نقدم اليوم احداث رواية وسطا العشق الفصل الاول من روايات زكية محمد . والتى تندرج تحت تصنيف روايات رومانسية ، تعد الرواية واحدة من اجمل الروايات رومانسية والتى نالت اعجاب القراء على الموقع ، لـ قراءة احداث رواية ما بعد الجحيم كاملة بقلم زكية محمد من خلال اللينك السابق ، أو تنزيل رواية ما بعد الجحيم pdf كاملة من خلال موقعنا .
وسطا العشق الفصل الاول
الفصل الاول من النوفيلا
في محافظة قنا وفي إحدي القري بمركز قوص حيث المساحات الواسعة من الأراضي الزراعية والمنازل الريفية و في إحدي المنازل الكبيرة في صحن المنزل الكبير صرخ بعنف :- يعني إيه يا ابوي هتكون راحت وين بت الفرطوس هي وخيها؟
هتف بأعين مليئة بالغضب:- مخابرش غارت وين يا عبد العزيز بوظت كل حاجة علينا قطعها وقطعة سيرتها.
صاح بغضب شديد :- لاه يا ابوي هدور عليها
وهجرجرها من شعرها لحد إهنة بت الكلب خلت اللي يسوي وميسواش يتحدت علينا بالحديت الماسخ.
هتف بضيق :- اللي نجروا عاد دلوك هنقعد نولول كيف الحريم.
هتف بغضب :- والأرض يا بوي دول 20 فدان عاوزهم يلهفوهم بلوشي إكدة . يا مين يلايمني عليها وانا أحش وسطها بالمنجل هي وخيها بت ال***** بت الخوجاية الف***
هتف راضي بضيق :- عندك حق يا ولدي هنستنوا إيه من واحدة أمها خوجاية. نعمل إيه لعمك خلصت بنات مصر كلياتهم رايح يجيبلنا واحدة تقاليع برة.
هتف بغضب :- والعمل إيه دلوك والراجل اللي اتفقنا معاه على البيع هنقوله إيه عاد؟
هتف بغضب مكتوم:- هنستني هبابة ونشيع رجالتنا يندلوا علي مصر ويقلبوها لحد ما يلقوهم.
هتف بغل :- ماشي يا ابوي ولو ملقوهمشي هندلا بنفسي واجيبها واقتلها قبل ما تجبلنا العار.
هتف بغضب مكتوم :- معلوم يا ولدي معلوم. هملنا من سيرتهم دلوك وخلينا في مصالحنا شيعت للواد عوض يجيب الجرارات ويحرت الأرض علشان نزرع
القمحيات.
هتف بضيق :- أيوة يا ابوي شيعتله.
هتف بغلظة وهو يعدل من غطاء رأسه ويلتقط عصاه الأبنوسية:- طيب هم بينا نشوف الرجالة في الأرض حدانا .
هز رأسه بخفوت وسار خلف والده متجهين نحو الأرض الزراعية خاصتهم.
علي الجانب الآخر في غرفة مجاورة تحدثت بحزن :- ربنا يلطفها معاها هي وخيها ويسترها عليهم ربنا نجاها من بطش عمها قادر يكملها معاهم علي خير . دا أبوها ملحقش في تربته.
أردفت بحزن هي الأخري :- إن شاء الله يا عمة هي زينة وطيبة ربنا هيدحرها من كل شر. قلبي عليكي يا خيتى إنتي واخوكي.
هتفت بحزن:- قومي قومي شوفي عيالك ويناتهم وفطريهم.
هتفت بأدب :- حاضر يا عمة.
قالت ذلك ثم خرجت لتري أطفالها اللذان يركضان في الشارع مع بقية الأطفال.
بينما هتفت الحاجة صابحة بحزن:- والله الزمان جار عليهم يا محمود من وقت موتك وخيك مرحمهمش . ربنا يسترها معاهم.
*****************
في إحدي القطارات المتوجهة الي الوجه البحري كانت تجلس إلي جوار أخيها وتستند علي زراعه تستمد الأمان منه وهي تذرف دموعها بصمت ، بينما كان أخيها يطوقها بذراعيه وكأنها ابنته فعلي الرغم من إنه يصغرها بعام إلا إنه يشعر إنها شقيقته الصغري.
أراح برأسه للخلف علي المقعد وراح يفكر فيما حدث منذ ساعات في الصباح عندما كان يسير بحزن علي والده الحبيب الذي توفاه الله منذ ثلاثة أشهر ولحق بزوجته التي توفت اثر مرض السرطان منذ أعوام حيث شعر بأنه كبر أعوام فوق عمره .جلس تحت شجرة وأخذ يتطلع أمامه لتلك الخضرة بحزن لعلها تنسيه القليل إنه علي مشارف التخرج فينقصه ثلاثة أشهر ويصبح مهندسا محققا أمنية والده .
إلتمعت الدموع بعينيه وهو يفكر كيف سيتمكن من مواجهة عمه ذلك الطامع في نصيبهم من الأرض منذ حياة والده فماذا سيفعل بعد أن توفي.
خشي علي شقيقته من أن يتم تزويجها لابن عمه المتزوج فلا يهم ذلك بالنسبة إليهم فكل ما يهمهم هو الأرض والمال.
زمجر بغضب وهز رأسه بلا لن يسمح لهم بأن يقتربوا منها ويؤذوها . خرج من شروده علي حينما شعر بجلوس شخص آخر إلي جواره
مسح دموعه بسرعة حتي لا يراه فالرجل الصعيدي لا يبكي وإن كانت الهموم تفوق الجبال وكأنه خالي من المشاعر ومتحجر القلب.
ربت الحج راشد علي كتفه قائلا :- شد حيلك يا عامر المرحوم قطع بينا كلياتنا راعي لخيتك ونفسك يا ولدي.
هتف بخفوت :- إن شاء الله يا أبا الحج.
نظر يمينا ويسارا ثم هتف بحذر:- شوف يا ولدي انا جيتلك عشان في كلمتين في رقبتي وصاني بيهم المرحوم أخبرهملك قبل ما ربنا يفتكره.
هتف بتعجب:- خير يا حج راشد خش في الموضوع طوالي.
هتف بهدوء :- شوف يا ولدي محمود كأنوا كان خابر زين اللي هيجرا عشان إكدة إتحدت وياي(بقلم زكية محمد )
وضع يده في جيب جلبابه الصعيدي ثم أخرج بعض الأوراق المطوية ثم هتف وهو يفرد إحداها ويمدها له :- دة عقد ملك الأرض الزراعية بتاعة أبوك كتبها باسمك إنت وخيتك.
ثم فرد ورقة أخري قائلا :- ودي شقة في أحسنها مكان فيكي يا بندر عشان تقعدوا فيها بعيد عن عمك وشره.
ثم مد له أخيرا ببطاقة إئتمان قائلا :- ودي فيزا تقدر تسحب بيها فلوس زي ما إنت رايد دي فلوس أبوك وحقك.
