رواية غرامى منتقبة البارت السادس للكاتبة نورهان احمد

     نقدم اليوم احداث رواية غرامى منتقبة البارت السادس من روايات نورهان احمد . والتى تندرج تحت تصنيف روايات رومانسية ، والتى نالت اعجاباً شديداً بين القراء سواء واتباد أو فيس بوك  . نرحب بكم فى موقع مجنونة  عشاق روايات موقعنا ، هنا سوف تجد كل رواياتك : روايات رومانسية ، روايات رومانسية مصرية ، قصص عشق ، قصص قصيرة ، قصص حب ، روايات pdf ، روايات واتباد ، قصص رعب ، روايات رومانسية كوميدية .

غرامى منتقبة البارت السادس

روايه غرامى منتقبة الفصل السادس

غرامي منتقبة

بقلم نورهان احمد

البااااااااااااااارت السادس

*****************************
ف الصعيد ف قصر المالكي

وبعد العشا

الجدة بحزن:يعني خلاص يا ولدي هتمشو

صهيب:اه يا جدتي لازم نمشي لأنك عارفة شغلي يا حبيبتي مش ينفع اغيب اكتر من كدا وانا سايب الشغل كله علي دماغ عدي وكمان نادين عندها جامعتها والامتحانات بتعتها خلاص قربت

الجد بحزن:ده احنا يا ولدي ملحقناش نشبع منكم ياا ولدي

صهيب:معلش يا حبيبي بإذن الله هتلاقيني هنا قريب

الجدة:ربنا معاكوا يا ولاد بس متغيبش علينا تاني كتير ده انتو من ريحة العلي وضي عيني

صهيب:حااضر يا حبيبتي اوعدك

العمة:ربنا معاكو يا ولدي ويحميكو من كل شر

نادين بتمني:عمتو اي رايك تجيبي شمس وسلمى وتيجو تقتضوا معانا اجازة آخرة السنة بليز يا عمتو وافقي انا بقعد كتير لوحدي لأن زي ما انتي عارفة ابيه دايما مشغول وأغلب الوقت مسافر

العمة:يا قلب عمتك انتي عارفة مينفعش اسيب جدتك وجدك وحدهم وكمان عارفاهم مش بيحبو ينزلوا مصر ويقعدو وقت كبير هناك

نادين:عارفة يا عمتو دول حتى لما بيجو مش بيقعدو غير يومين بالكتير

الجدة:يا بتي انتي عارفة مبعرفش أسىب بيتي ابدا والا البلد ال عشت فيها عمري كله

نادين:يبقاا يا عمتو تخلي سلمي وشمس ييجو بليز يا عمتو

سلمي بفرحة:اه يا ماما بالله عليكي ننزل نقضي الاجازة ف مصر مع نادين انا وشمس

الهام بابتسامة:خلاص يا حبايبي ع راحتكو خلصوا امتحانات وانزلوا قضوا الاجازة هناك

شمس وسلمي:شكرا ياا احلى ماما

نادين:واووووووو هتبقاا احلى اجازة هستناكو بقاا اوعو تتأخروا عليا

سلمي:عيب عليكي يا بنتي نخلص امتحانات وهاجيللك واقرفك

صهيب:تمام يا بنات خلصوا امتحانات وكلموا نادين ابعتلكوا عربية بسواق تجبكو

شمس:حااضر يا ابيه

الجدة:مش ناوي تتجوز وتفرحني بيك يا صهيب

صهيب:جواز اي بس يا جدتي مش فاضي انا للكلام

الجدة بحزن:يا ولدي امال وقتو ايمتي نفسي اشوف عيالك قبل ما اقابل وجه رب كريم

صهيب بلهفة:بعيد الشر عنك يا جدتي متقوليش كده طولة العمر ليكي

الجدة:بردو مش هيرتاحلي بال غير اما اشوف عيالك حواليا

صهيب باقتضاب للخروج من الموقف:بإذن الله يا جدتي لما الاقي بنت الحلال ربنا يسهل

الجدة:ولاد الحلال كتير يا ولدي بس انت شاور والف مين تتمنى ضوفر صهيب المالكي اوعدني يا ولدي انك تفكر

صهيب:أن شاء الله يا جدتي

صهيب لنادين:يلا يا نادين هنتحرك دلوقتي علشان نوصل بدري

الجد:لا يا ولدي استنى لما النهار يطلع

صهيب:معلش يا جدي لازم اوصلي بدري علشان انزل الشركة بكرا لأن عندي مواعيد مهمة

الجد:طيب يا ولدي خلي بالك من نفسك واختك وطمني عنكو

صهيب:حاضر يا جدي

وبعد توديع الاهل انطلقوا عائدين الي القاهرة
*************************
ف البيت عند ايلن

في غرفة الأب والأم

أحمد بتساؤل:مالك يا آيات حاسس انك فيكي حاجة من امبارح

آيات بتوتر:مش عارفة يا احمد اصل غلطت وجبت جبت سيرة مم ميسة قدام ايلن

أحمد بعصبية:ميسة ازاي يا آيات تعملي كده ازاي

آيات بدموع:والله العظيم ما اعرف طلعت مني ازاي انا كنت قاعدة بتكلم انا وايلن وطلعت مني من غير وعي والله

أحمد بتفهم:طيب اهدي اهدي محصلش حاجة بس خدي بالك بعد كده... قوليلي ايلن كان ردها اي

ايات:سألتني مين ميسة قولتلها دي وحدة صحبتي بس حسيت انها مش اقتنعت بالرد

احمد:خلاص محصلش حاجة وخدي بالك بعد كده يا حبيبتي علشان خاطري

ايات:حاضر يا احمد متقلقش ويلا نطلع للأولاد لأنهم قاعدين برا

احمد بابتسامة:يلا يا حبيبتي

ف الخارج والأخوة متجمعين وبعد ما الأب والأم خرجوا ليهم

محمود بمشاكسة:بتنتهز المواقف وتستفرد بأمي يا ابو حميد

أحمد بضحك:اه وملكش دعوة ومتقولهاش يويو قلتلك اكتر من مرة..... هي مراتي والا مراتك

محمود:اي يا عم دي امي وبغير عليها الله

ايلن:بس ياا استاذ بنج مترخمش على ابوحميد حبيبي

الاب:قلب ابو حميد انتي

محمود:بس يا أستاذة بتنجانة انتي

ايلن بفخر مصتنع:والله لو لبس النقاب بتنجانة فدا يبقاا احلى بتنجانة والله

آيات:بس يلا قال بتنجانة قال ده انا بنوتي قمر

ايلن:حبيبتي يا مامي...... وبعدها أظهرت لسانها لمحمود بطريقة طفولية مضحكة مما جعل الجميع يضحك على طفوليتها

محمود بضحك:اختي طفلة يا جماعة والله عمر أعقل منك

الاب:ربنا يديم يلمتكوا يا ولاد ويديم الضحكة عليكوا دايما

الأخوة جميعا:ويديمك لينا يا بابا انت وماما

ايلن:يلا تصبحوا على جنة يا جماعة هدخل انام لاني عندي جامعة

الجميع:وانتي من اهلها يا لولي

ويذهب الجميع ف سبات عميق

وفي غرفة ايلن عندما تدق الساعة الثانية بعد منتصف الليل يرن منبه ايلن ف تستيقظ لتناجي ربها وتقف بين يديها وتؤدي قيام الليل وبعد أن أدت صلاتها جلست على سجادة الصلاة لتقرأ وردها من القرآن ولكن دق بابا غرفتها

ايلن بعد أن صدقت واغلقت مصحفها:ادخل

وبعد انا فتح الباب

عمر بتساؤل:هو انتي لسا صاحية يا لولي لحد دلوقتي اصلي وانا معدي لقيت نور اوضتك مفتوح

ايلن بابتسامة:تعالى يا عمر

وجاء عمر وجلس بجانبها على سجادة الصلاة

ايلن بابتسامة رقيقة:لا يا سيدي انا نمت بس قمت من شوية علشان اتكلم مع ربنا

عمر باستغراب:تتكلمي مع ربنا ازاي يعني يا لولي

ايلن بايتسامة:يعني يا حبيبي قومت علشان اصلي قيام الليل

عمر:قيام ليل ايوه منا عارف ان في صلاة اسمها قيام ليل وعارف أن فضلها كبير عند ربنا لأن المس ف المدرسة كانت كلمتنا مرة عن فضل قيام الليل وازاي نصلي بس بصراحة انا قولت بدل قيام الليل مش فرض يبقاا نصلي لي لأن بدل انا ملتزم بالفروض يبقاا مش عليا ذنب

ايلن بابتسامة:كلامك صح يا عمر هي فعلا قيام الليل مش فرض بس هو سنة عن رسولنا الكريم
عن عائشة رضي الله عنها أن نبي الله صل الله عليه وسلم كان يقوم من الليل حتى تتفطر قدماه فقالت عائشة لم تصنع هذا يا رسول الله وقد غفر الله لك ما تقدم من ذنبك وما تأخر
قال:- ( أفلا أحب أن أكون عبدا شكورا )
فلما كثر لحمه صلى جالسا فإذا أراد أن يركع قام فقرأ ثم ركع
شوفت يا عمر رسولنا الكريم كان بيعمل اي ف قيام الليل على الرغم ان ربنا سبحانه وتعالى قد غفر له ما تقدم من ذنبه وما تأخر طيب احنا هنكون احسن من رسولنا ال كان بيقوم الليل حتى تتفطر قدماه لا طبعا احنا منجيش حاجة كمان يا عمر قيام الليل ذكر ف القرآن الكريم اكتر من مرة
قال تعالى: {ومن الليل فتهجد به نافلة لك عسى أن يبعثك ربك مقاماً محموداً} [الإسراء:79]

وقال تعالى: {تَتَجَافَى جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفاً وَطَمَعاً وَمِمَّا رَزَقْنَاهُمْ يُنفِقُونَ}
وقال عز وجل: {َكانُوا قَلِيلاً مِّنَ اللَّيْلِ مَا يَهْجَعُونَ} [الذاريات:17]

عمر بتساؤال وفرحة من كلام ايلن:طيب هو لما انا سألتك صاحية لي قلتيلي علشان بتكلم مع ربنا

ايلن:طيب منا فعلا يا عمر كنت بتكلم مع ربنا وهقولك حديث يثبت كلامي

عن أبي هريرة أن رسول الله صلى الله عليه وسلم قال : " ينزل ربنا تبارك وتعالى كل ليلة إلى السماء الدنيا حين يبقى ثلث الليل الآخر ، فيقول :-
من يدعوني فأستجيب له ؟
من يسألني فأعطيه ؟
من يستغفرني فأغفر له ؟
شوفت بقاا انا انا كنت بتكلم مع ربنا.. عارف يا يا عمر أن الإنسان ال بيصلي قيام الليل ربنا هو ال بيختاره وبيصطفاه من عباده علشان يوقف بين ايده ويناجيه

عمر بفرحة: الله يا ايلن كلامك جميل اوي وقيام الليل انا مش هسيب صلاتها من النهارده بس علميني اصليها ازاي لاني نسيت كلام المس

ايلن بسعادة :طبعا هقولك بصي يا حبيبي
إزاى تقيم الليل؟! 

- قيام الليل ركعتين زى ركعتين السنه بالظبط بس النيه انك بتصلي قيام ليل ،، ممكن تصلي ركعتين او اربع ركعات او سته ركعات او ثمانى ركعات او عشر ركعات او 11 ركعه 
ع حسب مقدرتك انت بقي حابب تصلي ركعتين او 4 او 6  بعد ما بتخلص صلاه بتصلي ركعه وتر .. ركعه واحدة بس بتقراء فيها قل هو الله احد وقل اعوذ برب الفلق وقل اعوذ برب الناس 
قال تعالى: {ومن الليل فتهجد به نافلة لك عسى أن يبعثك ربك مقاماً محموداً} [الإسراء:79]
بس لما الفجر يأذن ماينفعش تصلي قيام ليل  بس بعد الفجر بتصلي صلاه الضحي بعد شروق الشمس اللى هي صلاه الأوابين  ودة هنتكلم عنها بس مرة تانية لأن النهار طلع والكلام أخدنا وانا عندي جامعة يا عم بس قبل ما انام عايزاك توعدني انك مش هتسيب صلاة قيام الليل 

عمر بسعادة مفرطة:طبعا اوعدك يا لولي بعد كلامك ده مستحيل اسيب قيام الليل ابدا في حد يسيب الكلام مع ربنا وينام لا طبعا انتي احلى اخت ف الدنيا يا ايلن وانا بحب الكلام معاكي لأنك بتعرفي اكتر ع ربنا وبتتحببيني في اكتر وكمان الرسول صلى الله وعليه وسلم وكمان يا ايلن انا بقول لأصحاب الكلام ال انتي بتقوليهولي ده علشان كلنا نستفيد انا بحب اوي يا ايلن

اين:وانا كمان بحبك يا عمورة يلا بقاا ننام

عمر:يلا

معلومة بقا من اختكو عن قيام الليل

- قيام الليل هو دأب الصالحين، وتجارة المؤمنين، وعمل الفائزين، ففي الليل يخلو المؤمنون بربهم، ويتوجهون إلى خالقهم وبارئهم، فيشكون إليه أحوالهم، ويسألونه من فضله، فنفوسهم قائمة بين يدي خالقها، عاكفة على مناجاة بارئها، تتنسم من تلك النفحات، وتقتبس من أنوار تلك القربات، وترغب وتتضرع إلى عظيم العطايا والهبات

فالمتهجدون خلوا بالرحمن فألبسهم من نوره
قال تعالى: {وُجُوهٌ يَوْمَئِذٍ مُّسْفِرَةٌ (38) ضَاحِكَةٌ مُّسْتَبْشِرَةٌ (39)} [عبس:38 - 39]

فضل قيام الليل ؟!
بيقربك من ربنا 
الدعاء فيه مستجاب 
بينور لك القبر 
يشفع لك يوم القيامه 
بينور الوجه 
قيام اللّيل يطرد الغفلة
سبب لحسن الخاتمة
تُعتبرُ من أعظمِ الطّاعات عند الله تعالى
قيام الليل سرٌ من أسرار الطُمأنينة والرِّضا ف قلب الإنسانِ المؤمن

(صلاة الليل من الطاعات التي كلما زاد فيها زاد الأجر بلا نزاع) 
{وَمِنَ اللَّيْلِ فَتَهَجَّدْ بِهِ نَافِلَةً لَكَ عَسَى أَنْ يَبْعَثَكَ رَبُّكَ مَقَامًا مَحْمُودًا} 
*****************************
وفي صباح يوم جديد
وصل صهيب ونادين للقاهرة وذهب الفهد لعمله وذهبت نادين إلى جامعتها

في شركة المالكي:

يدخل صهيب بطلته الجذابة وهيئته التي تخطف الأنفاس وأيضا شخصيته القوية والحازمة التي تجعل الموظفين يرتعبون خوفا منه فهو لا يسمح بأي. تقصير ف عمله فيدخل شركته ويقف الموظفين جميعهم احتراما له وأيضا خوفا منه

وفي مكتب صهيب

يدخل عدي

عدي:حمدلله على السلامة يا برنس واحشني يا كبير

صهيب:الله يسلمك يا عدي ها قولي اي الأخبار واخبار الشغل

عدي:يبني انت مبترحمش ابدا خد نفسك مش تقولي...... عدي وهو يقلد صهيب... أي أخبار الشغل.... ده بدل ما تقولي ازيك يا عدي عامل اي يا عدي وحشتني يا عدي

صهيب بحزم:اي اخبار الشغل يا زفت الطين على دماغك

عدي بفخر مصتنع:ايوه كده يا باشا كده نعرف نتكلم.... متقلقش يا سيدي الشغل تمام جدا وكل حاجة زي الفل

صهيب:طيب ابعت دلوقتي هاتلي حازم ال هو موظف الحسابات ال اتعين من حوالي ست شهور

عدي باستغراب:حازم!!!! اشمعن حازم يعني وبعدين من أمتي والموظفين انت ال بتقابلهم ده احنا لما بنعمل اجتماع لمجلس الإدارة اعضاء الإدارة بيبقوا هيمتوا ف جلدهم منك تقوم تقولي تقابل الموظفين

صهيب بنفاذ صبر:عدي بطل رغي وابعت هاته دلوقتي وانت هتفهك كل حاجة... انجز

عدي بعدم فهم:طيب يا عم بس متزوقش هجبهولك....... وبعدين ف سره.... ربنا يستر

*****************************
عند محمود وعلى ف المستشفي

دخل على عند محمود المكتب بس محمود كان سرحان ومش واخد باله ان على دخل

علي:محمود يا محمود وبعدين بصوت عالي... انت يا زفت

محمود بادراك وفزع :اي يا على فى اى في حد بينادي ع حد كده وبعدين انت دخلت امتى

على بسخرية:لا يا اخويا منا لما دخلت حضرتك مكنتش موجود حضرتك كنت تايه ف ملكوت الله

محمود:اتريق يا عم براحتك.... قولي طنط هالة عاملة اي

علي:بخير الحمدلله.

علي:لسا بتحبها يا يا محمود

محمود باقتضاب للهروب:لا يا عم بحب مين انا نسيت الموضوع ده اصلا

علي:عيب عليك ده انا اخوك مش صاحبك وعارفك كويس

محمود باستسلام وحزن:ايوه يا على بحبها ومش عارف انساها وال مزعلني اكتر اني حتى مقلتلهاش من اول يوة جت في المستشفى وهي تعبانة حسيت اني قلبي وجاني عليها اوي معرفش لي مع اني كنت اول مرة اشوفها بس شكلها ال زي الملاك ده خطفني خطف قلبي من اول نظرة ومن ساعة ما تابعت معاها وبقيت الدكتور بتاعها فرحت جدا عارف لي لاني هشوفها

علي:انت غبي يا علي عارف لي لان ال بيحب لازم يبقاا جرئ ويعترف للتاني بحبه مش لازم تبقاا جبان ف حبك ابدا يا محمود والا حبك هيبقاا محكوم على بالفشل من قبل ما يبدا

محمود:على هي بتخلتف عني كتير جدا مستواها الاجتماعي طريقة حياتها كل حاجة يا على وكل كوم وانها مش محجبة كوم تاني خالص منكرش اني حبيتها وخطفت قلبي من اول نظرة وادئما بفكر فيها ومش قادر انساها بس كان نفسي تكون محجبة

علي:مش بقولك غبي يا محمود افهم هي لو قدرت حبك ليها هتتنارل عن كل ده علشان حبك لا هيفرق معاها مستوى والا الكلام ده بعدين هي باين عليها اصلا انها مش بيفرق معاها الكلام ده كان باين من طريقة كلامها وتواضعها وباين عليها كمان انها بنت كويس جدا نصيحة مني يا محمود متتنازلش عن حبك مهمها حصل حارب علشان حبك وخليك جرئ واقولها وبعدين مستوى اي ال انت بتتكلم عنه مستواك مش ااقل من مستواها بكتير علفكرة وبعدين متنساش انك دكتور وشاطر كمان وليك اسمك

محمود:ومتنساش كمان اني شغال ف مستشفى بتاعت اخوها وهنفترض انها وافقت اخوها هيوافق اديك شوفت بيحبها اد اي وبيخاف عليها من نسمة الهواء ازاي

علي:لو بيحب اخته بجد زي ما بتقول هيحب سعادة اخته وهيوافق صدقني هو مش هيلاقي حد يسعدها ويحبها زي ما انت بتحبها

محمود باقتناع:ربنا ييسر يا علي.... وبمزاح وبعدين انت نازل فيا نصائح ع الجواز وبتاع ومحسساني أن الواد فرحه بعد يومين مش ناوي تفرح طنط هالة والا اي

على بسرحان ف ال خطفت قلبه من يوم ما هزقته:الاقيها بس ورحمة ابويا ما هسيبها غير اما اتجوزها

َمحمود باستغراب:ولا انت بتحب من ورايا ياض انت.... مين دي ال بتتكلم عنها

على وبعد أن قص عليه موقفه مع اروي

علي:بس يا سيدي ومن ساعتها وصورتها مش عايزة تروح من دماغي

محمود بضحك:ده انت مسخرة يا على البت هزقتك وانتي حبيتها انت اهبل ياض انت

علي:ومالو اجوزها بس وانا اقطعلها لسانها ال بينقط دبش ده.... بس اي سكر والله

محمود:لا كده خلاص انا اتكادت ان انت اهبل زيها ولايقين ع بعض
*****************************
عند صهيب وبعد ما حازم وصل لمكتب الفهد فكان يرتجف رعبا فلاول مرة يتعامل مع الفهد ع الرغم من أنه يعمل بشركته فالجميع يعلم من هو صهيب المالكي فهو يعلم أنه يوجد كارثة لذلك طلبه الفهد لذلك كاد أن يموت رعبا وهو يقف امامه

صهيب ببرود:مالك يا حازم قلقان لي كدا

حازم باضطراب:ها لا ابدا يا باشا ااااصل اصل اول مرة يعني حضرتك تطلبني ف مكتبك هو في حاجة يا باشا هههو انا انا عملت حاجة تزعل حضرتك؟؟

صهيب بغرور الفهد:انا مفيش حد يعرف يزعلني وانت عارف كده كويس ومع ذلك انت ادرى بردو

علي بتعلثم واضطراب:تت تقصد اي يا باشا

صهيب ببرود: انت مش هنا علشان تسألني أنت هنا علشان تجاوب.... قولي جاسم بيدفعلك كام

وكل هذا الحوار بين صهيب وحازم في وجود عدي أيضا ولكنه لا يفهم شئ مما يدور ولا يفهم ما يرمي إليه صهيب... قاعد زي البطة البلدي يعني.... ولكنه عندما سمع اسم جاسم نظر بانتباه وتقريبا بدأ في فهم ما يحدث وما علاقة حازم بجاسم ع هم اللدود

حازم:جج جاسم مين يا باشا انا معرفش حد بالاسم ده

صهيب بعصبية وتحولت عينه للأخضر الداكن وبرزت عروق يده وهو يخبط ع مكتبه:انت هتستهبل يا روح امك اوعي تكون فاكراني نايم على وداني ومش عارف ال بيحصل لا فوق لنفسك واعرف انت بتتكلم مع مين ده انا الفهد وال مشغلك عارف مين هو الفهد كويس اووي انا عارف يوم ما اشتغلت هنا مين وراك وصاحيلك كويس اوي بس انا كنت سايبك لاني مكنتش فاضيلك بالعربي كده كنت عايزك تجيب اخرك يعني

حازم ولم تعد قدميه تحمله من شدة الرعب ويكاد يغشي عليه فهو يعلم انا الخيانة عند الفهد مصيرها واحد وهو الموت لا محاله

صهيب:متخفش مش هموتك لاني هحتاجك ولو نفذت ال هقولك عليه ساعتها هفكر إذا كنت اسامحك والا لا وانت وشطارتك بقاا

حازم بفرحة لوجود فرصة لنجاته:انا تحت امرك يا باشا اؤمر وانا عليا التنفيذ
*****************************
خلص البارت بتاعنا اتمنى يكون عجبكو بس كنت عايزة أوضح حاجة ان الأشخاص والكابل كتير ف الرواية ف صعب اني اجمعهم كلهم ف بارت أو حلقة واحدة... كمان كنت عايزة ال شايف ان الرواية مكرره أو شبيه بحاجة تانية يقولي وانا والله بتقبل النصيحة ومش بزعل
هستني رايكم وتعليقاتكم وتواقعتكم وعايزة فوت وكومنت جميلة كده زيكو وبالله عليكم ال بيتابع ف صمت ده بلاش المتابعة ف صمت يعني الكومنت والفوت حاجة مش صعبة وده دليل على تقديركم ليا ولتعبي

الى هنا تنتهى احداث رواية غرامى منتقبة البارت السادس ، يمكنكم اكمال باقى احداث رواية غرامى منتقبة البارت السابع  من خلال الضغط على اللينك واكمال الرواية .

نأمل أن تكونوا قد استمتعتم بـ رواية غرامى منتقبة ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .