نقدم اليوم احداث رواية نسل الفراعنة البارت الاول من روايات إيمي . والتى تندرج تحت تصنيف روايات رومانسية ، تعد الرواية واحدة من اجمل الروايات رومانسية والتى نالت اعجاب القراء على الموقع ، لـ قراءة احداث رواية اسيرة العادات والتقاليد كاملة بقلم مريم نصار من خلال اللينك السابق ، أو تنزيل رواية جريمة عشق 4 pdf كاملة من خلال موقعنا .
رواية نسل الفراعنة الفصل الاول
الف مبروك يا عروسه بكره ان شاء الله هنعدي عليكي الساعه واحده ظهرا لتسافري معانا
انا : الله يبارك فيك يا عمي ان شاء الله هكون جاهزه في الميعاد
الكل : الف مبروك يا عروسه
أخو العريس : مبروك مرات أخي ان شاء الله هنعدي عليكي بكره
والكل مشي وجيت اطلع اوضتي لقيت بابا بيقولي : نور استنى عاوزك
أنا اسمي نور عندي ٢٣ سنه مطلقه بعد جواز شهور من واحد جارنا ملحقتش افرح بجوازي بعد اللي كان بيحصل منهم من اول اسبوع ضرب واهانه علشان يراضي أمه وأخواته البنات وانا استحملت كتير علشان ينجح الزواج لكن لما تعبت أطلقت
اهلي ناس مرتاحين ماديا والدي محاسب وعنده شركة استيراد وتصدير ومامتي مدرسه وانا أكبر واحده في اخواتي البنات
ليا اختين في التعليم لسه أصغر مني
بابا : يا نور فكري تاني بخصوص جوازك انتي لسه في ايدك تتراجعي وانا هدعمك انا مكنتش راضي بالجوازه دي بس انتي اللي صممتي عليها احنا الحمد لله مش محتاجين فلوس ولا نقصنا حاجه
انا : انا فكرت كويس يابابا انا محتاجه اسيب البلد دي مش طايقه اقعد هنا وهما جمبنا وكلام في الراحه والجايه وتلقيح كلام مبقتش مستحمله
حتى الجيران أمه مفهماهم اني وحشه وانا لبست النقاب علشان محدش يعرفني ولا يشوفني وبعدين انت كنت مقتنع اوي بيه لكن النتيجه كان اسوء شخص شفته في حياتي
آخر قرار عندي يابابا هسافر بكره مع حمايا وأخو جوزي الجديد
بابا : انتي مستوعبه انك هتسيبينا وتسافري لواحد عمرك ما شفتيه ولا تعرفيه ازاي
نور : اكيد مش هيكون اسوء من طليقي انا داخله انام تصبحوا على خير.
ماما : تلاقي الخير يا بنتي ربنا يهديلك الحال ويكون عند حسن ظنك ويكون عوض ربنا ليكي
(تاني يوم)
الباب خبط وبابا فتح الباب لقى حمايا وأخو العريس بابا دخلهم ورحب بيهم
بابا : نور....... تعالي
خرجت سلمت عليهم
حمايا : شو جاهزه عروستنا
نور : ايوه جاهزه
بابا : نور امانه في رقبتك لما يحصل حاجه انت اللي مسئول قدامي
حمايا : نور بعينينا ما تخاف عليها اذا في شئ برجعها بإيدي مصر
بابا : مع السلامه وطمنوني اول ما توصلوا
وودعت اهلي ومشينا ووصلنا المطار ركبنا الطياره ووصلنا لبلد حمايا
اول ما وصلنا لقيت حمايا بيكلم العريس في التليفون بيقوله : تعالي خدنا من المطار لاني جايب إلك مفاجأه كبيره
خلصنا اوراقنا وخرجنا لقيت العريس واقف بره
طويل وقمحي ولابس لبسهم التقليدي ولأنه توأم اخوه اللي كان معانا في مصر عرفته من اول نظره
سلم على اخوه وابوه
وقاله : شو هي المفاجأه
رد والده وقال : نور تعالي فتقدمت
وقاله : هي هي المفاجأه عروستك
ضحك ضحكه كبيره
العريس : شو عروستي تقصد عروستوا لأخي
حمايا :لا عروستك لإلك
العريس :كيف يعني
حمايا : زوجتك ياها من مصر وجبتها
العريس : كيف يعني
حمايا : انا معي توكيل منك وانا زوجتك ياها وجبتها معانا من مصر
العريس : كيف يعني تزوجني لهي بدون موافقتي ما بتقعد على ذمتي يوم واحد وراح اطلقها وترجع بنفس الطائره اللي إجت بيها
حمايا : ما بتقدر تطلقها
العريس باستغراب : ليش بقى
حمايا : موجود بعقد الزواج شرط انها ما بتطلق الا بإمضاي
الاكثر قراءة هذا الشهر :
موعد الحلقة الجديدة الساعة 10 م يوميا ان شاء الله .
هنا تنتهى احداث رواية نسل الفراعنة البارت الاول ، يمكنكم اكمال باقى احداث رواية نسل الفراعنة البارت الثاني أوقراءة المزيد من الروايات المكتملة فى قسم روايات كاملة .
نأمل أن تكونوا قد استمتعتم بـ رواية رواية نسل الفراعنة ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على المدونة .