هتف بدهشة وهو يتطلع لتلك الأوراق :- إنت عاوزني أهمل داري يا أبا الحج!
تنهد بثقل قائلا :- لو خايف علي نفسك وخيتك هملها يا ولدي عمك ناويلكم علي نية عفشة أبوك سمع عمك وولده بيتفقوا علي قتلك ويقوموا يتجوز عبد العزيز سماء وياخدوا اللي حيلتكم كان نفسه ينقذكم بس ربنا أخد أمانته.
هتف بصدمة :- كيف دة؟ وه وه بقي عمي نيته سودة إكدة وانا مخبرش.
هتف بحزن :- أيوة يا ولدي عمك شيطان ومحدش يعرفه ربنا يهديه لحاله. وصية أبوك إن تاخد بالك من حالك ومن خيتك إنت سندها دلوك بعد ربنا .
هتف بغضب:- ليه أنا مش راجل إياك معرفش أحمي نفسي وخيتي زين.
هتف بروية:-لاه راجل وسيد الرجالة بس زي ما قلتلك قبل سابق خاف علي خيتك ولا إنت ترضالها بالبهدلة.
هتف بنفي:- لاه يا حج راشد خيتى دي أغلي حاجة عندي من روحي ومرضاش العفش ليها واصل.
هتف بهدوء:- يبقي تنفذ اللي قلتلك عليه يلا قوم مفيش وقت لازمن تمشوا دلوك قبل ما الفاس توقع في الراس ونقول يا ريت اللي جرا ما كان.
تنهد بحزن قائلا :- حاضر يا حج بس خليك خابر زين إن الوضع دة مش هيطول بس اتخرج وأوقف علي رجلي وساعتها لا هيهمني عمي ولا حتي ولده.
هتف بإرتياح :- عين العقل يا ولدي بس يلا هم قوم علشان تلحقوا القطر.
نهض ودس الأوراق في جيب جلبابه ثم إنطلق مسرعا نحو منزلهم.
كانت تجلس في إحدي أركان المنزل منزوية والحزن مسيطر عليها ودموعها فقط من تتحدث منذ ثلاثة أشهر وهي علي تلك الحالة . تقدم منها هاتفا بهدوء وحنان :- سماء تعالي عاوز أتحدت وياكي.
هتفت بصوت متحشرج :- قول يا عامر سامعاك.
نظر يمينا ويسارا قائلا بصوت منخفض:- لاه تعالي اوضتك نتحدتوا علي راحتنا.
هتفت بقلق :- في إيه يا عامر متوغوشنيش عاد.
هتف بخفوت:- تعالي بس مفيش وقت.
قال ذلك ثم سحبها خلفه برفق حتي دلفا غرفتها بعد أن تأكد من أن لا يوجد من يراقبهما.
هتفت بخوف :- في إيه يا عامر ضرعتني ؟
هتف بحذر:- سماء لمي خلقاتك بسرعة من غير ما حد يحس بيكي ولما تاجي القيلة نبقوا نمشوا من غير ما يحسوا بينا. .
هتفت بتعجب :- نمشي ونهمل أبوي وأمي و دارنا يا عامر !
هتف بحزم :- بقولك إيه مفيش وقت إحنا في خطر عمك الحج راشد خبرني إن عمك ناويلنا علي الشر.
شهقت بخوف قائلة :- يا مري يا مري حديت إيه دة يا ولد أبوي؟
هتف بحذر:- زي ما سمعتي يا بت ابوي ولا تستني لما يجوزوكي لعبد العزيز ويطخوني عيارين وينفذوا ملعوبهم.
إحتضنت أخيها بخوف قائلة :- لاه لاه متقولش الحديت الماسخ دا تاني أنا مليش حد غيرك دلوك بعد ربنا.
ربت علي ظهرها بحنان قائلا :- يبقي تنفذي اللي قولتلك عليه.
إبتعدت عنه هاتفة بحذر:- طيب. ..وأما صابحة وغالية يا عامر هتوحشهم قوي.
هتف بروية :- هبقي أتصرف يا سماء بس يلا شهلي الله يرضي عنيكي ومتخليش حد يشك في حاجة.
هزت رأسها بموافقة وهي تقول:- حاضر يا عامر.
إبتسم بخفوت قائلا :- يحضرلك الخير يا خيتى أنا هروح كمان أجهز حالي.
وبالفعل قاموا بتجهيز ما يحتاجونه للذهاب وإنتظر فترة الظهيرة حيث يمكث الجميع في منازلهم تجنبا للشمس الحارقة والحرارة الشديدة. خرجا الإثنين بخطي حذرة حتي نجحا في الهروب دون أن يراهم عمهم أو أحدا من رجاله وأوقف عامر أقرب وسيلة مواصلات وصعدا بها وإلي جواره شقيقته وبعد وقت كانا في المركز نفسه عند محطة القطار ثم قفذا في القطر الآتي من الأقصر سريعا وما لبث أن إنطلق بهم إلي وجهتهم.
وبعد دقائق إنتشر خبر ذهابهم من البلدة ووصلت الأخبار لعمهم وولده مما زاد غضبهم وحقدهم عليهم.
عاد من شروده متنهدا بعمق ثم نظر لشقيقته التي غفت فهذه عادتها تحب أن تنام كثيرا.
أسند رأسها علي صدره كي تنام براحة ثم أغلق جفنيه في محاولة منه للهروب من ذلك الواقع المرير.
*****************
حل الليل سريعا معلنا وصولهم إلى القاهرة. أيقظ شقيقته برفق التي نهضت وتطلعت حولها قائلة :- وصلنا إياك؟
هتف بمرح وهو يربت علي رأسها :- اه وصلنا وانتي نايمة كيف الكسلان.
هتفت بتذمر :- بتشبهني بالحيوان يا عامر.
هتف بضحك :- لاه أنا قلت إكدة ميتة انا قلت كسلان مش حيوان.
هتفت بتذمر:- دا علي أساس ان الكسلان دة مش حيوان يعني بني آدم ؟
هتف بمراوغة:- لاه دة حاجة حلوة زيك بالظبط.
هتفت بضيق :- كل بعقلي حلاوة كل . انا خيتك الكبيرة يعني متضايقنيش واصل.
هتف بعبث :- كبيرة مين لا مؤاخذة يا شبر ونص مكنتش سنة دي اللي هتعايريني بيها .
يلا همي علشان نلحق نوصل.
هزت رأسها بخفوت ثم حمل الحقائب ونزل من القطار وتبعته هي بخطوات هادئة.
هتفت بصياح كي يصل صوتها لشقيقها في وسط هذا الزحام :- هنروح وين دلوك يا عامر؟
أجابها بنفس الحدة:- هنروح الشقة اللي أبوي أشتراها لينا.
هتفت بخفوت :- ربنا يرحمه.
ثم أكملت بتذمر:- بس أما صابحة اتوحشتها ومتعودة أنام في باطها كل عشية. .هجيبها منين دلوك؟
سمعها عامر فهتف بمرح:- هجبهالك في التلغراف ولا تزعلي. بكفياكي حديت صدعتيني.
هتفت بحزن وحساسية:-حاضر يا عامر مش هتحدت وياك يا أخوي .
زفر بغيظ من حساسيتها المفرطة تلك تجاه الأمور وما إن سقط بصره علي نقطة ما أتته فكرة فإبتسم قائلا :- بت يا سماء إيه أكتر حاجة بتحبيها؟
هتفت بضيق :- مخبراش.
أردف بضحك :- يا بت مقصدش خلاص صدعي اللي جبوني ولا يهمك. بصي إهنكة إكدة.
نظرت لما يرمي إليه وسرعان ما إتسعت عيناها بفرح ثم لعقت شفتيها بتلذذ قائلة بتوسل وهي تسحبه من كم قميصه وكأنها طفلة صغيرة :- هاتلي مشبك يا عامر عاوزة مشبك كتير قوي قوي.
هتف بضحك :- طيب طيب يا مجنونة هجبلك.
قال ذلك ثم توجه للبائع وإبتاع كمية ليست بقليلة وغادرا وهي تحكم بقبضتها علي الكيس وكأن أحدا ما سيقوم بإنتزاعه منها.
أشار بيده لأحد من سائقي سيارات الأجرة فتوقفت واحدة وصعدا بها وأعطاه العنوان فإنطلق السائق بهما إلي وجهتهما.
بعد فترة توقف بهما في إحدي أحياء القاهرة المتحضرة فترجلا منها فتوجه عامر للبواب وهتف بهدوء :- السلام عليكم يا حج انا جاي من طرف الحج محمود الله يرحمه.
هتف بتذكر:- أيوة أيوة افتكرت الحج نعمان كلمني وفطمني علي كل حاجة خد مفتاح الشقة مترتبة ونضيفة زي البرلانت .
هتف بإبتسامة بسيطة :- تشكر يا حج .
تناول منه المفاتيح ثم صعدا للأعلي للشقة الخاصة بهم فدلفا سويا وضغط عامر علي زر الإضاءة وراحا يتأملانها بإنبهار فهتفت سماء بسعادة:-
الله شقة حلوة قوي يا عامر شرحة ويرمح فيها الخيل .(بقلم زكية محمد )
هتف بتأييد:- أيوة بسم الله ما شاء الله. ربنا يجعلها عامرة.
هتفت بمشاغبة:- عامرة وعامر هيعملوا قفلة يا أخوي.
هتف بغيظ:- ظريفة قوي يا بت. همي يلا رصي الخلقات جوة.
هتفت بتذمر:- بس ودي إنت الشنط جوة علشان تقيلة.
حملها بسهولة قائلا :- عارفك خرعة يا قزعة وميجيش منك.
هتفت بتذمر:- وانت طويل كيف العمود .
هتف بضحك:- ماشي عمود عمود بس يلا علشان اروح نجبلنا لقمة ناكلها.
أومأت له بهدوء ثم وضع الحقائب بالداخل ثم هتف بتحذير :- أنا نازل دلوك أوعاكي تفتحي الباب لحد لو خبط.
هتفت بموافقة :- ماشي يا أخوي.
توجه للخارج ثم توجهت هي لوضع الملابس
بعد لحظات عاد وابتاع العديد من الأشياء حيث فتح الباب قائلا بصياح :- بت يا سماء إنتي يا بت.
أتت هي من الداخل وصاحت بمجرد ان رأته :- وه وه هات عنيك يا أخوي تعبت نفسك ليه بس .
هتف بضحك:- يا مخبولة هو إحنا هنقعد يومين ونمشي . شيلي يا خيتي شيلي بس أوعي تتكعبلي إنتي وماشية .
هتفت بغيظ وهي تحمل بعضا من الأكياس من الأرض وتدلف بها ناحية المطبخ :-
مش هرد عليك انا هسيب القانون ياخد مجراه.
هتف بتعجب وهو يحمل بقية الأكياس :- قصدك إيه بحديتك دة؟ اااه. ...
وما لبث أن تعثر في عصا المكنسة التي وضعتها بتعمد له مسبقا . أتت هي من المطبخ وهي تضحك بصوت عال هاتفة:-
اهة هو ديتي قصدي يا ولد أبوي .
هتف بغيظ:- ماشي يا سماء الكلب أدبا ليكي هتجهزي العشا لحالك وخدي الكياس دي بردو دخليها إنتي وكلمة زيادة وهعبطك وانتي عرفاني زين.
هتفت بإبتسامة بلهاء:- حاضر يا أخوي إنت تؤمر بص ادخل اوضتك ريحلك هبابة علي ما أجهزلك العشا.
هتف بإنتصار:- ماشي أنا هدخل أريح شوية والوكل يجهز في نص ساعة.
هتفت من تحت اسنانها:- حاضر يا عامر إنت تؤمر.
كتم ضحكه عليها ثم دلف للداخل وهو يدندن بخفوت لإغاظتها بينما هي أطلقت صرخة مكتومة عقب دلوفه لغرفته ثم أخذت باقي المشتريات ودلفت بها للمطبخ وبدأت تعد وجبة العشاء.
*****************
في الصعيد دلفت غالية وهتفت بخفوت وحزن علي غياب سماء:- الوكل جاهز يا عبد العزيز.
هتف بحدة :- ماعوزش أطفح وغوري من وشي الساعة دي.
هتفت بغيظ وغيرة منها علي الرغم من محبتها لها:- ليه حزنان علي فراقها!
تطلع لها بغضب قائلا :- غالية لمي الدور وخلي ليلتك تعدي علي خير.
هتفت بغضب وقد فاض بها الكيل :- لاه مسكتاشي يا عبد العزيز لحد ميتي هسكت ها؟ فاكرني مخبراش باللي بيجري! لاه أنا خابرة زين إنك حاطط عينك علي بت عمك من زمان بس كنت بقول مشي يا بت يمكن بيتهيألك لكن لاه إنت كيف المجنون لما مشت مش عشان زي ما إنت بتحكي لاه علشان قلبك عاشقها مش إكدة.
هتف بدهشة وغضب :- وه وه إنتي هتحققي معاي ياك غوري من خلقتي وملكيش صالح أنا راجل واعمل اللي انا عاوزه.
هتفت بوجع :- صح إنت الراجل وتعمل اللي رايده. طلقني يا عبد العزيز طلقني من سكات انا مش هعيش مع واحد قلبه مع غيري.
قالت ذلك ثم إنصرفت بسرعة بينما جلس هو علي الفراش هاتفا بسخرية :- قال بعشقها قال طب انا لو أطول كنت قتلتها إمبارح قبل بكرة بت الخوجاية دي ولو إنه مبينش عليها ( وهنعرف دة ليه بعدين) . بس هلاقيكم وهاخد الأرض ومش هتنازل.
قالها ثم نهض بغضب ثم توجه للمرحاض ليغتسل.
نزلت بوجه حزين قائلة :- معاوزش ياكل يا عمة.
هتفت بتعجب :- ومالك ضاربة بوزك قدامك مترين ليه؟
هتفت بحزن:- مفيشي حاجة.
هتفت بدهشة:- من ميتي وانتي بتدسي عني يا غالية. تعالي يا بتي إقعدي إهنة جاري وقوليلي مالك عاد!
وكأنها اعطتها الضوء الأخضر إذ ألقت بنفسها بين زراعيها وأخذت تبكي . ربتت علي ظهرها قائلة بهدوء:- ولدك راكبوا جن من وقت ما سماء هملت الدار هي وخيها.
أردفت بتعجب :- راكبه جن كيف يعني؟
أردفت بضيق :- وه يا عمة يعني مخبراش. ولدك بياكل في حاله فوق مش قادر علي فراقها.
هتفت بدهشة :- حديت إيه دة يا به! لاه إنتي لاسعة منك النهاردة.
نظرت لها بصدمة قائلة :- وه يا عمة بقي دى اخرتها يعني بشكيلك همي وانتي بتتمقلتي علي!
هتفت بروية :- مفيش أيوتها حاجة من الحديت ديتي متخربيش بيتك بيدك. هو بس متعكنن عشان هجت هي وخيها ومعرفوش يطولوا الأرض اللي حداهم لا اكتر ولا أقل.
هتفت بتذمر:- يا سلام! عيلة صغيرة هتضحكي علي يا عمة.
هزت رأسها بنفي وهتفت:- لاه مهضحكش عليكي عبد العزيز معمي بحقد أبوه اللي رباه عليه أدعيله ربنا ينور بصيرته .
هتفت بتمني :- يعني مهيحبهاش واصل.
أردفت بهدوء:- لاه يا بتي مهيحبهاش قومي كلي وعشي عيالك قبل ما ينعسوا.
مسحت دموعها بهدوء وهتفت :- حاضر يا عمة. (بقلم زكية محمد )
قالت ذلك ثم غادرت لتطعم أطفالها بينما تنهدت هي بحزن قائلة :- ربنا يهديك يا ولدي.
************************
بمنزل الحاج راشد كان يجلس بهدوء وهو يرتشف كوبا من الشاي.
أتت زوجته علية وجلست إلي جواره قائلة بهدوء:- ها يا حج عملت إيه؟
هتف بخفوت :- وطي حسك يا علية أنا معوزش النملة تاخد علم باللي عملته.
هتفت بصوت خافت :- طيب أها وطيت حسي طمني عملت إيه؟
أردف بخفوت وحذر :- عملت كل اللي قالي عليه المرحوم بالحرف الواحد.
هتفت بإشفاق :- يا نضري إتغربوا لحالهم مين هياخد باله منيهم دلوك؟ طيب وهيعملوا إيه يا حج دول لو عتروا فيهم مهيسموش عليهم.
أردف بحيرة:- والله ما أنا خابر يا علية دول لازمن يكون وراهم يد طايلة يتسندوا عليها عشان يعرفوا يوقفوا في وش عمهم.
هتفت برجاء:- ربنا معاهم ويحرصهم من كل شر يا رب.
هتف بأمل :- إن شاء الله يا علية. أومال وين العيال؟
هتفت بهدوء:- اللي بيذاكر واللي بيتفرج علي التلفزيون واللي برة.
هتف بهدوء :- طيب أنا طالع برة هقعد مع الرجالة هبابة.
هزت رأسها بموافقة بينما هو خرج لوجهته.
********************
يجلس علي طاولة الطعام يتناول طعامه وعلي وجهه إبتسامة ماكرة وهو يتابع تلك التي تتناول طعامها بغيظ.
هتف ببراءة:- مالك يا خيتي ضاربة بوز ليه؟
نظرت له قائلة بغضب مكبوت:- مليش يا عامر.
ضحك بخفوت قائلا :- عشان بس تحرمي وتبطلي مقالبك دي.
ضيقت عينيها هاتفة بوعيد :- ماشي يا عامر والله لاوريك
ضحك قائلا بعبث :- متقوليش حديت إنتي مش قده.
أردفت بوعيد:- هتشوف يا عامر هتشوف.
أومأ رأسه هاتفا بمرح :- وأنا مستنيكي يلا كلي قوام قبل الوكل يبرد.
هتفت بتساؤل :- عامر هنعمل ايه دلوك؟ يعني كيف هنعيش إهنة وندبروا حالنا.
هتف بهدوء:- متقلقيش إنتي انا هدورلي علي شغلانة إكدة لحد ما يجي الترم التاني واخلصه وبعد إكدة هفتح مشروعي اللي نفسي فيه.
هتفت بحماس:- واه هتفتح مصنع العربيات ربنا معاك يا أخوي. طيب مقولتش كيف هتروح الجامعة إهنة وورقك في قنا !
هتف بروية:- عمي راشد هينقلي الورق وهيعمل كل حاجة عشان منبانش في الصورة.
أردفت بحزن:- وهنفضلوا هربانين لحد ميتي يا عامر؟
تنهد بثقل قائلا :- لحد ما ربنا يأذن يا خيتي.
أدمعت عينيها خوفا علي شقيقها قائلة :- عامر انا خايفة عليك قوي لأحسن عمي ولا عبد العزيز يعملولك حاجة.
مسح عبراتها قائلا :- متخافيش يا سماء المكتوب علي الجبين لازمن تشوفه العين يا بت ابوي.
قال ذلك ثم بدأ يتناول طعامه بهدوء وهي شاردة خوفا من المستقبل ومن عمها ومطامعه.
بعد وقت كانا قد فرغا من طعامهم فقامت بلملمة بقايا الطعام وغسل الأواني ثم قامت بإعداد كوبين من الشاي واحضرتهم لغرفة المعيشة حيث كان يجلس قبالة التلفاز يتابع إحدي قنوات التلفزيون بشرود.
جلست إلي جواره ثم مدت له الكوب قائلة :-
الشاي يا عامر. (بقلم زكية محمد )
إبتسم لها هاتفا بحنو:- تسلمي يا خيتي.
تناوله منها وأخذ يرتشف منه وهو مسلط نظره علي شاشة التلفاز وعقله يعمل بمكان آخر وهو يفكر في خطواته التالية وما سيفعله وكيف سيواجه عمه وخوفه علي شقيقته. عليه أن يتريث ويتصرف بحذر تلك الأيام التالية حتي يشد عضده وعندها يستطيع مواجهة عمه وابن عمه.
لم يشعر بأن الوقت مر وهو يفكر في تلك المعضلة فعاد للواقع ونظر إلي جواره فوجد شقيقته تغفو علي الأريكة فنهض وأغلق التلفاز ثم إنحني وحملها ثم توجه بها لغرفتها ووضعها برفق ثم سحب عليها الغطاء ومال مقبلا جبينها مطولا ثم أخذ يمسد علي شعرها قائلا بخفوت:- ربنا يقدرني وأحميكي لآخر نفس فيني.
قال ذلك ثم ترك الغرفة بهدوء وتوجه لغرفته وألقي بجسده علي الفراش ثم أغلق عينيه بإرهاق وسرعان ما غطي في سبات عميق.
في محافظة قنا وفي إحدي القري بمركز قوص حيث المساحات الواسعة من الأراضي الزراعية والمنازل الريفية و في إحدي المنازل الكبيرة في صحن المنزل الكبير صرخ بعنف :- يعني إيه يا ابوي هتكون راحت وين بت الفرطوس هي وخيها؟
هتف بأعين مليئة بالغضب:- مخابرش غارت وين يا عبد العزيز بوظت كل حاجة علينا قطعها وقطعة سيرتها.
صاح بغضب شديد :- لاه يا ابوي هدور عليها
وهجرجرها من شعرها لحد إهنة بت الكلب خلت اللي يسوي وميسواش يتحدت علينا بالحديت الماسخ.
هتف بضيق :- اللي نجروا عاد دلوك هنقعد نولول كيف الحريم.
هتف بغضب :- والأرض يا بوي دول 20 فدان عاوزهم يلهفوهم بلوشي إكدة . يا مين يلايمني عليها وانا أحش وسطها بالمنجل هي وخيها بت ال***** بت الخوجاية الف***
هتف راضي بضيق :- عندك حق يا ولدي هنستنوا إيه من واحدة أمها خوجاية. نعمل إيه لعمك خلصت بنات مصر كلياتهم رايح يجيبلنا واحدة تقاليع برة.
هتف بغضب :- والعمل إيه دلوك والراجل اللي اتفقنا معاه على البيع هنقوله إيه عاد؟
هتف بغضب مكتوم:- هنستني هبابة ونشيع رجالتنا يندلوا علي مصر ويقلبوها لحد ما يلقوهم.
هتف بغل :- ماشي يا ابوي ولو ملقوهمشي هندلا بنفسي واجيبها واقتلها قبل ما تجبلنا العار.
هتف بغضب مكتوم :- معلوم يا ولدي معلوم. هملنا من سيرتهم دلوك وخلينا في مصالحنا شيعت للواد عوض يجيب الجرارات ويحرت الأرض علشان نزرع
القمحيات.
هتف بضيق :- أيوة يا ابوي شيعتله.
هتف بغلظة وهو يعدل من غطاء رأسه ويلتقط عصاه الأبنوسية:- طيب هم بينا نشوف الرجالة في الأرض حدانا .
هز رأسه بخفوت وسار خلف والده متجهين نحو الأرض الزراعية خاصتهم.
علي الجانب الآخر في غرفة مجاورة تحدثت بحزن :- ربنا يلطفها معاها هي وخيها ويسترها عليهم ربنا نجاها من بطش عمها قادر يكملها معاهم علي خير . دا أبوها ملحقش في تربته.
أردفت بحزن هي الأخري :- إن شاء الله يا عمة هي زينة وطيبة ربنا هيدحرها من كل شر. قلبي عليكي يا خيتى إنتي واخوكي.
هتفت بحزن:- قومي قومي شوفي عيالك ويناتهم وفطريهم.
هتفت بأدب :- حاضر يا عمة.
قالت ذلك ثم خرجت لتري أطفالها اللذان يركضان في الشارع مع بقية الأطفال.
بينما هتفت الحاجة صابحة بحزن:- والله الزمان جار عليهم يا محمود من وقت موتك وخيك مرحمهمش . ربنا يسترها معاهم.
*****************
في إحدي القطارات المتوجهة الي الوجه البحري كانت تجلس إلي جوار أخيها وتستند علي زراعه تستمد الأمان منه وهي تذرف دموعها بصمت ، بينما كان أخيها يطوقها بذراعيه وكأنها ابنته فعلي الرغم من إنه يصغرها بعام إلا إنه يشعر إنها شقيقته الصغري.
أراح برأسه للخلف علي المقعد وراح يفكر فيما حدث منذ ساعات في الصباح عندما كان يسير بحزن علي والده الحبيب الذي توفاه الله منذ ثلاثة أشهر ولحق بزوجته التي توفت اثر مرض السرطان منذ أعوام حيث شعر بأنه كبر أعوام فوق عمره .جلس تحت شجرة وأخذ يتطلع أمامه لتلك الخضرة بحزن لعلها تنسيه القليل إنه علي مشارف التخرج فينقصه ثلاثة أشهر ويصبح مهندسا محققا أمنية والده .
إلتمعت الدموع بعينيه وهو يفكر كيف سيتمكن من مواجهة عمه ذلك الطامع في نصيبهم من الأرض منذ حياة والده فماذا سيفعل بعد أن توفي.
خشي علي شقيقته من أن يتم تزويجها لابن عمه المتزوج فلا يهم ذلك بالنسبة إليهم فكل ما يهمهم هو الأرض والمال.
زمجر بغضب وهز رأسه بلا لن يسمح لهم بأن يقتربوا منها ويؤذوها . خرج من شروده علي حينما شعر بجلوس شخص آخر إلي جواره
مسح دموعه بسرعة حتي لا يراه فالرجل الصعيدي لا يبكي وإن كانت الهموم تفوق الجبال وكأنه خالي من المشاعر ومتحجر القلب.
ربت الحج راشد علي كتفه قائلا :- شد حيلك يا عامر المرحوم قطع بينا كلياتنا راعي لخيتك ونفسك يا ولدي.
هتف بخفوت :- إن شاء الله يا أبا الحج.
نظر يمينا ويسارا ثم هتف بحذر:- شوف يا ولدي انا جيتلك عشان في كلمتين في رقبتي وصاني بيهم المرحوم أخبرهملك قبل ما ربنا يفتكره.
هتف بتعجب:- خير يا حج راشد خش في الموضوع طوالي.
هتف بهدوء :- شوف يا ولدي محمود كأنوا كان خابر زين اللي هيجرا عشان إكدة إتحدت وياي(بقلم زكية محمد )
وضع يده في جيب جلبابه الصعيدي ثم أخرج بعض الأوراق المطوية ثم هتف وهو يفرد إحداها ويمدها له :- دة عقد ملك الأرض الزراعية بتاعة أبوك كتبها باسمك إنت وخيتك.
ثم فرد ورقة أخري قائلا :- ودي شقة في أحسنها مكان فيكي يا بندر عشان تقعدوا فيها بعيد عن عمك وشره.
ثم مد له أخيرا ببطاقة إئتمان قائلا :- ودي فيزا تقدر تسحب بيها فلوس زي ما إنت رايد دي فلوس أبوك وحقك.
هتف بدهشة وهو يتطلع لتلك الأوراق :- إنت عاوزني أهمل داري يا أبا الحج!
تنهد بثقل قائلا :- لو خايف علي نفسك وخيتك هملها يا ولدي عمك ناويلكم علي نية عفشة أبوك سمع عمك وولده بيتفقوا علي قتلك ويقوموا يتجوز عبد العزيز سماء وياخدوا اللي حيلتكم كان نفسه ينقذكم بس ربنا أخد أمانته.
هتف بصدمة :- كيف دة؟ وه وه بقي عمي نيته سودة إكدة وانا مخبرش.
هتف بحزن :- أيوة يا ولدي عمك شيطان ومحدش يعرفه ربنا يهديه لحاله. وصية أبوك إن تاخد بالك من حالك ومن خيتك إنت سندها دلوك بعد ربنا .
هتف بغضب:- ليه أنا مش راجل إياك معرفش أحمي نفسي وخيتي زين.
هتف بروية:-لاه راجل وسيد الرجالة بس زي ما قلتلك قبل سابق خاف علي خيتك ولا إنت ترضالها بالبهدلة.
هتف بنفي:- لاه يا حج راشد خيتى دي أغلي حاجة عندي من روحي ومرضاش العفش ليها واصل.
هتف بهدوء:- يبقي تنفذ اللي قلتلك عليه يلا قوم مفيش وقت لازمن تمشوا دلوك قبل ما الفاس توقع في الراس ونقول يا ريت اللي جرا ما كان.
تنهد بحزن قائلا :- حاضر يا حج بس خليك خابر زين إن الوضع دة مش هيطول بس اتخرج وأوقف علي رجلي وساعتها لا هيهمني عمي ولا حتي ولده.
هتف بإرتياح :- عين العقل يا ولدي بس يلا هم قوم علشان تلحقوا القطر.
نهض ودس الأوراق في جيب جلبابه ثم إنطلق مسرعا نحو منزلهم.
كانت تجلس في إحدي أركان المنزل منزوية والحزن مسيطر عليها ودموعها فقط من تتحدث منذ ثلاثة أشهر وهي علي تلك الحالة . تقدم منها هاتفا بهدوء وحنان :- سماء تعالي عاوز أتحدت وياكي.
هتفت بصوت متحشرج :- قول يا عامر سامعاك.
نظر يمينا ويسارا قائلا بصوت منخفض:- لاه تعالي اوضتك نتحدتوا علي راحتنا.
هتفت بقلق :- في إيه يا عامر متوغوشنيش عاد.
هتف بخفوت:- تعالي بس مفيش وقت.
قال ذلك ثم سحبها خلفه برفق حتي دلفا غرفتها بعد أن تأكد من أن لا يوجد من يراقبهما.
هتفت بخوف :- في إيه يا عامر ضرعتني ؟
هتف بحذر:- سماء لمي خلقاتك بسرعة من غير ما حد يحس بيكي ولما تاجي القيلة نبقوا نمشوا من غير ما يحسوا بينا. .
هتفت بتعجب :- نمشي ونهمل أبوي وأمي و دارنا يا عامر !
هتف بحزم :- بقولك إيه مفيش وقت إحنا في خطر عمك الحج راشد خبرني إن عمك ناويلنا علي الشر.
شهقت بخوف قائلة :- يا مري يا مري حديت إيه دة يا ولد أبوي؟
هتف بحذر:- زي ما سمعتي يا بت ابوي ولا تستني لما يجوزوكي لعبد العزيز ويطخوني عيارين وينفذوا ملعوبهم.
إحتضنت أخيها بخوف قائلة :- لاه لاه متقولش الحديت الماسخ دا تاني أنا مليش حد غيرك دلوك بعد ربنا.
ربت علي ظهرها بحنان قائلا :- يبقي تنفذي اللي قولتلك عليه.
إبتعدت عنه هاتفة بحذر:- طيب. ..وأما صابحة وغالية يا عامر هتوحشهم قوي.
هتف بروية :- هبقي أتصرف يا سماء بس يلا شهلي الله يرضي عنيكي ومتخليش حد يشك في حاجة.
هزت رأسها بموافقة وهي تقول:- حاضر يا عامر.
إبتسم بخفوت قائلا :- يحضرلك الخير يا خيتى أنا هروح كمان أجهز حالي.
وبالفعل قاموا بتجهيز ما يحتاجونه للذهاب وإنتظر فترة الظهيرة حيث يمكث الجميع في منازلهم تجنبا للشمس الحارقة والحرارة الشديدة. خرجا الإثنين بخطي حذرة حتي نجحا في الهروب دون أن يراهم عمهم أو أحدا من رجاله وأوقف عامر أقرب وسيلة مواصلات وصعدا بها وإلي جواره شقيقته وبعد وقت كانا في المركز نفسه عند محطة القطار ثم قفذا في القطر الآتي من الأقصر سريعا وما لبث أن إنطلق بهم إلي وجهتهم.
وبعد دقائق إنتشر خبر ذهابهم من البلدة ووصلت الأخبار لعمهم وولده مما زاد غضبهم وحقدهم عليهم.
عاد من شروده متنهدا بعمق ثم نظر لشقيقته التي غفت فهذه عادتها تحب أن تنام كثيرا.
أسند رأسها علي صدره كي تنام براحة ثم أغلق جفنيه في محاولة منه للهروب من ذلك الواقع المرير.
*****************
حل الليل سريعا معلنا وصولهم إلى القاهرة. أيقظ شقيقته برفق التي نهضت وتطلعت حولها قائلة :- وصلنا إياك؟
هتف بمرح وهو يربت علي رأسها :- اه وصلنا وانتي نايمة كيف الكسلان.
هتفت بتذمر :- بتشبهني بالحيوان يا عامر.
هتف بضحك :- لاه أنا قلت إكدة ميتة انا قلت كسلان مش حيوان.
هتفت بتذمر:- دا علي أساس ان الكسلان دة مش حيوان يعني بني آدم ؟
هتف بمراوغة:- لاه دة حاجة حلوة زيك بالظبط.
هتفت بضيق :- كل بعقلي حلاوة كل . انا خيتك الكبيرة يعني متضايقنيش واصل.
هتف بعبث :- كبيرة مين لا مؤاخذة يا شبر ونص مكنتش سنة دي اللي هتعايريني بيها .
يلا همي علشان نلحق نوصل.
هزت رأسها بخفوت ثم حمل الحقائب ونزل من القطار وتبعته هي بخطوات هادئة.
هتفت بصياح كي يصل صوتها لشقيقها في وسط هذا الزحام :- هنروح وين دلوك يا عامر؟
أجابها بنفس الحدة:- هنروح الشقة اللي أبوي أشتراها لينا.
هتفت بخفوت :- ربنا يرحمه.
ثم أكملت بتذمر:- بس أما صابحة اتوحشتها ومتعودة أنام في باطها كل عشية. .هجيبها منين دلوك؟
سمعها عامر فهتف بمرح:- هجبهالك في التلغراف ولا تزعلي. بكفياكي حديت صدعتيني.
هتفت بحزن وحساسية:-حاضر يا عامر مش هتحدت وياك يا أخوي .
زفر بغيظ من حساسيتها المفرطة تلك تجاه الأمور وما إن سقط بصره علي نقطة ما أتته فكرة فإبتسم قائلا :- بت يا سماء إيه أكتر حاجة بتحبيها؟
هتفت بضيق :- مخبراش.
أردف بضحك :- يا بت مقصدش خلاص صدعي اللي جبوني ولا يهمك. بصي إهنكة إكدة.
نظرت لما يرمي إليه وسرعان ما إتسعت عيناها بفرح ثم لعقت شفتيها بتلذذ قائلة بتوسل وهي تسحبه من كم قميصه وكأنها طفلة صغيرة :- هاتلي مشبك يا عامر عاوزة مشبك كتير قوي قوي.
هتف بضحك :- طيب طيب يا مجنونة هجبلك.
قال ذلك ثم توجه للبائع وإبتاع كمية ليست بقليلة وغادرا وهي تحكم بقبضتها علي الكيس وكأن أحدا ما سيقوم بإنتزاعه منها.
أشار بيده لأحد من سائقي سيارات الأجرة فتوقفت واحدة وصعدا بها وأعطاه العنوان فإنطلق السائق بهما إلي وجهتهما.
بعد فترة توقف بهما في إحدي أحياء القاهرة المتحضرة فترجلا منها فتوجه عامر للبواب وهتف بهدوء :- السلام عليكم يا حج انا جاي من طرف الحج محمود الله يرحمه.
هتف بتذكر:- أيوة أيوة افتكرت الحج نعمان كلمني وفطمني علي كل حاجة خد مفتاح الشقة مترتبة ونضيفة زي البرلانت .
هتف بإبتسامة بسيطة :- تشكر يا حج .
تناول منه المفاتيح ثم صعدا للأعلي للشقة الخاصة بهم فدلفا سويا وضغط عامر علي زر الإضاءة وراحا يتأملانها بإنبهار فهتفت سماء بسعادة:-
الله شقة حلوة قوي يا عامر شرحة ويرمح فيها الخيل .(بقلم زكية محمد )
هتف بتأييد:- أيوة بسم الله ما شاء الله. ربنا يجعلها عامرة.
هتفت بمشاغبة:- عامرة وعامر هيعملوا قفلة يا أخوي.
هتف بغيظ:- ظريفة قوي يا بت. همي يلا رصي الخلقات جوة.
هتفت بتذمر:- بس ودي إنت الشنط جوة علشان تقيلة.
حملها بسهولة قائلا :- عارفك خرعة يا قزعة وميجيش منك.
هتفت بتذمر:- وانت طويل كيف العمود .
هتف بضحك:- ماشي عمود عمود بس يلا علشان اروح نجبلنا لقمة ناكلها.
أومأت له بهدوء ثم وضع الحقائب بالداخل ثم هتف بتحذير :- أنا نازل دلوك أوعاكي تفتحي الباب لحد لو خبط.
هتفت بموافقة :- ماشي يا أخوي.
توجه للخارج ثم توجهت هي لوضع الملابس
بعد لحظات عاد وابتاع العديد من الأشياء حيث فتح الباب قائلا بصياح :- بت يا سماء إنتي يا بت.
أتت هي من الداخل وصاحت بمجرد ان رأته :- وه وه هات عنيك يا أخوي تعبت نفسك ليه بس .
هتف بضحك:- يا مخبولة هو إحنا هنقعد يومين ونمشي . شيلي يا خيتي شيلي بس أوعي تتكعبلي إنتي وماشية .
هتفت بغيظ وهي تحمل بعضا من الأكياس من الأرض وتدلف بها ناحية المطبخ :-
مش هرد عليك انا هسيب القانون ياخد مجراه.
هتف بتعجب وهو يحمل بقية الأكياس :- قصدك إيه بحديتك دة؟ اااه. ...
وما لبث أن تعثر في عصا المكنسة التي وضعتها بتعمد له مسبقا . أتت هي من المطبخ وهي تضحك بصوت عال هاتفة:-
اهة هو ديتي قصدي يا ولد أبوي .
هتف بغيظ:- ماشي يا سماء الكلب أدبا ليكي هتجهزي العشا لحالك وخدي الكياس دي بردو دخليها إنتي وكلمة زيادة وهعبطك وانتي عرفاني زين.
هتفت بإبتسامة بلهاء:- حاضر يا أخوي إنت تؤمر بص ادخل اوضتك ريحلك هبابة علي ما أجهزلك العشا.
هتف بإنتصار:- ماشي أنا هدخل أريح شوية والوكل يجهز في نص ساعة.
هتفت من تحت اسنانها:- حاضر يا عامر إنت تؤمر.
كتم ضحكه عليها ثم دلف للداخل وهو يدندن بخفوت لإغاظتها بينما هي أطلقت صرخة مكتومة عقب دلوفه لغرفته ثم أخذت باقي المشتريات ودلفت بها للمطبخ وبدأت تعد وجبة العشاء.
*****************
في الصعيد دلفت غالية وهتفت بخفوت وحزن علي غياب سماء:- الوكل جاهز يا عبد العزيز.
هتف بحدة :- ماعوزش أطفح وغوري من وشي الساعة دي.
هتفت بغيظ وغيرة منها علي الرغم من محبتها لها:- ليه حزنان علي فراقها!
تطلع لها بغضب قائلا :- غالية لمي الدور وخلي ليلتك تعدي علي خير.
هتفت بغضب وقد فاض بها الكيل :- لاه مسكتاشي يا عبد العزيز لحد ميتي هسكت ها؟ فاكرني مخبراش باللي بيجري! لاه أنا خابرة زين إنك حاطط عينك علي بت عمك من زمان بس كنت بقول مشي يا بت يمكن بيتهيألك لكن لاه إنت كيف المجنون لما مشت مش عشان زي ما إنت بتحكي لاه علشان قلبك عاشقها مش إكدة.
هتف بدهشة وغضب :- وه وه إنتي هتحققي معاي ياك غوري من خلقتي وملكيش صالح أنا راجل واعمل اللي انا عاوزه.
هتفت بوجع :- صح إنت الراجل وتعمل اللي رايده. طلقني يا عبد العزيز طلقني من سكات انا مش هعيش مع واحد قلبه مع غيري.
قالت ذلك ثم إنصرفت بسرعة بينما جلس هو علي الفراش هاتفا بسخرية :- قال بعشقها قال طب انا لو أطول كنت قتلتها إمبارح قبل بكرة بت الخوجاية دي ولو إنه مبينش عليها ( وهنعرف دة ليه بعدين) . بس هلاقيكم وهاخد الأرض ومش هتنازل.
قالها ثم نهض بغضب ثم توجه للمرحاض ليغتسل.
نزلت بوجه حزين قائلة :- معاوزش ياكل يا عمة.
هتفت بتعجب :- ومالك ضاربة بوزك قدامك مترين ليه؟
هتفت بحزن:- مفيشي حاجة.
هتفت بدهشة:- من ميتي وانتي بتدسي عني يا غالية. تعالي يا بتي إقعدي إهنة جاري وقوليلي مالك عاد!
وكأنها اعطتها الضوء الأخضر إذ ألقت بنفسها بين زراعيها وأخذت تبكي . ربتت علي ظهرها قائلة بهدوء:- ولدك راكبوا جن من وقت ما سماء هملت الدار هي وخيها.
أردفت بتعجب :- راكبه جن كيف يعني؟
أردفت بضيق :- وه يا عمة يعني مخبراش. ولدك بياكل في حاله فوق مش قادر علي فراقها.
هتفت بدهشة :- حديت إيه دة يا به! لاه إنتي لاسعة منك النهاردة.
نظرت لها بصدمة قائلة :- وه يا عمة بقي دى اخرتها يعني بشكيلك همي وانتي بتتمقلتي علي!
هتفت بروية :- مفيش أيوتها حاجة من الحديت ديتي متخربيش بيتك بيدك. هو بس متعكنن عشان هجت هي وخيها ومعرفوش يطولوا الأرض اللي حداهم لا اكتر ولا أقل.
هتفت بتذمر:- يا سلام! عيلة صغيرة هتضحكي علي يا عمة.
هزت رأسها بنفي وهتفت:- لاه مهضحكش عليكي عبد العزيز معمي بحقد أبوه اللي رباه عليه أدعيله ربنا ينور بصيرته .
هتفت بتمني :- يعني مهيحبهاش واصل.
أردفت بهدوء:- لاه يا بتي مهيحبهاش قومي كلي وعشي عيالك قبل ما ينعسوا.
مسحت دموعها بهدوء وهتفت :- حاضر يا عمة. (بقلم زكية محمد )
قالت ذلك ثم غادرت لتطعم أطفالها بينما تنهدت هي بحزن قائلة :- ربنا يهديك يا ولدي.
************************
بمنزل الحاج راشد كان يجلس بهدوء وهو يرتشف كوبا من الشاي.
أتت زوجته علية وجلست إلي جواره قائلة بهدوء:- ها يا حج عملت إيه؟
هتف بخفوت :- وطي حسك يا علية أنا معوزش النملة تاخد علم باللي عملته.
هتفت بصوت خافت :- طيب أها وطيت حسي طمني عملت إيه؟
أردف بخفوت وحذر :- عملت كل اللي قالي عليه المرحوم بالحرف الواحد.
هتفت بإشفاق :- يا نضري إتغربوا لحالهم مين هياخد باله منيهم دلوك؟ طيب وهيعملوا إيه يا حج دول لو عتروا فيهم مهيسموش عليهم.
أردف بحيرة:- والله ما أنا خابر يا علية دول لازمن يكون وراهم يد طايلة يتسندوا عليها عشان يعرفوا يوقفوا في وش عمهم.
هتفت برجاء:- ربنا معاهم ويحرصهم من كل شر يا رب.
هتف بأمل :- إن شاء الله يا علية. أومال وين العيال؟
هتفت بهدوء:- اللي بيذاكر واللي بيتفرج علي التلفزيون واللي برة.
هتف بهدوء :- طيب أنا طالع برة هقعد مع الرجالة هبابة.
هزت رأسها بموافقة بينما هو خرج لوجهته.
********************
يجلس علي طاولة الطعام يتناول طعامه وعلي وجهه إبتسامة ماكرة وهو يتابع تلك التي تتناول طعامها بغيظ.
هتف ببراءة:- مالك يا خيتي ضاربة بوز ليه؟
نظرت له قائلة بغضب مكبوت:- مليش يا عامر.
ضحك بخفوت قائلا :- عشان بس تحرمي وتبطلي مقالبك دي.
ضيقت عينيها هاتفة بوعيد :- ماشي يا عامر والله لاوريك
ضحك قائلا بعبث :- متقوليش حديت إنتي مش قده.
أردفت بوعيد:- هتشوف يا عامر هتشوف.
أومأ رأسه هاتفا بمرح :- وأنا مستنيكي يلا كلي قوام قبل الوكل يبرد.
هتفت بتساؤل :- عامر هنعمل ايه دلوك؟ يعني كيف هنعيش إهنة وندبروا حالنا.
هتف بهدوء:- متقلقيش إنتي انا هدورلي علي شغلانة إكدة لحد ما يجي الترم التاني واخلصه وبعد إكدة هفتح مشروعي اللي نفسي فيه.
هتفت بحماس:- واه هتفتح مصنع العربيات ربنا معاك يا أخوي. طيب مقولتش كيف هتروح الجامعة إهنة وورقك في قنا !
هتف بروية:- عمي راشد هينقلي الورق وهيعمل كل حاجة عشان منبانش في الصورة.
أردفت بحزن:- وهنفضلوا هربانين لحد ميتي يا عامر؟
تنهد بثقل قائلا :- لحد ما ربنا يأذن يا خيتي.
أدمعت عينيها خوفا علي شقيقها قائلة :- عامر انا خايفة عليك قوي لأحسن عمي ولا عبد العزيز يعملولك حاجة.
مسح عبراتها قائلا :- متخافيش يا سماء المكتوب علي الجبين لازمن تشوفه العين يا بت ابوي.
قال ذلك ثم بدأ يتناول طعامه بهدوء وهي شاردة خوفا من المستقبل ومن عمها ومطامعه.
بعد وقت كانا قد فرغا من طعامهم فقامت بلملمة بقايا الطعام وغسل الأواني ثم قامت بإعداد كوبين من الشاي واحضرتهم لغرفة المعيشة حيث كان يجلس قبالة التلفاز يتابع إحدي قنوات التلفزيون بشرود.
جلست إلي جواره ثم مدت له الكوب قائلة :-
الشاي يا عامر. (بقلم زكية محمد )
إبتسم لها هاتفا بحنو:- تسلمي يا خيتي.
تناوله منها وأخذ يرتشف منه وهو مسلط نظره علي شاشة التلفاز وعقله يعمل بمكان آخر وهو يفكر في خطواته التالية وما سيفعله وكيف سيواجه عمه وخوفه علي شقيقته. عليه أن يتريث ويتصرف بحذر تلك الأيام التالية حتي يشد عضده وعندها يستطيع مواجهة عمه وابن عمه.
لم يشعر بأن الوقت مر وهو يفكر في تلك المعضلة فعاد للواقع ونظر إلي جواره فوجد شقيقته تغفو علي الأريكة فنهض وأغلق التلفاز ثم إنحني وحملها ثم توجه بها لغرفتها ووضعها برفق ثم سحب عليها الغطاء ومال مقبلا جبينها مطولا ثم أخذ يمسد علي شعرها قائلا بخفوت:- ربنا يقدرني وأحميكي لآخر نفس فيني.
قال ذلك ثم ترك الغرفة بهدوء وتوجه لغرفته وألقي بجسده علي الفراش ثم أغلق عينيه بإرهاق وسرعان ما غطي في سبات عميق.
الاكثر قراءة هذا الشهر :
موعد الحلقة الجديدة الساعة 6 م يوميا ان شاء الله .
هنا تنتهى احداث رواية وسطا العشق الفصل الاول ، يمكنكم قراءة احداث رواية وسطا العشق الفصل الثاني أوقراءة المزيد من الروايات المكتملة فى قسم روايات كاملة .
نأمل أن تكونوا قد استمتعتم بـ رواية ما بعد الجحيم 3 ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .