجل يموت..لكن خافت فعلا تتكلم..
ياسين : بغيظ..الحرامي اللي زيك خساره أنه يعيش.. انا هسلمك للآخره..
مرسي : بيقاوم..وقال.. خلاص..خلاص هعترف والله ياباشا..انا اللي سرقت الست ناديه..
ياسين : شال أيديه..وزق مرسي..وقعد ع طرف المكتب بغضب..وقال. أتكلم ياروووح أمك..
مرسي : بيكح.. وبيحاول ينظم أنفاسه..وقال وهو بينهج.. انا سرقت الدهب وفلوس الجمعية..
ياسين : فلوس الجمعيه ٤٠ ألف...!!؟
مرسي : هز راسه أيوه ياباشا..والتليفونات..أنا أديتهم لواحد صحبي في السوق. بيبعهم بنص التمن وفلوسهم بالنص أنا وهو ..
وال...والدهب عند صحبي اللي كان معايا.. قولنا لما الدنيا تهدا هنتصرف فيه.. والله العظيم ماخبيت حاجه عليك.. ارحمني أبوس إيدك..
ياسين : ضغط ع الجرس..
العسكري دخل تمام يافندم..
ياسين : خد الواد ده أرميه في التخشيبه..وشوف مواصفات صحابه المشتركين معاه.وأبعت الملازم بهاء يجيبهم.. وانا هكمل شغلي معاهم بعدين..
العسكري : تحت امرك ياباشا..ومسك مرسي وأخدو على الحبس..
ياسين : مسح وشه بايديه ونفخ بنفاذ صبر..
همس : حاطه أيدها ع بوقها.. وخايفه تتكلم..
ياسين : غمض عينيه..بيحاول يمتص غضبه..!!
همس : شالت أيدها ببطء.. وبصت عليه.. وهتموت وتتكلم..!!!
ياسين : من غير ما يفتح ولا يبصلها قال.. إيه اللي جابك؟
همس : بتمثيل العياط..أنت بتكلمني كدا ليه..حرام عليك يا ياسين والله.. انا عملت ايه يعني؟
ياسين : قرب من وشها بغيظ..وقال بصوت جهوري.. عملتي إيييييه؟!!
تجيلي القسم من غير ما أعرف؟ وكمان واقفه تتكلمي مع سيد العسكري.. لأ والمصيبه السودا..بتتدخلي في شغلي..وبتتكلمي مع واحد حرامي.. وتقولي عملت أيه؟ إللي حصل ده مش هيعدي بسهوله..
همس : شافت جدية ياسين وعصبيته..وأعترفت جواها أنها غلطت.. لكن قالت..
أولاً عم سيد العسكري راجل كبير وبقدمله عصير عشان كان في خبر مفرحني.. وللسبب ده عملت كدا.. ثانياً..الحرامي ده..والله أنا صدقت أنه بريء..ولما شوفتك بتضربه صعب عليا..
ياسين : بصلها بغيره..
همس : بتوتر.. مش قصدي والله..صعب عليا كنوع من الشفقه مش أكتر..
بس طلع يستاهل.. اه والله يستاهل الحيوان ده ٤٠ ألف جنيه يسرقهم؟ لأ ده غير دهب ست ناديه المسكينه دي..وكمان الموبايلات..
أفرض دلوقتي الحرامي فتح الانستغرام بتاع ست ناديه.هااا؟ ايه شعورها دلوقتي؟
ياسين : كشر عينيه وقال انستغرام ناديه..!!!؟ وزعق أنتي إزاي تيجي على شغلي من غير ما أعرف ياهمس؟
همس : بتوتر..طيب ممكن تهدا وانا هقولك أنا جيت ليه؟
ياسين : ..............!!!
همس : حطت أيدها ع بطنها وقالت..بتمثيل البراءه.. أنت عارف إني دلوقتي في الشهر السادس..
وأنا من الشهر الرابع كنت هتجنن واعمل سونار.. بس أنت قولت لأ سبيها مفاجأه لينا وقت الولاده..
وأنا وافقتك بس من جوايا كنت هتجنن.. وامبارح لما تمارا جابت بيبي جميل..انا قولتلك ياسو ياروحي أنا مش هقدر معملش سونار..
وأنت قولتلي خلاص نشوف وقت ونروح للدكتوره..
وأنهردا بعد ما أنت خرجت على شغلك..اتكلمت مع ماما ماكي..وهي كمان كان نفسها تعرف انا حامل في إيه؟ وقالت طيب تعالي نروح المستشفى.. وكانت هتتصل عليك. بس انا قولتلها لأ.. انا نفسي أعملها مفاجاه لي ياسو حبيب قلبي..
ياسين :..........!!!
همس : بصت ف عينيه..وقالت.. أنا حامل ف خمسه يا ياسين..!!
ياسين : فتح عينيه بصدمه..وتنح.. وقال.ايييييه؟ خمسه..!!!؟
همس : هههههههه دخلت عليك.. شربت المقلب.هع هع هع..
ياسين : مسح ع شعرو..وقال يابنتي اتكلمي.. أنتي حامل ف أيه؟
همس : رفعت كتفها..وقالت..تؤ شقولك غير لما تديني الأمان. وأنك مش هتخلي يومي بلاك..اوكي..!!!
ياسين : بغضب.. لأ طبعاً..انا يستحيل اعدي اللي حصل ده بسهوله كدا.. أنتي غلطتي ياهمس..
همس : عوجت بوقها.. جرا ايه ياحظابط.. أنت هتحقق العداله بره وتظلمني.. ياخي خليك رحيم باللي شايله ولادك.. قلبك قاسي أوي ياحظابط. آه والله..
ياسين : اتعدل..وحط أيدو ف جيبه..وقال. أنتي غلطتي ياهمس..!!!
همس : قامت..ووقف قدامه..وقالت..ببراءه. أممم ايوه انا غلطت..
بس انا قدمت العصير عشان مفاجأة السونار. وكمان جيتلك هنا افاجأك.. وكمان السواق وصلني مع ماما لحد باب القسم..وهي رجعت على البيت..وقولتلها إنك أكيد هتفرح وتعزمني على الغدا.. لما تعرف إني......!! وسكتت.وبصت بعيد.
ياسين : لف وشها ليه وقال.. أول وآخر مره تجيلي على الشغل من غير علمي..وكمان آخر مره تتكلمي مع أي حد متعرفيهوش.. وكمان....!!!
همس : خلاص بقى ياعم ياسين الله يكرمك..والله غلطت ومش هكرر الغلط..انا هعمل غلط جديد.. ههههههههه..
ياسين : رفع حاجبه بتعجب..!!! يامجنونه..
همس : مسكت أيديه..وقالت بمرح..سوري أسفه.. أسفه بجد..حقك عليا. والله مش هعمل كدا تاني.. وحطت أيدها ع بطنها وقالت..صح ياولاد..؟
ياسين : قلبه حن ليها..وسامحها من قبل ما تعتذر.. لكن قال.. ولاد؟
همس بجد الدكتوره قالتلك إيه؟
همس : مسكت أيد ياسين..وحطتها على بطنها..وقالت. حامل.في توأم.. ولدين يا ياسو..!!!!
Автор: Меріам Насар
------------------بقلمي مريم نصار.
فيلا زياد جمال..
مليكة: بسعاده كبيره..الو..ايوه يازيزو ياحبيبي..
زياد : ماشي في الشركه..وقال بضحكه..يااااه زيزو وع الضهر؟ يبقى الموضوع كبير جداً.. ههههه..
مليكة : بسعاده..طبعا. أنا عندي ليك أخبار تجنن بجد..
زياد : كشر عينيه وقال ياستار..هي وصلت للجنان.. عموما ياروحي.. أنا عارف الأخبار دي.. وكنت لسه هكلمك عشان أقولك..
مليكة : بعدم فهم. تقولي إيه؟هي همس لحقت قالتلك؟ مع أني منبهه عليها إني أنا اللي هقولك الخبر الحلو ده..!!
زياد : لأ كدا بقى..دقيقه نفهم..!! إيه اللي دخل همس في الموضوع.. أنا قصدي على رجوع شباب العيله بخير وسلامه.. مراد وفهد وآدم..!!!
مليكة : شهقت بسعاده..وقالت..قول والله.؟ هما رجعوا..؟؟
زياد : الله..!!! في ايه بقى؟ اومال انتي تقصدي إيه بالأخبار الحلوه..بما إنك متعرفيش أنهم رجعوا..!!
مليكة : بضحكه.. أولا ألف حمدلله على سلامتهم.. وصولهم جه مع الأخبار الجميله..
ثانياً بقى.أنا قصدي من إتصالي بيك.. إني أقولك إن همس مرات إبنك حامل ف ولدين توأم يا زياد..!!!
زياد : فتح عينيه بدهشه..وقال بفرحه كبيره.. أنتي بتقولي إيه يامليكة.. همس حامل ف توأم؟ أنتي بتتكلمي جد..!!!
مليكة : ضحكت بدموع..وقالت.. أيوه والله يازياد.. لسه راجعه من عند الدكتوره..وبشرتنا بالخبر الجميل ده..
أنا بجد فرحانه أوي..عيلتنا بتكبر يازياد.. ألف حمد وشكر ليك يارب..
زياد : بتنهيدة حنين.. الله يرحمك يا أمي.. كنتي ديما بتتمني وتدعي من قلبك إن يكون عندي عيله وعزوه.. دعائك أستجاب ياحبيبتى..!!!
ماليكا : بحنين.. فعلاً..كانت ديما تقولي ربنا فرجه قريب..ربنا يرحمها ويغفر ليها. ويرحم عمو حسام. كانوا متفاهمين لأبعد الحدود.. وطيبين جدآ..
زياد : عيونه لمعت..وساكت.......!!
مليكة : حست بيه..وقالت.. أسمع بقى من دلوقتي احفادي هيقولولي ياماما.. أنت بقى جدو أنت حر.. إنما أنا هفضل ماما ماكي اتفقنا..
زياد : بضحكه صافيه.. أجمل ماما ماكي. ربنا يباركلي فيكي ياروحي..
مليكة : حبيب قلبي يازيزو..ربنا مايحرمناش منك أبدا..
بقولك بقى إحنا هنحتفل بالمناسبة دي.. ونعمل عشا تحفه ومميز عشان همس وياسو..
زياد : بتفكير..طيب بصي خليها بكره..
ماليكة : بزعل ليه بقى؟
زياد : ياحبيبتى. أنتي ناسيه اني قولتلك الشباب وصلوا.. وزين لما كلمني قالي أنه وصلهم وراجع علي الشركه..وكمان قالي إن مراد شكله متصاب في دراعه.. وأنا أكدت عليه إننا هنروح ليهم انهاردة بعد الغدا..نسلم عليهم ونقعد مع العيله ونتجمع..
مليكة : بزعل.. لا حول ولاقوة إلا بالله..اتصاب إزاي؟
لأ خلاص نروح ونطمن عليهم.انا هصلي الضهر واتصل على ماما مريم..
زياد : تمام ياحبيبتي.انا هقفل دلوقتي لأني داخل على إجتماع مهم مع ساره وآسر..خلي بالك من نفسك..
مليكة : وأنت كمان ياحبيبي..ربنا معاك...!!!
(فيلا آريان العدوي)
نور : داخله الأوضه..وشايله صنية الاكل ل تمارا.. وقالت.. إيه ياقلب مامي محمد نام؟
تمارا : شايلاه في حضنها..وقالت بصوت واطي.. ايوه..نام بعد معاناه..
نور : حطت الأكل.. وضحكت..وقالت.. من أول يوم وبتقولي معاناه..
تمارا : أبتسمت بحب كبير وقالت.. لأ طبعاً مش قصدي كدا..ده محمد ده ف قلبي وروحي.. كفايه إن أسمه على إسم بابي حبيبي.. وربنا يقدرنا ونربيه صح وبما يرضي الله..
نور : مسدت على خد محمد.. وقالت.. إن شاء الله.. يتربى في حضنك وعز باباه..
تمارا : بأبتسامه..وحضنك انتي وبابي وماما مريم وبابا آدم. ربنا يباركلي فيكم جميعاً يارب..وتفرحي بذرية تيم قريب إن شاء الله..
نور : بتنهيده..يارب..يارب ياتمارا يابنتي..يقر عينه بالذريه الصالحه..بدعيله هو وميرو ليل ونهار..
تمارا : بابتسامه جميله..وهيستجيب بأمر الله..
نور : خبت دموعها بابتسامه وقالت..هاتي حماده حبيب قلبي ده أنيمه في سريره.. وأنتي كلي يلا..
الباب خبط.. وعزه دخلت..وقالت.دكتورة نور. سيدي مراد بيه وسيدي فهد وآدم بيه الصغير وصلوا في البيت الكبير بالسلامه..
نور : بدقة قلب وفرحه..مراد أخويا...!!! وحطت محمد في السرير بشويش..
تمارا : بفرحه.. مامي أنا هنزل معاكي..
نور : برفض.. لأ مش هينفع..مامي منبهه متخرجيش من الفيلا..كلهم هيجولك..خليكي..
وخالك مراد وفهد أكيد هيقدرو.. إنك لسه والده.. أنا هنزل أسلم عليهم بسرعه..وهرجعلك.. أوكي..
تمارا : بحماس..بليز سلميلي عليهم كتير جداً..
نور : بتلبس النقاب..وقالت حاضر ياحبيبتى..!!!
------------------بقلمي مريم نصار..
(فيلا العدوي)
رينو : جت قدام فهد وشايله أبنها..وقالت بدقة قلب. إبنك آيان يافهد..!!!!
الكل أنتبه ل رينو وسكتوا للحظه دي. وبصوا لفهد.
فهد : عيونه على إبنه. وقلبه بيدق بخفقان..ومشاعر غريبه وجديده..
مشاعر مدفونه من زمان جداً..وواقف ثابت ومعملش أي رد فعل.غير إن عيونه تايهه في ملامح آيان..
رنا ومريم بصوا لبعض..وأتأثروا لرد فعل فهد..
مراد : أبتسم..وحاوط فريحه من كتفها.وباس جبينها.. وهمس ف ودنها.. وحشتيني يافريحتي.
فريحه : غمضت عيونها بتنهيدة راحة وحب وآمان.وقالت بنفس الهمس.. وأنت كمان ياحبيبي.
رينو : بإبتسامه وعيونها لمعت بدموع.. وقالت.. آيان إبنك يافهد..مش عايز تشيله بين أيديك؟
فهد : بلع ريقه..وبص ل رينو بأمل..وعيونه لمعت.وقال بصوت مبحوح. آيان..!!!
رينو : ضحكت بدموع..وهزت راسها. أيوه آيان..مش أنت قولتلي أسميه آيان..!!؟ وأنا نفذت كلامك. وأهو... آيان فهد السيوفي..!!!
فهد : رفع أيديه..وعيونه بتتأمل فيه.. كأنه بيقول معقول الملاك ده أبني..!؟.
رينو : حطت آيان بين إيديه..وعيونها ع فهد بتملي عيونها منه..
فهد : شال آيان. وقلبه دق بحب كبير جداً..حب مضاعف..لأبنه إللي جه بعد صبر طويل...!!!
آيان : حاطط صوباعه في بوقه..ورفع أيدو التانيه على وش فهد..وعمل صوت بريء.. وضحك..
فهد : ضحك وعيونه أتملت بالدموع غصب عنه.. وباس كف أيدو الصغير.. وهمس آيان..حبيب قلبي.. انا أبوك ي آيان.. أبوك فهد..!!!
آيان : حرك أيديه الأتنين على وش فهد. وضحك..
فهد : ضحك بإحساس جميل وفرحه مغموره بالسعاده..
رينو : ضحكت بسعاده وقالت بحماس..آيان أول مرة يضحك بالطريقة دي..
آيو ياروح قلبي..ده بابي فهد.. اللي ديما بكلمك عنه.. بابي رجع ليك ياحبيب مامي..
فهد : قعد ع طرف الكنبه..وعيونه بتتأمل براءة أبنه.. وأترسمت إبتسامة حب..وباس جبينه..
رينو : قعدت جمبه..ومسكت أيد آيان وبتتكلم معاه علشان شافت فهد كأنه لسه في حالة عدم أستيعاب..
طارق : هز راسه بتنهيده..وقال.. الواد فهد ده الوحيد إللي طالعلي..
آدم : هرش جبينه..وكاتم الضحكه اللي كلها سخريه..
طارق : بصله بغيظ..وقال.. أنا عارف نفسك تقول كلمه تفرتك بيها الجبهه.. قول يابا أتكلم ياحبيبي..متكتمش في نفسك عشان الضغط..!!!
الكل أنتبه وضحك..
آدم : بضحكه..سبحان الله.. بعد كل العمر ده.. بدأت تفهم ياطارق.. بس أنت متأكد إن فهد طالعلك..!!!؟
طارق : صك ع أسنانه بغيظ واضح..وقال. هو أبني ولا إبنك ها؟ أكيد الواد هيطلع لابوه..
وانا قلبي جامد وأسد في نفسي كدا. والواد فهد نسخه مني..عندك اعتراض؟
رينو بصت ل فهد وضحكت..
فهد : رفع عينيه ليها. وقال في اعتراف رسمي بيعنيه.. (وحشتيني)
رينو : عيونها لمعت وهمست بصوت واطي. أنت أكتر صدقني..
آدم : مط شفايفه اممم..تؤ..محدش يقدر يعترض طبعاً..
لكن شكلك نسيت إن فهد ده تربيتي أنا..بس محدش يقدر ينكر. أنه واخد چيناتك وطالع ليك في العصبيه..والنرفزه..وسهل جداً استفزازه..
وكمل بغمزه..زيك كدا يا أسد..!!!
الكل ضحك.. Автор: Меріам Насар
طارق : بص لمريم..وقال بغيظ..عاجبك كدا يام مراد..ينفع إللي هو بيعمله معايا ده؟
مريم : أبتسمت.وقالت..بالله عليكم خلوني انا بعيد.. بس اللي عايزه أقوله..
إن أبو مراد لو كان عندو أخ..؟ مكنش هيحبه قدك يابو فهد.. وأنت متأكد من كدا.. ده كل يوم لازم يمدح فيك..
آدم : بمكر.. أم مراد بتحب تبالغ شويه..!!
طارق : بنرفزه..ياخي منك لله..ده الضراير مبيعملوش كدا ف بعض..
مراد : بضحكه.. خلاص ياطاروق..وحد الله ياعمنا مش كدا. الحج آدم بينكشك..ده أنت الغالي..وأبو الغاليين.. ولا ايه يافخد هههههههه..
فهد : رفع طرف عينيه..وقال جواه..مش مستريح للواد ده...!!!
مراد : بمرح..واد يا آيان..تعالي لخالك ياض..
فريحه : ثواني ياحبيبى أنا هجيبهولك.. وراحت لفهد.. وقالت..
بعد إذنك ياحبيب أختك..وشالت آيان..بسم الله..تعالى ياروح عمتك..
مراد : شاله..وابتسم وباسه..وقال. الواد ده مش شبهي ليه؟
إيه يارينو هو علشان أنا مش موجود تغفلينا.. أنتي جايبه نفس سحنة الواد فهد ده ليه؟
رينو : بضحكه..وحطت أيدها ف أيد فهد..وقالت..هو في أجمل من كدا يا أبيه؟
فهد :. ضغط ع كف أيدها بحنين..وأبتسم ليها..
مراد : بتريقه.. لأ طبعاً مفيش.. وأحنا لازم نرضى بالأمر الواقع.. وبيلاعب آيان..
آدم مراد : طيب ياجماعه.. أنا هروح لتالين..
فهد : بصله بغيره واضحه..
مراد : بص لفهد و آدم..
مريم : ربتت ع أيدو وقالت..وماله يانور عيني..دي تالين هتفرح أوي.. دي كاتمه فراقكوا في قلبها وساكته ياروح قلبي..
مراد : اتخنق عشانها..وقال..استنى جاي معاك يا آدم..
آدم مراد : لأ خليك أنت يابابا.. عشان دراعك..وتالين متتخضش عليك.. أنا هجيبها ونرجع بسرعه..
فهد : صاكك ع أسنانه وساكت....!!!!
رينو : لاحظت نظرات فهد الناريه لأدم..!! وكشرت عينيها بتعجب..!!!
مراد : هز راسه تمام..بس متتأخرش..!!!
آدم مراد : هز راسه تمام..وخارج..
آدم : بصله..بنظره معناها..تالين وبس..!!!
آدم مراد : أبتسم..وهز راسه ليه..تمام..!!! وخرج وعلى وشه ابتسامه.. لأنه أول حد شافه هو ضيه وبس..!!! واخد المفاتيح من السواق..وركب العربيه وساق بسرعه..!!!
نور : دخلت بسرعه وسلمت ع مراد بشوق وحنين كبير.. وسلمت ع فهد..
رينو : حطت أيدها ف أيد فهد.. وقالت..حبيبي مالك؟ واضح جداً إن في حاجه مضيقاك..
فهد : هز راسه لأ مفيش حاجه.. أنا هروح ل آرين الجامعه..!!
رينو : أبتسمت..ياريت بجد..دي هتتجنن وتشوفك.. أنت متعرفش هي بتعامل آيان إزاي.. دى زي ما تقول أبنها مش أخوها..
فهد : بأريحية..طيب كويس أنا كنت قلقان من النقطه دي.. بقولك إيه أنا لازم اروح ليها دلوقتي..وهجيبها وأرجع..
رينو : أجي معاك أرجوك.. أنت لسه راجع ومش عايزاك تخرج..
فهد : هز راسه تمام..!!
آرين من على الباب.. بااابي..!!!
فهد : رفع عينيه ليها بسرعه..وقلبه دق لبنته حبيبته.. وقام وقف..وقال بحنين..آريني..!!!
آرين : حدفت الكتب والشنطه على الأرض..وجريت بسرعه كبيره..وقالت بصوت عالي.. باااابي.. واتشعلقت في رقبته..
فهد : ضمها لقلبه بحنان كبير..ولف بيها..وقال.. آرين.. آريني..وحشتيني اوي ياقلب أبوكي.
آرين : ..........!!!
فهد : نزلها.. وجه يطلعها من حضنه..لكن آرين مكلبشه فيه..ومبتتكلمش..
فهد : حس بعياطها..وقال.. آرين خليني أشوفك يابنتي أنتي وحشاني..
آرين : .............!!! وصوت عياطها بدأ يعلا..
الكل أتأثر لعياطها..
رينو : قامت..وقالت بدموع.. آرين على قد ما أنت واحشها..على قد ماهي زعلانه منك...!!
فهد : ضمها لحضنه.. وسابها تعيط..وقال.. آرين. حبيبتي والله غصب عني. ومفيش أي فرصه إني أتواصل معاكم.. صدقيني الموضوع كان خطر.. وعليكم قبل مني لو كنت أتصلت عليكم.. فهماني يابنتي..!!!
آرين : طلعت من حضنه..وقالت.بشقهات.. لأ أنا مش هفهم غير أني هونت ع حضرتك..
حوالي سبع شهور يابابي...!! سبع شهور حتى مش عارفين نطمن عليكم..
مامي كانت محتجالك.. أنا كنت محتجالك..آيان الصغير..وكمان آركان..كلنا كنا محتاجين ليك يابابي.. مهما الكل يكون موجود.. إلا إن أنت الوحيد اللي بتكملنا.
أنا بحبك اوى يابابي..بحبك لدرجة إني كرهت الحربيه..وبتمنى إنك تسيبها..وكفايه قلق وتعب لحد كدا.. بجد أنا تعبت..
تخيل بقى مامي. وعمتو فريحه..وماما مريم وماما رنا.. بجد أنا أول مرة أتوه كدا.. أنا كنت خايفه عليك اوي المرادي يابابي.. واترمت في حضنه تاني وعيطت بصوت عالي.. وقالت أرجوك متسبناش تاني..
الكل عيونه لمعت..
فهد : غمض عينيه بوجع وضمها لقلبه.وهاين عليه يدخلها بين ضلوعه.
مراد : شاف علاقة الصداقة بين فهد و آرين وحبهم وقربهم لبعض.. وفهم تصرفه تجاه آدم..وهز راسه بتنهيده...
فهد : طلع آرين من حضنه..ومسح دموعها..وباس جبينها..وقال..
آريني فراشة الحياة.متعيطش. طول ما أبوكي عايش..أعرفي إن دموعك بتكوي قلبي.. أوعي في يوم تعيطي.. مهما كان السبب.. أنتي بنت فهد السيوفي..
أنتي بنتي..ومش مسموحلك تبكي في وجودي.. دموعك غالية يابنت فهد..غالية.أوي..
وأنتي عارفه إن مجال شغلي غير أي شغل.. أنا لو بأيدي أفضل معاكم كل ثانيه.. لكن مش بأيدي.. وعايزك تعرفي أنتي ورينو.. إنكم عمركو ما تهونوا عليا أبدا.. الموت اهون عليا من فراقكم والبعد عنكم. فهمتي يا آريني..!!!
آرين : مسحت دموعها..وقالت..بعد الشر على حضرتك.. أنا أسفه جداً إني اتكلمت كدا..بس ده كان من قلقنا عليكم..
فهد : أبتسم.ومسد على حجابها..ولا يهمك ياروحي..
مراد : قال جواه.. آدم أبني هيتعب معاك أوي يافهد.. أنت بتحب بنتك بغباء.. طول عمرك لما بتحب حد.. بتحب بضمير يصحبي أنت وفي لاقصى درجه ياحوت..
لكن إن شاء الله..ربنا هيدبرها من عندو..وتوافق يابن السيوفي..
آرين : صرخت بصوت مسموع..خالوووا مرااااد..
مراد : أنتبه..وقال حبيبت خالها..تعالي يابت يا آرين.. ههههه..
آرين : سلمت عليه..وقالت حمدلله على سلامة حضرتك..ومال دراعك ياخالو..
مراد : بهزار.. أبوكي عضني.. هههههههه.
آريان : دخل..السلام عليكم ورحمة الله وبركاته.. وسلم ع الكل..
آرين : جريت على فهد..وقالت..بابي شوفت آيان؟ بجد شبهك جدآ..
فهد : قعد وأخدها في حضنه..وقال بضحكه.. وأنا حلو آوى كدا..
آرين : شهقت..أييه؟ حلو بس؟ قول قمر..چان..قول حاجه محصلتش..مش حلو بس..!!
فهد : شاور ل رينو..وقعدت جمبه..وشال آيان.. وسأل على آركان..
رينو : سافر الأسبوع اللي فات..وقال كلها شهر وينزل أجازة كبيره..
بعد كدا.. الكل قعد..وبيستقبلوا الإتصالات والتهاني من العيله برجوع الحيتان بالسلامه...
آدم : قاعد..بيتكلم مع طارق والشباب.. وأستغرب إن آرين مسألتش حتى على المرعب.. وكشر عينيه وافتكر إن آدم..جه قبل منهم.. ورفع حاجبه وقال.. أممم.. عشان كدا...!!!
------------------بقلمي مريم نصار.
(قدام المدرسه)
آدم مراد : وقف بالعربية.والطلاب خارجين من بوابة المدرسه.. ونزل.وبيدور على تالين..
Автор: Меріам Насар
تالين : خارجه مع حياة وكارما..وبيتكلموا مع بعض.
حياة وكارما بيضحكو.. لكن تالين بتتكلم بهدوء..
آدم مراد : شافها.. وأبتسم..ورفع أيدو ليها..!!
تالين : بصت..وأفتكرت حد بيعاكس..ونزلت عينيها بسرعه..لكن وقفت مكانها. ورفعت راسها بزهول.. وفتحت عينيها على الآخر. وقلبها بيدق..ومفيش أي رد فعل..
آدم مراد : قفل باب العربيه..ورايح ليها.
حياة وكارما..أستغربوا تصرف تالين..لكن شافوا آدم.. وضحكوا بفرحه كبيره..
تالين : بزهول..آبيه آدم..!!!
آدم مراد : قرب منهم..!!
تالين : أستوعبت أخيراً.. وقالت بصوت مسموع..آبيه آدم..مش معقول.. وأترمت في حضنه..وبتضحك وبتعيط..من فرحتها..
آدم مراد : ضمها لقلبه بحنان كبير..وباس راسها..وقال.. تالي حبيبت قلبي.. وحشتيني ياروحي..
تالين : طلعت من حضنه..وضحكت بدموع..وقالت.. أبيه آدم..حضرتك رجعت صح.. ههههه أيوه فعلاً حضرتك قدامي أهو..وبابا..بابا رجع معاك صح..؟
آدم مراد : مسح دموعها..وقال من غير عياط ياتوتا.. أيوه ياحبيبتي. كلنا رجعنا بخير..
وبص للبنات.. اذيكم يابنات..
حياة وكارما..الله يسلمك..حمدالله ع سلامتك..
آدم مراد : هز راسه ليهم..وقال يلا تعالوا..
تالين : ركبت جمبه..وقلبها بيدق بفرحه كبيره.. وشبكت أيديها تحت دقنها..وقالت.. الحمدلله الذي أعاد لنا ودائعنا بخير وسلام. الحمدلله كل الحمد.. شكرآ يارب..
آدم مراد : ركب جمبها..وسمعها..وباس ع أيدها..وقال. هحبك إيه أكتر من كدا ياملاك أخوكي..!!!
تالين : حضنت أيدو..وقالت. حضرتك متعرفش ماما كانت عامله أيه من غيركم.. بجد كانت ايام ثقال.. لكن الله أحن وأرحم..
آدم مراد : مسد ع حجابها..وقال ونعم بالله. وشغل العربية.. وساق على المملكه..
(فيلا العدوي.)
كلهم قاعدين..
مريم : شاورت لفريحه..
فريحه : جت..نعم يا ماما..
مريم : خدي مراد لفوق.. وساعديه يغير هدومه.. ولو في علاج ياخدو..
فريحه : حاضر ياحبيبتى..
مريم : يحضرلك الخير يا نور عيني.. وأنتي يارينو. سيبي آيان مع رنا. وقومي اطلعي مع جوزك يغير هدومه.. وانزلوا على الغدا..
رينو : حاضر يا مامي..
مراد : قام وطلع مع فريحه..وفهد خرج مع رينو..
آدم : شاور ل آرين..
آرين : قامت بسرعه..وقعدت جمبه..نعم يا بابا آدم ياقمر..
آدم : حاوطها من كتفها..وقال بابا آدم إيه بس.؟ أنتِ من وقت ما فهد رجع وأنتِ مطنشاني..!!
آرين : شهقت..وقالت..بابا آدم..حضرتك بتغير عليا من بابي؟
آدم : بضحكه..طبعا أنتِ بنتي أنا..وعشتي معايا أكتر من أبوكي نفسه.. يبقى من حقي أغير ولا لأ؟
آرين : حطت صوباعها على بوقها..وقالت..ينفع مجاوبش...!!!
آدم : ضحك.. أيوه ينفع.. قوليلي بقى.. أنتِ معادك ترجعي بعد الساعه تلاته.. جيتي بدري إزاي؟
آرين : غمضت عينيها..ولعنت نفسها وغبائها..
آدم : شكه اتحول ليقين إن المرعب..سبق الكل بخطوه.. وقال بمكر.. أكيد آريان قالك مش كدا.؟
آرين : فتحت عينيها بدهشه وقالت..صح.. أيوه فعلاً.. الدكتور آريان قالي.. إن بابي جه..!!
آدم : هز راسه ليها.. أممم تمام..!! لكن أنتي ليه مسألتيش على المرعب..!!!
آرين : همست بصوت واطي جدآ.. وقالت..غبيه يا آرين..والله اغبا بنت ف العيله..!!!
آدم : ضحك بصمت..وقال انا بقول كدا برضه..
آرين : تنحت..وقالت هاا..حضرتك سمعتني؟
آدم : مط شفايفه ورفع كتفه..ومردش..!!!
آرين : حبت تهرب من الموضوع.. وقالت..بابا آدم.. عندي سؤال مهم..
آدم : بمكر..وقال ماشي اسألي..
آرين : السؤال بيقول..شيء يمكنك أن تقوم به دون أن تبذل أي مجهود في حياتك؟
آدم : بتفكير.. الفشل.
آرين : بإنبهار..واااو كنت متأكدة إن حضرتك هتحلها بسهوله..
آدم : بإبتسامه..اوماال ايه. انت مفكراني جدك طارق ولا إيه؟
آرين : ضحكت من قلبها...
طارق : كشر عينيه لأدم..وقال الضحك ده عليا..!!!
آرين : حطت ايدها ع بوقها..وكاتمه الضحكه..!!
آدم : ربت ع رجل طارق.. وقال منور يا أسد..!!!
(في جناح مراد)
فريحه : بتساعد مراد.في اللبس.
مراد : بيتألم بسيط..
فريحه : بدموع..ممكن اعرف اتصابت إزاي؟
مراد : رفع أيدو السليمه..ومسح دموعها..وقال. هو انا علشان غبت عنك فتره..نسيتي إني مبكرهش في حياتي قد إني أشوفك مكشره أو زعلانه..تخيلي بقى لما أشوفك بتعيطي..؟ أعمل إيه أنا دلوقتي؟
فريحه : بتلبس ليه التيشرت..وقالت بدموع..غصب عني يامراد.. أنا كنت بعد الساعات والدقايق..مش الأيام وبس..!! أنا كنت خلاص هتجنن واسمع بس إنك بخير..قلبي كان ديما مشغول عليك.. والله آرين صدقت في كل حرف قالته.. إحنا من غيركم مش كاملين..تخيل بقى يوم ما املي قلبي من وجودك.. والاقيك متصاب..عايزني أضحك ازاي بس ياعُمر فريحه..
مراد : بتنهيده..عارفه يافريحتي..نفسي أضمك لقلبي عشان أنا اللي أصدق إني رجعت ليكي من تاني..
فريحه : حطت راسها ع صدرو وغمضت عينيها وقالت.. أنا كدا كأني مالكه العالم كله بين أيديا.. ألف حمدلله على سلامتك ياحبيب قلبي وروحي..
مراد : ضمها لقلبه بحنان واشتياق.. وقال.. بحبك اوى يافريحه..!!
فريحه : وفريحه بتموت في التراب اللي مراد بيمشي عليه..
مراد : باس ع راسها..وايدها.وقال..ربنا يباركلي فيكي ياروح قلبي..
فريحه : باست جبينه..وابتسمت..وقالت نورت مصر كلها..نورت قلبي وحياتي..نورت روحي ياروحي..
مراد : حاوطها من كتفها..وقال. أنا لسه عند وعدي..
فريحه : كشرت عينيها بعدم فهم..وقالت..وعد إيه؟
مراد : بغمزه.. الله..شقتنا يابنت المستخبي.. مش انا وعدتك لما أرجع هاخدك ونروح نقعد فيها براحتنا..
فريحه : ضحكت من قلبها..وقالت.. والله بنت المستخبي دي..وحشاني اوي منك.. ههههه. يالهوي يامراد لو بابي عرف باللي أنت بتقوله ده؟ مش عارفه هيعمل ايه؟
مراد : بيقلد طارق..وقال هيعمل كدا.. ومثل النرفزه.. بقى أنت تقول لبنتي بنت المستخبي؟ لأ وكمان بنت كوم الشكاير..بنت طارق السيوفي.. بنت الأسد يتقال عليها كدا..صدق ياض يامراد..هتصدق إن شاء الله.. أنت مطمرش فيك تربيتي اللي ربتها ليك.
فريحه : ههههههههه أخص عليك يامراد.. بس بجد أنت قلدته جداً هههههههه
مراد : بخبث..ولسه يافريحه..دور الحوت..ده أحنا داخلين على أيام سوسا..!!!
------------------بقلمي مريم نصار.
(عند فهد)
فهد واقف ومربع أيديه..وبيتأمل في رينو. اللي شالت النقاب.. وظهر جمالها..
رينو : راحت عند الدولاب..وجابت لبس لفهد.. وراحت لعندو بسرعه.. وقالت.. اتفضل ياحبيبي.. أدخل بسرعه خدلك شاور والبس الطقم ده.. وانا هعملك فنجال قهوه.. تشربه قبل ما ننزل..
فهد : دقق النظر في عيونها إللي وحشاه أكتر من جمال الكون..
رينو : رفعت عينيها ليه..ودقات قلبها خرجت عن مسارها.
فهد : رجع خصلة شعر ورا ودنها..وقال بهمس. كنتي وحشاني اوي يارينو..ولسه وحشاني أكتر من قبل..
رينو : رفعت ايديها وحضنته.. وقالت.. أنا لحد دلوقتي مش مصدقه إنك رجعت ليا.
فهد : ضمها لقلبه بحنين..و أخد نفس عميق..وقال. أنا وعدتك إني هرجعلك.. أنا مقدرش أعيش من غيرك..
رينو : عيونها لمعت.. حمدالله ع سلامتك ياحبيبي..
فهد : طلعها من حضنه وباس راسها.. وأبتسم.. سلامتي هي أنتي.. ومسد على خدها..وقال بابتسامه.. وحشتني القهوه من أيديكي..
رينو : ضحكت بسعاده وقالت.. أجمل فنجال قهوه لروح روحي في ثواني..
وعلى فكره بقى أنا مجهزالك مفاجأه بليل هتحبها جدآ..وجريت من قدامه بسرعه على المطبخ..
فهد : مسح ع شعرو بإبتسامه..واخد هدومه ودخل الحمام...
وبعد لحظات شرب القهوه ونزل مع نجمته..!!! -------------يتبع
رواية جريمة عشق 5
(مملكة ميراث العشق)
سطران من ذهب؛؛؟؟
هناك من يسعد الناس أينما ذهب؛!
وهناك من يسعد الناس إذا ذهب؛!
أسأل الله أن يجعلني وإياكم من أصحاب السطر الأول؛
السعيد من أسعد غيره؛
والكريم من شمل الأخرين بكرمه؛
والأصيل من دام وفاؤه ولم تغيره الأيام؛
والطيب من شعر الجميع بالأمان بوجوده بينهم يحبهم ويحبونه؛
اسعد الله أوقاتكم================================
بسم الله نبدأ.
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
(في الجامعه.)
عند علوم..
بعد ما آدم خرج من الجامعه.
آرين قلبها طاير من الفرحه..ومش قادره تصبر أكتر من كدا..هتتجنن وتشوف أبوها..
وتشوف مقابلته أول ما يشوف آيان.. وجات ليها فكره.. وجريت ع مكتب الدكتور آريان..
آريان : خارج من المحاضره..ورايح ع المكتب..وبيتكلم في الفون..
آرين : شافته..وماشيه بسرعه..وبتنهج..
آريان : شافها..وكشر عينيه..وقال..
تمام يابابا..حاضر.. لأ متقلقش حضرتك.المهم سلملي عليهم لحد ما أرجع على البيت..مع السلامه..وقفل المكالمه..وقابل آرين..وقال.
آرين..!! مالك ماشيه بسرعه ليه كدا..!!حصل معاكي حاجه؟
آرين : هزت راسها بفرحه. لأ لأ.. أنا كنت عايزه أقولك.. إن.....!!!
وقفلت بوقها بسرعه..وغمضت عينيها وقالت جواها.. إيه يا آرين..هتقولي إيه؟ بابي جه.؟ طيب هيقولي عرفتي منين...!!!
آريان : بمكر.. أمم.. عايزه تقولي إيه يادكتوره..!!
آرين : فتحت عينيها وقالت بتوتر..هااا..!!! آه احم.. بصراحه يعني..أنا كنت.. كنت جايه أقولك.. إن يعني. المفروض إن تيما لسه والده أمبارح.. وأنت سايبها كدا..وده ماينفعش.. المفروض نرجع ع البيت..ونطمن عليها.. ولا ايه؟
آريان : رفع حاجبه..وقال..تيمااا..!! ااه قولتيلي.. أممم..
طيب ما أنا اطمنت عليها قبل ما أنزل على الجامعة وهي اللي صممت إني أنزل على الشغل.. وكمان عمتو نور موجوده معاها..وكل العيله جمب منها..وجمب البيت.. ولا أيه؟
آرين : بتوتر.اء..اه أيوه فعلا..بس..احم. بس أنا كان قصدي يعني إنك تكون معاها..هيبقى أجمل.. بس أوكي مفيش مشكله.
احم..هروح أنا بقى. بعد أذنك.. ولفت
ضهرها..
وحاسة بخيبة أمل..واتنهدت بخنقه..ومشيت كام خطوه..
آريان : بمكر..على فكره بابا لسه مكلمني..وقال. إن عمي فهد رجع..!!!
آرين : لفت ليه..وهزت راسها وقالت بعفويه.. أيوه..!!
آريان : ضحك بصمت..وقال.. وأنتي عايزه تطمني عليه أكيد..!!!
آرين : رجعت وقفت قدامه بسرعه..وقالت بلهفه.. أوي أوي بجد هموت وأشوف بابي..!! بليز نرجع ع البيت.؟
آريان : بضحكه..تعرفي أنتي عندك حق.. المفروض أكون جمب مراتي وأبني في الوقت ده.. يلا بينا..!!!
آرين : بسعادة العالم كله..قالت..أيوووه كدا..يلا بينا يادكتور...!!!
آريان : بمكر.. تعرفي إن آدم وحشني جداً..؟
آرين : وا....وكحت بسرعه. وحاولت الثبات.. وقالت. وخالو مراد..كمان وحشنا كلنا..احم..نمشي بقى..!!
آريان : هز راسه ليها..و نزل وهو بيضحك على آرين.. وركب جمب السواق.. وهي ركبت في الخلف.. وباصه من الازاز..وعايشه في أحلامها..
------------------بقلمي مريم نصار..
عند ألسن.
چود : بتبص في الساعة.. ونفخت بخنقة..وقالت..
أوووف أستغفر الله العظيم.. الدكتور فاروق ده أبطء من السلحفه..نفسي مره يوصل في ميعاده..
مصطفى : من وراها..قال بتريقه.. وأنتِ عايزاه يجي في ميعاده ليه؟ ده حتى ميبقاش مصري..!!!
چود : عوجت بوقها..ومردتش عليه..
مصطفى : وقف قصادها..وقال.. إيه مش بكلمك؟ ولا أنتِ حاطه قطن في ودانك..ولا يمكن أترشيطي..!!!
چود : صكت ع أسنانها بغيظ..ولفت ضهرها ليه ومردتش..
مصطفى : بغمزه..اوعا يالا.. أنت بتتقل علينا.؟
ولف ليها تاني..وقال..
متعبرنا يامدمرنا..مالك كدا سايقه علياا التُقل ليه؟
تعرفي مع إنك لازم تتقلي عليا طبعاً..ماهو من حق الكبير يدلع..بس الرحمه شويه ياتراب القمر..!!!
چود : بغيظ.ونرفزه.. أنت نازل لوك لوك ليه؟ وأنت ليك عين تتكلم معايا بعد عملتك الزفت دي؟
مصطفى : الله..!!! أعملك إيه يعني؟ ما أنتِ اللي مابتسمعيش الكلام..وقولتك مش هيحصل إنك تخرجي مع صحابك..
أنا رفضت تقومي تكسري كلمتي؟ قابلي بقى..!!!
چود : بنفاذ صبر..قالت..يامثبت العقل في الراس.. يابني أنت عايز مني أيه؟ أرحم أمي العيانه.. يخربيت كدا..
مصطفى : كشر عينيه وقال.. يخربيت كدا..!! ومين كدا ده ياچود..وتعرفيه منين.؟ وأمك عيانه مالها.؟ محدش قال يعني أنها عيانه؟
چود : من بين أسنانها.. أقسم بالله هاين عليا أصوت من برودك.. وبعدين أنت اول وآخر مرة تتدخل في حياتي.. واللي أنت عملته امبارح ده لو حصل مرة تانية متزعلش بقى من اللي ممكن اعمله فيك..
مصطفى : رفع حاجبه..وقال..الله.ماتهدا ياعم الديناميت لاتفرقع..
وبعدين أنتِ أمبارح لما أتصلتي على جدك طارق.. وسمعتك بالصدفه إنك هتخرجي مع صحابك..وهو وافق. لكن أنا رفضت..بس أنتِ نشفتي دماغك ياچود وكان لازم أتصرف..!!!
چود : تقوم تهوي كل كوتش العربيات بتاعت صحباتي يامصطفى..!!!؟ وتدفع فلوس للسواقين عشان يقولوا مشوفناش مين اللي عملها؟ دي تصرفات ناس عاقله؟
آه صح وأنت هتجيب العقل منين؟
مصطفى : هز راسه..وقال.. أقسم بالله ٥٠٠ جنيه لسعوهم مني ولاد اللذين..مبقاش في ضمير خلاص..الدنيا قل خيرها.. بس كله يهون عشانك ياقمر..
چود : رفعت صوبعها في وشه..وقالت..ولا أنت بتعاكس؟ أنت كدا بتعاكسني صح؟
مصطفى : بهيام..العمر لحظه والحلوفه مش ملاحظه..!!!
چود : فتحت بوقها بزهول..وهمست.. حلوفه..!!!؟
مصطفى : بضحكه.. أقسم بالله عايزه صوره.. وأنتِ فاتحه باب الحاره ده.هههههه..
چود : حدفته بالكتاب وقالت بنرفزه.. أنا حلوفه يامتخلف..ياحيوااان..ياحيواااان.. أقسم بالله ماعندك دم..
مصطفى : مثل الألم.وقال..ااااه..حرام عليكي يامفتريه..كسرتي أيدي..اااه..
چود : ياريتني كنت أقدر أكسر رقبتك مكنتش هتأخر ثانيه واحده..
مصطفى : حط أيدو ع قلبه وقال..اااه.مع إحترامي لقسم العظام بس كسر الأحبة مالوش أطبه. وأهون عليكي ياچودي..يابت ده أنتِ العشق يابت..
چود : غصب عنها أبتسمت..وبصت بعيد.. وقالت الله يخربيتك ياشيخ..
مصطفى : بغمزه أقسم بالله بموت في أمك..يابت بحبك.. أنتِ بتاعتي خلاص وفي الاجازه خاتم الخطوبه هيبقى راشق في أم صوباعك..
چود : قلبها دق..وقالت بتوتر.بص بقى رجعت تقول بحبك ومعرفش إيه؟ وأحنا اتفقنا إن مفيش كلام من ده..
مصطفى : جاب ليها الكتاب..وقال. طيب أشطا خلاص..هحاول بس موعدكيش... يلا بقى عشان دكتور فاروق السلحفه جاي هناك أهو..
چود : بضحكه..يلا بينا..
مصطفى : بغيره..طيب وطي صوت أمك ده. عشان متغباش عليكي..!!
چود : رفعت حاجبها..ومردتش..
مصطفى : تعرفي ياچودي.. إن زي أنهردة من ١٠ سنين..؟ كان باقي ١٠ سنين على أنهرده.
چود : ضحكت من قلبها..وقالت..طيب يالمض..يلا بينا على المحاضره..!!!
مصطفى : شاور ليها..وقال..الحريم أولا. أتفضلي..
چود : هههههههههههه..
------------------بقلمي مريم نصار.
(في القسم.)
ياسين : قاعد ع طرف المكتب..وقال.. ايوه يا مرسي. قولي بقى سرقت شقة الست ناديه إزاي؟ وهي كانت فين وقت الواقعه..!!!
مرسي : بخوف..وا.. الله ياباشا محصل.دي ست مفتريه..وبترمي بلاها عليا..!!!
ياسين : هز راسه.. اممم. ست مفتريه..!!؟
طيب هي ليه افترت عليك يامرسي.وياترى إيه السبب اللي يخليها تقدم فيك بلاغ.وتتهمك أنت بالتحديد..!!
مرسي : أهو ظلم منها ياباشا..هي كدا أول ما تضايق من حد..تقوم تتبلى عليه..ربنا ينتقم منها..
ياسين : مط شفايفه أممم..
الباب خبط..
عم سيد العسكري دخل..وقال..تمام يافندم.. مدام سعادتك واقفه بره.. وعايزه........!!!!
همس : دخلت. وقالت.. أنت لسه هتتكلم ياعم سيد. انا دخلت خلاص.روح أنت..
آه أستنى أستنى كنت هنسى..اتفضل شوية العصاير دول ليك أنت والعساكر. مقولتليش بقى ياعم سيد .دول بمناسبة اييييه؟ لكن انا هقولك بمناسبة......!!!!
ياسين : قام بزهول.. وقال..باااااس..اييييه في إييييه؟
همس : اتخضت..وبلعت ريقها.وضحكت بتمثيل.. للحرامي وياسين..!!!
العسكري : واقف ومش عارف يعمل ايه..وبص ل ياسين..!!
همس : بلعت ريقها بتوتر..وبتداري الإحراج.. وقالت احم طيب ياعم سيد..اتفضل أنت..
ياسين : شاور للعسكري يخرج..
العسكري : أخد الكيس..وخرج بسرعه..!!
همس : رفعت عينيها ل ياسين..هيهيهي..احم..هاي..!!
ياسين : ضغط ع شفايفه بغيظ واضح..!!!!
همس : فتحت عينيها وغمضت..بتمثيل البراءه..ممكن أقعد..!!
ياسين : صك ع أسنانه بتوعد ممزوج بغضب.. وقال.. طبعاً. اتفضلي..
همس : هزت راسها للحرامي على أساس أنه شغال في القسم..وقعدت ع الكرسي..!!
ياسين : قام بغيظ. ومسك مرسي من ياقته..وقال بغضب.. أنطق ياض وقول سرقت شقة الست ناديه ليه؟ وفين المسروقات؟
مرسي : بخوف..والله يا..........!!!!
ياسين : ضربه بوكس بغيظ..وقال..بتحلف ياروح امك..هو انا جايبك هنا عشان تحلف..والمطلوب مني إني اصدقك..!!
أسمع يامرسي. أنت سرقت فلوس الجمعية والدهب بتاعها هي وبنتها..ومش بس كدا..سرقت التليفونات اللي في البيت.. وكاميرات المراقبه اللي تحت البيت جيباك أنت وصحبك..من اول ما طلعت وهو استناك تحت.. ونزلت وانت محمل المسروقات..وركبتو عربيه وهربتوا يومين ورجعت..وطبعا اتصرفت في البضاعه.. أنطق ياض..!!!
همس : فتحت عينيها بصدمه..وحطت أيدها ع خدها.اول ماشافت البوكس.وخافت من ياسين.
وبلعت ريقها بصعوبه..وقامت ببطء..وماشيه بشويش عشان تخرج..ولسه هتفتح الباب......!!!
ياسين : بصوت عالى..رااااايحه فيييين..!!!؟
همس : اتخضت.. ولفت ليه..وضحكت بتوتر..وقالت بلخبطه..اء.. أبدا.. أنا قولت أسيبك تركز في شغلك..احم..هجيلك في وقت تاني..!!!
ياسين : بصلها بتحذير شديد...!!!
همس : فهمت..وهزت راسها..ورجعت قعدت مكانها..!! وبصت ليه..شافته هاين عليه يضربها من غيظه منها ..وبصت بعيد بسرعه..
ياسين : بغضب..هتنطق..ولا ابعتك للمساجين جوه..وساعة زمن هتبوس على رجلي عشان أسمعك..!!!
همس : لا حول ولاقوة إلا بالله..يا أستاذ مرسي اتكلم الإنكار مش هيفيدك..
مرسي : بعياط وترجي..والله ياهانم معملتش حاجه.. أنا بريء ياحكومه..دانا بجري على يتامى ياناس..
همس : بزعل..لا اله إلا الله..ياعيني ياربي.. بيجري ع يتامى.. خلاص يا ياسين أكيد في لبس في الموضوع..وا..... عااااااا ياماماااااا...
ياسين : أتنفس غضب..وقبض على أيديه.. وقرب منها بسرعه.. ومسك الكرسي اللي هي قاعده عليه..
همس : اتخضت وصرخت..
ياسين : من بين أسنانه..كلمه زياده أقسم بالله ياهمس..وهحطك في التخشيبه لما تقولي حقي برقيتي.
..وغير كدا لما نرجع ع البيت..ده أنتي يومك أسو.... ياهمس..!!!
همس : بتلعثم وخوف..يلهوي..هتحبس أم ولادك يا ياسين..!!!
ياسين : ضرب الكرسي بأيدو..وقال بتحذير أقسم بالله لو سمعت صوتك..لاتشوفي يوم محصلش في تاريخ البشرية..فاهمه..
تقعدي زيك زي الكرسي اللي أنتي قاعده عليه ده..ولما أخلص مع الحرامي..انا هعرف شغلي معاكي..
همس : تنحت..وجت تتكلم..!!
ياسين : بتحذير..هااااااا...!؟
همس : هزت راسها...وحطت أيدها على بوقها...ومتكلمتش..
ياسين : قلبه قايد نار من جنونها.. واتنرفز جداً.. وشمر كم القميص..وقال..بتهديد..وحياة أمك..لو متكلمت..لا تطلع من هنا على المشرحه..!!!
مرسي : جسمه رجف بخوف.. وساكت..
ياسين : مسح وشه بايديه ونفخ بخنقه.. وقال.. أنت اللي جبته لنفسك يابن ال.......!!! وضربه بوكس قوي..وضربة برجله في بطنه.. وضغط ع رقبته..
مرسي : بيحاول يتنفس..ووشه بقى أحمر جدآ مايل للزرقان..
همس : فتحت عينيها بصدمه كبيره.. إن الراجل يموت..لكن خافت فعلا تتكلم..
ياسين : بغيظ..الحرامي اللي زيك خساره أنه يعيش.. انا هسلمك للآخره..
مرسي : بيقاوم..وقال.. خلاص..خلاص هعترف والله ياباشا..انا اللي سرقت الست ناديه..
ياسين : شال أيديه..وزق مرسي..وقعد ع طرف المكتب بغضب..وقال. أتكلم ياروووح أمك..
مرسي : بيكح.. وبيحاول ينظم أنفاسه..وقال وهو بينهج.. انا سرقت الدهب وفلوس الجمعية..
ياسين : فلوس الجمعيه ٤٠ ألف...!!؟
مرسي : هز راسه أيوه ياباشا..والتليفونات..أنا أديتهم لواحد صحبي في السوق. بيبعهم بنص التمن وفلوسهم بالنص أنا وهو ..
وال...والدهب عند صحبي اللي كان معايا.. قولنا لما الدنيا تهدا هنتصرف فيه.. والله العظيم ماخبيت حاجه عليك.. ارحمني أبوس إيدك..
ياسين : ضغط ع الجرس..
العسكري دخل تمام يافندم..
ياسين : خد الواد ده أرميه في التخشيبه..وشوف مواصفات صحابه المشتركين معاه.وأبعت الملازم بهاء يجيبهم.. وانا هكمل شغلي معاهم بعدين..
العسكري : تحت امرك ياباشا..ومسك مرسي وأخدو على الحبس..
ياسين : مسح وشه بايديه ونفخ بنفاذ صبر..
همس : حاطه أيدها ع بوقها.. وخايفه تتكلم..
ياسين : غمض عينيه..بيحاول يمتص غضبه..!!
همس : شالت أيدها ببطء.. وبصت عليه.. وهتموت وتتكلم..!!!
ياسين : من غير ما يفتح ولا يبصلها قال.. إيه اللي جابك؟
همس : بتمثيل العياط..أنت بتكلمني كدا ليه..حرام عليك يا ياسين والله.. انا عملت ايه يعني؟
ياسين : قرب من وشها بغيظ..وقال بصوت جهوري.. عملتي إيييييه؟!!
تجيلي القسم من غير ما أعرف؟ وكمان واقفه تتكلمي مع سيد العسكري.. لأ والمصيبه السودا..بتتدخلي في شغلي..وبتتكلمي مع واحد حرامي.. وتقولي عملت أيه؟ إللي حصل ده مش هيعدي بسهوله..
همس : شافت جدية ياسين وعصبيته..وأعترفت جواها أنها غلطت.. لكن قالت..
أولاً عم سيد العسكري راجل كبير وبقدمله عصير عشان كان في خبر مفرحني.. وللسبب ده عملت كدا.. ثانياً..الحرامي ده..والله أنا صدقت أنه بريء..ولما شوفتك بتضربه صعب عليا..
ياسين : بصلها بغيره..
همس : بتوتر.. مش قصدي والله..صعب عليا كنوع من الشفقه مش أكتر..
بس طلع يستاهل.. اه والله يستاهل الحيوان ده ٤٠ ألف جنيه يسرقهم؟ لأ ده غير دهب ست ناديه المسكينه دي..وكمان الموبايلات..
أفرض دلوقتي الحرامي فتح الانستغرام بتاع ست ناديه.هااا؟ ايه شعورها دلوقتي؟
ياسين : كشر عينيه وقال انستغرام ناديه..!!!؟ وزعق أنتي إزاي تيجي على شغلي من غير ما أعرف ياهمس؟
همس : بتوتر..طيب ممكن تهدا وانا هقولك أنا جيت ليه؟
ياسين : ..............!!!
همس : حطت أيدها ع بطنها وقالت..بتمثيل البراءه.. أنت عارف إني دلوقتي في الشهر السادس..
وأنا من الشهر الرابع كنت هتجنن واعمل سونار.. بس أنت قولت لأ سبيها مفاجأه لينا وقت الولاده..
وأنا وافقتك بس من جوايا كنت هتجنن.. وامبارح لما تمارا جابت بيبي جميل..انا قولتلك ياسو ياروحي أنا مش هقدر معملش سونار..
وأنت قولتلي خلاص نشوف وقت ونروح للدكتوره..
وأنهردا بعد ما أنت خرجت على شغلك..اتكلمت مع ماما ماكي..وهي كمان كان نفسها تعرف انا حامل في إيه؟ وقالت طيب تعالي نروح المستشفى.. وكانت هتتصل عليك. بس انا قولتلها لأ.. انا نفسي أعملها مفاجاه لي ياسو حبيب قلبي..
ياسين :..........!!!
همس : بصت ف عينيه..وقالت.. أنا حامل ف خمسه يا ياسين..!!
ياسين : فتح عينيه بصدمه..وتنح.. وقال.ايييييه؟ خمسه..!!!؟
همس : هههههههه دخلت عليك.. شربت المقلب.هع هع هع..
ياسين : مسح ع شعرو..وقال يابنتي اتكلمي.. أنتي حامل ف أيه؟
همس : رفعت كتفها..وقالت..تؤ شقولك غير لما تديني الأمان. وأنك مش هتخلي يومي بلاك..اوكي..!!!
ياسين : بغضب.. لأ طبعاً..انا يستحيل اعدي اللي حصل ده بسهوله كدا.. أنتي غلطتي ياهمس..
همس : عوجت بوقها.. جرا ايه ياحظابط.. أنت هتحقق العداله بره وتظلمني.. ياخي خليك رحيم باللي شايله ولادك.. قلبك قاسي أوي ياحظابط. آه والله..
ياسين : اتعدل..وحط أيدو ف جيبه..وقال. أنتي غلطتي ياهمس..!!!
همس : قامت..ووقف قدامه..وقالت..ببراءه. أممم ايوه انا غلطت..
بس انا قدمت العصير عشان مفاجأة السونار. وكمان جيتلك هنا افاجأك.. وكمان السواق وصلني مع ماما لحد باب القسم..وهي رجعت على البيت..وقولتلها إنك أكيد هتفرح وتعزمني على الغدا.. لما تعرف إني......!! وسكتت.وبصت بعيد.
ياسين : لف وشها ليه وقال.. أول وآخر مره تجيلي على الشغل من غير علمي..وكمان آخر مره تتكلمي مع أي حد متعرفيهوش.. وكمان....!!!
همس : خلاص بقى ياعم ياسين الله يكرمك..والله غلطت ومش هكرر الغلط..انا هعمل غلط جديد.. ههههههههه..
ياسين : رفع حاجبه بتعجب..!!! يامجنونه..
همس : مسكت أيديه..وقالت بمرح..سوري أسفه.. أسفه بجد..حقك عليا. والله مش هعمل كدا تاني.. وحطت أيدها ع بطنها وقالت..صح ياولاد..؟
ياسين : قلبه حن ليها..وسامحها من قبل ما تعتذر.. لكن قال.. ولاد؟
همس بجد الدكتوره قالتلك إيه؟
همس : مسكت أيد ياسين..وحطتها على بطنها..وقالت. حامل.في توأم.. ولدين يا ياسو..!!!!
Автор: Меріам Насар
------------------بقلمي مريم نصار.
فيلا زياد جمال..
مليكة: بسعاده كبيره..الو..ايوه يازيزو ياحبيبي..
زياد : ماشي في الشركه..وقال بضحكه..يااااه زيزو وع الضهر؟ يبقى الموضوع كبير جداً.. ههههه..
مليكة : بسعاده..طبعا. أنا عندي ليك أخبار تجنن بجد..
زياد : كشر عينيه وقال ياستار..هي وصلت للجنان.. عموما ياروحي.. أنا عارف الأخبار دي.. وكنت لسه هكلمك عشان أقولك..
مليكة : بعدم فهم. تقولي إيه؟هي همس لحقت قالتلك؟ مع أني منبهه عليها إني أنا اللي هقولك الخبر الحلو ده..!!
زياد : لأ كدا بقى..دقيقه نفهم..!! إيه اللي دخل همس في الموضوع.. أنا قصدي على رجوع شباب العيله بخير وسلامه.. مراد وفهد وآدم..!!!
مليكة : شهقت بسعاده..وقالت..قول والله.؟ هما رجعوا..؟؟
زياد : الله..!!! في ايه بقى؟ اومال انتي تقصدي إيه بالأخبار الحلوه..بما إنك متعرفيش أنهم رجعوا..!!
مليكة : بضحكه.. أولا ألف حمدلله على سلامتهم.. وصولهم جه مع الأخبار الجميله..
ثانياً بقى.أنا قصدي من إتصالي بيك.. إني أقولك إن همس مرات إبنك حامل ف ولدين توأم يا زياد..!!!
زياد : فتح عينيه بدهشه..وقال بفرحه كبيره.. أنتي بتقولي إيه يامليكة.. همس حامل ف توأم؟ أنتي بتتكلمي جد..!!!
مليكة : ضحكت بدموع..وقالت.. أيوه والله يازياد.. لسه راجعه من عند الدكتوره..وبشرتنا بالخبر الجميل ده..
أنا بجد فرحانه أوي..عيلتنا بتكبر يازياد.. ألف حمد وشكر ليك يارب..
زياد : بتنهيدة حنين.. الله يرحمك يا أمي.. كنتي ديما بتتمني وتدعي من قلبك إن يكون عندي عيله وعزوه.. دعائك أستجاب ياحبيبتى..!!!
ماليكا : بحنين.. فعلاً..كانت ديما تقولي ربنا فرجه قريب..ربنا يرحمها ويغفر ليها. ويرحم عمو حسام. كانوا متفاهمين لأبعد الحدود.. وطيبين جدآ..
زياد : عيونه لمعت..وساكت.......!!
مليكة : حست بيه..وقالت.. أسمع بقى من دلوقتي احفادي هيقولولي ياماما.. أنت بقى جدو أنت حر.. إنما أنا هفضل ماما ماكي اتفقنا..
زياد : بضحكه صافيه.. أجمل ماما ماكي. ربنا يباركلي فيكي ياروحي..
مليكة : حبيب قلبي يازيزو..ربنا مايحرمناش منك أبدا..
بقولك بقى إحنا هنحتفل بالمناسبة دي.. ونعمل عشا تحفه ومميز عشان همس وياسو..
زياد : بتفكير..طيب بصي خليها بكره..
ماليكة : بزعل ليه بقى؟
زياد : ياحبيبتى. أنتي ناسيه اني قولتلك الشباب وصلوا.. وزين لما كلمني قالي أنه وصلهم وراجع علي الشركه..وكمان قالي إن مراد شكله متصاب في دراعه.. وأنا أكدت عليه إننا هنروح ليهم انهاردة بعد الغدا..نسلم عليهم ونقعد مع العيله ونتجمع..
مليكة : بزعل.. لا حول ولاقوة إلا بالله..اتصاب إزاي؟
لأ خلاص نروح ونطمن عليهم.انا هصلي الضهر واتصل على ماما مريم..
زياد : تمام ياحبيبتي.انا هقفل دلوقتي لأني داخل على إجتماع مهم مع ساره وآسر..خلي بالك من نفسك..
مليكة : وأنت كمان ياحبيبي..ربنا معاك...!!!
(فيلا آريان العدوي)
نور : داخله الأوضه..وشايله صنية الاكل ل تمارا.. وقالت.. إيه ياقلب مامي محمد نام؟
تمارا : شايلاه في حضنها..وقالت بصوت واطي.. ايوه..نام بعد معاناه..
نور : حطت الأكل.. وضحكت..وقالت.. من أول يوم وبتقولي معاناه..
تمارا : أبتسمت بحب كبير وقالت.. لأ طبعاً مش قصدي كدا..ده محمد ده ف قلبي وروحي.. كفايه إن أسمه على إسم بابي حبيبي.. وربنا يقدرنا ونربيه صح وبما يرضي الله..
نور : مسدت على خد محمد.. وقالت.. إن شاء الله.. يتربى في حضنك وعز باباه..
تمارا : بأبتسامه..وحضنك انتي وبابي وماما مريم وبابا آدم. ربنا يباركلي فيكم جميعاً يارب..وتفرحي بذرية تيم قريب إن شاء الله..
نور : بتنهيده..يارب..يارب ياتمارا يابنتي..يقر عينه بالذريه الصالحه..بدعيله هو وميرو ليل ونهار..
تمارا : بابتسامه جميله..وهيستجيب بأمر الله..
نور : خبت دموعها بابتسامه وقالت..هاتي حماده حبيب قلبي ده أنيمه في سريره.. وأنتي كلي يلا..
الباب خبط.. وعزه دخلت..وقالت.دكتورة نور. سيدي مراد بيه وسيدي فهد وآدم بيه الصغير وصلوا في البيت الكبير بالسلامه..
نور : بدقة قلب وفرحه..مراد أخويا...!!! وحطت محمد في السرير بشويش..
تمارا : بفرحه.. مامي أنا هنزل معاكي..
نور : برفض.. لأ مش هينفع..مامي منبهه متخرجيش من الفيلا..كلهم هيجولك..خليكي..
وخالك مراد وفهد أكيد هيقدرو.. إنك لسه والده.. أنا هنزل أسلم عليهم بسرعه..وهرجعلك.. أوكي..
تمارا : بحماس..بليز سلميلي عليهم كتير جداً..
نور : بتلبس النقاب..وقالت حاضر ياحبيبتى..!!!
------------------بقلمي مريم نصار..
(فيلا العدوي)
رينو : جت قدام فهد وشايله أبنها..وقالت بدقة قلب. إبنك آيان يافهد..!!!!
الكل أنتبه ل رينو وسكتوا للحظه دي. وبصوا لفهد.
فهد : عيونه على إبنه. وقلبه بيدق بخفقان..ومشاعر غريبه وجديده..
مشاعر مدفونه من زمان جداً..وواقف ثابت ومعملش أي رد فعل.غير إن عيونه تايهه في ملامح آيان..
رنا ومريم بصوا لبعض..وأتأثروا لرد فعل فهد..
مراد : أبتسم..وحاوط فريحه من كتفها.وباس جبينها.. وهمس ف ودنها.. وحشتيني يافريحتي.
فريحه : غمضت عيونها بتنهيدة راحة وحب وآمان.وقالت بنفس الهمس.. وأنت كمان ياحبيبي.
رينو : بإبتسامه وعيونها لمعت بدموع.. وقالت.. آيان إبنك يافهد..مش عايز تشيله بين أيديك؟
فهد : بلع ريقه..وبص ل رينو بأمل..وعيونه لمعت.وقال بصوت مبحوح. آيان..!!!
رينو : ضحكت بدموع..وهزت راسها. أيوه آيان..مش أنت قولتلي أسميه آيان..!!؟ وأنا نفذت كلامك. وأهو... آيان فهد السيوفي..!!!
فهد : رفع أيديه..وعيونه بتتأمل فيه.. كأنه بيقول معقول الملاك ده أبني..!؟.
رينو : حطت آيان بين إيديه..وعيونها ع فهد بتملي عيونها منه..
فهد : شال آيان. وقلبه دق بحب كبير جداً..حب مضاعف..لأبنه إللي جه بعد صبر طويل...!!!
آيان : حاطط صوباعه في بوقه..ورفع أيدو التانيه على وش فهد..وعمل صوت بريء.. وضحك..
فهد : ضحك وعيونه أتملت بالدموع غصب عنه.. وباس كف أيدو الصغير.. وهمس آيان..حبيب قلبي.. انا أبوك ي آيان.. أبوك فهد..!!!
آيان : حرك أيديه الأتنين على وش فهد. وضحك..
فهد : ضحك بإحساس جميل وفرحه مغموره بالسعاده..
رينو : ضحكت بسعاده وقالت بحماس..آيان أول مرة يضحك بالطريقة دي..
آيو ياروح قلبي..ده بابي فهد.. اللي ديما بكلمك عنه.. بابي رجع ليك ياحبيب مامي..
فهد : قعد ع طرف الكنبه..وعيونه بتتأمل براءة أبنه.. وأترسمت إبتسامة حب..وباس جبينه..
رينو : قعدت جمبه..ومسكت أيد آيان وبتتكلم معاه علشان شافت فهد كأنه لسه في حالة عدم أستيعاب..
طارق : هز راسه بتنهيده..وقال.. الواد فهد ده الوحيد إللي طالعلي..
آدم : هرش جبينه..وكاتم الضحكه اللي كلها سخريه..
طارق : بصله بغيظ..وقال.. أنا عارف نفسك تقول كلمه تفرتك بيها الجبهه.. قول يابا أتكلم ياحبيبي..متكتمش في نفسك عشان الضغط..!!!
الكل أنتبه وضحك..
آدم : بضحكه..سبحان الله.. بعد كل العمر ده.. بدأت تفهم ياطارق.. بس أنت متأكد إن فهد طالعلك..!!!؟
طارق : صك ع أسنانه بغيظ واضح..وقال. هو أبني ولا إبنك ها؟ أكيد الواد هيطلع لابوه..
وانا قلبي جامد وأسد في نفسي كدا. والواد فهد نسخه مني..عندك اعتراض؟
رينو بصت ل فهد وضحكت..
فهد : رفع عينيه ليها. وقال في اعتراف رسمي بيعنيه.. (وحشتيني)
رينو : عيونها لمعت وهمست بصوت واطي. أنت أكتر صدقني..
آدم : مط شفايفه اممم..تؤ..محدش يقدر يعترض طبعاً..
لكن شكلك نسيت إن فهد ده تربيتي أنا..بس محدش يقدر ينكر. أنه واخد چيناتك وطالع ليك في العصبيه..والنرفزه..وسهل جداً استفزازه..
وكمل بغمزه..زيك كدا يا أسد..!!!
الكل ضحك.. Автор: Меріам Насар
طارق : بص لمريم..وقال بغيظ..عاجبك كدا يام مراد..ينفع إللي هو بيعمله معايا ده؟
مريم : أبتسمت.وقالت..بالله عليكم خلوني انا بعيد.. بس اللي عايزه أقوله..
إن أبو مراد لو كان عندو أخ..؟ مكنش هيحبه قدك يابو فهد.. وأنت متأكد من كدا.. ده كل يوم لازم يمدح فيك..
آدم : بمكر.. أم مراد بتحب تبالغ شويه..!!
طارق : بنرفزه..ياخي منك لله..ده الضراير مبيعملوش كدا ف بعض..
مراد : بضحكه.. خلاص ياطاروق..وحد الله ياعمنا مش كدا. الحج آدم بينكشك..ده أنت الغالي..وأبو الغاليين.. ولا ايه يافخد هههههههه..
فهد : رفع طرف عينيه..وقال جواه..مش مستريح للواد ده...!!!
مراد : بمرح..واد يا آيان..تعالي لخالك ياض..
فريحه : ثواني ياحبيبى أنا هجيبهولك.. وراحت لفهد.. وقالت..
بعد إذنك ياحبيب أختك..وشالت آيان..بسم الله..تعالى ياروح عمتك..
مراد : شاله..وابتسم وباسه..وقال. الواد ده مش شبهي ليه؟
إيه يارينو هو علشان أنا مش موجود تغفلينا.. أنتي جايبه نفس سحنة الواد فهد ده ليه؟
رينو : بضحكه..وحطت أيدها ف أيد فهد..وقالت..هو في أجمل من كدا يا أبيه؟
فهد :. ضغط ع كف أيدها بحنين..وأبتسم ليها..
مراد : بتريقه.. لأ طبعاً مفيش.. وأحنا لازم نرضى بالأمر الواقع.. وبيلاعب آيان..
آدم مراد : طيب ياجماعه.. أنا هروح لتالين..
فهد : بصله بغيره واضحه..
مراد : بص لفهد و آدم..
مريم : ربتت ع أيدو وقالت..وماله يانور عيني..دي تالين هتفرح أوي.. دي كاتمه فراقكوا في قلبها وساكته ياروح قلبي..
مراد : اتخنق عشانها..وقال..استنى جاي معاك يا آدم..
آدم مراد : لأ خليك أنت يابابا.. عشان دراعك..وتالين متتخضش عليك.. أنا هجيبها ونرجع بسرعه..
فهد : صاكك ع أسنانه وساكت....!!!!
رينو : لاحظت نظرات فهد الناريه لأدم..!! وكشرت عينيها بتعجب..!!!
مراد : هز راسه تمام..بس متتأخرش..!!!
آدم مراد : هز راسه تمام..وخارج..
آدم : بصله..بنظره معناها..تالين وبس..!!!
آدم مراد : أبتسم..وهز راسه ليه..تمام..!!! وخرج وعلى وشه ابتسامه.. لأنه أول حد شافه هو ضيه وبس..!!! واخد المفاتيح من السواق..وركب العربيه وساق بسرعه..!!!
نور : دخلت بسرعه وسلمت ع مراد بشوق وحنين كبير.. وسلمت ع فهد..
رينو : حطت أيدها ف أيد فهد.. وقالت..حبيبي مالك؟ واضح جداً إن في حاجه مضيقاك..
فهد : هز راسه لأ مفيش حاجه.. أنا هروح ل آرين الجامعه..!!
رينو : أبتسمت..ياريت بجد..دي هتتجنن وتشوفك.. أنت متعرفش هي بتعامل آيان إزاي.. دى زي ما تقول أبنها مش أخوها..
فهد : بأريحية..طيب كويس أنا كنت قلقان من النقطه دي.. بقولك إيه أنا لازم اروح ليها دلوقتي..وهجيبها وأرجع..
رينو : أجي معاك أرجوك.. أنت لسه راجع ومش عايزاك تخرج..
فهد : هز راسه تمام..!!
آرين من على الباب.. بااابي..!!!
فهد : رفع عينيه ليها بسرعه..وقلبه دق لبنته حبيبته.. وقام وقف..وقال بحنين..آريني..!!!
آرين : حدفت الكتب والشنطه على الأرض..وجريت بسرعه كبيره..وقالت بصوت عالي.. باااابي.. واتشعلقت في رقبته..
فهد : ضمها لقلبه بحنان كبير..ولف بيها..وقال.. آرين.. آريني..وحشتيني اوي ياقلب أبوكي.
آرين : ..........!!!
فهد : نزلها.. وجه يطلعها من حضنه..لكن آرين مكلبشه فيه..ومبتتكلمش..
فهد : حس بعياطها..وقال.. آرين خليني أشوفك يابنتي أنتي وحشاني..
آرين : .............!!! وصوت عياطها بدأ يعلا..
الكل أتأثر لعياطها..
رينو : قامت..وقالت بدموع.. آرين على قد ما أنت واحشها..على قد ماهي زعلانه منك...!!
فهد : ضمها لحضنه.. وسابها تعيط..وقال.. آرين. حبيبتي والله غصب عني. ومفيش أي فرصه إني أتواصل معاكم.. صدقيني الموضوع كان خطر.. وعليكم قبل مني لو كنت أتصلت عليكم.. فهماني يابنتي..!!!
آرين : طلعت من حضنه..وقالت.بشقهات.. لأ أنا مش هفهم غير أني هونت ع حضرتك..
حوالي سبع شهور يابابي...!! سبع شهور حتى مش عارفين نطمن عليكم..
مامي كانت محتجالك.. أنا كنت محتجالك..آيان الصغير..وكمان آركان..كلنا كنا محتاجين ليك يابابي.. مهما الكل يكون موجود.. إلا إن أنت الوحيد اللي بتكملنا.
أنا بحبك اوى يابابي..بحبك لدرجة إني كرهت الحربيه..وبتمنى إنك تسيبها..وكفايه قلق وتعب لحد كدا.. بجد أنا تعبت..
تخيل بقى مامي. وعمتو فريحه..وماما مريم وماما رنا.. بجد أنا أول مرة أتوه كدا.. أنا كنت خايفه عليك اوي المرادي يابابي.. واترمت في حضنه تاني وعيطت بصوت عالي.. وقالت أرجوك متسبناش تاني..
الكل عيونه لمعت..
فهد : غمض عينيه بوجع وضمها لقلبه.وهاين عليه يدخلها بين ضلوعه.
مراد : شاف علاقة الصداقة بين فهد و آرين وحبهم وقربهم لبعض.. وفهم تصرفه تجاه آدم..وهز راسه بتنهيده...
فهد : طلع آرين من حضنه..ومسح دموعها..وباس جبينها..وقال..
آريني فراشة الحياة.متعيطش. طول ما أبوكي عايش..أعرفي إن دموعك بتكوي قلبي.. أوعي في يوم تعيطي.. مهما كان السبب.. أنتي بنت فهد السيوفي..
أنتي بنتي..ومش مسموحلك تبكي في وجودي.. دموعك غالية يابنت فهد..غالية.أوي..
وأنتي عارفه إن مجال شغلي غير أي شغل.. أنا لو بأيدي أفضل معاكم كل ثانيه.. لكن مش بأيدي.. وعايزك تعرفي أنتي ورينو.. إنكم عمركو ما تهونوا عليا أبدا.. الموت اهون عليا من فراقكم والبعد عنكم. فهمتي يا آريني..!!!
آرين : مسحت دموعها..وقالت..بعد الشر على حضرتك.. أنا أسفه جداً إني اتكلمت كدا..بس ده كان من قلقنا عليكم..
فهد : أبتسم.ومسد على حجابها..ولا يهمك ياروحي..
مراد : قال جواه.. آدم أبني هيتعب معاك أوي يافهد.. أنت بتحب بنتك بغباء.. طول عمرك لما بتحب حد.. بتحب بضمير يصحبي أنت وفي لاقصى درجه ياحوت..
لكن إن شاء الله..ربنا هيدبرها من عندو..وتوافق يابن السيوفي..
آرين : صرخت بصوت مسموع..خالوووا مرااااد..
مراد : أنتبه..وقال حبيبت خالها..تعالي يابت يا آرين.. ههههه..
آرين : سلمت عليه..وقالت حمدلله على سلامة حضرتك..ومال دراعك ياخالو..
مراد : بهزار.. أبوكي عضني.. هههههههه.
آريان : دخل..السلام عليكم ورحمة الله وبركاته.. وسلم ع الكل..
آرين : جريت على فهد..وقالت..بابي شوفت آيان؟ بجد شبهك جدآ..
فهد : قعد وأخدها في حضنه..وقال بضحكه.. وأنا حلو آوى كدا..
آرين : شهقت..أييه؟ حلو بس؟ قول قمر..چان..قول حاجه محصلتش..مش حلو بس..!!
فهد : شاور ل رينو..وقعدت جمبه..وشال آيان.. وسأل على آركان..
رينو : سافر الأسبوع اللي فات..وقال كلها شهر وينزل أجازة كبيره..
بعد كدا.. الكل قعد..وبيستقبلوا الإتصالات والتهاني من العيله برجوع الحيتان بالسلامه...
آدم : قاعد..بيتكلم مع طارق والشباب.. وأستغرب إن آرين مسألتش حتى على المرعب.. وكشر عينيه وافتكر إن آدم..جه قبل منهم.. ورفع حاجبه وقال.. أممم.. عشان كدا...!!!
------------------بقلمي مريم نصار.
(قدام المدرسه)
آدم مراد : وقف بالعربية.والطلاب خارجين من بوابة المدرسه.. ونزل.وبيدور على تالين..
Автор: Меріам Насар
تالين : خارجه مع حياة وكارما..وبيتكلموا مع بعض.
حياة وكارما بيضحكو.. لكن تالين بتتكلم بهدوء..
آدم مراد : شافها.. وأبتسم..ورفع أيدو ليها..!!
تالين : بصت..وأفتكرت حد بيعاكس..ونزلت عينيها بسرعه..لكن وقفت مكانها. ورفعت راسها بزهول.. وفتحت عينيها على الآخر. وقلبها بيدق..ومفيش أي رد فعل..
آدم مراد : قفل باب العربيه..ورايح ليها.
حياة وكارما..أستغربوا تصرف تالين..لكن شافوا آدم.. وضحكوا بفرحه كبيره..
تالين : بزهول..آبيه آدم..!!!
آدم مراد : قرب منهم..!!
تالين : أستوعبت أخيراً.. وقالت بصوت مسموع..آبيه آدم..مش معقول.. وأترمت في حضنه..وبتضحك وبتعيط..من فرحتها..
آدم مراد : ضمها لقلبه بحنان كبير..وباس راسها..وقال.. تالي حبيبت قلبي.. وحشتيني ياروحي..
تالين : طلعت من حضنه..وضحكت بدموع..وقالت.. أبيه آدم..حضرتك رجعت صح.. ههههه أيوه فعلاً حضرتك قدامي أهو..وبابا..بابا رجع معاك صح..؟
آدم مراد : مسح دموعها..وقال من غير عياط ياتوتا.. أيوه ياحبيبتي. كلنا رجعنا بخير..
وبص للبنات.. اذيكم يابنات..
حياة وكارما..الله يسلمك..حمدالله ع سلامتك..
آدم مراد : هز راسه ليهم..وقال يلا تعالوا..
تالين : ركبت جمبه..وقلبها بيدق بفرحه كبيره.. وشبكت أيديها تحت دقنها..وقالت.. الحمدلله الذي أعاد لنا ودائعنا بخير وسلام. الحمدلله كل الحمد.. شكرآ يارب..
آدم مراد : ركب جمبها..وسمعها..وباس ع أيدها..وقال. هحبك إيه أكتر من كدا ياملاك أخوكي..!!!
تالين : حضنت أيدو..وقالت. حضرتك متعرفش ماما كانت عامله أيه من غيركم.. بجد كانت ايام ثقال.. لكن الله أحن وأرحم..
آدم مراد : مسد ع حجابها..وقال ونعم بالله. وشغل العربية.. وساق على المملكه..
(فيلا العدوي.)
كلهم قاعدين..
مريم : شاورت لفريحه..
فريحه : جت..نعم يا ماما..
مريم : خدي مراد لفوق.. وساعديه يغير هدومه.. ولو في علاج ياخدو..
فريحه : حاضر ياحبيبتى..
مريم : يحضرلك الخير يا نور عيني.. وأنتي يارينو. سيبي آيان مع رنا. وقومي اطلعي مع جوزك يغير هدومه.. وانزلوا على الغدا..
رينو : حاضر يا مامي..
مراد : قام وطلع مع فريحه..وفهد خرج مع رينو..
آدم : شاور ل آرين..
آرين : قامت بسرعه..وقعدت جمبه..نعم يا بابا آدم ياقمر..
آدم : حاوطها من كتفها..وقال بابا آدم إيه بس.؟ أنتِ من وقت ما فهد رجع وأنتِ مطنشاني..!!
آرين : شهقت..وقالت..بابا آدم..حضرتك بتغير عليا من بابي؟
آدم : بضحكه..طبعا أنتِ بنتي أنا..وعشتي معايا أكتر من أبوكي نفسه.. يبقى من حقي أغير ولا لأ؟
آرين : حطت صوباعها على بوقها..وقالت..ينفع مجاوبش...!!!
آدم : ضحك.. أيوه ينفع.. قوليلي بقى.. أنتِ معادك ترجعي بعد الساعه تلاته.. جيتي بدري إزاي؟
آرين : غمضت عينيها..ولعنت نفسها وغبائها..
آدم : شكه اتحول ليقين إن المرعب..سبق الكل بخطوه.. وقال بمكر.. أكيد آريان قالك مش كدا.؟
آرين : فتحت عينيها بدهشه وقالت..صح.. أيوه فعلاً.. الدكتور آريان قالي.. إن بابي جه..!!
آدم : هز راسه ليها.. أممم تمام..!! لكن أنتي ليه مسألتيش على المرعب..!!!
آرين : همست بصوت واطي جدآ.. وقالت..غبيه يا آرين..والله اغبا بنت ف العيله..!!!
آدم : ضحك بصمت..وقال انا بقول كدا برضه..
آرين : تنحت..وقالت هاا..حضرتك سمعتني؟
آدم : مط شفايفه ورفع كتفه..ومردش..!!!
آرين : حبت تهرب من الموضوع.. وقالت..بابا آدم.. عندي سؤال مهم..
آدم : بمكر..وقال ماشي اسألي..
آرين : السؤال بيقول..شيء يمكنك أن تقوم به دون أن تبذل أي مجهود في حياتك؟
آدم : بتفكير.. الفشل.
آرين : بإنبهار..واااو كنت متأكدة إن حضرتك هتحلها بسهوله..
آدم : بإبتسامه..اوماال ايه. انت مفكراني جدك طارق ولا إيه؟
آرين : ضحكت من قلبها...
طارق : كشر عينيه لأدم..وقال الضحك ده عليا..!!!
آرين : حطت ايدها ع بوقها..وكاتمه الضحكه..!!
آدم : ربت ع رجل طارق.. وقال منور يا أسد..!!!
(في جناح مراد)
فريحه : بتساعد مراد.في اللبس.
مراد : بيتألم بسيط..
فريحه : بدموع..ممكن اعرف اتصابت إزاي؟
مراد : رفع أيدو السليمه..ومسح دموعها..وقال. هو انا علشان غبت عنك فتره..نسيتي إني مبكرهش في حياتي قد إني أشوفك مكشره أو زعلانه..تخيلي بقى لما أشوفك بتعيطي..؟ أعمل إيه أنا دلوقتي؟
فريحه : بتلبس ليه التيشرت..وقالت بدموع..غصب عني يامراد.. أنا كنت بعد الساعات والدقايق..مش الأيام وبس..!! أنا كنت خلاص هتجنن واسمع بس إنك بخير..قلبي كان ديما مشغول عليك.. والله آرين صدقت في كل حرف قالته.. إحنا من غيركم مش كاملين..تخيل بقى يوم ما املي قلبي من وجودك.. والاقيك متصاب..عايزني أضحك ازاي بس ياعُمر فريحه..
مراد : بتنهيده..عارفه يافريحتي..نفسي أضمك لقلبي عشان أنا اللي أصدق إني رجعت ليكي من تاني..
فريحه : حطت راسها ع صدرو وغمضت عينيها وقالت.. أنا كدا كأني مالكه العالم كله بين أيديا.. ألف حمدلله على سلامتك ياحبيب قلبي وروحي..
مراد : ضمها لقلبه بحنان واشتياق.. وقال.. بحبك اوى يافريحه..!!
فريحه : وفريحه بتموت في التراب اللي مراد بيمشي عليه..
مراد : باس ع راسها..وايدها.وقال..ربنا يباركلي فيكي ياروح قلبي..
فريحه : باست جبينه..وابتسمت..وقالت نورت مصر كلها..نورت قلبي وحياتي..نورت روحي ياروحي..
مراد : حاوطها من كتفها..وقال. أنا لسه عند وعدي..
فريحه : كشرت عينيها بعدم فهم..وقالت..وعد إيه؟
مراد : بغمزه.. الله..شقتنا يابنت المستخبي.. مش انا وعدتك لما أرجع هاخدك ونروح نقعد فيها براحتنا..
فريحه : ضحكت من قلبها..وقالت.. والله بنت المستخبي دي..وحشاني اوي منك.. ههههه. يالهوي يامراد لو بابي عرف باللي أنت بتقوله ده؟ مش عارفه هيعمل ايه؟
مراد : بيقلد طارق..وقال هيعمل كدا.. ومثل النرفزه.. بقى أنت تقول لبنتي بنت المستخبي؟ لأ وكمان بنت كوم الشكاير..بنت طارق السيوفي.. بنت الأسد يتقال عليها كدا..صدق ياض يامراد..هتصدق إن شاء الله.. أنت مطمرش فيك تربيتي اللي ربتها ليك.
فريحه : ههههههههه أخص عليك يامراد.. بس بجد أنت قلدته جداً هههههههه
مراد : بخبث..ولسه يافريحه..دور الحوت..ده أحنا داخلين على أيام سوسا..!!!
------------------بقلمي مريم نصار.
(عند فهد)
فهد واقف ومربع أيديه..وبيتأمل في رينو. اللي شالت النقاب.. وظهر جمالها..
رينو : راحت عند الدولاب..وجابت لبس لفهد.. وراحت لعندو بسرعه.. وقالت.. اتفضل ياحبيبي.. أدخل بسرعه خدلك شاور والبس الطقم ده.. وانا هعملك فنجال قهوه.. تشربه قبل ما ننزل..
فهد : دقق النظر في عيونها إللي وحشاه أكتر من جمال الكون..
رينو : رفعت عينيها ليه..ودقات قلبها خرجت عن مسارها.
فهد : رجع خصلة شعر ورا ودنها..وقال بهمس. كنتي وحشاني اوي يارينو..ولسه وحشاني أكتر من قبل..
رينو : رفعت ايديها وحضنته.. وقالت.. أنا لحد دلوقتي مش مصدقه إنك رجعت ليا.
فهد : ضمها لقلبه بحنين..و أخد نفس عميق..وقال. أنا وعدتك إني هرجعلك.. أنا مقدرش أعيش من غيرك..
رينو : عيونها لمعت.. حمدالله ع سلامتك ياحبيبي..
فهد : طلعها من حضنه وباس راسها.. وأبتسم.. سلامتي هي أنتي.. ومسد على خدها..وقال بابتسامه.. وحشتني القهوه من أيديكي..
رينو : ضحكت بسعاده وقالت.. أجمل فنجال قهوه لروح روحي في ثواني..
وعلى فكره بقى أنا مجهزالك مفاجأه بليل هتحبها جدآ..وجريت من قدامه بسرعه على المطبخ..
فهد : مسح ع شعرو بإبتسامه..واخد هدومه ودخل الحمام...
وبعد لحظات شرب القهوه ونزل مع نجمته..!!! -------------يتبع
الاكثر قراءة هذا الشهر :
موعد الحلقة الجديدة الساعة 8 م يوميا ان شاء الله .
هنا تنتهى احداث رواية جريمة عشق 5 الفصل 36 ، يمكنكم اكمال باقى احداث رواية جريمة عشق الجزء الخامس الفصل 37 أوقراءة المزيد من الروايات المكتملة فى قسم روايات كاملة .
نأمل أن تكونوا قد استمتعتم بـ رواية جريمة عشق الجزء الخامس ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على المدونة .