نقدم اليوم احداث رواية جريمة عشق الجزء الثانى الحلقة 19 من روايات مريم نصار . والتى تندرج تحت تصنيف روايات رومانسية ، والتى نالت اعجاباً شديداً بين القراء سواء واتباد أو فيس بوك . نرحب بكم فى موقع مجنونة عشاق روايات موقعنا ، هنا سوف تجد كل رواياتك : روايات رومانسية ، روايات رومانسية مصرية ، قصص عشق ، قصص قصيرة ، قصص حب ، روايات pdf ، روايات واتباد ، قصص رعب ، روايات رومانسية كوميدية .
جريمة عشق 2 الحلقة 19
تعد رواية جريمه عشق واحدة من اجمل روايات رومانسية والتى نالت شهرة كبيرة على صفحتنا على الفيس بوك وعلى الموقع وهى من روايات مريم نصار ، نتمنى لكم قراءة ممتعة ، كما يمكنكم تنزيل رواية جريمة عشق pdf كاملة من خلال موقعنا .
يمكنكم قراءة احداث رواية جريمة عشق كاملة بقلم مريم نصار من خلال موقعكم مجنونة رواية من خلال اللينك السابق ....
روايه جريمة عشق الجزء الثانى الفصل التاسع عشر
الحلقه ١٩
رواية جريمة عشق٢
(عشقتها منذ نعومة أظافرها)
بسم الله نبدأ
'' عدي كده اسبوع على ابطالنا الحلوين "
مصطفى : وعيلته .راحوا ل حسام واتفقوا على كتب الكتاب .. ويوسف كتب كتابه على مريم .. وكان يوم مميز بالنسبه ل يوسف .. وهدى فرحت جدا وكانت دموعها بتنزل من الفرحه .. وكمان حسام ومريم عيطت كتير لانها كان نفسها اخوها يبقى موجود معاها . ولكن يوسف ما سبهاش غير لما ابتسمت . واخدها و فسحها .. وكل يوم يخرجها قبل رمضان وحاول يعوضها عن كل حاجه ...والعيله كلها فرحانين ل يوسف ومريم
__________
- اما مليكه مخنوقه . لأن ملك . بتحاول تقرب منها. وتقنعها انها تصلي .. وان شهر رمضان .. جاي عليها وانها ما ينفعش تصوم وهي مش بتصلي .وكمان لبسها مخالف للصيام .. وكلمتها كتير عن الحجاب . ولكن مليكه عنيده جدا .. وبتقول ل ملك . حاضر ونعم وماشي .. وما بتعملش غير اللي في دماغها .. هي شايفه انها صح .. وان العيله كلها ضدها . لانهم دايما بينصحوها . وهي شايفاه انتقاد ..
-وكمان . جاسر . بيحاول يقرب من ماليكه .لكن طبعها ما بتغيروش ..
__________
- اما مالك .. كان هيموت .. لما ساره اغمي عليها وشالها . واخدها بسرعه على فيلتهم . و فوقوها .. وفاقت وهي في فيلا الصاوي لاول مره .. وكمان لما شافت خوف ملك عليها .. وانها عمرها ماشافت الخوف ده من سوزي امها ..
-وملك قربت منها وحضنتها .. واهتمت بيها وصممت انها تقعد معاهم للعشا .. وجاسر كمان اطمن عليها وشافت خوف جاسر . وملك .
-ومالك . اللي كان هيتجنن عليها . وكان عايز يجيبلها دكتور في البيت .. وبعدها ساره نزلت وشافت الفيلا هاديه وجميله .. وكمان صور قرآنيه متعلقه على حيطان الفيلا .. وهي في شقتهم مافيش .. غير صوره واحده بس في اوضتها . وهى اللي جايباها . وكمان سمعت صوت قرآن . جاي من اوضه ملك .. وانها عمرها ما شافت سوزي مشغله قرآن أبدا ..
- وملك جابت ل ساره اسدال صلاه .. علشان تصلي معاها المغرب .. وشافت . انها مفتقده جو العيله ..
- وحاول تفكر بهدوء . وتشوف هتعمل ايه .؟ ويا ترى تكلم سوزي وتسالها.!! وتقولها على اللي ما لك قالوا .!؟ والحقيقه ايه بالظبط .!؟ ولا تعمل ايه.؟
وبعد ماتعشت معاهم . شافت أنهم كانو مبسوطين بيها اوى . وشافت الحب الكبير بين جاسر . وملك . - اخيرا مالك وصلها . وشرح ل سوزان . ان ساره اغمي عليها .. وكانت تعبانه جدا . وسابهم و استاذن ومشي ..
- ساره : شافت سوزي . ما قلقتش عليها ولا حاجه .. وكمان ابتسام ..ومحدش سألها . ايه الل حصل معاكى . ولا ايه الل تعبك ... اهم حاجه عندهم سألوها . عملتي ايه مع جاسر . اغرتيه ولا لأ ..
-وقررت ما تقولش ليهم حاجه .. وانها مسيرها تعرف الحقيقه .. وطول الاسبوع ده قاعده تفكر. كتير ..ومش عارفه توصل لقرار ظ لكن كل اللي هي عارفاه انها حبت مالك وجدا كمان ..
_______
- اما رودي . اخدت .. رقم فارس من رينو .. وكل شويه تبعت ايموشنات .. على الواتساب .. وايموشنات . تضحك .. وقالتله يا فارس انا رودي .. وفارس ضحك على جنونها .. وكل يوم تبعتله ايموشن . وبوست ضحك .. الصبح وقبل ماتنام ..
. وفارس اتعود على كده .. واول مايصحى من النوم . يمسك فونه .. علشان يشوف المجنونه رودي بعتت ايه .. و قبل ما ينام كمان .. وكانت كل كلامها بيضحك فارس .. وتصرفاتها كانت غريبه جدا .. لكن فارس مش عارف ليه . هو بيعتبرها طفله صغيره .. لكن محيره عقله وتفكيره ..
-------------بقلمى Mariem Nasar
- زين . ب يوصل ريتال الجامعه .. ويرجعها البيت وقت ما يكون فاضي .. علشان بيروح شركه آدم .. وقرب من ريتال اكتر .. واكتشف في ريتال انها بتغير عليه جدا .. لماشافت بنت واقفه معاه في الجامعه .. وكانت بتساله سؤال في المنهج . علشان كلهم عارفين ان زين . ماشاء الله ذكي جدا .. والبنت شكرته وسلمت عليه بايديها .. ولما ريتال شافت كده فضلت تعيط كتير .. وزعقت ل زين اللي اول مره يشوف روتي متعصبه . وصوتها عالي وقالتله انها هتضرب البنت دي .. وكان زين مبسوط قوي . ان ريتال اخيرا نطقت . وعاشوا الاسبوع ده في مشاكسات مع بعض ...
-----------
-اما مراد . يوميا يوصل فريحه . وقرب منها جدا لانها خلاص مراته . واسبوع و هيرجع الكليه . ومش هيشوفها خلال شهر . ويوميا لازم يبوسها .
- وفريحه : محرجه جدا من جراءة مراد . وانه كل يوم يبوسها . ولكن واحده واحده فريحه حبة طريقه مراد الجديده .. وكمان اكتشفت ان مراد حنين معاها جدا .. وعاشوا الاسبوع ده في حب وغرام وكمان ضحك ..
----------
- محمد : عايش حب وغرام وهيام . مع نورو . ولكن حارم نفسه . ومش عايز يقرب من نور . رغم انها مراته . لكن حاسس لو لمس بس شفايف نور . هينهار وهيتجرأ اكثر من كده .
- ونور : في الاسبوع ده . قربت من محمد . وكل يوم تكلمه في الفون وتنام على صوته كالعاده . واليوم اللي يبقى فيه نبطشيه تسهر معاه على الفون . ويقضوا مع بعض اجمل وقت .. وكمان بينفذ طلبات نور قبل رمضان .. وعمللها الديكورات اللي هي طلبتها بالضبط .. وكمان محمد عمللها مفاجاه .. عمل صوره كبيره جدا في اوضه النوم . والصوره دي اخده عرض الحيطه كلها . وفيها صور كتير جدا ل نور . من يوم . ماتولدت . لسن 21. مراحل عمرها . والحيطه شكلها يخطف القلب .. ونور ما تعرفش ولسه ما شفتهاش . و هتشوفها ليله فرحهم ..
-------------بقلمى Mariem Nasar
- اما رينو : عايشه فتره فراق . والحزن سيطر عليها لكن جواها بس . ومش عايزه حد يلاحظ حزنها ... حزنها يبقى في قلبها وفي اوضتها وبس ...لكن قدامهم بتمثل انها اسعد بنت في العالم .. وده صعب جدا انك تعيشي في دور مش دورك وانك تعيشي مضطره ترسمي الضحكه . وقلبك مجروح وبينزف.
( انا من رأيي . ان رينو مجروحه اكتر من فهد .. لان فهد لو مخنوق بيخرج خنقته في اي حاجه قدامه .. لكن رينو على عكسه . حابسه .جرحها جواها ..كفايه التنهيده اللي بتطلع من قلبها .وقت وجعها.)
- المهم رينو عايشه في صراع . وقبل رمضان بيوم طبعا زي ما احنا عارفين .. ان الشباب هيكونو موجودين . عند آدم .وبيعلقوا الزينه . وفوانيس رمضان .
- عند آدم : كان فهد موجود معاهم . ونور نزلت تعلق الزينه مع محمد .. وكمان فريحه كانت موجوده مع مرادها . بتعلق الزينه والضحكه على وشهم ..
وريتال مع خطيبها زين .. ومريم مع يوسف بتعلق الزينه معاه وكان بيغازلها.
- وكلهم مبسوطين . لكن رينو اعتذرت بحجة انها وراها امتحان مهم .ولازم تراجع . وكانت بتراقب الكل من التراس . وشايفه الكل مبسوط وعينيها على فهد . اللي كان بينتقم في الشغل اللي عليه من تعليق الزينه . وكان ساكت خالص وحاطط السماعات في ودانه بحجه انه يسمع ميوزك . وسيبهم براحتهم ولابس النضاره .. ورينو عينيها عليه . وافتكرت غيرته عليها ..ونادر .والدكتور وغيرو .وغيرو .
واسلوبه العصبي معاها . وكان كل ده حب .. وعرفت من فارس ان فهد بيحبها .. وهو كمان اعترف بحبه ليها .. ورينو . بجد تعبانه لكن حاولت على قد ما تقدر . تقنع نفسها انها لسه صغيره 17 سنه تانيه ثانوي .. وان الحب لسه بدري عليها . وانها وارثه ذكاء آدم . ولازم تذاكر وتعوض فشلها في الحب .. بانها تنجح في تعليمها .. لان ده مستقبلها وأن . فهد رسم حبه ليها ومسحه بايده وايديها ..وهي هترسم مستقبلها . لكن هترسمه صح .. وقررت انها تركز اكتر . لان امتحانات اخر السنه قربت . وانها تركز في السنه اللي جايه .. علشان دي هتكون الفيصل في رسم طريقها .. واتنهدت . وعينيها على فهد . اللي موجود في الجنينه مع العيله . ولكن لوحده ..
------------
- اما فهد : طول الاسبوع يفكر . في رينو وانها وحشاه قوي . وكمان نفسه يسمع صوتها .. نفسه يكلمها . نفسه يشوفها لدرجة انه بيروح يراقبها. من بعيد . وهي في المدرسه . ويستناها في ميعاد خروجها . ويوقف بعيد ويشوف اجمل وش هو بيعشقه ..
- لدرجة ان رينو اتخيلت بفهد وحست أنه موجود ... وبصت حواليها .. لكن مالقيتوش .. لان فهد كان واقف وكانت وحشاه قوي .. وقرب عليها وحس ان رينو هتشوفه .. وهو بسرعه استخبى وما شافتوش .. وكل يوم على كده . يروح عند مدرستها و يراقبها من بعيد .. لان ده الوقت الوحيد اللي يقدر يشوفها فيه كويس .. وبعدها يروح لافكاره .. وصورها وفيديوهاتها .وكان بيعد الايام لليوم اللي .هيكون موجود فيه عند آدم . علشان يشوفها . وهما بيعلقوا زينه رمضان ..
- فهد : دلوقتي في الجنينه ومش عايز يتكلم مع حد .. شايف كل حبيب مع حبيبه . حتى فارس اخوه كل شويه يشوفه يفتح الفون على صوت الرسايل ويضحك .. وبعدها يهز راسه وهو بيضحك ويرجع لشغله من تاني .. شايف جنون حب فريحه ل مراد وضحكهم الا على وشهم على طول .. شايف الرومانسيه اللي بين محمد ونور ...شايف هدوء الحب اللي بين يوسف ومريم ... وشايف مزاوله الحب مع زين وريتال... وبعدها بص على مالك اللي بيتكلم في التليفون وبيضحك ... ولكن هو عارف ماليكه دايما قاعده ساكته ..
-وبعدها شاف فراق الحب بين الفهد . ولارين . وسابهم يعيشو الحب . وهو يشتغل بعيد عنهم ومستني رينو تنزل علشان يشوفها وكان منتظرها بس لسه ما نزلتش .. وهو بيفكر شافها . واقفه في التراس من بعيد .. وعينيها عليه .. هنا قلبه دق .. وكان لابس النضاره . وحاول يملى عينيه منها . وشايف ان رينو زعلانه ودبلانه . وانها واقفه ومربعه ايديها وسانده راسها على عمود التراس . وسرحانه وعينيها عليه بس سرحانه . وبتفكر... ياترى بتفكري فيا يا رينو !؟ قصدي يا انسه لارين . وعيونه كانت عليها من تحت النضاره . ورقابها وهي متحركتش.. فضلت واقفه لانها ما تعرفش ان فهد شافها .. لانها لوحست أنه شايفها . كانت دخلت جوه .. وفهد كان نفسه يطلعلها .. ويقولها تنزل وتفرح معاهم .. لانه متعود انها تعمل دوشه في اي مكان .. وهزارها اللي بيحبه .. انزلي يا لارين انزلي .. تعالى .. لكن للاسف لارين اتحركت . ودخلت جوه وما طلعتش تاني .. وفهد قلع النضاره . وعينيه اتعلقت على بلكونتها .. لكن مفيش امل . ورجعو . لذكرياتهم من تاني واليوم كان طويل عليهم .. لان بعد ما خلصوا .. آدم دبح عجلين . علشان يوزع على الغلابه .. زي ما خالد الله يرحمه كان بيعمل .. وكانت في طقوس وان مريم لازم تسمع النقشبندي واغانى رمضان. وكانت مريم مع سعاد جوه والبنات . بيجهزو شنط رمضان علشان . مراد وزين يوزعوهم . وآدم وكل اللي في البيت . ومريم كل سنه مع رؤيه الهلال . دموعها تنزل لان رمضان ليه شعور مميز . وفرحه في القلب مميزه
- وادم اخيرا خلص . والشباب كلهم خلصوا .. وآدم كان عازمهم كلهم يتغدوا عنده .بما انهم موجودين . وكان يوم جميل .. لكن رينو قالت لمامتها انها هتاكل وهي بتذاكر .. وكانت بتكلم مريم والضحكه على وشها .. ومريم . قالتلهم ان رينو هتذاكر وتتغدى في اوضتها .. وفهد سمع طبعا . وقلبه وجعه وادايق . وقام من على الاكل .. لكن بطريقه لطيفه . علشان محدش يلاحظ حاجه .. واليوم عدي عليهم ..والمغرب اذن . وبدأت اغاني رمضان . في كل بيت.. وفرحه الأولاد في الشوارع ...بعد رؤية الهلال .ونورو الزينه والفوانيس ..ف الفيلا ..وكل بيت...
. وآدم مش ملاحق يرد على كميه التليفونات من الاحباب والاصحاب ..
- وبيتر .. اول واحد كلمه . وقاله كل سنه وانت طيب . رمضان كريم .. و كمان مراته انجي . كلمت مريم .. وقالتلها كل سنه وهي طيبه .. زي كل سنه وتكلموا كتير .. وبعد كده .. كل اخ اتصل على اخته .. وطارق كلم آدم .. وآدم كلم مصطفى .. والكل كان بيهني التاني بالمناسبه اللي ما فيش مناسبه تعادلها في الكون كله .. والفرحه كانت على وش كل الاحباب .. وكل حبيب بعد رؤيه الهلال طلع لحبيبته الهديه اللي جابها ليها
- يوسف : جاب فانوس ل مريم مكتوب عليه . رمضان احلى. مع مريم .. وفرحت جدا .. وكل ده عند آدم
- وزين : طلع بسرعه فوق .. وجاب فانوس ريتال ..ومكتوب عليه .. رمضان احلى مع زين . وريتال .
- مالك : طبعا صور فانوس ساره . وبعته ليها على الواتس .. وقال لها كل سنه وانتي طيبه . و ساره شافت الصوره على الواتس وفرحت . لانها اول مره حد يجبلها فانوس .. ومالك قالها انه هيقدملها الفانوس . بعد بكره في الشركه . وقالتلو . كل سنه وانت طيب يا مالك ...
-وفارس كان فاتح واتس. وواقف بيضحك . لان رودي طلبت من فارس .. أنه يجبلها فانوس رمضان . ويكون مكتوب عليه رمضان احلى مع رودي وبس .. وضحك على طفولتها المجنونه .. وببيفكر انه يجيبلها فانوس .. وقالها كل سنه وانتي طيبه يا رودي.
- اما مراد : جاب ل فريحه فانوس صغير جدا ميداليه . وقالها حطي فيه المفاتيح ... وفريحه اتغاظت جدا . والكل ضحك عليهم . وفريحه اديقت اكتر ... ومراد . لما شافها مدايقه . اخدها على اوضته . فوق . وقدملها . فانوس رمضان .وكان جميل جدآ .. وكان صورتهم الاتنين على الفانوس ..و مكتوب عليه رمضان احلى . مع مراد وبس .
.وفريحه ضحكت . وفرحت ومراد قالها . كل سنه وانتي معايا .. وطبعا اتجرأ .وقرب منها وباسها برقه وحب ..
-----------
- اما محمد . قدم هديته المميزه . ل نور . وكان جايبلها فانوس جميل جدا .وكاتب عليه . نور .وبس وجبلها عروسه جميله . وشايف ان العروسه . بتشبه نور كتير .. ونور كانت مبسوطه اوى . وقالتله كل سنه وانت معايا ..
-----------
- اما فهد : طبعا جاب فانوس ل رينو .. لكن مش عارف يقدموا .. ازاي وبيفكر .. وراح واتكلم مع نور وقالها تقدم الفانوس ده ل رينو . لكن على اساس انتي الل جايباه .. ونور استغربت . وبعدها فهمت .. وقالها لو مش هتعملي كده بلاش ..
- نور فهمت . ان فهد بيحب رينو . لكن رينو مش موجوده . وهو عايز يقدملها الفانوس .. وقالت لا خلاص هطلع دلوقتي اقدمهولها . وفهد . أكد عليها ان رينو متعرفش .. وفعلا طلعت ودخلت على رينو اللي كانت بتذاكر .. او بتمثل انها بتذاكر .. ونور سلمت عليها وقالتلها كل سنه وانتي طيبه . وقالتلها. ان محمد ..جابلك الفانوس ده .. ورينو فرحت ومسكت الفانوس بحب .. لكن شمت البرفان اللي جاي من الفانوس ..وقالت جواها ده برفان فهد ..وحاسه انه من فهد .. وكان الفانوس جميل جدا ومكتوب عليه . كل عام وانتي بخير يا صغيرتي .. واحساس كبير جواها ان الفانوس ده فعلا من فهد.. هو كل سنه يجيبلها عروسه .. لكن مجابش السنه دي.. لكن ده فانوس .واحتارت. يا ترى فهد .. ولا ابيه محمد ..
- نور : بمكر .. قالتلها المفروض تنزلي . الكل بيبارك لبعض وبيهني بالمناسبه الجميله دي .. وعلى فكره محمد زعلان منك علشان ماشافكيش من الصبح .. على الاقل انزلي اشكريه .
- رينو . هزت راسها وقالتلها حاضر هلبس الحجاب وانزل . وكمان عايزه اسلم على بابي ومامي...
نور : قالتلها . انتى هتقعدى يجي ساعه علشان تلمي شعرك ده . ولسه الحجاب .. رينو لا هلم شعرى بسرعه . وهنزل .. .ونور .. قالتلها طيب انا هسبقك...
. ونور نزلت بسرعه .. علشان تفهم محمد . وقالتله ..
ومحمد ابتسم . وبص على فهد .. وبكده محمد فهم تغيير فهد ورينو ...
- ونور ..راحت لفهد وقالتله انها قدمتلها الهديه . ولكن ماقولتش انك انت اللي جبتها اطمن ...
فهد : هز راسه متشكر يا نور ..
نور : على فكره هي نازله ...
فهد : قلبه دق .. وحاسس ان الدم بدأ يمشي ف عروقه من تاني .. والكل ب يسلم على بعض .. لكن فهد .. عينه على السلم مستني معشوقته الصغيره ..
. لحد ما اخيرا لمح .. طيف لارين وهي بتظهر ...وبدات تنزل على السلم .. وكل خطوه بتزيد من دقات قلب الفهد ... ولارين كانت بتدور على فهد وهي نازله .. ونزلت وريتال ومريم قابلوها وسلمت عليهم .. وقالوا لبعض كل سنه وانت طيبه .. وبعدها سلمت على فريحه ومليكه .. وكمان اخواتها .. وسلمت على مالك ويوسف .. وسلمت على محمد وشكرته على الهديه . ومحمد هز راسه ليها .. وسلمت على مريم اللي حضنتها بحب .. وفهد قلبه بيدق .. وكمان رينو.. وسلمت على آدم . وزين . وكل الموجودين .. وفهد كان واقف جمب نور .. الل رينو سلمت عليها تاني وخلاص .. ما فاضلش غير . الفهد.
- رينو : وقفت قدامه ودقات قلبها بتزيد .. رينو : احم كل سنه وانت طيب يا فهد . رمضان كريم..
فهد : مش مصدق انه سمع اسمه . وقلبه هيطلع من مكانه .
ولكن بغباء منه قالها ..وحضرتك طيبه يا ... انسه لارين ...
-هنا رينو بلعت ريقها بتعب .. لان فهد كده عاملها في حدود القرابه وبس .. ايوه فهد بيحبها . وجبلها الهديه .. ومنتظر يشوفها بلهفه .. لكن هو مش بالضعف ده .. انه ينسى الاهانه بسهوله .. ومن غباءه اتحرك ومشي من قدامها .. لكن مشي علشان ما يضعفش وهي شافت انه مشي علشان يبعد عنها..
ورينو عيونها اتملت بالدموع .. لكن الفرحه اللي حواليها و اخواتها .. وآدم قرب منها تاني وحضنها . كل سنه وانتي طيبه يا نوتيلتي.... رينو ابتسمت وانت طيب يا اجمل واحن بابي في الدنيا ... وآدم جابلها . فانوس زى كل سنه وقدموهولها . وكمان نور . وفرحو . با ابوهم الحنين .والحبيب . والصديق . والاخ الكبير ..
- وكده خلاص العشا هتاذن .. والكل جهز من الشباب علشان آدم هياخدهم ويروحو يصلو التراويح في المسجد .. اللي مريم اتبرعت بيه صدقه جاريه .على روح خالد ونهاد وباباها ومامتها... لان دي كانت امنية مريم من زمان .. وكل سنه آدم بياخد الشباب ويروح يصلي التراويح في المسجد ده . اول يوم من رؤيه الهلال .. وكمان مصطفى وطارق وجاسر واشرف وحسام اتجمعوا هناك .. وبداو . وصلوا التراويح .. وكل واحد في السجود بدا يدعي ويتمنى .. وكان امنيه فهد انه يحاول ينساها .. وكل واحد اتمنى ان ربنا يجمعه مع حبيبه في الحلال.. وكانت امنيه .. آدم . ان ربنا يديم مريم في حياته .. واولاده ويحفظهم من كل شر .. ويتقبل صيامه .. وكل واحد دعا واتمنى ..
-اما عند مريم : كلهم اتوضو وصلو جماعه في البيت. ومريم اللي يصلي بيهم العشاء والتراويح .. وكل واحده دعت من قلبها اللي يحفظ لها جوزها .. وخطيبها . ورينو .اتمنت انها تتخطي مرحله حب فهد .. وتركز في دراستها ... ومريم اتمنت ودعت ان ربنا يحفظلها . آدامها . ومراد يحفظه من كل شر في المهمات .. وكمان زين وتفرح ب نور .. ويريح قلب رينو .. ويتقبل صيامها .. ودعت كتير بدموع ... ..وكانوا كلهم فرحانين بشهر الخير . وصلاه التراويح خلصت في المسجد .. والكل بيسلم على بعض . وكل واحد روح على بيته وهما مروحين شافو الشوارع والزينه وفوانيس رمضان واغاني رمضان مسمعه في كل بيت وحاره وشارع ....
- آدم : اخذ الشباب كلها ورجع على البيت . علشان كل واحد ياخد خطيبته . ومراته . يوصلها ورجعو على البيت .. ودخلو وكانوا البنات خلصوا صلاه .. ونور وفريحه ورينو والبنات . سلموا على آدم اول ما دخل البيت .. وقعدو شويه .. واول واحد قامو واستأذن فهد .. لانه عايز يروح البيت عندهم . ويسلم على . رنا لانه متأكد انها بتعيط . علشان فهد مش هيتسحر معاها النهارده .. وفعلا سلم على كل الموجودين ومشي .. ومابصش على رينو وخرج .. لكن كان بيلعن نفسه .. وانه ليه ما سلمش عليها .. لانه حاسس انها زعلت منه تاني ..
- وبدؤا : الشباب يمشوا ..
-يوسف اخد مريم علشان يوصلها . وسلم على حسام وهدي ..
- وزين : اخد ريتال يوصلها ..وادم برده حظر زين . ان ريتال امانه .. وكمان احنا في شهر كريم .. وفعلا زين وصلها باحترام .. وسلم على اشرف وهنا . ومصطفى وشرين ..
-ومراد : اخد فريحه يوصلها قبل ما آدم يحظرو . واخدها وجري . ووصلها فعلا باحترام . وسلم على طارق ورنا .. وكمان .. كان فهد هناك . وقام علشان يمشي مع مراد .. ورنا كانت زعلانه .. لكن فهد قالها مش هينفع . وانه هيتسحر في شقته ومشي مع مراد اللي اتحجج بيه اول مشافه .
-مالك : اخد مليكه وسلم عليهم ووصل مليكه للبيت.. وبتفكير .. اتصل على ساره وقالها انه هيجيلها . ويسلم عليها عند البيت . ويقدملها الفانوس لانه مش هيصبر لبعد بكره .. وساره فرحت بخوف .. وقالتله انها هتنزله على اول الشارع. . لانه ماينفعش يجي البيت .. لان في الحقيقه ساره خايفه جواها من سوزي .... ووافق وراح ل ساره ونزلت وركبت جمبه فى العربيه .. وقدملها الفانوس وكانت مبسوطه لكن مش قوي .. لان سوزي لو عرفت هتدايق .. ومالك حكى ل ساره عن اليوم كله . وعن العادات والتقاليد .. وفوانيس رمضان اللي علقوها وكل حاجه عملوها في الفيلا عند آدم .. وصلاه التراويح . والكل يسلم على بعض .. مالك بيحكي.. وساره مستغربه سوزي... ليه ما بتعملش كدا ..! ومبتحتفلش ب رمضان ... سوزي اصلا ما بتصومش بحجة انها بتتعب من الصيام .. ساره بتحاول توضح لنفسها الرؤيه .. وكمان اول مره تحس ب شهر رمضان .. لان . جاسر وملك . اتصلوا عليها وكلموها وقالولها كل سنه وهي طيبه .. وكمان مالك جابلها فانوس جميل .. مكتوب عليه رمضان احلى مع ساره ..
- وكمان : استغربت ان سوزي وابتسام . ما قالوش لبعض ولا ليها كل سنه وانتي طيبه .. حتى ابتسام وسوزي معلقوش زينه ..ولا اهتمو . معقول.!!
- ومالك : كلمها تاني . وقالها انها ديما بتسرح كتير .وهي معاه .. قالتله لا هي بس بتتخيل اليوم ولو كانت موجوده معاهم كانت هتبقي مبسوطه ..
- مالك : حاسس انه لازم يتجرأ وقالها ان شاء الله .. السنه اللي جايه .. تكوني معانا واحنا بنحتفل .. احم بالمناسبه يا ساره كنت عايز اقولك على حاجه ..
ساره : خير يا مالك. .
مالك : انا بحبك ..
ساره : ....... وقلبها دق ..
---------------
- محمد : قعد مع آدم .ومريم ونور ورينو ..ويضحكوا كتير مع بعض .. وقام واستأذن
علشان يروح .. وانه هيقعد عند مصطفى وشرين .. لان مصطفى مانع .محمد انه يتسحر لوحده . وان طول شهر رمضان لازم يقضيه معاهم . ومحمد اتفق مع نور انها تكلموا بعد ما تقرآ ورد القرأن .علشان يطمن عليها . واستاذنهم . ونور خرجت معاه لحد باب الفيلا .. وسلم عليها وباس على ايديها. .. كل سنه وانتي معايا يا نوري ..
نور : وانت معايا يا محمد ..
محمد : مشي ونور دخلت مبسوطه . واستاذنتهم وطلعت على اوضتها . علشان تقرا في القران . وتذاكر شويه . وبعدها تكلم محمد . علشان تنام لانهم هيصحو بدري علشان يتسحره ...
- ورينو : استاذنتهم علشان تطلع تقرأ قرآن . وتذاكر وتنام ..
- وآدم: قالها يا ريت ما تتعبوش وهو بيصحيها لسحور . زي كل سنه .. وضحكوا . .
. وطلعت تكمل احزنها مع نفسها .. ومسكت الفانوس وقالت كل سنه وانت طيب يا فهد .. لان رينو عارفه ان ده هديه من فهد .. وفتحت المصحف و بتقرا فيه علشان ترتاح شويه ..
- زين : رجع . وبعده بشويه .مراد رجع .. ومريم نبهت عليهم . انهم يقرأو . في القرآن . قبل ما يناموا . وطلعوا على اوضهم ..
-ومريم . وآدم في الليفنج .وهيطلعو . اوضتهم .. ولكن آدم .. دخل المطبخ . ل داداه . سعاد . وسلم عليها وقال للبنات كل سنه وانتم طيبين . رمضان كريم . وقدم ظرف لكل واحده فيهم . وقاللهم . ان دي اول سنه . وان ده اول رمضان ليهم معاهم . ودي ان شاء الله هتكون عاده كل سنه .. وكمان لبس العيد انتو واولادكو . عندي أنا ... وسعاد والبنات دعوه ل آدم ومريم . بطوله العمر وان ربنا يزيدهم من فضله..
- ومريم : قلبها فرح جدا باللي عمله آدم .. واخد اميرته وطلعوا على فوق .. واول ماقفل الباب .. مريم رايحه على الحمام .. آدم راح عليها .. وشالها وحضنها .. كل سنه وانتي . في دمي . وقلبي وروحي .وعقلي . وحياتي.
مريم : حضنته بحب . وهو شايلها . كل سنه وانت جمبي ومعايا . كل سنه وانت نبضي يا آدم ..
آدم : باسها من خدها . وكشر عينيه ليها .. كنتي مفكره اني ناسيكي.
مريم : بصراحه .انا استغربت انك سلمت على كل الموجودين .وانا لأ . .
آدم : وانتي اي حد .. علشان اسلم عليكي كده .. انتي روحي . انتي عشق ال آدم . وباسها تاني ونزلها . وراح فتح الدولاب وطلع علبه ليها وفتحها .. وطلع منها . فانوس جميل ..ومكتوب عليه كل سنه وانتي عشقي ..
مريم : ابتسمت بسعاده .. حبيبي انت لسه برده مصمم .. انك كل سنه تجيبلي فانوس ..
آدم : وكل يوم لو عايزه ..
مريم : حضنته بحبك يا آدم ربنا يديمك في حياتنا آدم : ويديمك في قلبي . رمضان كريم ياروحي
مريم : الله أكرم. ياحبيبى ..
--------------- بقلمى Mariem Nasar
( طبعاً . طارق . وجاسر . وأشرف . وحسام .كل واحد جاب فانوس . ل حبيبته . وكانو مبسوطين)
- كده : كل واحد روح بيته . وكل واحد سلم على حبيبه . وصاحبه وجاره . وكل واحد فتح المصحف وقرآ فيه .. وكل واحد كلم حبيبته واطمن عليها .. وكل واحد اتصل على مراته .. اللي كاتب كتابه عليها وكلمها واطمن عليها .. وكل واحد ظبط المنبه على ميعاد السحور .. وفيهم الل اخد حبيبه في حضنه ونام .
----------
الساعه ١ صباحاً . عند طارق ...
طارق ورنا ..صلو ركعتين قيام الليل ...وبعدها نامو .
- والكل نايم ... ولسه حوالي ساعه على السحور . وباب الفيلا اتفتح .. وكان فهد اللي كان قاعد في شقته .. وكان زعلان لما شاف .دموع امه .. وفكر انه .. مايكسرش فرحتها في الشهر الكريم .
.وقرر انه يشتري سحور . وراح عندهم .. وفتح الباب وهو مفكر ان كلهم نايمين .. لكن دخل وكان فارس صاحي وخرج يشوف مين اللي فتح الباب ..
فارس : مين ..
فهد : انا . انا يا فارس.
فارس : اهلا يا فهد .. وايه الشنط دي .
فهد : ده . سحور.
فارس : طيب تمام . وحلو قوي انك هتتسحر معانا.
فهد : ايوه . امسك بقى دخل الحاجات دي في المطبخ . وانا هادخل اغير واجيلك علشان نجهز السحور انا وانت . اشطا
فارس : ابتسم اشطا ..
. وفهد . ماشي بيقلع التيشرت وهو داخل على أوضته.
فارس : انت مش هتبطل العاده دي بقى ..!؟
( أنه بيقلع التيشرت وهو داخل ع الاوضه . او الحمام .)
فهد : بصله . لأ .ودخل .
فارس : ابتسم لان فهد هيتسحر معاهم .. لان رنا عيطت كتير ..
فهد : غير وخرج وجهز السحور هو وفارس .وجهزو السفره .. وكله تمام ..
فهد : راح خبط على اوضه طارق ورنا .علشان . يصحيهم . وكمان عايز يصالح رنا . وخبط تاني .ورنا قامت و فتحت .. وشافت فهد و كانت عينيها مقفوله مش قوي . ولكن لما شافت فهد ماكنتش مصدقه نفسها ..
فهد : ابتسم . رمضان كريم يام فهد ..
رنا : مش مصدقه . وضحكت .وضمت . فهد الله اكرم يا حبيبي . الله اكرم ..
فهد : ضمها بحب و باس ايديها .وجبينها . حبيبتي ما تزعليش مني ...
رنا : انا عمري ما ازعل منك يا عمري ..
فهد : طيب يلا بقى. صحي طارق علشان السحور جهز ...وانا هصحي فريحه . المتعبه .
رنا : ضحكت .بفرحه . حاضر . حاضر يا فهد .. ودخلت . بسرعه . تصحى طارق ..
- وفهد : راح يخبط على فريحه ..
رنا : طارق قوم... قوم يا طارق . طاااااق طاااااااااااارق
طارق : قام مفزوع .. ايه .ايه .ايه في ايه . الفجر إذن ولا ايه .. لاااااا انا كده هعطش لا..
رنا : اوف. يا راجل فوق كده ..
طارق : ايه يا رنا حاسه بحاجه يا حبيبتي ..
رنا : طارق . قوم فهد ابنك جه بره . وهيتسحر معانا .
طارق : بيتاوب . لا والله يعني الفجر ما اذنش الحمد لله هاشرب ..
رنا : بغيظ . قوم يا طاااااارق قوم . باقولك فهد جه بره ..
طارق : فاق . وبفرحه .. ايه انتي بتتكلمي جد .. و قام من مكانه . وخرج ..وكان فهد صحا فريحه اللي فحضن اخوها و نايمه على صدره وفرحانه وكمان بتنام وهي واقفه .
فهد : ابتسم يلا يا كسلانه علشان تتسحري . واخدها على الحمام الخارجي . وغسلها وشها بالميه . وحاول يخليها تفوق . وفاقت .. وطارق ورنا وفارس.. متابعين فهد المحرومين من حنيته وجنونه في نفس الوقت .
- وخرج . بيها وقعدها على كرسي السفره .ورانا جت وكانت طايره من الفرحه . ان فهد موجود معاهم .
-وطارق جه وسلم على فهد بحب ..
..وطارق قلبه فرحان . وقعدو . وموجهوش كلام لفهد.
انت جيت ليه؟؟ او رجعت في كلامك ليه؟؟ .. لا هما اكتفو . ان فهد موجود معاهم .
-وكمان فريحه بتاكل ومبسوطه ..
طارق : فريحه .متاكليش جبنه كتير هتعطشي . وكفايه مخلل ..
فريحه : الله يا بابي . انا جعانه بقى ..
طارق : شيل يابنى . المخلل ده . وتيجي تقوللي اعاااا انا عطشانه . وتقضي اليوم نوم . لحد المغرب.
فريحه : خطفت من الطبق مخلل وضحكوا عليها ..
. بابي . لا ان شاء الله مش هاعطش ..
طارق : ماشي انتي. حره . قال يعنى هتاكلي مخلل ومش هتكوني عطشانه ..
رنا : ابوكى . معاه حق يا فريحه . انتي كدا هتعطشى يا حبيبتي ..
فريحه : لا يا مامي . وبعدين النهارده الجمعه هنام وفضلوا يتناقش كتير على السحور . ويضحكو . ومبسوطين .وفهد كمان كان مبسوط . وضحك وهزر مع أبوه وفارس .
----------------
هدى : صلت هي وحسام . قبل النوم .. ونامو . وقامت علشان تجهز السحور .ومالقتش حسام نايم جمبها . وخرجت تشوفه بره . .وشافت حسام في المطبخ هو ومريم . بيجهزوا السحور..
هدى : ايه ده !؟ بتعملوا ايه .!؟
حسام : صح النوم يا حبيبتي ..
مريم : ابدا . يا ماما .. انا لسه صاحيه زيك كده. بالظبط . صحيت على المنبه . وخرجت لقيت بابا حبيبي . بيجهز الصحور . اتحايلت عليه كتير . يخرج وانا هجهز . قالى لا..
حسام : حبيبتي انا و خلصت خلاص . خدي بس اللانشون والجبن دي وحطي الاكل على السفره.
هدى : ابتسمت بحب ربنا ما يحرمنا منك يا حسام .
وافتكرت زياد . وعيطت . لان ده اول رمضان من غيره .. وفاقت . علي صوت فونها ..
هدى : بدموع . واتخضت. يا ترى مين اللي هيتصل دلوقت ..
حسام : شوفي مين . يمكن حد من العيله وعايز يصحينا ولا حاجه . انتى عارفه مفيش نوم فى رمضان .
مريم : جابت الفون . ده رقم دولي يا ماما ..
هدى : ردى كده يا بنتي . تلاقيه حد اتصل بالغلط.
مريم : حاضر . السلام عليكم ..
زياد : تنيهده . وعليكم السلام
مريم : شهقت بفرحه .. ابيه زياد ..
زياد : روح . ابيه زياد .. ازيك يا مريم وحشتيني .
مريم : عيطت . وهدى جريت هي وحسام عليها .. ومريم مكلبشه في الفون . وبدموع .. ابيه زياد .. ابيه زياد .. وحشتني .. وحشتني قوي .. انت فين يا ابيه ..
زياد : حبيبتي انتي الل وحشاني اكتر يا روحي عامله ايه يا مريم ..
مريم : عيطت بصوتها . وحشه . وحشه من غيرك يا ابيه . انا ناقصني حاجات كتير من غيرك .. فرحتي مش كامله . انت فين ورحت فين .. هترجعلنا امتى .
زياد : بدموع حبيبتي . مسيري في يوم ارجع . بس ليه يا مريم فرحتك مش كامله . انتي اتخطبتي ل يوسف وكمان كتبتي كتابك من اسبوع . مبروك يا حبيبتي ..
مريم : بدهشه ولسه هاتساله عرف منين ..
- حسام : هاتي بقى . خليني اسمع صوت ابني .. مريم : استني يا بابا .هكلمه هو وحشنى .
حسام : هاتي . اسلم عليه وبعدين كلميه . تاني هاتي للخط يقطع .. واخد الفون . الو السلام عليكم .زياد ازيك يا حبيب ابوك .. عامل ايه يابني ..!؟
زياد : مسح دموعه . ازيك يا بابا عامل ايه .!؟
حسام : انا عايش يابني وكويس الحمد لله . انت عامل ايه !؟ طمني عليك!
زياد : انا كويس قوي يا بابا ما تقلقش عليا .
حسام : متأكد . يا زياد حبيبي . انت واحشنا . لو مش مرتاح في البلد اللي انت فيها ارجع .. انا مش عارف انت فين .. وفين اراضيك يابني . لولا آدم اللي بيقولنا هما كلمتين . زياد كويس وبس ..
زياد : انا فعلا كويس يا بابا . ما تقلقش عليا ..
هدي : هات يا حسام . هات اطمن على ابني هات واخدت الفون . برجفة . ودقات قلب ام وحشها ابنها .. وقالت كلمه ودموعها نازله . وبصوت مبحوح . الو ...
زياد : سمع صوت هدى . ما استحملش .
زياد : اذيك . يا امي .
هدى : بدموع زياد ابني حبيبي . ونور عيني . طمني عليك . انت مرتاح . صحتك كويسه . بتاكل كويس . بتنام كويس . تعبان يا زياد . يا نور عيني طمني عليك. يا قلب امك .
زياد : غصب عنه دموعه نزلت تاني . حبيبتي انا بخير . وكويس قوي. و باكل وبشرب كويس . واطمني .صحتي كويسه جدا ..
هدى : الحمد لله رب العالمين .. انا مش هسالك انت فين . انا بس هاقولك ارجع يا زياد . ارجع برد قلبي يا حبيبي . انا عايزاك في حضني . عايزاك تفرح ب اختك .. اختك فرحها قرب يا زياد..
زياد : سامحيني . يا امي مش هاقدر ارجع دلوقتى . بس اكيد ان شاء الله . راجع .. المهم يا امي انا اتصلت النهارده علشان اقولك . رمضان كريم .
هدى : بدموع . الله أكرم . يا نور عيني . الله أكرم .. كل سنه وانت طيب يا زياد .
زياد : كل سنه وانتي طيبه يا امي ..
وهدى . عيطت ..ووصتو أنه يتسحر ويفطر كويس ... وكلم مريم تاني .. وحسام وقاللهم كل سنه وانتو طيبين . وقفل .. وهدى ومريم عيطوا كتير .. وحسام قالهم نحمد ربنا اننا سمعنا صوته..
رمضان ديما . يهل بالخير ...
- وهدى ابتسمت فعلا رمضان شهر الخير . و مريم مسحت دموعها ..الحمد لله . اننا اطمنا عليه . وانه كويس وبخير .. حسام . باس ايد هدى وضمها .أهدى ياحبيبتي ... ويلا بقى .. يلا الاكل هيبرد قوموا علشان نتسحر قبل الفجر مايدن
-------------بقلمى Mariem Nasar
ساره مش عارفه تنام من ساعه مالك . قالها انه بيحبها . كانت مبسوطه بخوف . فرحانه برعب. وخايفه من سوزي . ولكن بعد تفكير طويل . طلعت علشان تتسحر . وكانت سوزي قاعده بتتفرج على التلفزيون .. وابتسام نايمه ..
ساره : ماما
سوزي : ايوه
ساره : انا عارفه أنه لسه بدرى على السحور... لكن أنا جعانه .. وهعمل . سحور اعملك معايا . و نتسحر مع بعض .
سوزي : بديق . ساره انتي عارفه اني ما .بقدرش على الصوم .
ساره : راحت وقعدت جنبها .. طيب ايه رايك تحاولي تصومى السنادى . وجربي . وان شاء الله ربنا هيقويكي . وهتكملى .
سوزي : نفخت بديق . وبعدين . يا ساره . انتي ايه اللي جرالك . ومن امتى بتدخلي في حياتي .
ساره : اسفه . ياماما . مش قصدي أتدخل . بس انا كنت حابه نتسحر ونفطر مع بعض . زي باقي الناس العاديه ..
سوزي : بتريقه . هصوم . في فيلا الصاوي . اللي انت مش عارفه تتحركي وتعملي حاجه ... وسوزي اتسرعت وقالت ..وبعدين انتي هتصومى ليه . انتي المفروض تغري جاسر الفتره دى ...
ساره : بصدمه : اصوم ليه !! واغرىيه .. في رمضان يا ماما ..انتى بتطلبى من بنتك تعمل كدا !!
سوزي : ايوه في رمضان . لانك هتلبسي بقى الحجاب من بكره .. وهتعملي فيها ست الشيخه ..يا ساره .انا عايزاكي تفتحي وتركزى .. وهاتي حقك الاول .. وبعدين فكري في التفاهات دي ...
ساره : بذهول !! ماما .. انتي بتقولي ايه .. رمضان والحجاب . والصيام .. تفاهات .!!؟
سوزي : حست انها اتسرعت و هتتكشف . احم .. انا اقصد .. اقصد . ومش عارفه تقول ايه . اه انا قصدي انك ممكن تصومي بعد رمضان تعوضيه مش كده برده ..وقصدى إن الحجاب هيقيدك .. ولما تاخدي حقك ....ومش عارفه تبرر غلطتها .. باقولك ايه . انا هدخل انام . علشان ورايا شغل بكره .باي .. وهربت من قدامها . لانها مش عارفه تقول ايه .وكانت متغاظه من ساره . وغبائها .
ساره : واقفه مذهوله . ومصدومه . وكلها يأس من كلام سوزي . وبتحاول تعمل مقارنه .. وبعد تفكير. دخلت المطبخ وجهزت السحور . وجابت الاكل ودخلت اوضتها لوحدها . وهي بتفكر في كلام مالك. وسوزي . وطريقه ملك وسوزي . وحاسه انها مش قادره . تتسحر لانها . وحيده ومتلخبطه و متسحرتش .. وشالت الاكل .. وقعدت مستنيه الفجر .
----------
- جاسر وملك : صحيوا علي صوت المنبه . وكمان الداده طلعت صحتهم علشان السحور جاهز . وملك قامت وكانت مبسوطه لانها بتحب شهر رمضان جدا.
وجاسر قام يتوضى ويصلى ركعتين قيام الليل ..
.ملك راحت تصحى . ماليكه . وماليكه. كانت صاحيه لانها بتسهر .. وملك خبطت ودخلت على مليكه .. اللي قاعده على السرير وفاتحه اللاب ..
ملك : حبيبتي يلا علشان السحور جاهز ..
مليكه : كانت بتفكر في زياد .. وانه كل سنه يجيبلها عروسه . وهي ماكانتش تهتم وترميها في المخزن . لكن السنه دي . هي اكتشفت . أن ما فيش غير زياد هو اللي كان بيجيبلها هدايا .. حتى لو ابوها بيجيبلها ..لكن اكتشفت ان هديه زياد مميزه .. وحست .انها هتضعف وفاقت .. اوكي يا مامي اتفضلى . انا هانزل وراكي ..
.وملك خرجت . وراحت تصحي .مالك وكان لسه صاحي من النوم . وقام على طول لانه فرحان ومبسوط لان اهم مرحله عدت . وهي مرحلة الاعتراف وعدت على خير . وكمان ساره اتوترت وهزت راسها بالموافقه ..واول ما قام فكر انه يتصل على ساره .. وفعلا رن عليها . وساره كانت قاعده مستنيه الفجر .. وشافت رقم مالك ردت على طول .. وما لك سلم عليها .. واتطمن عليها وقالها اتسحرتي . هي قالتله ايوه .
. قالها حاسس انك بتكدبي عليا ..
ساره : اتهدت وقالتله . اكلت حاجه بسيطه .
- قالها طيب . قومي هاتي الاكل .. وكلي وانتي معايا على الفون .. وقال تلقائي .. ولا اقولك . ايه رايك احط السماعه في ودني . وانزل اتسحر .وانتي كمان تحطى السماعه في ودنك . وتتسحري .. ويبقى سحور جماعي ..انا وانتي مع بعض .. ساره . عجبتها الفكره . وحست انها فعلا جعانه .. وقالتله اوكي . وقامت وهي فرحانه .و جابت الاكل تاني . وقفلت على نفسها الاوضه . وفعلا اتسحرت مع مالك.. وسمعت . هزار هم مع بعض . وحبت العيله الصغيره الجميله دي ...
--------------
هنا : صلت القيام . وسابت اشرف بيصلى . و نزلت علشان تجهز السحور . وكانت لابسه النقاب .. علشان محمد .. ولكن اتفاجئت.. ب محمد ويوسف بيجهزوا السحور .. وراحت عليهم .
هنا : صباح الخير
محمد : صباح الخير .
يوسف : صباح الفل .
هنا : انتو بتعملوا ايه.
محمد : قولت اذكي عن صحتي . واطعم الناس المساكين الل نايمين فوق . هههه
يوسف : ههههههههه . سيبينا بقى يا هنا واخرجي . روحي صحي جدو . ونانا. وروتى . واشرف .
هنا : انت يا ولد انت . مش هتبطل تقول على ابوك اشرف كده . اسمه بابي .
يوسف : طيب روحي . واتريق . صحى اشرف . بابي .
محمد : ضحك والله عيل مشكله .. .روحي يا هنا صحيهم واحنا هنكون جهزنا السفره.
هنا : انت جاى تريحلك يومين ولا تشتغل . انت فرحك قرب والمفروض تريحلك يومين . احنا كدا تعبناك يا دكتور . . انا كنت ....
محمد : يا ستي . تعبك راحه . انا ما جاليش نوم . انتي عارفه رمضان . صليت . القيام .و قولت اجهز السحور أنا والواد ده .. اطلعي صحيهم علشان السحور جهز.
- وهنا فعلا طلعت . وصحتهم وكان مصطفى وشيرين بيصلو القيام .. وكلهم نزله . وريتال كانت .. فرحانه بعمها . وهو كمان بيحب ريتال قوي لانها رقيقه وبسكوته .. وريتال صممت تقعد جمب عمها محمد . وبداو . يتسحرو.
-------------بقلمى Mariem Nasar
- اما عند آدم ومريم . صلو وقرأو قرآن قبل ماينامو .
-كلهم نايمين . ومريم صحيت . ولسه بتتحرك . آدم حس بيها . وفتح عينيه وابتسم . وسلم عليها وباسها ..
مريم : هانزل اشوف داده سعاد ..
آدم : ااااه وانا هاقوم ابدا مهمتي ..
مريم : ههههههههه . لا إن شاء الله مش هتتعبك السنادى .
آدم : رفع ايديه ياااارب يسمع منك .اصلها متعبه .وقامو.
مريم : هههههههه . استحمل مش انت بتقول عليها نوتيلتي وهما خارجين في الطرقه .
آدم : دي نوتيلتي . وحبيبتي . وروحي .. وو.....
واتفاجئ ب نور اللي سمعته وحاطه ايديها ف وسطها . وكشرت عينيها ..
آدم : حب يخلع ... نووووور . نووووور
مريم هههههههههه . طيب انا هانزل واسيبها تنتقم براحتها .
نور : بغيره . وغيظ . استنى عندك .
مريم : وقفت وهمست ل آدم . الحاله جاتلها يا آدم
آدم : اسكتي . يا رب ما تكون سمعتني.
نور : بتقرب بشر . بتقولو ايه بقى . ان شاء الله ..
مريم : ولا حاجه .. هو بس ابوكي كان خارج علشان يصحي اختك حبيبتك الصغيره ..
آدم : اه .. اه والله فعلا . اختك حبيبتك الصغيره .
نور : ااااه نوتيلتي . وحبيبتي . وروحي . هاااا !!!
ولما هي كل ده ..!! انا ايه ان شاء الله ..!؟
مريم : كاتمه الضحكه ...
نور : ما تقول. يا آدم باشا .. وبعدين اختي الصغيره تقول عليها كده .ونازل فيها مدح. قبل الكبيره ازاي بقى ... واسميه ايه ده ان شاء الله ..
آدم : مين قال كده .. احنا قولنا عليكى في الاول انك بنتى المدلل ......
مريم : همست . علشان آدم هيكدب .. آدم احنا في رمضان ..
آدم : اه صح . استغفر الله العظيم . احم يا نور انتي عارفه ان رينو اختك الصغيره . وكل سنه بتتعبنا في اننا . نصحيها للسحور .. فانا كنت باقول ل مريم يعني .. لو .اقول لاختك وانا بصحيها .انتي نوتيلتي واقولها ..
مريم : همست تانى . اااادم احنا في رمضان .
آدم : ايوه . ايوه صح . استغفر الله العظيم .
نور : قربت من آدم . وكشرت عينيها . بعد كده لما تحب تقول حاجه على عيالك .. تقول عليا . انا . اول واحده تمام .. بدل ماشلفط عيالك . ولا هيبقوا نافعين . نوتيلا . ولا بسله ..
آدم : هههههههه . حلوه . بسله حلوه . صدقي نفسي فيها ..
مريم : ههههههههه . كل سنه وانتي طيبه يا نور . خلاص قلبك ابيض . المسامح كريم ..
آدم : رمضان كريم يا نور . وقرب عليها وحضنها هتوحشيني يا بنت اللذين ..
نور : حضنت ابوها وعيونها دمعت ..
مريم : عينيها دمعت .. الله يسامحكم . لازم ادمع انا في اي موقف ..
آدم : ضمها هي كمان ونور لحضنه . واتنهد وسمع صوت المسحراتي ..
مريم : خرجت . من حضنه . يلا احنا يا نور . ابوكى لسه وراه مهمة رينو ... يلا احنا ننزل ربنا معاك يا ادم وضحكوا ....واخدت .. نور ونزلو . وكانت داده سعاد مجهزه كل حاجه هي والبنات ...
وكان زين صاحي . وصحى مراد .
آدم : طبعا منبه على بناته . انهم يناموا في بيجامات.
. ممنوع فساتين قصيره . علشان لو حد دخل في اي وقت . تكون البنت مستوره .. وآدم خبط مره واتنين وتلاته .. وبعدها اتاكد ان رينو سحبت في نوم عميق.. و فتح الباب ودخل على رينو . وكان شعرها على وشها كله .. لان رينو شعرها طويل جدا .. وآدم ابتسم على طريقه نومها الطفولي .. وكانت نايمه وماسكه طرف الفانوس بايديها ....وشعرها مغطى وشها... وصحاها اكتر من مره .. برده ماصحيتش ..
وقرر يعمل اللي بيعمله معاها كل سنه .. وشال الفانوس . وحطه على المكتب... وشال رينو ودخل بيها الحمام ..ووقف قدام الحوض ..وحاول يبعد شعرها اللي مغطى ضهرها كله .. وغسل لها وشها. لكن مافيش فايده ....
آدم : ما فيش فايده .. شيل .يابن العدوي .شيل.. وشال رينو علي كتفه .. وكانت علي كتفه صغيره . ولكن شعرها . وآدم شايلها .معدي ضهره .كلهم قاعدين على السفره مستنيين ... آدم .. وشافوه نازل زي كل رمضان .. شايل رينو علي كتفه . وايديها مفرودين على ضهره . وشعرها الطويل الناعم واصل للاخر ضهر . آدم . ونزل بيها . وقعدها على الكرسي جمبه ..ولم شعرها . اللي محتار فيه يعملو . ازاي .. كل ما يلفوا .. من نعومته يتفرد تاني .. وفي الاخر قال مش مهم .وسابه مفرود. وكلهم مبتسمين لحركات آدم الاب الحنين .. وحاول يفوق ...رينو آدم : رينو ... رينو.. قومي يا نوتيلتي ... وسكت وبص.ل نور .. احم فوق يا بنتي الله يهديكي.. هتجيبيلي الكلام ..
مريم : ضحكت . على ادامها الل خايف من نور.
ونور : ابتسمت خلاص يا بابي مسمحاك . صحيها.
آدم : كتر خيرك والله . يا بنتي يعني . امان .
نور : امان ..علشان هتجوز بس .
آدم : وده العشم . وآدم . رينو .قومي يا قلب ابوكي .. ولكن مش مطمن .. بيبص على نور .
نور : ههههههههه. والله مش متضايقه صحيها ..
آدم : امسكيها يا مريم .
مريم : ههههههههه ظ لا ما تقلقش نور حلفت خلاص.
آدم : راح مخبط على خد رينو . وباسها من جبينها. قومى ياورحي . قومي . قومي بقى . الفجر هيدن. اصحى ..
ورينو ولا هنا .. وادم حاول معاها . وبعد فتره . ايه يا بابي سيبني انام ...
آدم : اتنهد .. اشهد ان لا اله الا الله ..قومي . يا رينو الفجر قرب يدن ولسه ما اتسحرناش .
. وآدم بص ل مراد . طلعت سحور للجنايني والبواب مراد : مبتسم .. حصل ياحاج
رينو : فتحت عينيها ببطء . وكانت جميله وشعرها طويل جدا .. ورثاه عن جدتها نور .ونهاد . لانهم كان شعرهم طويل جدا ... ونور شعرها طويل لاخر ضهرها . لكن شعر رينو اطول واتقل....
- اخيرا رينو فاقت .. ولكن ادم كان بيأكلها .. ويأكل نفسه .. ويشاور ل مريم انها تيجي جمبه علشان يأكلها .. قالتله انا مرتاحه .. كل انت بس وأكل رينو علشان الوقت ...
-ومراد : من جواه بيتمنى . وعايز يكون آدم العدوي في حنيته على اولاده . في المستقبل .
- وزين : اتمنى وعايز يبقى زي مريم . متفاهم للامور و متسامح . لأقصى درجه . و عقله كبير .... وبعد شويه اتسحره على خير.. ورينو فاقت وقامت تجري .. علشان تجيب ازازه ميه كبيره .. وقاعده تشرب قبل الفجر ما يأذن. . وكلهم قامو . يتوضو ..
آدم : اتوضا . ولبس واخد . مراد . وزين على المسجد
- ومريم اتوضت. ونور . ورينو .. ومريم قالت ل داده . سعاد والبنات يتوضو علشان هيصلوا معاها جماعه ... ومريم اتاكدت انهم اتسحروا .
- وكل بيت الحمد لله . اتسحر . وكله اتوضى واستعد لسماع الاذان .
- ومصطفى : اخد اشرف . ومحمد . ويوسف وطلعوا على المسجد
- وجاسر : اخد مالك وطلع على المسجد .
- وحسام : نزل على المسجد .
- وطارق : اخد . فهد . وفارس على المسجد .. والفجر إذن . والكل نوي الصيام .. والكل صلي الفجر ورجعو . على البيت . وقعدو للشروق . يقرأو القرآن .. وبعدها الكل نااااام -------يتبع
-------------بقلمى Mariem Nasar
رواية جريمة عشق٢
(عشقتها منذ نعومة أظافرها)
بسم الله نبدأ
'' عدي كده اسبوع على ابطالنا الحلوين "
مصطفى : وعيلته .راحوا ل حسام واتفقوا على كتب الكتاب .. ويوسف كتب كتابه على مريم .. وكان يوم مميز بالنسبه ل يوسف .. وهدى فرحت جدا وكانت دموعها بتنزل من الفرحه .. وكمان حسام ومريم عيطت كتير لانها كان نفسها اخوها يبقى موجود معاها . ولكن يوسف ما سبهاش غير لما ابتسمت . واخدها و فسحها .. وكل يوم يخرجها قبل رمضان وحاول يعوضها عن كل حاجه ...والعيله كلها فرحانين ل يوسف ومريم
__________
- اما مليكه مخنوقه . لأن ملك . بتحاول تقرب منها. وتقنعها انها تصلي .. وان شهر رمضان .. جاي عليها وانها ما ينفعش تصوم وهي مش بتصلي .وكمان لبسها مخالف للصيام .. وكلمتها كتير عن الحجاب . ولكن مليكه عنيده جدا .. وبتقول ل ملك . حاضر ونعم وماشي .. وما بتعملش غير اللي في دماغها .. هي شايفه انها صح .. وان العيله كلها ضدها . لانهم دايما بينصحوها . وهي شايفاه انتقاد ..
-وكمان . جاسر . بيحاول يقرب من ماليكه .لكن طبعها ما بتغيروش ..
__________
- اما مالك .. كان هيموت .. لما ساره اغمي عليها وشالها . واخدها بسرعه على فيلتهم . و فوقوها .. وفاقت وهي في فيلا الصاوي لاول مره .. وكمان لما شافت خوف ملك عليها .. وانها عمرها ماشافت الخوف ده من سوزي امها ..
-وملك قربت منها وحضنتها .. واهتمت بيها وصممت انها تقعد معاهم للعشا .. وجاسر كمان اطمن عليها وشافت خوف جاسر . وملك .
-ومالك . اللي كان هيتجنن عليها . وكان عايز يجيبلها دكتور في البيت .. وبعدها ساره نزلت وشافت الفيلا هاديه وجميله .. وكمان صور قرآنيه متعلقه على حيطان الفيلا .. وهي في شقتهم مافيش .. غير صوره واحده بس في اوضتها . وهى اللي جايباها . وكمان سمعت صوت قرآن . جاي من اوضه ملك .. وانها عمرها ما شافت سوزي مشغله قرآن أبدا ..
- وملك جابت ل ساره اسدال صلاه .. علشان تصلي معاها المغرب .. وشافت . انها مفتقده جو العيله ..
- وحاول تفكر بهدوء . وتشوف هتعمل ايه .؟ ويا ترى تكلم سوزي وتسالها.!! وتقولها على اللي ما لك قالوا .!؟ والحقيقه ايه بالظبط .!؟ ولا تعمل ايه.؟
وبعد ماتعشت معاهم . شافت أنهم كانو مبسوطين بيها اوى . وشافت الحب الكبير بين جاسر . وملك . - اخيرا مالك وصلها . وشرح ل سوزان . ان ساره اغمي عليها .. وكانت تعبانه جدا . وسابهم و استاذن ومشي ..
- ساره : شافت سوزي . ما قلقتش عليها ولا حاجه .. وكمان ابتسام ..ومحدش سألها . ايه الل حصل معاكى . ولا ايه الل تعبك ... اهم حاجه عندهم سألوها . عملتي ايه مع جاسر . اغرتيه ولا لأ ..
-وقررت ما تقولش ليهم حاجه .. وانها مسيرها تعرف الحقيقه .. وطول الاسبوع ده قاعده تفكر. كتير ..ومش عارفه توصل لقرار ظ لكن كل اللي هي عارفاه انها حبت مالك وجدا كمان ..
_______
- اما رودي . اخدت .. رقم فارس من رينو .. وكل شويه تبعت ايموشنات .. على الواتساب .. وايموشنات . تضحك .. وقالتله يا فارس انا رودي .. وفارس ضحك على جنونها .. وكل يوم تبعتله ايموشن . وبوست ضحك .. الصبح وقبل ماتنام ..
. وفارس اتعود على كده .. واول مايصحى من النوم . يمسك فونه .. علشان يشوف المجنونه رودي بعتت ايه .. و قبل ما ينام كمان .. وكانت كل كلامها بيضحك فارس .. وتصرفاتها كانت غريبه جدا .. لكن فارس مش عارف ليه . هو بيعتبرها طفله صغيره .. لكن محيره عقله وتفكيره ..
-------------بقلمى Mariem Nasar
- زين . ب يوصل ريتال الجامعه .. ويرجعها البيت وقت ما يكون فاضي .. علشان بيروح شركه آدم .. وقرب من ريتال اكتر .. واكتشف في ريتال انها بتغير عليه جدا .. لماشافت بنت واقفه معاه في الجامعه .. وكانت بتساله سؤال في المنهج . علشان كلهم عارفين ان زين . ماشاء الله ذكي جدا .. والبنت شكرته وسلمت عليه بايديها .. ولما ريتال شافت كده فضلت تعيط كتير .. وزعقت ل زين اللي اول مره يشوف روتي متعصبه . وصوتها عالي وقالتله انها هتضرب البنت دي .. وكان زين مبسوط قوي . ان ريتال اخيرا نطقت . وعاشوا الاسبوع ده في مشاكسات مع بعض ...
-----------
-اما مراد . يوميا يوصل فريحه . وقرب منها جدا لانها خلاص مراته . واسبوع و هيرجع الكليه . ومش هيشوفها خلال شهر . ويوميا لازم يبوسها .
- وفريحه : محرجه جدا من جراءة مراد . وانه كل يوم يبوسها . ولكن واحده واحده فريحه حبة طريقه مراد الجديده .. وكمان اكتشفت ان مراد حنين معاها جدا .. وعاشوا الاسبوع ده في حب وغرام وكمان ضحك ..
----------
- محمد : عايش حب وغرام وهيام . مع نورو . ولكن حارم نفسه . ومش عايز يقرب من نور . رغم انها مراته . لكن حاسس لو لمس بس شفايف نور . هينهار وهيتجرأ اكثر من كده .
- ونور : في الاسبوع ده . قربت من محمد . وكل يوم تكلمه في الفون وتنام على صوته كالعاده . واليوم اللي يبقى فيه نبطشيه تسهر معاه على الفون . ويقضوا مع بعض اجمل وقت .. وكمان بينفذ طلبات نور قبل رمضان .. وعمللها الديكورات اللي هي طلبتها بالضبط .. وكمان محمد عمللها مفاجاه .. عمل صوره كبيره جدا في اوضه النوم . والصوره دي اخده عرض الحيطه كلها . وفيها صور كتير جدا ل نور . من يوم . ماتولدت . لسن 21. مراحل عمرها . والحيطه شكلها يخطف القلب .. ونور ما تعرفش ولسه ما شفتهاش . و هتشوفها ليله فرحهم ..
-------------بقلمى Mariem Nasar
- اما رينو : عايشه فتره فراق . والحزن سيطر عليها لكن جواها بس . ومش عايزه حد يلاحظ حزنها ... حزنها يبقى في قلبها وفي اوضتها وبس ...لكن قدامهم بتمثل انها اسعد بنت في العالم .. وده صعب جدا انك تعيشي في دور مش دورك وانك تعيشي مضطره ترسمي الضحكه . وقلبك مجروح وبينزف.
( انا من رأيي . ان رينو مجروحه اكتر من فهد .. لان فهد لو مخنوق بيخرج خنقته في اي حاجه قدامه .. لكن رينو على عكسه . حابسه .جرحها جواها ..كفايه التنهيده اللي بتطلع من قلبها .وقت وجعها.)
- المهم رينو عايشه في صراع . وقبل رمضان بيوم طبعا زي ما احنا عارفين .. ان الشباب هيكونو موجودين . عند آدم .وبيعلقوا الزينه . وفوانيس رمضان .
- عند آدم : كان فهد موجود معاهم . ونور نزلت تعلق الزينه مع محمد .. وكمان فريحه كانت موجوده مع مرادها . بتعلق الزينه والضحكه على وشهم ..
وريتال مع خطيبها زين .. ومريم مع يوسف بتعلق الزينه معاه وكان بيغازلها.
- وكلهم مبسوطين . لكن رينو اعتذرت بحجة انها وراها امتحان مهم .ولازم تراجع . وكانت بتراقب الكل من التراس . وشايفه الكل مبسوط وعينيها على فهد . اللي كان بينتقم في الشغل اللي عليه من تعليق الزينه . وكان ساكت خالص وحاطط السماعات في ودانه بحجه انه يسمع ميوزك . وسيبهم براحتهم ولابس النضاره .. ورينو عينيها عليه . وافتكرت غيرته عليها ..ونادر .والدكتور وغيرو .وغيرو .
واسلوبه العصبي معاها . وكان كل ده حب .. وعرفت من فارس ان فهد بيحبها .. وهو كمان اعترف بحبه ليها .. ورينو . بجد تعبانه لكن حاولت على قد ما تقدر . تقنع نفسها انها لسه صغيره 17 سنه تانيه ثانوي .. وان الحب لسه بدري عليها . وانها وارثه ذكاء آدم . ولازم تذاكر وتعوض فشلها في الحب .. بانها تنجح في تعليمها .. لان ده مستقبلها وأن . فهد رسم حبه ليها ومسحه بايده وايديها ..وهي هترسم مستقبلها . لكن هترسمه صح .. وقررت انها تركز اكتر . لان امتحانات اخر السنه قربت . وانها تركز في السنه اللي جايه .. علشان دي هتكون الفيصل في رسم طريقها .. واتنهدت . وعينيها على فهد . اللي موجود في الجنينه مع العيله . ولكن لوحده ..
------------
- اما فهد : طول الاسبوع يفكر . في رينو وانها وحشاه قوي . وكمان نفسه يسمع صوتها .. نفسه يكلمها . نفسه يشوفها لدرجة انه بيروح يراقبها. من بعيد . وهي في المدرسه . ويستناها في ميعاد خروجها . ويوقف بعيد ويشوف اجمل وش هو بيعشقه ..
- لدرجة ان رينو اتخيلت بفهد وحست أنه موجود ... وبصت حواليها .. لكن مالقيتوش .. لان فهد كان واقف وكانت وحشاه قوي .. وقرب عليها وحس ان رينو هتشوفه .. وهو بسرعه استخبى وما شافتوش .. وكل يوم على كده . يروح عند مدرستها و يراقبها من بعيد .. لان ده الوقت الوحيد اللي يقدر يشوفها فيه كويس .. وبعدها يروح لافكاره .. وصورها وفيديوهاتها .وكان بيعد الايام لليوم اللي .هيكون موجود فيه عند آدم . علشان يشوفها . وهما بيعلقوا زينه رمضان ..
- فهد : دلوقتي في الجنينه ومش عايز يتكلم مع حد .. شايف كل حبيب مع حبيبه . حتى فارس اخوه كل شويه يشوفه يفتح الفون على صوت الرسايل ويضحك .. وبعدها يهز راسه وهو بيضحك ويرجع لشغله من تاني .. شايف جنون حب فريحه ل مراد وضحكهم الا على وشهم على طول .. شايف الرومانسيه اللي بين محمد ونور ...شايف هدوء الحب اللي بين يوسف ومريم ... وشايف مزاوله الحب مع زين وريتال... وبعدها بص على مالك اللي بيتكلم في التليفون وبيضحك ... ولكن هو عارف ماليكه دايما قاعده ساكته ..
-وبعدها شاف فراق الحب بين الفهد . ولارين . وسابهم يعيشو الحب . وهو يشتغل بعيد عنهم ومستني رينو تنزل علشان يشوفها وكان منتظرها بس لسه ما نزلتش .. وهو بيفكر شافها . واقفه في التراس من بعيد .. وعينيها عليه .. هنا قلبه دق .. وكان لابس النضاره . وحاول يملى عينيه منها . وشايف ان رينو زعلانه ودبلانه . وانها واقفه ومربعه ايديها وسانده راسها على عمود التراس . وسرحانه وعينيها عليه بس سرحانه . وبتفكر... ياترى بتفكري فيا يا رينو !؟ قصدي يا انسه لارين . وعيونه كانت عليها من تحت النضاره . ورقابها وهي متحركتش.. فضلت واقفه لانها ما تعرفش ان فهد شافها .. لانها لوحست أنه شايفها . كانت دخلت جوه .. وفهد كان نفسه يطلعلها .. ويقولها تنزل وتفرح معاهم .. لانه متعود انها تعمل دوشه في اي مكان .. وهزارها اللي بيحبه .. انزلي يا لارين انزلي .. تعالى .. لكن للاسف لارين اتحركت . ودخلت جوه وما طلعتش تاني .. وفهد قلع النضاره . وعينيه اتعلقت على بلكونتها .. لكن مفيش امل . ورجعو . لذكرياتهم من تاني واليوم كان طويل عليهم .. لان بعد ما خلصوا .. آدم دبح عجلين . علشان يوزع على الغلابه .. زي ما خالد الله يرحمه كان بيعمل .. وكانت في طقوس وان مريم لازم تسمع النقشبندي واغانى رمضان. وكانت مريم مع سعاد جوه والبنات . بيجهزو شنط رمضان علشان . مراد وزين يوزعوهم . وآدم وكل اللي في البيت . ومريم كل سنه مع رؤيه الهلال . دموعها تنزل لان رمضان ليه شعور مميز . وفرحه في القلب مميزه
- وادم اخيرا خلص . والشباب كلهم خلصوا .. وآدم كان عازمهم كلهم يتغدوا عنده .بما انهم موجودين . وكان يوم جميل .. لكن رينو قالت لمامتها انها هتاكل وهي بتذاكر .. وكانت بتكلم مريم والضحكه على وشها .. ومريم . قالتلهم ان رينو هتذاكر وتتغدى في اوضتها .. وفهد سمع طبعا . وقلبه وجعه وادايق . وقام من على الاكل .. لكن بطريقه لطيفه . علشان محدش يلاحظ حاجه .. واليوم عدي عليهم ..والمغرب اذن . وبدأت اغاني رمضان . في كل بيت.. وفرحه الأولاد في الشوارع ...بعد رؤية الهلال .ونورو الزينه والفوانيس ..ف الفيلا ..وكل بيت...
. وآدم مش ملاحق يرد على كميه التليفونات من الاحباب والاصحاب ..
- وبيتر .. اول واحد كلمه . وقاله كل سنه وانت طيب . رمضان كريم .. و كمان مراته انجي . كلمت مريم .. وقالتلها كل سنه وهي طيبه .. زي كل سنه وتكلموا كتير .. وبعد كده .. كل اخ اتصل على اخته .. وطارق كلم آدم .. وآدم كلم مصطفى .. والكل كان بيهني التاني بالمناسبه اللي ما فيش مناسبه تعادلها في الكون كله .. والفرحه كانت على وش كل الاحباب .. وكل حبيب بعد رؤيه الهلال طلع لحبيبته الهديه اللي جابها ليها
- يوسف : جاب فانوس ل مريم مكتوب عليه . رمضان احلى. مع مريم .. وفرحت جدا .. وكل ده عند آدم
- وزين : طلع بسرعه فوق .. وجاب فانوس ريتال ..ومكتوب عليه .. رمضان احلى مع زين . وريتال .
- مالك : طبعا صور فانوس ساره . وبعته ليها على الواتس .. وقال لها كل سنه وانتي طيبه . و ساره شافت الصوره على الواتس وفرحت . لانها اول مره حد يجبلها فانوس .. ومالك قالها انه هيقدملها الفانوس . بعد بكره في الشركه . وقالتلو . كل سنه وانت طيب يا مالك ...
-وفارس كان فاتح واتس. وواقف بيضحك . لان رودي طلبت من فارس .. أنه يجبلها فانوس رمضان . ويكون مكتوب عليه رمضان احلى مع رودي وبس .. وضحك على طفولتها المجنونه .. وببيفكر انه يجيبلها فانوس .. وقالها كل سنه وانتي طيبه يا رودي.
- اما مراد : جاب ل فريحه فانوس صغير جدا ميداليه . وقالها حطي فيه المفاتيح ... وفريحه اتغاظت جدا . والكل ضحك عليهم . وفريحه اديقت اكتر ... ومراد . لما شافها مدايقه . اخدها على اوضته . فوق . وقدملها . فانوس رمضان .وكان جميل جدآ .. وكان صورتهم الاتنين على الفانوس ..و مكتوب عليه رمضان احلى . مع مراد وبس .
.وفريحه ضحكت . وفرحت ومراد قالها . كل سنه وانتي معايا .. وطبعا اتجرأ .وقرب منها وباسها برقه وحب ..
-----------
- اما محمد . قدم هديته المميزه . ل نور . وكان جايبلها فانوس جميل جدا .وكاتب عليه . نور .وبس وجبلها عروسه جميله . وشايف ان العروسه . بتشبه نور كتير .. ونور كانت مبسوطه اوى . وقالتله كل سنه وانت معايا ..
-----------
- اما فهد : طبعا جاب فانوس ل رينو .. لكن مش عارف يقدموا .. ازاي وبيفكر .. وراح واتكلم مع نور وقالها تقدم الفانوس ده ل رينو . لكن على اساس انتي الل جايباه .. ونور استغربت . وبعدها فهمت .. وقالها لو مش هتعملي كده بلاش ..
- نور فهمت . ان فهد بيحب رينو . لكن رينو مش موجوده . وهو عايز يقدملها الفانوس .. وقالت لا خلاص هطلع دلوقتي اقدمهولها . وفهد . أكد عليها ان رينو متعرفش .. وفعلا طلعت ودخلت على رينو اللي كانت بتذاكر .. او بتمثل انها بتذاكر .. ونور سلمت عليها وقالتلها كل سنه وانتي طيبه . وقالتلها. ان محمد ..جابلك الفانوس ده .. ورينو فرحت ومسكت الفانوس بحب .. لكن شمت البرفان اللي جاي من الفانوس ..وقالت جواها ده برفان فهد ..وحاسه انه من فهد .. وكان الفانوس جميل جدا ومكتوب عليه . كل عام وانتي بخير يا صغيرتي .. واحساس كبير جواها ان الفانوس ده فعلا من فهد.. هو كل سنه يجيبلها عروسه .. لكن مجابش السنه دي.. لكن ده فانوس .واحتارت. يا ترى فهد .. ولا ابيه محمد ..
- نور : بمكر .. قالتلها المفروض تنزلي . الكل بيبارك لبعض وبيهني بالمناسبه الجميله دي .. وعلى فكره محمد زعلان منك علشان ماشافكيش من الصبح .. على الاقل انزلي اشكريه .
- رينو . هزت راسها وقالتلها حاضر هلبس الحجاب وانزل . وكمان عايزه اسلم على بابي ومامي...
نور : قالتلها . انتى هتقعدى يجي ساعه علشان تلمي شعرك ده . ولسه الحجاب .. رينو لا هلم شعرى بسرعه . وهنزل .. .ونور .. قالتلها طيب انا هسبقك...
. ونور نزلت بسرعه .. علشان تفهم محمد . وقالتله ..
ومحمد ابتسم . وبص على فهد .. وبكده محمد فهم تغيير فهد ورينو ...
- ونور ..راحت لفهد وقالتله انها قدمتلها الهديه . ولكن ماقولتش انك انت اللي جبتها اطمن ...
فهد : هز راسه متشكر يا نور ..
نور : على فكره هي نازله ...
فهد : قلبه دق .. وحاسس ان الدم بدأ يمشي ف عروقه من تاني .. والكل ب يسلم على بعض .. لكن فهد .. عينه على السلم مستني معشوقته الصغيره ..
. لحد ما اخيرا لمح .. طيف لارين وهي بتظهر ...وبدات تنزل على السلم .. وكل خطوه بتزيد من دقات قلب الفهد ... ولارين كانت بتدور على فهد وهي نازله .. ونزلت وريتال ومريم قابلوها وسلمت عليهم .. وقالوا لبعض كل سنه وانت طيبه .. وبعدها سلمت على فريحه ومليكه .. وكمان اخواتها .. وسلمت على مالك ويوسف .. وسلمت على محمد وشكرته على الهديه . ومحمد هز راسه ليها .. وسلمت على مريم اللي حضنتها بحب .. وفهد قلبه بيدق .. وكمان رينو.. وسلمت على آدم . وزين . وكل الموجودين .. وفهد كان واقف جمب نور .. الل رينو سلمت عليها تاني وخلاص .. ما فاضلش غير . الفهد.
- رينو : وقفت قدامه ودقات قلبها بتزيد .. رينو : احم كل سنه وانت طيب يا فهد . رمضان كريم..
فهد : مش مصدق انه سمع اسمه . وقلبه هيطلع من مكانه .
ولكن بغباء منه قالها ..وحضرتك طيبه يا ... انسه لارين ...
-هنا رينو بلعت ريقها بتعب .. لان فهد كده عاملها في حدود القرابه وبس .. ايوه فهد بيحبها . وجبلها الهديه .. ومنتظر يشوفها بلهفه .. لكن هو مش بالضعف ده .. انه ينسى الاهانه بسهوله .. ومن غباءه اتحرك ومشي من قدامها .. لكن مشي علشان ما يضعفش وهي شافت انه مشي علشان يبعد عنها..
ورينو عيونها اتملت بالدموع .. لكن الفرحه اللي حواليها و اخواتها .. وآدم قرب منها تاني وحضنها . كل سنه وانتي طيبه يا نوتيلتي.... رينو ابتسمت وانت طيب يا اجمل واحن بابي في الدنيا ... وآدم جابلها . فانوس زى كل سنه وقدموهولها . وكمان نور . وفرحو . با ابوهم الحنين .والحبيب . والصديق . والاخ الكبير ..
- وكده خلاص العشا هتاذن .. والكل جهز من الشباب علشان آدم هياخدهم ويروحو يصلو التراويح في المسجد .. اللي مريم اتبرعت بيه صدقه جاريه .على روح خالد ونهاد وباباها ومامتها... لان دي كانت امنية مريم من زمان .. وكل سنه آدم بياخد الشباب ويروح يصلي التراويح في المسجد ده . اول يوم من رؤيه الهلال .. وكمان مصطفى وطارق وجاسر واشرف وحسام اتجمعوا هناك .. وبداو . وصلوا التراويح .. وكل واحد في السجود بدا يدعي ويتمنى .. وكان امنيه فهد انه يحاول ينساها .. وكل واحد اتمنى ان ربنا يجمعه مع حبيبه في الحلال.. وكانت امنيه .. آدم . ان ربنا يديم مريم في حياته .. واولاده ويحفظهم من كل شر .. ويتقبل صيامه .. وكل واحد دعا واتمنى ..
-اما عند مريم : كلهم اتوضو وصلو جماعه في البيت. ومريم اللي يصلي بيهم العشاء والتراويح .. وكل واحده دعت من قلبها اللي يحفظ لها جوزها .. وخطيبها . ورينو .اتمنت انها تتخطي مرحله حب فهد .. وتركز في دراستها ... ومريم اتمنت ودعت ان ربنا يحفظلها . آدامها . ومراد يحفظه من كل شر في المهمات .. وكمان زين وتفرح ب نور .. ويريح قلب رينو .. ويتقبل صيامها .. ودعت كتير بدموع ... ..وكانوا كلهم فرحانين بشهر الخير . وصلاه التراويح خلصت في المسجد .. والكل بيسلم على بعض . وكل واحد روح على بيته وهما مروحين شافو الشوارع والزينه وفوانيس رمضان واغاني رمضان مسمعه في كل بيت وحاره وشارع ....
- آدم : اخذ الشباب كلها ورجع على البيت . علشان كل واحد ياخد خطيبته . ومراته . يوصلها ورجعو على البيت .. ودخلو وكانوا البنات خلصوا صلاه .. ونور وفريحه ورينو والبنات . سلموا على آدم اول ما دخل البيت .. وقعدو شويه .. واول واحد قامو واستأذن فهد .. لانه عايز يروح البيت عندهم . ويسلم على . رنا لانه متأكد انها بتعيط . علشان فهد مش هيتسحر معاها النهارده .. وفعلا سلم على كل الموجودين ومشي .. ومابصش على رينو وخرج .. لكن كان بيلعن نفسه .. وانه ليه ما سلمش عليها .. لانه حاسس انها زعلت منه تاني ..
- وبدؤا : الشباب يمشوا ..
-يوسف اخد مريم علشان يوصلها . وسلم على حسام وهدي ..
- وزين : اخد ريتال يوصلها ..وادم برده حظر زين . ان ريتال امانه .. وكمان احنا في شهر كريم .. وفعلا زين وصلها باحترام .. وسلم على اشرف وهنا . ومصطفى وشرين ..
-ومراد : اخد فريحه يوصلها قبل ما آدم يحظرو . واخدها وجري . ووصلها فعلا باحترام . وسلم على طارق ورنا .. وكمان .. كان فهد هناك . وقام علشان يمشي مع مراد .. ورنا كانت زعلانه .. لكن فهد قالها مش هينفع . وانه هيتسحر في شقته ومشي مع مراد اللي اتحجج بيه اول مشافه .
-مالك : اخد مليكه وسلم عليهم ووصل مليكه للبيت.. وبتفكير .. اتصل على ساره وقالها انه هيجيلها . ويسلم عليها عند البيت . ويقدملها الفانوس لانه مش هيصبر لبعد بكره .. وساره فرحت بخوف .. وقالتله انها هتنزله على اول الشارع. . لانه ماينفعش يجي البيت .. لان في الحقيقه ساره خايفه جواها من سوزي .... ووافق وراح ل ساره ونزلت وركبت جمبه فى العربيه .. وقدملها الفانوس وكانت مبسوطه لكن مش قوي .. لان سوزي لو عرفت هتدايق .. ومالك حكى ل ساره عن اليوم كله . وعن العادات والتقاليد .. وفوانيس رمضان اللي علقوها وكل حاجه عملوها في الفيلا عند آدم .. وصلاه التراويح . والكل يسلم على بعض .. مالك بيحكي.. وساره مستغربه سوزي... ليه ما بتعملش كدا ..! ومبتحتفلش ب رمضان ... سوزي اصلا ما بتصومش بحجة انها بتتعب من الصيام .. ساره بتحاول توضح لنفسها الرؤيه .. وكمان اول مره تحس ب شهر رمضان .. لان . جاسر وملك . اتصلوا عليها وكلموها وقالولها كل سنه وهي طيبه .. وكمان مالك جابلها فانوس جميل .. مكتوب عليه رمضان احلى مع ساره ..
- وكمان : استغربت ان سوزي وابتسام . ما قالوش لبعض ولا ليها كل سنه وانتي طيبه .. حتى ابتسام وسوزي معلقوش زينه ..ولا اهتمو . معقول.!!
- ومالك : كلمها تاني . وقالها انها ديما بتسرح كتير .وهي معاه .. قالتله لا هي بس بتتخيل اليوم ولو كانت موجوده معاهم كانت هتبقي مبسوطه ..
- مالك : حاسس انه لازم يتجرأ وقالها ان شاء الله .. السنه اللي جايه .. تكوني معانا واحنا بنحتفل .. احم بالمناسبه يا ساره كنت عايز اقولك على حاجه ..
ساره : خير يا مالك. .
مالك : انا بحبك ..
ساره : ....... وقلبها دق ..
---------------
- محمد : قعد مع آدم .ومريم ونور ورينو ..ويضحكوا كتير مع بعض .. وقام واستأذن
علشان يروح .. وانه هيقعد عند مصطفى وشرين .. لان مصطفى مانع .محمد انه يتسحر لوحده . وان طول شهر رمضان لازم يقضيه معاهم . ومحمد اتفق مع نور انها تكلموا بعد ما تقرآ ورد القرأن .علشان يطمن عليها . واستاذنهم . ونور خرجت معاه لحد باب الفيلا .. وسلم عليها وباس على ايديها. .. كل سنه وانتي معايا يا نوري ..
نور : وانت معايا يا محمد ..
محمد : مشي ونور دخلت مبسوطه . واستاذنتهم وطلعت على اوضتها . علشان تقرا في القران . وتذاكر شويه . وبعدها تكلم محمد . علشان تنام لانهم هيصحو بدري علشان يتسحره ...
- ورينو : استاذنتهم علشان تطلع تقرأ قرآن . وتذاكر وتنام ..
- وآدم: قالها يا ريت ما تتعبوش وهو بيصحيها لسحور . زي كل سنه .. وضحكوا . .
. وطلعت تكمل احزنها مع نفسها .. ومسكت الفانوس وقالت كل سنه وانت طيب يا فهد .. لان رينو عارفه ان ده هديه من فهد .. وفتحت المصحف و بتقرا فيه علشان ترتاح شويه ..
- زين : رجع . وبعده بشويه .مراد رجع .. ومريم نبهت عليهم . انهم يقرأو . في القرآن . قبل ما يناموا . وطلعوا على اوضهم ..
-ومريم . وآدم في الليفنج .وهيطلعو . اوضتهم .. ولكن آدم .. دخل المطبخ . ل داداه . سعاد . وسلم عليها وقال للبنات كل سنه وانتم طيبين . رمضان كريم . وقدم ظرف لكل واحده فيهم . وقاللهم . ان دي اول سنه . وان ده اول رمضان ليهم معاهم . ودي ان شاء الله هتكون عاده كل سنه .. وكمان لبس العيد انتو واولادكو . عندي أنا ... وسعاد والبنات دعوه ل آدم ومريم . بطوله العمر وان ربنا يزيدهم من فضله..
- ومريم : قلبها فرح جدا باللي عمله آدم .. واخد اميرته وطلعوا على فوق .. واول ماقفل الباب .. مريم رايحه على الحمام .. آدم راح عليها .. وشالها وحضنها .. كل سنه وانتي . في دمي . وقلبي وروحي .وعقلي . وحياتي.
مريم : حضنته بحب . وهو شايلها . كل سنه وانت جمبي ومعايا . كل سنه وانت نبضي يا آدم ..
آدم : باسها من خدها . وكشر عينيه ليها .. كنتي مفكره اني ناسيكي.
مريم : بصراحه .انا استغربت انك سلمت على كل الموجودين .وانا لأ . .
آدم : وانتي اي حد .. علشان اسلم عليكي كده .. انتي روحي . انتي عشق ال آدم . وباسها تاني ونزلها . وراح فتح الدولاب وطلع علبه ليها وفتحها .. وطلع منها . فانوس جميل ..ومكتوب عليه كل سنه وانتي عشقي ..
مريم : ابتسمت بسعاده .. حبيبي انت لسه برده مصمم .. انك كل سنه تجيبلي فانوس ..
آدم : وكل يوم لو عايزه ..
مريم : حضنته بحبك يا آدم ربنا يديمك في حياتنا آدم : ويديمك في قلبي . رمضان كريم ياروحي
مريم : الله أكرم. ياحبيبى ..
--------------- بقلمى Mariem Nasar
( طبعاً . طارق . وجاسر . وأشرف . وحسام .كل واحد جاب فانوس . ل حبيبته . وكانو مبسوطين)
- كده : كل واحد روح بيته . وكل واحد سلم على حبيبه . وصاحبه وجاره . وكل واحد فتح المصحف وقرآ فيه .. وكل واحد كلم حبيبته واطمن عليها .. وكل واحد اتصل على مراته .. اللي كاتب كتابه عليها وكلمها واطمن عليها .. وكل واحد ظبط المنبه على ميعاد السحور .. وفيهم الل اخد حبيبه في حضنه ونام .
----------
الساعه ١ صباحاً . عند طارق ...
طارق ورنا ..صلو ركعتين قيام الليل ...وبعدها نامو .
- والكل نايم ... ولسه حوالي ساعه على السحور . وباب الفيلا اتفتح .. وكان فهد اللي كان قاعد في شقته .. وكان زعلان لما شاف .دموع امه .. وفكر انه .. مايكسرش فرحتها في الشهر الكريم .
.وقرر انه يشتري سحور . وراح عندهم .. وفتح الباب وهو مفكر ان كلهم نايمين .. لكن دخل وكان فارس صاحي وخرج يشوف مين اللي فتح الباب ..
فارس : مين ..
فهد : انا . انا يا فارس.
فارس : اهلا يا فهد .. وايه الشنط دي .
فهد : ده . سحور.
فارس : طيب تمام . وحلو قوي انك هتتسحر معانا.
فهد : ايوه . امسك بقى دخل الحاجات دي في المطبخ . وانا هادخل اغير واجيلك علشان نجهز السحور انا وانت . اشطا
فارس : ابتسم اشطا ..
. وفهد . ماشي بيقلع التيشرت وهو داخل على أوضته.
فارس : انت مش هتبطل العاده دي بقى ..!؟
( أنه بيقلع التيشرت وهو داخل ع الاوضه . او الحمام .)
فهد : بصله . لأ .ودخل .
فارس : ابتسم لان فهد هيتسحر معاهم .. لان رنا عيطت كتير ..
فهد : غير وخرج وجهز السحور هو وفارس .وجهزو السفره .. وكله تمام ..
فهد : راح خبط على اوضه طارق ورنا .علشان . يصحيهم . وكمان عايز يصالح رنا . وخبط تاني .ورنا قامت و فتحت .. وشافت فهد و كانت عينيها مقفوله مش قوي . ولكن لما شافت فهد ماكنتش مصدقه نفسها ..
فهد : ابتسم . رمضان كريم يام فهد ..
رنا : مش مصدقه . وضحكت .وضمت . فهد الله اكرم يا حبيبي . الله اكرم ..
فهد : ضمها بحب و باس ايديها .وجبينها . حبيبتي ما تزعليش مني ...
رنا : انا عمري ما ازعل منك يا عمري ..
فهد : طيب يلا بقى. صحي طارق علشان السحور جهز ...وانا هصحي فريحه . المتعبه .
رنا : ضحكت .بفرحه . حاضر . حاضر يا فهد .. ودخلت . بسرعه . تصحى طارق ..
- وفهد : راح يخبط على فريحه ..
رنا : طارق قوم... قوم يا طارق . طاااااق طاااااااااااارق
طارق : قام مفزوع .. ايه .ايه .ايه في ايه . الفجر إذن ولا ايه .. لاااااا انا كده هعطش لا..
رنا : اوف. يا راجل فوق كده ..
طارق : ايه يا رنا حاسه بحاجه يا حبيبتي ..
رنا : طارق . قوم فهد ابنك جه بره . وهيتسحر معانا .
طارق : بيتاوب . لا والله يعني الفجر ما اذنش الحمد لله هاشرب ..
رنا : بغيظ . قوم يا طاااااارق قوم . باقولك فهد جه بره ..
طارق : فاق . وبفرحه .. ايه انتي بتتكلمي جد .. و قام من مكانه . وخرج ..وكان فهد صحا فريحه اللي فحضن اخوها و نايمه على صدره وفرحانه وكمان بتنام وهي واقفه .
فهد : ابتسم يلا يا كسلانه علشان تتسحري . واخدها على الحمام الخارجي . وغسلها وشها بالميه . وحاول يخليها تفوق . وفاقت .. وطارق ورنا وفارس.. متابعين فهد المحرومين من حنيته وجنونه في نفس الوقت .
- وخرج . بيها وقعدها على كرسي السفره .ورانا جت وكانت طايره من الفرحه . ان فهد موجود معاهم .
-وطارق جه وسلم على فهد بحب ..
..وطارق قلبه فرحان . وقعدو . وموجهوش كلام لفهد.
انت جيت ليه؟؟ او رجعت في كلامك ليه؟؟ .. لا هما اكتفو . ان فهد موجود معاهم .
-وكمان فريحه بتاكل ومبسوطه ..
طارق : فريحه .متاكليش جبنه كتير هتعطشي . وكفايه مخلل ..
فريحه : الله يا بابي . انا جعانه بقى ..
طارق : شيل يابنى . المخلل ده . وتيجي تقوللي اعاااا انا عطشانه . وتقضي اليوم نوم . لحد المغرب.
فريحه : خطفت من الطبق مخلل وضحكوا عليها ..
. بابي . لا ان شاء الله مش هاعطش ..
طارق : ماشي انتي. حره . قال يعنى هتاكلي مخلل ومش هتكوني عطشانه ..
رنا : ابوكى . معاه حق يا فريحه . انتي كدا هتعطشى يا حبيبتي ..
فريحه : لا يا مامي . وبعدين النهارده الجمعه هنام وفضلوا يتناقش كتير على السحور . ويضحكو . ومبسوطين .وفهد كمان كان مبسوط . وضحك وهزر مع أبوه وفارس .
----------------
هدى : صلت هي وحسام . قبل النوم .. ونامو . وقامت علشان تجهز السحور .ومالقتش حسام نايم جمبها . وخرجت تشوفه بره . .وشافت حسام في المطبخ هو ومريم . بيجهزوا السحور..
هدى : ايه ده !؟ بتعملوا ايه .!؟
حسام : صح النوم يا حبيبتي ..
مريم : ابدا . يا ماما .. انا لسه صاحيه زيك كده. بالظبط . صحيت على المنبه . وخرجت لقيت بابا حبيبي . بيجهز الصحور . اتحايلت عليه كتير . يخرج وانا هجهز . قالى لا..
حسام : حبيبتي انا و خلصت خلاص . خدي بس اللانشون والجبن دي وحطي الاكل على السفره.
هدى : ابتسمت بحب ربنا ما يحرمنا منك يا حسام .
وافتكرت زياد . وعيطت . لان ده اول رمضان من غيره .. وفاقت . علي صوت فونها ..
هدى : بدموع . واتخضت. يا ترى مين اللي هيتصل دلوقت ..
حسام : شوفي مين . يمكن حد من العيله وعايز يصحينا ولا حاجه . انتى عارفه مفيش نوم فى رمضان .
مريم : جابت الفون . ده رقم دولي يا ماما ..
هدى : ردى كده يا بنتي . تلاقيه حد اتصل بالغلط.
مريم : حاضر . السلام عليكم ..
زياد : تنيهده . وعليكم السلام
مريم : شهقت بفرحه .. ابيه زياد ..
زياد : روح . ابيه زياد .. ازيك يا مريم وحشتيني .
مريم : عيطت . وهدى جريت هي وحسام عليها .. ومريم مكلبشه في الفون . وبدموع .. ابيه زياد .. ابيه زياد .. وحشتني .. وحشتني قوي .. انت فين يا ابيه ..
زياد : حبيبتي انتي الل وحشاني اكتر يا روحي عامله ايه يا مريم ..
مريم : عيطت بصوتها . وحشه . وحشه من غيرك يا ابيه . انا ناقصني حاجات كتير من غيرك .. فرحتي مش كامله . انت فين ورحت فين .. هترجعلنا امتى .
زياد : بدموع حبيبتي . مسيري في يوم ارجع . بس ليه يا مريم فرحتك مش كامله . انتي اتخطبتي ل يوسف وكمان كتبتي كتابك من اسبوع . مبروك يا حبيبتي ..
مريم : بدهشه ولسه هاتساله عرف منين ..
- حسام : هاتي بقى . خليني اسمع صوت ابني .. مريم : استني يا بابا .هكلمه هو وحشنى .
حسام : هاتي . اسلم عليه وبعدين كلميه . تاني هاتي للخط يقطع .. واخد الفون . الو السلام عليكم .زياد ازيك يا حبيب ابوك .. عامل ايه يابني ..!؟
زياد : مسح دموعه . ازيك يا بابا عامل ايه .!؟
حسام : انا عايش يابني وكويس الحمد لله . انت عامل ايه !؟ طمني عليك!
زياد : انا كويس قوي يا بابا ما تقلقش عليا .
حسام : متأكد . يا زياد حبيبي . انت واحشنا . لو مش مرتاح في البلد اللي انت فيها ارجع .. انا مش عارف انت فين .. وفين اراضيك يابني . لولا آدم اللي بيقولنا هما كلمتين . زياد كويس وبس ..
زياد : انا فعلا كويس يا بابا . ما تقلقش عليا ..
هدي : هات يا حسام . هات اطمن على ابني هات واخدت الفون . برجفة . ودقات قلب ام وحشها ابنها .. وقالت كلمه ودموعها نازله . وبصوت مبحوح . الو ...
زياد : سمع صوت هدى . ما استحملش .
زياد : اذيك . يا امي .
هدى : بدموع زياد ابني حبيبي . ونور عيني . طمني عليك . انت مرتاح . صحتك كويسه . بتاكل كويس . بتنام كويس . تعبان يا زياد . يا نور عيني طمني عليك. يا قلب امك .
زياد : غصب عنه دموعه نزلت تاني . حبيبتي انا بخير . وكويس قوي. و باكل وبشرب كويس . واطمني .صحتي كويسه جدا ..
هدى : الحمد لله رب العالمين .. انا مش هسالك انت فين . انا بس هاقولك ارجع يا زياد . ارجع برد قلبي يا حبيبي . انا عايزاك في حضني . عايزاك تفرح ب اختك .. اختك فرحها قرب يا زياد..
زياد : سامحيني . يا امي مش هاقدر ارجع دلوقتى . بس اكيد ان شاء الله . راجع .. المهم يا امي انا اتصلت النهارده علشان اقولك . رمضان كريم .
هدى : بدموع . الله أكرم . يا نور عيني . الله أكرم .. كل سنه وانت طيب يا زياد .
زياد : كل سنه وانتي طيبه يا امي ..
وهدى . عيطت ..ووصتو أنه يتسحر ويفطر كويس ... وكلم مريم تاني .. وحسام وقاللهم كل سنه وانتو طيبين . وقفل .. وهدى ومريم عيطوا كتير .. وحسام قالهم نحمد ربنا اننا سمعنا صوته..
رمضان ديما . يهل بالخير ...
- وهدى ابتسمت فعلا رمضان شهر الخير . و مريم مسحت دموعها ..الحمد لله . اننا اطمنا عليه . وانه كويس وبخير .. حسام . باس ايد هدى وضمها .أهدى ياحبيبتي ... ويلا بقى .. يلا الاكل هيبرد قوموا علشان نتسحر قبل الفجر مايدن
-------------بقلمى Mariem Nasar
ساره مش عارفه تنام من ساعه مالك . قالها انه بيحبها . كانت مبسوطه بخوف . فرحانه برعب. وخايفه من سوزي . ولكن بعد تفكير طويل . طلعت علشان تتسحر . وكانت سوزي قاعده بتتفرج على التلفزيون .. وابتسام نايمه ..
ساره : ماما
سوزي : ايوه
ساره : انا عارفه أنه لسه بدرى على السحور... لكن أنا جعانه .. وهعمل . سحور اعملك معايا . و نتسحر مع بعض .
سوزي : بديق . ساره انتي عارفه اني ما .بقدرش على الصوم .
ساره : راحت وقعدت جنبها .. طيب ايه رايك تحاولي تصومى السنادى . وجربي . وان شاء الله ربنا هيقويكي . وهتكملى .
سوزي : نفخت بديق . وبعدين . يا ساره . انتي ايه اللي جرالك . ومن امتى بتدخلي في حياتي .
ساره : اسفه . ياماما . مش قصدي أتدخل . بس انا كنت حابه نتسحر ونفطر مع بعض . زي باقي الناس العاديه ..
سوزي : بتريقه . هصوم . في فيلا الصاوي . اللي انت مش عارفه تتحركي وتعملي حاجه ... وسوزي اتسرعت وقالت ..وبعدين انتي هتصومى ليه . انتي المفروض تغري جاسر الفتره دى ...
ساره : بصدمه : اصوم ليه !! واغرىيه .. في رمضان يا ماما ..انتى بتطلبى من بنتك تعمل كدا !!
سوزي : ايوه في رمضان . لانك هتلبسي بقى الحجاب من بكره .. وهتعملي فيها ست الشيخه ..يا ساره .انا عايزاكي تفتحي وتركزى .. وهاتي حقك الاول .. وبعدين فكري في التفاهات دي ...
ساره : بذهول !! ماما .. انتي بتقولي ايه .. رمضان والحجاب . والصيام .. تفاهات .!!؟
سوزي : حست انها اتسرعت و هتتكشف . احم .. انا اقصد .. اقصد . ومش عارفه تقول ايه . اه انا قصدي انك ممكن تصومي بعد رمضان تعوضيه مش كده برده ..وقصدى إن الحجاب هيقيدك .. ولما تاخدي حقك ....ومش عارفه تبرر غلطتها .. باقولك ايه . انا هدخل انام . علشان ورايا شغل بكره .باي .. وهربت من قدامها . لانها مش عارفه تقول ايه .وكانت متغاظه من ساره . وغبائها .
ساره : واقفه مذهوله . ومصدومه . وكلها يأس من كلام سوزي . وبتحاول تعمل مقارنه .. وبعد تفكير. دخلت المطبخ وجهزت السحور . وجابت الاكل ودخلت اوضتها لوحدها . وهي بتفكر في كلام مالك. وسوزي . وطريقه ملك وسوزي . وحاسه انها مش قادره . تتسحر لانها . وحيده ومتلخبطه و متسحرتش .. وشالت الاكل .. وقعدت مستنيه الفجر .
----------
- جاسر وملك : صحيوا علي صوت المنبه . وكمان الداده طلعت صحتهم علشان السحور جاهز . وملك قامت وكانت مبسوطه لانها بتحب شهر رمضان جدا.
وجاسر قام يتوضى ويصلى ركعتين قيام الليل ..
.ملك راحت تصحى . ماليكه . وماليكه. كانت صاحيه لانها بتسهر .. وملك خبطت ودخلت على مليكه .. اللي قاعده على السرير وفاتحه اللاب ..
ملك : حبيبتي يلا علشان السحور جاهز ..
مليكه : كانت بتفكر في زياد .. وانه كل سنه يجيبلها عروسه . وهي ماكانتش تهتم وترميها في المخزن . لكن السنه دي . هي اكتشفت . أن ما فيش غير زياد هو اللي كان بيجيبلها هدايا .. حتى لو ابوها بيجيبلها ..لكن اكتشفت ان هديه زياد مميزه .. وحست .انها هتضعف وفاقت .. اوكي يا مامي اتفضلى . انا هانزل وراكي ..
.وملك خرجت . وراحت تصحي .مالك وكان لسه صاحي من النوم . وقام على طول لانه فرحان ومبسوط لان اهم مرحله عدت . وهي مرحلة الاعتراف وعدت على خير . وكمان ساره اتوترت وهزت راسها بالموافقه ..واول ما قام فكر انه يتصل على ساره .. وفعلا رن عليها . وساره كانت قاعده مستنيه الفجر .. وشافت رقم مالك ردت على طول .. وما لك سلم عليها .. واتطمن عليها وقالها اتسحرتي . هي قالتله ايوه .
. قالها حاسس انك بتكدبي عليا ..
ساره : اتهدت وقالتله . اكلت حاجه بسيطه .
- قالها طيب . قومي هاتي الاكل .. وكلي وانتي معايا على الفون .. وقال تلقائي .. ولا اقولك . ايه رايك احط السماعه في ودني . وانزل اتسحر .وانتي كمان تحطى السماعه في ودنك . وتتسحري .. ويبقى سحور جماعي ..انا وانتي مع بعض .. ساره . عجبتها الفكره . وحست انها فعلا جعانه .. وقالتله اوكي . وقامت وهي فرحانه .و جابت الاكل تاني . وقفلت على نفسها الاوضه . وفعلا اتسحرت مع مالك.. وسمعت . هزار هم مع بعض . وحبت العيله الصغيره الجميله دي ...
--------------
هنا : صلت القيام . وسابت اشرف بيصلى . و نزلت علشان تجهز السحور . وكانت لابسه النقاب .. علشان محمد .. ولكن اتفاجئت.. ب محمد ويوسف بيجهزوا السحور .. وراحت عليهم .
هنا : صباح الخير
محمد : صباح الخير .
يوسف : صباح الفل .
هنا : انتو بتعملوا ايه.
محمد : قولت اذكي عن صحتي . واطعم الناس المساكين الل نايمين فوق . هههه
يوسف : ههههههههه . سيبينا بقى يا هنا واخرجي . روحي صحي جدو . ونانا. وروتى . واشرف .
هنا : انت يا ولد انت . مش هتبطل تقول على ابوك اشرف كده . اسمه بابي .
يوسف : طيب روحي . واتريق . صحى اشرف . بابي .
محمد : ضحك والله عيل مشكله .. .روحي يا هنا صحيهم واحنا هنكون جهزنا السفره.
هنا : انت جاى تريحلك يومين ولا تشتغل . انت فرحك قرب والمفروض تريحلك يومين . احنا كدا تعبناك يا دكتور . . انا كنت ....
محمد : يا ستي . تعبك راحه . انا ما جاليش نوم . انتي عارفه رمضان . صليت . القيام .و قولت اجهز السحور أنا والواد ده .. اطلعي صحيهم علشان السحور جهز.
- وهنا فعلا طلعت . وصحتهم وكان مصطفى وشيرين بيصلو القيام .. وكلهم نزله . وريتال كانت .. فرحانه بعمها . وهو كمان بيحب ريتال قوي لانها رقيقه وبسكوته .. وريتال صممت تقعد جمب عمها محمد . وبداو . يتسحرو.
-------------بقلمى Mariem Nasar
- اما عند آدم ومريم . صلو وقرأو قرآن قبل ماينامو .
-كلهم نايمين . ومريم صحيت . ولسه بتتحرك . آدم حس بيها . وفتح عينيه وابتسم . وسلم عليها وباسها ..
مريم : هانزل اشوف داده سعاد ..
آدم : ااااه وانا هاقوم ابدا مهمتي ..
مريم : ههههههههه . لا إن شاء الله مش هتتعبك السنادى .
آدم : رفع ايديه ياااارب يسمع منك .اصلها متعبه .وقامو.
مريم : هههههههه . استحمل مش انت بتقول عليها نوتيلتي وهما خارجين في الطرقه .
آدم : دي نوتيلتي . وحبيبتي . وروحي .. وو.....
واتفاجئ ب نور اللي سمعته وحاطه ايديها ف وسطها . وكشرت عينيها ..
آدم : حب يخلع ... نووووور . نووووور
مريم هههههههههه . طيب انا هانزل واسيبها تنتقم براحتها .
نور : بغيره . وغيظ . استنى عندك .
مريم : وقفت وهمست ل آدم . الحاله جاتلها يا آدم
آدم : اسكتي . يا رب ما تكون سمعتني.
نور : بتقرب بشر . بتقولو ايه بقى . ان شاء الله ..
مريم : ولا حاجه .. هو بس ابوكي كان خارج علشان يصحي اختك حبيبتك الصغيره ..
آدم : اه .. اه والله فعلا . اختك حبيبتك الصغيره .
نور : ااااه نوتيلتي . وحبيبتي . وروحي . هاااا !!!
ولما هي كل ده ..!! انا ايه ان شاء الله ..!؟
مريم : كاتمه الضحكه ...
نور : ما تقول. يا آدم باشا .. وبعدين اختي الصغيره تقول عليها كده .ونازل فيها مدح. قبل الكبيره ازاي بقى ... واسميه ايه ده ان شاء الله ..
آدم : مين قال كده .. احنا قولنا عليكى في الاول انك بنتى المدلل ......
مريم : همست . علشان آدم هيكدب .. آدم احنا في رمضان ..
آدم : اه صح . استغفر الله العظيم . احم يا نور انتي عارفه ان رينو اختك الصغيره . وكل سنه بتتعبنا في اننا . نصحيها للسحور .. فانا كنت باقول ل مريم يعني .. لو .اقول لاختك وانا بصحيها .انتي نوتيلتي واقولها ..
مريم : همست تانى . اااادم احنا في رمضان .
آدم : ايوه . ايوه صح . استغفر الله العظيم .
نور : قربت من آدم . وكشرت عينيها . بعد كده لما تحب تقول حاجه على عيالك .. تقول عليا . انا . اول واحده تمام .. بدل ماشلفط عيالك . ولا هيبقوا نافعين . نوتيلا . ولا بسله ..
آدم : هههههههه . حلوه . بسله حلوه . صدقي نفسي فيها ..
مريم : ههههههههه . كل سنه وانتي طيبه يا نور . خلاص قلبك ابيض . المسامح كريم ..
آدم : رمضان كريم يا نور . وقرب عليها وحضنها هتوحشيني يا بنت اللذين ..
نور : حضنت ابوها وعيونها دمعت ..
مريم : عينيها دمعت .. الله يسامحكم . لازم ادمع انا في اي موقف ..
آدم : ضمها هي كمان ونور لحضنه . واتنهد وسمع صوت المسحراتي ..
مريم : خرجت . من حضنه . يلا احنا يا نور . ابوكى لسه وراه مهمة رينو ... يلا احنا ننزل ربنا معاك يا ادم وضحكوا ....واخدت .. نور ونزلو . وكانت داده سعاد مجهزه كل حاجه هي والبنات ...
وكان زين صاحي . وصحى مراد .
آدم : طبعا منبه على بناته . انهم يناموا في بيجامات.
. ممنوع فساتين قصيره . علشان لو حد دخل في اي وقت . تكون البنت مستوره .. وآدم خبط مره واتنين وتلاته .. وبعدها اتاكد ان رينو سحبت في نوم عميق.. و فتح الباب ودخل على رينو . وكان شعرها على وشها كله .. لان رينو شعرها طويل جدا .. وآدم ابتسم على طريقه نومها الطفولي .. وكانت نايمه وماسكه طرف الفانوس بايديها ....وشعرها مغطى وشها... وصحاها اكتر من مره .. برده ماصحيتش ..
وقرر يعمل اللي بيعمله معاها كل سنه .. وشال الفانوس . وحطه على المكتب... وشال رينو ودخل بيها الحمام ..ووقف قدام الحوض ..وحاول يبعد شعرها اللي مغطى ضهرها كله .. وغسل لها وشها. لكن مافيش فايده ....
آدم : ما فيش فايده .. شيل .يابن العدوي .شيل.. وشال رينو علي كتفه .. وكانت علي كتفه صغيره . ولكن شعرها . وآدم شايلها .معدي ضهره .كلهم قاعدين على السفره مستنيين ... آدم .. وشافوه نازل زي كل رمضان .. شايل رينو علي كتفه . وايديها مفرودين على ضهره . وشعرها الطويل الناعم واصل للاخر ضهر . آدم . ونزل بيها . وقعدها على الكرسي جمبه ..ولم شعرها . اللي محتار فيه يعملو . ازاي .. كل ما يلفوا .. من نعومته يتفرد تاني .. وفي الاخر قال مش مهم .وسابه مفرود. وكلهم مبتسمين لحركات آدم الاب الحنين .. وحاول يفوق ...رينو آدم : رينو ... رينو.. قومي يا نوتيلتي ... وسكت وبص.ل نور .. احم فوق يا بنتي الله يهديكي.. هتجيبيلي الكلام ..
مريم : ضحكت . على ادامها الل خايف من نور.
ونور : ابتسمت خلاص يا بابي مسمحاك . صحيها.
آدم : كتر خيرك والله . يا بنتي يعني . امان .
نور : امان ..علشان هتجوز بس .
آدم : وده العشم . وآدم . رينو .قومي يا قلب ابوكي .. ولكن مش مطمن .. بيبص على نور .
نور : ههههههههه. والله مش متضايقه صحيها ..
آدم : امسكيها يا مريم .
مريم : ههههههههه ظ لا ما تقلقش نور حلفت خلاص.
آدم : راح مخبط على خد رينو . وباسها من جبينها. قومى ياورحي . قومي . قومي بقى . الفجر هيدن. اصحى ..
ورينو ولا هنا .. وادم حاول معاها . وبعد فتره . ايه يا بابي سيبني انام ...
آدم : اتنهد .. اشهد ان لا اله الا الله ..قومي . يا رينو الفجر قرب يدن ولسه ما اتسحرناش .
. وآدم بص ل مراد . طلعت سحور للجنايني والبواب مراد : مبتسم .. حصل ياحاج
رينو : فتحت عينيها ببطء . وكانت جميله وشعرها طويل جدا .. ورثاه عن جدتها نور .ونهاد . لانهم كان شعرهم طويل جدا ... ونور شعرها طويل لاخر ضهرها . لكن شعر رينو اطول واتقل....
- اخيرا رينو فاقت .. ولكن ادم كان بيأكلها .. ويأكل نفسه .. ويشاور ل مريم انها تيجي جمبه علشان يأكلها .. قالتله انا مرتاحه .. كل انت بس وأكل رينو علشان الوقت ...
-ومراد : من جواه بيتمنى . وعايز يكون آدم العدوي في حنيته على اولاده . في المستقبل .
- وزين : اتمنى وعايز يبقى زي مريم . متفاهم للامور و متسامح . لأقصى درجه . و عقله كبير .... وبعد شويه اتسحره على خير.. ورينو فاقت وقامت تجري .. علشان تجيب ازازه ميه كبيره .. وقاعده تشرب قبل الفجر ما يأذن. . وكلهم قامو . يتوضو ..
آدم : اتوضا . ولبس واخد . مراد . وزين على المسجد
- ومريم اتوضت. ونور . ورينو .. ومريم قالت ل داده . سعاد والبنات يتوضو علشان هيصلوا معاها جماعه ... ومريم اتاكدت انهم اتسحروا .
- وكل بيت الحمد لله . اتسحر . وكله اتوضى واستعد لسماع الاذان .
- ومصطفى : اخد اشرف . ومحمد . ويوسف وطلعوا على المسجد
- وجاسر : اخد مالك وطلع على المسجد .
- وحسام : نزل على المسجد .
- وطارق : اخد . فهد . وفارس على المسجد .. والفجر إذن . والكل نوي الصيام .. والكل صلي الفجر ورجعو . على البيت . وقعدو للشروق . يقرأو القرآن .. وبعدها الكل نااااام -------يتبع
-------------بقلمى Mariem Nasar
الاكثر قراءة هذا الشهر :
موعد الحلقة الجديد الساعة ( 4 م ) يوميا ان شاء الله .
الى هنا تنتهى احداث رواية جريمة عشق الجزء الثانى الحلقة 19 ، يمكنكم اكمال باقى احداث رواية جريمة عشق الجزء الثانى الحلقة 20 أوقراءة المزيد من الروايات المكتملة فى قسم روايات كاملة .
نأمل أن تكونوا قد استمتعتم بـ رواية جريمة عشق ج2 ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .