رواية غرامى منتقبة البارت التاسع للكاتبة نورهان احمد

نقدم اليوم احداث رواية غرامى منتقبة البارت التاسع من روايات نورهان احمد . والتى تندرج تحت تصنيف روايات رومانسية ، والتى نالت اعجاباً شديداً بين القراء سواء واتباد أو فيس بوك  . نرحب بكم فى موقع مجنونة  عشاق روايات موقعنا ، هنا سوف تجد كل رواياتك : روايات رومانسية ، روايات رومانسية مصرية ، قصص عشق ، قصص قصيرة ، قصص حب ، روايات pdf ، روايات واتباد ، قصص رعب ، روايات رومانسية كوميدية .

غرامى منتقبة البارت التاسع

روايه غرامى منتقبه الفصل التاسع

البارت التاسع 

عند ايلن في البيت وفي غرفة ايلن حيث يدق عليها أخيها محمود الباب

ايلن:ادخل

محمود وبمجرد ما فتح ابتسم على منظرها الطفولي حيث كانت ايلن تردي بيجامة مرسوم عليها كرتون ومصفقة شعرها البنى الطويل على شكل قطتين وتجلس تذاكر

محمود بابتسامة:حاسس ان طفلة قاعدة تذاكر مش طالبة جامعية!!

ايلن:ويا ريت عارفة اركز اصلا

محمود باستغراب:وانتي مش عارفة تركزي لي بقاا يا ست الدحيحة

ايلن بقلق:مش عارفة يا محمود اروي مجتش انهرده الجامعة وبكلمها من الصبح مش بترد ودي مش ععادتها وانا قلقانة عليها جدا وانا لما بكون قلقانة مبعرفش اركز في حاجة

محمود بتذكر:اي ده انا نسيت اقولك اصلا انا شوفت اروي انهرده في المستشفى واتكلمت معاها وعرفت أن والدها تعبان شوية فاكيد علشان كده مجتش الجامعة

ايلن:كده يا تبقاا عارف وسايبني قلقانة كده

محمود:والله مش عارف يبنتي نسيت ازاي

ايلن بقلق:طيب هو اونكل اكمل كويس يعني

محمود:اه متقلقيش انا اطمئنت عليه من على لأن هو ال متابع حالته وقالي كلها يومين ويخرج من المستشفي

ايلن:ربنا يشفيه بس انت لازم توديني علشان ازوره ماشي

محمود:خلاص تمام بكرا وانا رايح المستشفى هبقاا اخدك معايا

ايلن:تسلملي يا حبيبي ربنا يديمك ليا

محمود:ويديمك ليا يا حبيبتي

ايلن:يلا بقاا هوينا علشان عايزه اذاكر عندي امتحانات يا بابا مش زيك فاضي

محمود:بت واطية من يومك والله
*****************************
وفي شقة رامي حيث يدخل صهيب المالكي وبمجرد ما إن رأي رامي يحاول الاعتداء على أخته تغلى الدماء في عروقه ليخرج سلاحه لتطلق منه رصاصة تصيب قدم رامي. وبمجرد أن رأت نادين أخيها يخرج سلاحه ويصوبه ناحية رامي تقع مغشيا عليها

رامي بعد اصابته:ااااااااااااه

صهيب بقلق فيهرول ناحية اخته فمهما حدث ستظل اخته:نادين نادين

ويحاول أن يفيقها ولكن لاحياة لمن تنادي فيقوم يحملها بين زراعيه وينزل بها من العمارة ليقابل حرسه حيث ينتظرونه

صهيب بعصبية وهو يحمل اخته:في واحد فوق مضروب بالنار تجيبه على الفيلا القديمة وتسيبه زي ما هو لحد مجيله فاهمين وقال آخر كلمة بصريخ

سامح برعب:فاهم يا باشا تحت امرك

لينطلق صهيب بسيارته بأعلى سرعة ممكنة نحو المستشفى وهو في قمة رعبه وقلقه عليها فهو يعرف انه السبب فيما حدث لها وهو السبب في تعرض حياتها للخطر دائما ولكنه يحملها جزء من المسئولية ولكن كل هذا ما يدور برأسه ليس وقته فالاهم عنده أن يطمئن على اخته
***************************
وفي المستشفى وفي غرفة والد اروي

لميس ببكاء:حمدلله على سلامتك يا أكمل

اكمل بابتسامة ليطمئنها:الله يسلمك يا لميس وبعدين لي الدموع دي يا ستي منا كويس اهو قدامك

جواد:حمدلله على سلامتك يا بابا انا اسف انا مكنش ينفع أسيبك تسوق وانتي تعبان انا السبب

اكمل:يا حبيبي ده قضاء وقد متحملش نفسك فرق طاقتها انا كويس اهوو

وسرعان ما تقع عينه علي التي تزرف دموعا عليه حيث تحولت عينها للون الأحمر وسرعان ما فتح لها زراعيه فاروي عند اكمل هي ابنته المدلله ولا يستطيع أن يرى دموعها

اكمل بطيبة وهاروي بحضنه:خلاص بقاا يا حبيبتي انت عارفة مبحبش اشوف دموعك وبعدين منا كويس اهو يا حبيبة بابا

اروي ببكاء اكثر:انا خوفت عليك اوي يا كيمو متعرفش انا كان ممكن يحصل لي اي انا بحبك اوي يا بابا بس كله من الغبي ال اسمه جواد ده ازاي يسيبك تسوق وهو عارف انك تعبان وربنا لوله انه اخويا كنت بلغت عنه

ثم يغرق الجميع في دوامة من الضحك عليها وعلى اسلوبها فهي لا تفوت موقف بدون مزاح

اكمل بضحك:حرام عليكي يا اروي هتموتيني من كلامك

اروي بحب:بعيد ابشر عنك انشالله جواد وانت لا

جواد:وربنا انتي بت هبلة وكل يوم بتثبتيلي اكتر من ال قبله

ويقطع حديثهم شخص ما يطرق باب الغرف

جواد:ادخل

وبعدين دخل العاشق علي

على بجدية:حمدلله على سلامتك يا اكمل بيه

اكمل بابتسامة:الله يسلمك يا دكتور على بجد شكرا على كل حاجة عملتها

علي:متشكرنيش ده شغلي

جواد:بجد مش عارف اشكرك ازاي يا دكتور مفيش دكتور كان هيعمل معانا ال انته عملته بجد انت انسان محترم ربنا يباركلك

(مهو مش بيعمل كده لله ف لله ده هيشقط اختك يابو الجود)

على:ربنا يكرمك متشكر جدا وبعدين التف ل اكمل

علي:اكمل بيه انا عارف انه مش وقته بس انا طالب ايد الآنسة اروي من حضرتك وعايز ميعاد اجي انا ووالدتي نطلبها بشكل رسمي طبعا بعد ما حضرتك تخرج بالسلامة

ووقعت هذه الكلمات على اروي كالصاعقة

اروي لنفسها:يلهوووي ده طلع بيتكلم بجد

اكمل:والله يا ابني ده شئ يشرفني وهنتظرك طبعا انت والسن والدتك تشرفوني ف البيت

علي:وهو كذالك يا فندم بعد اذنك
****************************
ووصل صهيب المستشفى ليدلف من السيارة وهو يحمل اخته

صهيب وهو يصيح:ترولي بسرعة
وسرعان ما تم نقل نادين لغرفة الفحص

صهيب بعصبية:انا عايز دكتور محمود حالا لأنه هو الدكتور بتاعها

الممرض:يا باشا دكتور محمود خلص شغله وروح

وبعدين حد راح لعلي عشان يسأل عن محمود

دكتور اشرف:على فين محمود بسرعة

على بقلق:محمود خلص شغله وروح في أي يا اشرف اتكلم

أشرف :روح ازاي ده صهيب بيه هنا وقالب المستشفى عليه لان نادين هانم تعبانة وانت عارف ان هو ال متابع حالتها

علي:طيب تعالي بس. وانا هتصرف

وعند صهيب

على باحترام:صهيب باشا دكتور محمود خلص شغله وروح وانا ال هحل محله

صهيب:طيب أنجز وطمني عليها بسرعة وابعت هات دكتور محمود بردو يطمئن عليها

وفعلا قام على بفحص نادين َبعدين خرج لصهيب..

علي:صهيب باشا للأسف نادين هانم اتعرضت لضغط كبير وده ال خلاها اغمي عليها وانا أدتها حقنة مهدئة وساعتين وهتفوق وانا اتصلت بمحمود وهو زماني جي حالا
.
صهيب بحزن على اخته:تمام
*****************************
عند يمني في البيت وفي غرفة نومها هي وادهم

ادهم:مالك يا يمني حاسس ان فيكي حاجة

يمني بحزن:إعلان على عدي اوي يا أدهم مش عارفة هيفضل كده لحد امتى وبابا وماما وحشوني اوري انا داخله على سنتين مشوفتهمش

أدهم باحتواء:حبيبتي عدي بإذن الله بكرا يلاقي ال تستاهل حبه وتكون زوجة صالحة لي بس سبي هو يختار متضغطيش عليه وبالنسبة لطنط وإنكل اكيد شوية وهياخدوا اجازة وينزلو

يمني بدموع: ياخدوا اجازة امتب بس يا أدهم دول داخلين على سنتين مشوفتش بعض وكل فين وفين على اما يكلموني وبحزن ودموع أكثر.... هو احنا يا أدهم مش بنوحشهم زي ماهم بيوحشونا انا وعدي لي دايما كده بنهون عليهم هو مش احنا ولائهم ازاي قدروا يبعدوا أرى كده ازاي ده انا لما همس بتكون في الحضانة ببقا هموت من القلق عليها هو لي احنا مش غاليين عندهم لي يا أدهم لي دايما بنهون عليهم ماما وبابا عمرهم محسسونا بخوفهم والا حنيتهم علينا كل همهم هي الفلوس ازاي يجمعوا فلوس اكتر علشان يعيشوا عيشة احسن طيب تقدر تقولي هم كسبوا اي لما جمعوا الفلوس وخسروا ولادهم ايوه يا أدهم بابا وماما خسروني انا وعدي انا لولا سؤال عدي عليا وحنيته وانت وهمس ال بتحسسوني اني ليا ضهر وسند في الدنيا بس بردو الأب والأم حاجة تانية يا ادهم واجهشت في البكاء

أدهم بحزن على زوجته فهو يعلم أنها عانت كثير لبعدهم عنها فوالديها دائما مشغولين بعملهم في الخارج ومستقرين دائما في الخارج وسؤالهم عنها يكون نادر جدا فكل همهم المال فهم يظنون أن المال هو ما سيوفر لأولادهم السعادة ولكنهم لا يعلمون انا قربهم من أولادهم هو سعادتهم الحقيقية ف دائما ما كانوا يتركون عدي ويمني المربيات في الفيلا وكانوا يظنون انا إرسال المال لديهم هو ما يعوضهم عن وجودهم لذلك كانت جدة عدي تقيم٠ معهم وتحتويهم دائما فهي تعلم أن والديهم قصروا معهم كثيرا ولكن عندما توفت جدتهم عاش عدي واخته وحدهم وكان دائما والديهم ين ينزلون لهم بعض العطلات ولكن كان نادرا مما أثر ذلك كثيرا في عدي ويمني فأصبح عدي لا يبالي بوالديه نهائيا فهو اقنع نفسه أن وجودهم أو عدمه لا يفرق معَم شيئا فهو تعود أن يكن لأخته الأب والأم والسند ويحاول دائما بتعويضها عنهم ولكن مامن شئ يعوض حنان الابوين

ادهم ليخفف عنها:حبيبتي لي الدموع دي بس متعرفيش دموعك دي بتعمل فيه اي علشان خاطري بطلي عياط وبعدين مش انتي قولتي أن انا وعدي مليين عليكي حياتك وبعدين بمزاح... والا تحبي اصحيلك همس تثبتلك

يمني:لا بالله عليك دي عذبتني على ما نامت

أدهم وهن يغمز بمشاكسة:طيب متيجي اثبتلك انا وانا مقولكيش شاطر جدا في الاثبات

يمني وقد احمرت وجنتيها خجلا:انت قليل الادب يا ادهم

أدهم بضحك:يا خراااابي دي لسا بتكسف لحد دلوقتي

(ونسيبهم بقاا)
*****************************
وفي فيلا باسل الشافعي في مصر فهو قد عاد اليوم من ال مصر

باسل وهو ينظر لصورة وكانت سيدة بشوشة تضحك وهي بحضن زوجها:وحشتيني اوي لي سبتوني ده انتو الحاجة الحلوة ال ربنا عوضني بيها بعد ال حصلي انا من بعدكوا بقيت عايش من غير روح عايش جسد بس لي سبتوني لي وتخونه دموعه لتهبط على وجنته وسرعان ما يزيلها بقوه وهو يقول بتحدي وانتقام......بس وحياة غلوتكم عندي ما هسيب حقكم ابدا ولو كان التمن هو حياتي
****************************
وفي المستشفى وكان صهيب يجلس أمام غرفة اخته ويدور برأسه الف سؤال ولو يفيق الا على صوت عدي

عدي بقلق:صهيب نادين عاملة اي طمني

صهيب:الحمدلله كويسة بس انت عرفت ازاي واي عرفك اني هنا

عدي:هكون عرفت ازاي يعني كلمت رئيس الحرس بتاعك وعرفت مكانك بس قالي ان نادين تعبانة وانت روحت بيها على المستشفى ومقاليش تفاصيل قولي بقاا اي ال حصل

صهيب ببرود عكس ما بداخله:حد حاول يعتدي على نادين

عدي بصدمة:انت بتقول اي وانت عملتله اي

صهيب ببردو:ضربته بالنار

عدي:الله يخربيتك يا صهيب الزفت موته؟؟

صهيب:لا مموتوش لاني محتاجه بس بعد ما اخد ال انا عايزه منه اكيد هموته

عدي براحة أن الصهيب لم يقتله:الحمدلله طيب وهو فين وانتي عرفت ازاي اصلا اتكلم بقاا بطل برودك ده مرة

صهيب:هو الرجالة اخده على الفيلا القديمة هطمن على نادين واروحله اما بقاا عرفت ازاي فأنت غبي اصلا يا عدي متشغل دماغك اكيد عرفت من الحرس بتاع نادين

عدي:اااه صح... طيب طمني هي نادين كويسة الكلبة ده قدر يعملها حاجة

صهيب:متقلقش هي كويسة بس انا متأكد انا الموضوع ده مش هيعدي على خير ونادين هتتعب جامد

عدي:متقلقش بإذن الله هتبقاا كويسة بس طبعا اكيد حد هو ال زق الواد ده على نادين

صهيب:انا متأكد من كده بس اطمن عليها الاول واروح لابن الكلب ده وساعتها هطلع روحه بأيدي بس انا مستني دكتور محمود علشان يطمني على نادين

عدي لنفسه:ربنا يستر

وبعدين محمود جه

محمود بلهفة:صهيب باشا نادين هانم فين

صهيب:هي جوه يا دكتور اتفضل طمني عليها

ولم يسمع له محمود فهو دخل بلهفة إلى الغرفة فهو يموت قلقا عليها منذ أن هاتفه على وأمره بضرورة حضوره وعندما علم أن الأمر يخص نادين لم ينتظر على حتى ينهي كلامه فاغلق الهادف وبدل ملابسه على عجله وانطلق عائدا إلى المستشفى وها هو دخل غرفتها وعندما دخل وحدا كالملاك النائم على الفراش ولكن يظهر على وجهها علامات التعب والاجهاد فكان سوف يموت قلقا عليها وسرعان ما قام لفحصها وتطمئن عليها ولكنها يريد أن يعلم ما يحدث لملاكه ما الذي جعلها تصل الي هذه الحالة.... وخرج من الغرفة

محمود:صهيب بيه انسة نادين كويسة الحمدلله بس هي اتعرضت لضغط كبير خلاها يغني عليها وعلشان كده دكتور على أداها مهدئ وشوية وهتفوق بإذن الله بس للاسف انا متأكد ان ال حصل ده هيبقاا لي إثر على حالتها النفسية احنا مصدقنا انها أحسنت شوية

صهيب:تمام شكرا يا دكتور

محمود بإحراج فهو يريد أن يطمن على نادين ويعرف ماذا حدث لها

محمود:احم هو اي ال حصل للانسة نادين

صهيب:شئ ميخصكش يا دكتور ومتشكرا مرة تانية اتفضل

محمود باحراج:احم انا اسفة بعد اذنكم

عدي:اي ال انت عملته ده احرجت الدكتور وبعدين هو قال ايه يعني ده عايز يطمن عليها كنت رديت بطريقة احسن من كده هتفضل طول عمرك دبش كده

صهيب:عدي مش عايز رغي كتير والكلام ال انا قلتهولك مفيش مخلوق يعرفه... دلوقتي انا وصيت ممرضة هتقعد مع نادين لحد اما تفوق اكون انا رجعت

عدي:انا جي معاك منا متأكد لو سبتك هتعمل مصيبة رجلي على رجلك

صهيب:يلا بينا

عدي:اح صهيب قبل ما نمشي في خبر لازم تعرفه

صهيب:خير مهو يوم باين من أوله اتكلم

عدي:باسل اخوك رجع مصر

صهيب بجمود:انا مليش اخوات يلا بينا
*******"" "" "" "" "" "" ""
وفي البيت عند ايلن وفي غرفة والدتها

آيات وهي تمسك صورة وتنظرلها وبدموع:وحشتيني اوي يا ميسة متعرفيش فراقك عامل فيا اي وحشني كلامي معاكي وحشتيني يا حبيبتي بس انا متأكدة انك مبسوطة دلوقتي شوفتي ايلن كبرت وبقت عروسة ازاي الناس كلها بيحسدوني عليها ممكن ايلن بشبها الكبير ليكي هي ال معوضاني عنك بشوفك فيها بس انا مفتقداكي اوي يا ميسة

وبره كانت ايلن ومحمد وعمر قاعدين مع بعض

ايلن:امال فين محمود وماما

محمد:محمود رجع المستشفى تاني مش عارف لي وماما في اوضتها

ايلن:رجع المستشفى تاني لي مهم خلص شغل ليكون في مشكلة والا حاجة انا هروح اسأل ماما علي

ودخلت اوضت والدتها

ايلن:ماما هو محمود رجع...... ولكن قطع حديثها عندما وجدت والدتها تبكي وهي تنظر لصوره في يدها

ايلن:ماما انتي بتعيطي يا حبيبتي مالك

آيات وعي تزيل دموعها بسرعة:لا يا حبيبتي مفيش انا بس افتكرت حاجة زعلتني

ايلن وهي تجلس بجانبها

ايلن:طيب صورة مين ال معاكي دي وبعدين راحت ايلن بصت في الصورة وسرعان ما كانت الصدمة لها
**************"" "" "" "" ""
عند رامي فكان يصرخ من الألم من قدميه فهي تنزل من وقت كبير وتالمه ولكنه يعلم أن حياته افنيت ولكنه كان يظن أن هناك من ينقذه ولكن هيهات فهو الفهد وفجاءة إذا بالباب يفتح عليه ويظهر عدي وصهيب بهيبته التي أخافت رامي وجعلته يرتعب

صهيب ببرود:اي رجلك بتوجعك والا اي

رامي بخوف وتعلثم:اااا ننا انا يا باشا

صهيب:لا انت هتنونو من دلوقتي ده انت لسا يومك طويل انتي لسا مشوفتش حاجة

رامي:يا باشا ابوس ايدك ارحمني

صهيب ببرود:مين ال زاقك ومتفق معاك

رامي بخوف:مم مممفيش حححد

عدي (بعصبية لأول مرة) :انت هتصيع يلا انت متنطلق والا هنخلص عليك

صهيب:لا هو شاطر يا عدي وهيتكلم

رامي فهو يعلم أن من ورائه لا يستطيعون الوقوف أمام صهيب المالكي وبالتالي فلن يستطيعون إنقاذه وأيضا الفهد لن يرحمه يعني بالعربي كده أكده ميت واكده ميت يا رامي علشان كده قرر يتكلم

رامي:واحد اسمه شريف بس والله معرفه

صهيب وقد أثبت أن ظنه صحيح:مقابل؟؟

رامي:مقابل ١٠٠ الف جنيه كان يعني عايز فيديو بال هيحصل علشان يهدد سيادتك بيه وقالولي بعد ما انفذ اني هسافر علشان متعرفش توصلي

صهيب:وانت اخت نادين معاك ازاي الشقة

رامي بخوف:منا مفهمها اني بحبها وهتقدملها وفضلنا فترة على ماتعرفت عليها وكنت بقابلها في الجامعة وبعدين لما جالي أوامر اني انفذ قلتلها اني أهلى عايزين يتعرفوا عليها وهي وافقت على أساس كده

صهيب وتكاد راسه تغلى من شدة الغضب وتحولت عينه للأخضر الداكن

صهيب بتفكير:وهو انت اصلا معاها في الجامعة والا دي كمان كذبة

رامي:لا يا باشا انا اصلا َمعايا دبلوم بس طبعا مفهما اني معاها في الجامعة بس في كلية السن مش هندسة زيها

صهيب بصوت مخيف:عارف لو كنت كذبت عليا في حرف من ال قلته هعذبك أضعاف مكنت هعمل

رامي بصدق وخوف:والله يا باشا ابدا واهو انا اقدر اكدب هو ده ال حص بالحرف من يوم ال اسمه شريف ده قابلني لاني انا اصلا كنت السواق بتاعه وهو أعجب بي يعني وقالي على الدور ده والله العظيم هو ده ال حصل يا باشا بس ابوس ايدك ارحمني وانا عمري ما هوريك وشي تاني بس ارحمني انا حكتلك على كل حاجة اهو
***************************
في المستشفى في غرفة اكمل التهامي

جواد بمزاح:واخيرا حد بصلك يا اروي وهخلص منك ومن وشك في البيت

اروي:لي هو انا كنت قاعدة على قلبك يا جواد الزفت وبعدين هو انتو تعرفو تعيشوا من غيري اصلاوبعدين مين قلك اني هوافق

جواد بضحك:انصحك توافقي هو انتي كان خد معبرة اصلا وبعدين بغمزة..... وبعدين دكتور على محترم وقمور وجان وبصراحة كده شكله واقع احنا شباب زي بعض وفاهمين بعض وبعدين انتي تحمدي ربنا انه رضي بيكي بصراحة الله يكون في عونه مش انتي اختي بس انا خايف على الراجل ليموت بجلطة منك

اروي بغيظ من كلامه:بص يا بابا بيقولي اي يرضيك كده

اكمل بضحك وهو ينظر لجواد:بس يا واد انت ده انا بنتي قمر وبعدين هو يطول يجوز بموتي اصلا وبعدين راح بص لاروي.... بس كلمة لوجه الله يا اروي الله يكون في عونه

وانجروا كلهم ضاحكين ومعاهم اروي
"" "" "" "" "" "" "" "" ""
خلص البارت بتاعنا اتمنى يكون عجبكواواسفة على التأخير بس اوعدكم لو لقيت التفاعل كويس على البارت هنزلكم العاشر الصبح

السلام عليكم

نور

موعد البارت الجديد الساعة 8 ص يوميا ان شاء الله .

الى هنا تنتهى احداث رواية غرامى منتقبة البارت التاسع ، يمكنكم اكمال باقى احداث رواية غرامى منتقبة البارت العاشر  من خلال الضغط على اللينك واكمال الرواية .

نأمل أن تكونوا قد استمتعتم بـ رواية غرامى منتقبة ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .