رواية غرامى منتقبة البارت الرابع للكاتبة نورهان احمد

    نقدم اليوم احداث رواية غرامى منتقبة البارت الرابع من روايات نورهان احمد . والتى تندرج تحت تصنيف روايات رومانسية ، والتى نالت اعجاباً شديداً بين القراء سواء واتباد أو فيس بوك  . نرحب بكم فى موقع مجنونة  عشاق روايات موقعنا ، هنا سوف تجد كل رواياتك : روايات رومانسية ، روايات رومانسية مصرية ، قصص عشق ، قصص قصيرة ، قصص حب ، روايات pdf ، روايات واتباد ، قصص رعب ، روايات رومانسية كوميدية .

غرامى منتقبة البارت الرابع

روايه غرامى منتقبة الفصل الرابع

غرامي منتقبة

للكاتبة/نورهان احمد

البااااااااارت الرابع
............................
وقفنا البارت ال فااات لما البنات روحو للبيت

عند صهيب ف الشركة..

صهيب... ميار ابعتيلي عدي

ميار... تحت امرك ياا فندم

وبعد شوية ف مكتب صهيب

صهيب... عدي انت ال هتتولي مسئولية الشركة ف اليومين ال جايين

عدي باستغراب.... لي انت مسافر والا اي

صهيب... ااه نازل البلد يومين بالكتير وراجع

عدي.... تمام متقلقش واخد نادين معاك والا اكثف الحراسة على القصر

صهيب بهدوء....... لا مفيش داعي نادين معايا

عدي..... طيب متنساش تاخد حراسة زيادة مفيش داعي للمخاطرة ياا صهيب

صهيب... متقلقش... وباهتمام.. عدي عايزك تفتح عيونك وتاخد بالك جدا فاهمني طبعا

عدي بايماء.... متقلقش انت وال قلقك انا مفتحله كويس جدااا ونهايته قربت

صهيب ببرود..... مفهمتنيش انا ااقصد ال ف الشركة مش بره الشركة

عدي باستغراب..جوه الشركة!!!!!!

صهيب بمغزي......... حط عينك على حازم كويس جدااا

عدي.... حاازم وماله حاازم

صهيب وهو يهم بالوقوف.... هتعرف قريب لي يلا سلام

عدي بعد فهم سلام
.............................
عند ايلن ف البيت
ايلن...... ياا ماما ياا حبيبتي متقلقيش عليا انا كويسة

ايات....يا لولي مينفعش كده ده ضغط جامد عليكي كورسات الجامعة والدرس الديني ال بتشرحي ف الجامعة وأكاديمية العلوم الشرعية ال بتدرسي فيها وكله ده مذاكرةوحمل عليكي

ايلن بابتسامة.... ياا يويو يا قمر والله انا كويسة جدا وابقى سعيدة جدااا وانا بعمل الحاجات ال بتقولي عليها دي.... الجامعة ودراستي انا حباها جدا وحبه مجالي وببقى مبسوطة جداا اما بقاا الدرس الديني ده ياا حبيبتي انا بعملها لوجه الله (بلغوني عني ولو بأية) وكمان دي بتزيد قربي ربنا متتخيليش ببقا سعيدة اد اي وانا بكلم البنات عن ربنا وعن الرسول عليه الصلاه والسلام بلاقي نفسي والله وال بيزيد فرحتي لما بلاقي بنات بتقرب من ربنا بسببي وال الاقيها بقاا لبست الحجاب بجد ببقا طايرة من الفرحة اما بقاا أكاديمية العلوم الشرعية دي عشقي بقاا انتي عارفة اني من وانا صغيرة بحب جدا ادرس العلوم الشرعية واتفقه ف ديني وبنفع نفسي وبنفع مجتمعي عايزة لما اموت ياا ماما احس اني ليا إثر واني عملت حاجة كويسة ف حياتي اقابل بيها ربنا ربنا يوم القيامة بيسالنا عن وقتك فيما افنيه ارد انا بقاا عليه اقولو اي

الأم بلهفة.... بعيد الشر عنك ياا قلبي اوعي يا ايلن اسمعك تقولي كده تاني ده انتي روحي ال عايشة بيها.دمعت الام

ايلن... بابتسامة... حبيبتي الموت عمره َما كان شر كفاية اني هقابل ربنا هقابل رب بيضحك
وبمزاح.. وبعدين اما انا روحك اما ابو حميد اي ياا جميل

الأم..... هتفضلي طول عمرك بكاشة ومحدش بيعرف يقنعك بس متعرفيش فرحتي قد اي وانا بسمع منك الكلام ده بتفكريني بميسة

ايلن باستغراب.... مين ميسة دي ياا ماما

الأم بتعلثم.. ممم ميسة ها دي دي واحدة صحبتي ياا قلبي كانت زيك كده بتحب الكلام عن ربنا

ايلن بعد اقتناع.... تمام ياا قلبي يلا بقاا نجهز الغدا علشان بابا قرب يرجع من الشغل

الأم براحة... يلا ياا روحي
.............................

عند نادين بعد ما روحت وسابت ايلن والبنات ورجعت دخلت اوضتها علي طول

نادين لنفسها...... يااااه يا نادين قد اي انتي ف غفلة وف بعد عن ربك تقدري تفتكري امتي آخر مرة ركعتي لربك ووقفتي بين ايده والا الحجاب ولبسك الضيق كام شاب فتنتي كام واحد بصلك بصة مش كويسة كاام واحد شلتي ذنبه بسبب لبسك ياا ياا ايلن انتي بجد فوقتيني خليني افوق لنفسي لا وانا ال كنت بتريق على البنات ال متشددة ف الدين واقول عليهم معقدين على رأي ايلن الدين عمره ما كان تشدد ده فرض ربنا فرضه علينا بس لا يمكن ربنا بعتلي ايلن ليا علشان افوق انا لازم ارجع من ال انا في لازم

وبعدين قامت ومسكت تلفونها واختارت ملابس محجبات للمختمرين وطلبتهم اونلاين وبالفعل الملابس ده وصلت ليها وكان ربنا بيسهلها الأمور علشان ترجعله

والله ياا بنات ربنا بيحب ال بيقرب منه جدا جدا وبيفرح لي حد لو كان ذنبك ده كبير بردو ربنا بيقبل توبتك انتي تعرفو أن ربنا بيتباهي بينا قدام الملايكة اه والله ربنا بيتباهي بعبده لما يرجعله ويقولوا ياا رب انا توبت ليكي لا ومش بس كده ده ربنا قال("أولئك اللذين يبدل الله سيئاتهم حسنات") شوفتو دينا دين يسر ازاي شوفتو كرم ربنا لينا قد اي بيبدل السيئات حسنات ومش نقول لا اصل انا توبت اكتر من مرة وبردو برجع للذنب وربنا مش هيقبلني تاني لا خالص ربنا بيحب التوابين عارفين يعني اي توابين يعني كثيرين التوبة وكثيرين الرجوع لله
.............................

عند عدي ف الفيلة بعد ما رجع

عدي للدادة... ازيك ياا دادة

الدادة فايزة... ربنا يسلمك ياا بني احضرلك الغدا

عدي... لا ياا حبيبتي انا داخل انام لاني تعبان وابقاا اكل لما اقوم

الدادة ببسمة بشوشة... على راحتك ياا بني بعد اذنك

وعدي دخل اوضته وقعد على السرير ورجع للماضي
Fash Back
نرمين.... وحشتني ياا ديدو كله ده متكلمنيش

عدي.... وانتي كمان وحشتيني ياا حبيبتي معلش ياا روحي والله كنت مشغول طول اليوم ومش فضيت غير دلوقتي بس معلش هعوضك انهرده ونتعشي مع بعض

نرمين بفرحة وخبث... اوكي ياا بيبي اشوفك باليل مع السلام

عدي بابتسامة... مع السلامة
عودة للواقع
عدي بتأنيب لنفسه... غبي غبي ياا عدي وراحة كسر الفاظة ال جمبه ودخل ياخد شاور لعله يهدأ من النار التي اشتعلت بداخله بتذكره للماضي
............................
وبعد ما صهيب رجع القصر

بيخبط على اوضة اخته

صهيب من برا..... نادين جهزي نفسك هنتحرك كمان ساعة

نادين... تمام ياا ابيه
ودخل اوضته اخد شور وجهز نفسه وبقاا بهيئته الجذابة ال تخطف الأنفاس

وبعد ساعة

صهيب... يلا ياا نادين

نادين. من وراه.... انا جهزت ياا ابيه

وصهيب بيلتف ليها ليها

صهيب بزهول. من جمالها....اي ده ياا نادين انتي اتحجبتي

نادين بابتسامة..... ااه يااا ابيه اي رايك حلو مش كده

صهيب... ما شاء الله عليكي ياا نودي قمر

نادين بفرحة.....بجد ياا ابيه

صهيب... بجد بس انتي اي ال خلاكي تعملي كده يعني

نادين.... ربنا ال أنعم عليا ياا ابيه متتخيليش اد اي فرحتي وانا لابسة الحجاب واللباس الجميل ده حاسة اني طايرة من الفرحة

صهيب باستغراب من كلامها وكأنه بيقولها اي ال غيرك كده........ اوكي يلا بينا

واتحرك صهيب ونادين بالحراسة وراهم طبعا
للبلد
............................
وف كافيه

رامي:شيري ايلن لازم توافق انا هفاتحها ف الموضوع بكرا وانتي لازم تقنعيها بأي طريقة

شيري:نادين سافرت النهارده البلد عند جدها وترجع بعد يومين

رامي:ازاي دي مقالتش

شيري:لا قالتلي النهارده ف الجامعة

رامي :اوكي بعد اما ترجع يومين مش كتير بس لازم توافق ياا شيري اصرفي دي صحبتك واكيد هتعرف تقنعيها

شيري: بخوف رامي انت متعرفش ال بتقوله ده ممكن يحصل من وراه اي ومتعرفش كمان هي بتخاف من اخوها ازاي

رامي لنفسه: ومين سمعك ده انا نفسه شوفته مرة وحدة اترعبت

رامي لشيري: متقلقيش احنا ع بال ما اخوها يعرف هكون انا وانتي طيرنا بعيد

شيري بخوف: ربنا يستر ياا رامي
.............................

عند اروي ف الفيلة وطبعا احنا معرفناش شخصية اروي اروي من النوع المرح بتحب الضحك والهزار دايما اي مواقف لازم تقلبه تفاهه حتى لو كان جد زيي كده، بس بتحب عيلتهاا جدا وباباها بيحبها جدا هي واخوها جواد وطبعا والدتهم وهي متوسطة الطول بعيون عسلي وبشرة بيضاء ويزيدها جمال خمارها

اروي: ياااااااا دادة الاكل بسرعة همووووت

لميس والدتها: صوتك ياا جزمة كل يوم لازم ااقول صوتك حسسيني ولو مرة انك بنت مش عارفة جايبة الصوت ده منين

اروي: يا حجة انتي تعبانة وجعانة الله يخربيت التعليم على ال عايزين يتعلمو ما كنت اقعد معززة مكرمة ف البيت واجوزت وجبت عيلين احسن من المر ال انا فيه ده

والدتها بزهول من كلامها: حجة بتقوليلي حجة ياا اروي الكلب لا و كلية تربية انجليزي انتي اخرك معهد فني صحي اصلا وبعدين ع اساس البنت مجتهدة اووي ده انتي بتذاكري بالعافية ده إذا ذاكرتي ولولا كمان ايلن هي ال بتذوقك شوية

اروي: نفس الاسطوانة بتاع كل يوم بقولك اي ياا أنطي لميس انتي شكلك كده فاضيالي متروحي تشوفيلك حد غيري اومال فين كيمو حبيبي

جواد بمزاح: من وراها عاملة دوشة دايما كده

اروي بغرور مصتنع: ده انا البيت من غير دوشتي والا يسوي

جواد: ههههههههههه هبلة والله انا قلت هبلة محدش صدقني الله يساعد ال هياخدك وانا اصلا نفسي ياخدك من وشي

اروي بمزاح: ياخوي اتنيل بس ييجي هو بس وانا امسك في بأيدي واسناني ومش هوريكو وشي ف البيت تاني... بقولك اي ياا واد انتي هو انت مش رجل أعمال بقاا وكده واكيد ليك زمايل متشوفلي واحد ياخذني من وشك حياة عيالك

جواد بضحك عالي جدااا:. هههههههههه هههههه الله يخربيت هبلك وربنا شاكك انك مش اختي

اروي: ياا رب اكون مش اختك ولقوني ع باب جامع وانا اجوزك يا قمر وانتي عيونك خضراء كده وتهبل

جواد: هههههههههههه ههههههههههههه يلهوووووي هههههههه

الأم بزهول وهي تمسك رأسها بألم مصتنع: عوض عليا عوض الصابرين ياا رب ف بنتي

اروي بمزاح : وهي تدغدغ امها مالك ياا سوسو ياا قمر ده انا بضحكك والا انتي مش بتحبي تضحكي غير لكيمو وبس

الام بضحك: هههههههههههههه بت اسكتي الله يخربيت هبلك

اكمل والدها من وراهم /مساء الخير بتضحكو علي اي

الأم: هي في غيرها الهبلة بنتك

اكمل: حبيبة ابوها

اروي: حبيبي ياا كيمو يااا قمر انت ال نصفني ف البيت ده

الأب: وانتو حياتي كلها ربنا يخليكو ليا وميحرمنيش منكم ابدا

الأم: والا يحرمني منكو ياا رب
.............................
عند صهيب ونادين ف الطريق وهما ف العربية وصهيب بيشتغل على اللاب توب بتاعه
ونادين بتقلب ف فونها وراحت افتكرت ايلن واتصلت عليها علشان تقولها انها مش هتروح الجامعة لمدة يومين

نادين الو

ايلن السلام عليكم ورحمة الله وبركاته حبيبتي دي تحية الإسلام ولازم نقولها ولكي الأجر ف كل مرة

نادين بابتسامة وحمد لربها أن رزقها بمثل هذه الصحبة الصالحة

نادين حاضر ياا قلبي اوعدك اني مش هقولها على طول

ايلن بابتسامة اثابكي الجنة ياا ندوشة قوليلي بقااا متصلة رخامة والا

نادين بصي ياا ستي انتي وحشتيني والله فقولت اكلمك دي حاجة وكنت عايزة اقولك كمان اني مش هروح الجامعة يومين

ايلن بقلق عليها لعل المانع خير ياا نادين انتي تعبانة ياا حبيبتي

نادين لا ياا قلبي انا مسافرة عند جدو ف الصعيد وكمان بعد اما اجي هقولك خبر يفرحك

ايلن بابتسامة اوكي يااا حبيبتي ترجعي بالسلامة بس ابقى طمنيني عليكي

نادين حااضر ياا قلبي يلا سلام ياا احلى أين عرفتها

ايلن: بابتسامة وعليكم السلام ياا جميلة

ونهت المكالمة بس لفت سمع صهيب وهو بيشتغل اسم ايلن

صهيب: كنتي بتكلمي مين ياا نادين انتي ملكيش صحاب غير شيري

نادين: دي ايلن ياا ابيه المنتقبة ال وصلتني هي واصحبها لما كنت تعبانة

صهيب ويكاد قلبه يقفز من الفرحة. من داخله: انتي لسا تعرفيها

نادين: ايوه ياا ابيه وبقينا أصحاب جداا كمان وحبيتها جدا هي واصحبها تخيل يااا ابيه هي السبب ف لبسي للحجاب

صهيب بستغراب: يسلام ازاي بقااا

نادين: ايلن بتشرح درس ديني ف مسجد الجامعة معظم بنات الجامعة بيحضرو الدرس ده بتتكلم عن طاعة ربنا وازاي نقرب منه اكتر ونلتزم وتتكلم عن الفروض ال ربنا فرضها علينا تخيل ياا ابيه معظم بنات الجامعة اتحجبو بسببها وبسبب كلامها انا محضرتش غير مرة واحدة بس متتصورش كلامها بيريح اد اي ويحببك ف ربنا والقرب منه بجد هي خير صحبة

صهيب بعدم اهتمام: وهو يكمل عمله تمام
ولكن هذا ما يظهره لنادين انه غير مهتم ولكن الحقيقة أنه كان مهتم وسامع كل كلمة نادين كانت بتقولها عن ايلن وفرح جداا بالكلام ال سمعوا لأنه كان عايز يعرفها اكتر بس طبعا غرور صهيب المالكي يمنعه من السؤال كمان لفت انتباه اسمها لأنه اسم مميز بالنسبة ليه وبيمثلله ذكرى جميلة ف الماضي وعمره ما نسى الذكرى دي وفرح جدا أن اسمها ايلن بس كان بيسأل نفسه هو ليه مهتم بيها اوي كده وفرح لما نادين كلمته عنها بس اقنع نفسه انه فضول مش اكتر
قنبلة تواضع على رأي عدي
...........................
عند جاسم ف الشركة

جاسم لشريف: ها قولي عملت اي

شريف بابتسامة شيطانية: كل تمام ياا باشا متقلقش ال عايزه هيحصل قريب وصهيب هيبقاا زي الخاتم ف صباعك

جاسم ببرود: اديني هشوف ولو اني مش مطمن لسكوته اصل ال زي الفهد مش بيعمل خطوة غير لما ييبقااا عارف هو بيعمل اي وسكوته ده مش مطمني اسألني انا دي القرصة منه والقبر والا مبقاش الفهد ال الناس بتخاف بس من اسمه كمان انا مشغل معايا شوية اغبية

شريف: ياا باشا هو ديما ال بيسبقنا بخطوة ده تحسه مخاوي بيعرف دبة النملة قبل ما تحصل

جاسم: مش بقولك الفهد..... اسمع بقااا ياا شريف انت لازم تركز جدا الايام دي ولو ال عايزه محصلش انت عارف كويس اي ال ممكن يجري ليا وليك دي ناس مبتهزرش

شريف برعب فهو يعرف انها مخاطرة بحياتهم: اطمن ياا باشا
...........................
في الصعيد في قصر المالكي

الجدة سميحة:الهام ابقاا قولي للشغالة تنضف اوضة صهيب واوضة نادين ويكونوا جاهزين على نهاية اليوم

الهام بفرحة:لي ياا اما هو ول اخوي جايين

الحدة ايماء وفرحة أيضا ايوه ياا بأي صهيب كلمك ابوكي انهرده وقاله انهم اتحركو من مصر وف طريقهم لهنه متعرفيش اني اتوحشتهم قد اي ياا الهام

الهام بسعادة ومين سمعك يا أمه وأنى كمان دول ولاد الغالي ده انا بشوف صهيب كأني شوفت محمد اخوي يشبه الخالق الناطق

الجدة بحزن وحنين وهو اي ال مصبرني على فراق ابوه غير صهيب يشبه ف هيبته أكده وعقله ربنا يحميك ياا ولدي مهو هو ال وارث عيون ابوه كمان كانت عنيها خضراء كمان الغالية كانت عنيها ملونة ربنا يريح قلبي عليكي ياا بتي نفسي اشوفك قبل ما اموت وحشتيني قوي قوي وحشتني طيبتك وحنيتك ال كنت ماليه بيهم البيت ياما نفسي اخدك لحضني واضمك زي زمان يا ترى يا بتي انتي لسا عايشة وفكراني والا نسيتي امك والزمن قساكي عليا وعيونها دمعت

الهام بحزن ودموع اكتر وحشتني قوي يا أمه ونفسي اشوفها ولو لمرة واحدة آخر مرة شوفتها فيها من ٣٠ سنة وكنت حساها فيها حاجة متغيرة مكنتش اعرف انها بتودعني ياا امه مكنتش أعرف ودمعت

والقاعدة قلبت محزنة

اعرفكم بقاا على الهام
الهام عمة صهيب وعندها بنتين زي القمر وهما شمس وسلمى والدهم متوفي وعايشين مع جدهم وجدتهم ومامتهم بس طبعا هما بيدرسو هما الاتنين ف الجامعة شمس 19سنة ف كلية الالسن وسلمى 20سنة ف كلية الطب

السلام عليكم

الى هنا تنتهى احداث رواية غرامى منتقبة البارت الرابع ، يمكنكم اكمال باقى احداث رواية غرامى منتقبة البارت الخامس  من خلال الضغط على اللينك واكمال الرواية .

نأمل أن تكونوا قد استمتعتم بـ رواية غرامى منتقبة ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .