رواية غرامى منتقبة البارت الثالث للكاتبة نورهان احمد

نقدم اليوم احداث رواية غرامى منتقبة البارت الثالث من روايات نورهان احمد . والتى تندرج تحت تصنيف روايات رومانسية ، والتى نالت اعجاباً شديداً بين القراء سواء واتباد أو فيس بوك  . نرحب بكم فى موقع مجنونة  عشاق روايات موقعنا ، هنا سوف تجد كل رواياتك : روايات رومانسية ، روايات رومانسية مصرية ، قصص عشق ، قصص قصيرة ، قصص حب ، روايات pdf ، روايات واتباد ، قصص رعب ، روايات رومانسية كوميدية .

غرامى منتقبة البارت الثالث

روايه غرامى منتقبة الفصل الثالث

غرامي منتقبة

للكاتبة/نورهان احمد
الباااااااارت التالت
........................................................................
في بيت ايلن

والعائلة مجمعة

الاب..لكن انتي اتاخرتي لي انهارده ياا لولي

ايلن بعد أن قصت له ما حدث

ايلن...بس كده ياا بابا ووصلناها

الاب..طيب يااا بنتي واطمئنيتي عليها

ايلن...ايوه ياا بابا هي كلمتني بعد ما رجعت البيت وسألتها عاملة اي دلوقتي قالتلي انها بقت احسن

الاب بابتسامة...طيب ياا يبنتي

محمود وهو بيفتح الباب بعد ما رجع من عند علي صاحبه

محمود...السلام عليكم ورحمة الله

الجميع...وعليكم السلام

الام..كنت فين ياا حودة

محمود...كنت عند طنط هالة والدة علي كانت وحشاني اوي روحت اقعدت معاهم شوية وجيت

الام..طيب يا حبيبي احضرلك العشاء

محمود...لا ياا حبيبتي انا اتعشيت معاهم هي أصرت اني اكل معاهم هي وعلي

الام بابتسامة...ربنا يخليكو لبعض انت وعلي

محمود وهو يقبل يد والدته...ويخليكي لينا ياا يويو ياا قمر

الاب بمزاح...ولد يويو مين دي محدش يقولها يويو غيري

ايلن بهزار...اي ده انتي بتغير علي ماما ياا حمادة

الاب....اه ياا اختي بغير واطلعي منها بقاا انتي واخوكي

محمود...عارف ياا بابا بفرح اوي لما اشوف نظرة الحب دي ف عينك لماما وغيرتك عليها حتي بعد العمر ده كله ده انت عمرك ما زعلتها

الاب...امكو دي ياا ولاد مش بس مراتي لا دي شريكة حياتي وحب عمري وبعدين انا مقدرش ازعلها ف يوم لانها عمرها ما قالتلي كلمة تزعلني وكله كوم وانا ضحت علشاني بحاجات كتير دي كوم تاني امكو دي نعمة ربنا انعم عليا بيها ويحاول علي لقد ما اقدر اني احافظ عليها

الام بابتسامة وخجل...ربنا يخليك ليا وميحرمنيش منك ابدا ياا احمد انت عوضتني عن كل حاجة وبقيت ليا مش بس زوج لا ده انتي أبوايا وامي وكل حاجة حلوة ف حياتي

ايلن بمزاح....ايوه ياا ابو حميد ياا جاااامد

الام...بس ياا بنت في حد يقول ع أبوه أبو حميد

ايلن بضحك...اه طبعا منا حاسة اني شايفة رموميو وجوليت قدامي لا وكمان واحنا قاعدين معاكو أما لو مشينا هتقولو اي وبعدين اي مزعلك ما ابوحميد حبيبي بيهزر معايا وعمره ما زعل مني صح ياا عيوني

الاب... صح ياا قلب ابو حميد

محمود..ههههههههههههه بس ياا لمضة مش هتبطلي لماضة انتي طول عمرك

ايلن ....مين دي ال لمضة ياا استاذ بنج انا

الاب والام....هههههههههههههههه

محمود بغضب مصتنع...انا بنج ياا بتاعت تربية بقاا بالعقل كده واحده تجيب مجموع ٩٩% وتدخل تربية ياا فقر

ايلن بفخر...ومالها تربية ياا بابا تربية دي كلية العظماء⁦⁩

محمود...عظماء!!! طيب ياا ست عظيمة

ايلن بقرف مصتنع...خفة ياا واد

الاب..بس انتو الاتنين اي هتفضلو اطفال ذي ما انتو والا كانكو كبرتو وبعدين نوطي صوتنا شوية مش ملاحظين انا عندنا حد بيمتحن ثانوية عامة

ايلن بتذكر..اه صح ياا بابا انا نسيت أسألك محمد عمل اي ف الامتحان انهارده انا هدخل اطمئن علي والله انا مش عارفة نسيت ازاي

الاب.. حبيبتي اهدي هو الحمد لله حل كويس وكان جي مبسوط

ايلن ومحمود...طيب الحمدلله احنا هندخل نطمئن عليه

الام ....ادخلوا ياا ولاد ربنا يخليكم لبعض وميحرمكوش من بعض ابدا
........................................................................
في غرفة محمد وهو بيذاكر دخل علي ايلن ومحمود اخواته

ايلن..بمزاح لتخفف عن أخيها من عب المذاكرة

ايلن..مسا مسا عن الناس المفلسة

محمد...مسا مسا علي العيون الزرقاء هههههههه

محمود بضحك...تصدق ياا واد ياا محمد معرفش جابت منين العيون الزرقاء دول تحسها كده خواجية 

ايلن بفخر مصتنع....طبعا ياا بابا نتو كلكو بتغيرو من عيوني

محمد....احلي عيون دي.والا اي ياا رتني الاقي وحدة زيك كده بعيون زرقاء اتجوزها وش علي الاقل ابقاا ضمنت مستقبل ولادي تبقاا عنيهم زرقاء زي امهم

محمود بهزار...ياا خوي اتنيل وخليك ف امتحاناتك قال واحدة اجوزها قال مش لما اخوك الكبير يتنيل الاول

محمد....وهو انت حد قالك متجوزش بس انت ال فقر

ايلن وهي تقلد محمود...لسا ملقتش ال تخطف قلبي

محمد....هههههههههههههه عسل ياا لولي

محمود...خفة انتي واخوكي ياا بت

ايلن بضحك...طبعا ياا بابا ده أنا دمي عسل

ايلن بجدية....قولي بقااا ياا حمادة اخبار المذاكرة اي

محمد...الحمد لله تمام والامتحانات كويسة وباذن الله هندسة

محمود...باذن الله ياا حبيبي انت تعبت ف المذاكرة طول السنة وربنا مش بيضيع تعب حد ابداا

ايلن...بس اهم حاجة يااا حمادة تكون مواظب ع الصلاة لانك لو بتذكر من غير صلاة يبقاا انت معملتش حاجة لانك كده بتكون خسرت اخرتك ياا حبيبي لازم تكون مواظب علي الصلاة في وقتها لان الرسول صلي الله وعليه وسلم كان بيقول اي احب الاعمال الي الله الصلاة علي أوقاتها

محمد....اأكيد ياا لولي والله مش بفوت اي فرض ابدا والفضل يرجعلك طبعا انتي ال خلتيني تواظب ع الصلاة من أولي اعدادي والحمد لله بردو خلتيني اختم القرآن انا وعمر

ايلن بابتسامة .....حبيبي الفضل يرجع لربنا انا ما الا سبب ربنا جعله مش اكتر

محمود...ربنا يباركنا فيكي ياا لولي ده انتي بركتنا

ايلن...ويديمكو ليا انتو سندي ف الدنيا

عمر من وراهم وهو بيفتح باب الفوضى

عمربمزاح..والسند الصغير جه اهو

محمود....اهلا بالباشا ال متأخر ساعة

عمر بخوف من أخيه....والله ياا أبيه خلصت الدرس ولعبنا أن واصحبي شوية كورة وبعدين جيت عالبيت ع طول

محمود....ايوه ياا عمر لكن انت مقلتليش انك هتتاخر وبعدين احنا اتفقنا لو هتتاخر تساذن من بابا او مني تمام

عمر...تمام ياا أبيه

ايلن...يلا بقاا خلو محمد يكمل مذاكرة علشان منعطلوش

محمود...يلا

وكل واحد راح لاوضته

وف اوضة ايلن دخلت اتوضت وصلت قياام الليل وقرات وردها من القرآن وعطت في سباات عميق بعد أن ظبطت المنبه ع اذان الفجر لتقوم وتؤدي فرضها

........................................................................

وف قصر المالكي ف غرفة نادين

نادين...ايوه ياا حبيبي معلش والله انهارده تعبت وروحت من غير مشوفك

الطرف الآخر....لا ياا نيدو انا زعلت منك ازاي مشوفكيش انهارده انا مش بحب يوم يعدي من غير ما اشوفك

نادين ...معلش ياا حبيبي نعوضها بكرا ف الجامعة

الطرف الآخر....خلاص ياا روحي اشوفك بكرا بقااا ف الجامعة مع السلامة ياا بيبي

نادين...مع السلامة

وباب واوضة نادين خبط راحت فتحت ولقته صهيب

صهيب...بقالي فترة بخبط وبعدين كنتي بتكلمي مين ف الفون

نادين بتعلثم وخوف...ككك كنت بكلم صحبتي ياا أبيه

صهيب بعدم اقتناع....طيب عموما ياا نادين جدك كلمني وهنروح ع اخر الاسبوع نقضي معاهم يومين لانه زعلان وبيقول أن جدتك كمان زعلانة علشان بقالنا فترة منزلناش والا زورناهم

نادين بسعادة...بجد ياا أبيه تيتة وجدو وحشوني اووي والله

صهيب ..ااه بجد جهوي نفسك بقاا ع نهاية الأسبوع

نادين..تمام ياا أبيه

وكاد صهيب أن يخرج ولكن رجع مرة أخري

صهيب بنظرة ارعبت نادين...نادين اديني بقولك اهو لو مخبية حاجة تعالي واحكيلي لاني لو عرفت انك بتعملي حاجة من وراية مش هرحمك لان انتي عارفة انا ف الغلط معرفش امي فاهمة

وقال آخر كلمة بنبرة مخيفة

نادين برعب.....فف فاهمة ياا أبيه

وخرج من غرفتها وبعدها تنفست نادين الصعداء

......................................................................
في شركة جاسم الشيمي

جاسم بعصبية وصراخ .....يعني اي اخد صفقة الوفد الايطالي مننا ومضي العقد يعني اي هو انا مشغل حمير معايا

شريف المساعد بتاعه ودراعه اليمين ف عمله القذر

شريف...والله ياا باشا انا اتفاجئت زي زيك كده بالظبط انهم مضو العقد والراجل بتاعنا ال زرعينو ف شركة المالكي مقلناش

جاسم بتفكير....صهيب ده مش سهل اسالني انا دي دماغه سم يوديك البحر ويجيبك عطشان والا مكنش وصل للمكانة دي ف الوقت القياسي ده واحنا لازم نفتح عيونا اكتر وتخلي الرجالة الغبية دي تركز ف شغلها انت فااهم

شريف....حاضر ياا باشا ال تشوفه تحت امرك بعد ازنك ياا باشا

جاسم.....غور نااس غبية

وبعد ما اخرج شريف

جاسم لنفسه....وديني لجيبك رافع تحت رجلي و مابقاش الشيمي أماوجعت قلبك ياا ياا فهد
وقال آخر كلمة بسخرية
.....................................................................

ف بيت ايمان صحبة ايلن

ف الصباح
كوثر...ايمي ياا ايمي اصحي ياا كسولة هتتاخري ع جمعتك

ايمان بنعاس....ايوه ايوه يا ماما صحيت اهو خمسة بس

كوثر....لا مفيش خمسة هتتاخري علي جامعتك يلا

ايمان...خلاص صحيت اهو ياا كوكو

كوثر بضحك...حتي وانتي نائمة كوكو

ايمان.بعد ان فاقت...ايوه طبعااا أن مكنتش انا هدلعك مي هيدلعك ياا كوكو ياا قمر

كوثر...طيب يلا حبيبتي اجهزي وانا بجهز الفطار واوعي تنامي هااا

ايمان....خلاص ياا قلبي انا قومت اهو بابا صحي

كوثر....اه ياا حبيبتي منتي عارفة بيصلي الفجر ومش بينام تاني بيقعد يقرأ قرآن لحد اما النهار يطلع

ايمان.....ربنا يتقبل منو ياا رب هقوم أنا كمان اصلي الضحي قبل ما البس احسن الست لولي بتعملنا فيها أبلة النظرة وتقعد تسالنا

كوثر بضحك...والله ايلن دي ما في زيها ونعمة الصحبة الصالحة ربنا يخليكو لبعض ياا حبيتي

ايمان...اه والله ياا ماما ايلن دي رزق ربنا بعتهولي ربنا ميحرمنيش منها ابدا والا يحرمني منك ياا جميل

كوثر..ويخليكي ليا ياا اجمل بنوتة ف الدنيا يلا بقاا تجهزي

ايمان.....حااضر ياا حبيبتي
...................................................................

وفي مكان ماا
الحوار مترجم
في الفون
كود١.... صهيب المالكي لازم يعود للتعامل معنا

كود٢...ياا باشا انت تعرف الفهد عندما يقول كلمة لا يتراجع بها ونحنا لنا سنوات نحاول معه وهو لا يستجيب لنا..

كود١...هذه الكلام انا اعرفه جيدا لا احتاجك لتشرحه لي ولهذا السبب جعلتك أحد رجالي حتي تستطيع إقناعه سواء بالرضا او الاجبار اريد الفهد

كود٢...ياا باشا انا لم اقصر معك وأستطيع تنفيذ ما تامرني به إذا لما الفهد

كود١ بعصبية.....قلت لك اريد الفهد والا

وقبل أن يكمل كلامه

كود٢برعب...لا لا لا داعي اقسم لك اني ابذل قصارى جهدي لتنفيذ امرك وسانفذ قريبا اعدك بهذا

كود١....اذا ان لم تنفذ ما قلت فلا تلوم الانفسك...شاو

كود٢...شاوو
........................................................................
عند صهيب ف الشركة
صهيب لنفسه....مش عارف مش راضية تغيبي عن خيالي لي مع اني مشوفتكيش قبل كده والا شوفت شكلك من غير النقاب مش عارف مش عارف...
وبعدين كلم ميار السكرتيرة

صهيب..ميار ابعتيلي قهوتي انجزي وقال آخر كلمة بصوت مرعب

ميار برعب...تحت امرك ياا باشا فهي تعلم الفهد لا يتعصب من فراغ فهو يتسم بالبرود بشكل كبير وان تعصب فلا بد ف الأمر مصيبة

وداخل مكتبه..

صهيب لنفسه...انا لازم اركز ف الشغل لان هو ال مش هيخليني افكر فيكي لازم
وبعدها انكب ع عمله حتي لا يفكر في تلك التي سلبت منه عقله

وفجأة تتفتح الباب عليه من غير إذن ومين غيره غير الدنجوان عدي

عدي...صهيب تمام كده الصفقة خلصت والشحنة هنستلمها بكرااا وبكدا هيبقااا معانا التوكيل العالمي لتصنيع وتصدير السيارات باحدث التقنيات

صهيب ببرود....طيب تمام

عدي بزهول...تمام بقااا بقولك توكيل عالمي تقولي تمام ده انا كنت هتنطط من الفرحة وجي افرحك

صهيب ع نفس حالته....لاني كنت متاكد أننا هناخد التوكيل واحنا اصلا مكناش ف حاجة لي احنا النسيجان ياا بابا اصحي

عدي....تصدق انت بارد وانا غلطان ياا عديم الضحكة ياا كائن البرود انت

صهيب...خلصت الأسطوانة بتعتك يلا بقاا برا علشان مش فاضيلك

عدي....انا اصلا خارج هو انا لقيتني وقعت في دباديبك ومش سايبك سلام ياا بارد

وخرج عدي بعد ما جاله جلطة من صهيب

..................................................................
وفي الجامعة عند البنات ايلن واصحابها

ايمان....خلاص ياا ايلن بدل السيكشن اتلغي تعالي نروح نقعد ف كافتريا الجامعة

اروي بفرحة...لا طبعا ياا بنتي انتي ناسية ألنهرده اي والا اي ده اليوم ال بنستناه من السبوع لاسبوع

اروي بتذكر....اه صح ازاي نسيت يلا ياا ايلن انا وحشني كلامك اوووي

ايلن...والله وانا كمان البنات وحشوني بس انا مستنية حد

اروي وإيمان باستغراب....حد حد مين ده

ايلن بابتسامة من تحت نقابها عندما رأت من أتت خلفها

ايلن...اهي جت وراكم اهي

اروي وإيمان بفرحة بصوت واحد بعدما التفو خلفهم...نااادين

وبعد السلامات والإحضان

نادين بلهفة....ها بقاا ياا ايلن اي المكان ال انتي قولتيلي اني هفرح لما اروحو معاكو

ايلن...حالا ياا قلبي هتعرفي يلا ياا بنات

البنات جميعا....يلا

وبعد ما وصلو لوجهتهم وهي مسجد الجامعة

ايلن ...خلاص وصلنا ياا ستي

نادين باستغراب وخجل ف نفس الوقت

نااادين..المسجد بس انتي جايبانا لي هنا ياا ايلن

اروي وبعد أن قصت عليها انا ايلن تقوم بإعطاء درس أسبوعي للبنات لمساعدتهم ع التقرب من الله والثبات عليه طاعته ومعرفة دينهم

اروي ببهجة...وبس كده ياا ستي وانهرده يوم الدرس ده

نااادين بخجل من نفسها فهي قد نسيت ربها وسرقتها الدنيا من عبادته ربها وانشغلت ف متاهات الدنيا التي تلهي عن طاعة الله عز وجل فالانسان لا يعلم ان هذه الدنيا فانية ولا يبقى للعبد شيء غير طاعه الله عز وجل
نادين بخجل...ايوا ياا ايلن بس انا

ايلن بثبات... بس ايه يا حبيبتي بصي انا عامله حسابي و جايبه لك معي اهو حجاب وانت ما شاء الله الله اكبر اهو لبسك ساتر ومش مبين حاجه من جسمك اينعم هو ضيق بس مش مشكلة ادخلي معايا المسجد المرة دي والمرة الجاية ربنا ييسر

واعطت ايلين الحجاب لنادين التي أخذت الحجاب منها وارتدته ودخلت معهم المسجد وعندما دخلت ايلن المسجد ف الجزء المخصص للبنات وجدت ناادين عدد كبير من البنات يجلسون في حلقة دائرية
وبعد أن جلست ايلن والبنات مع هؤلاء البنات

بنت...ازيك ياا ايلن وحشتينا اووي

أخري...اه والله احنا عايزينك تخليهم درسين بجد كلامك جميل ومش بنشبع منه

ايلن بابتسامة وهي ترفع نقابها فكلهم بنات وهذا الجزء ايضا مخصص للبنات فلا يدخله أحد....

ايلن بابتسامه..والله وانتو كمان بتوحشوني جدا بس انا حابه ان احنا نتقابل مره واحده في الاسبوع علشان متزهقوش مني وتستقبله الدرس بتاع كل اسبوع بلهفه وتشويق كده علشان تستفيدوا منه وتقدروا تطبقوه في حياتكم

ناادين بزهول وهي تنظر لايلن فهي لاول مرة تراها بدون نقاب

ناادين....ما شاء الله الله اكبر انتي جميلة اووي ياا ايلن انتي لي مخبية الجمال ده تحت النقاب ده انتي لوالا اني اعرفك كنت افتكرتك مش من مصر

ايلن بضحكة رقيقة.... حبيبتي انت اللي جميله وقمر وبمناسبه ليه مخبيه الجمال ده تحت النقاب فدا هيكون موضوع درسنا النهارده يا بنات

ايلن بسؤال...يا بنات هو احنا لي بتلبس الحجاب عامة

بنت...علشان طاعة ربنا

أخري....علشان الحجاب فرض علينا كمان ده طاعة ربنا وكمان ده بيزين البنت وبيخليها اجمل

ايلن بابتسامه.... بصي يا احلى بنوتات طبعا اختنا قالت عشان طاعه ربنا وده طبعا امر مفروغ منه لان الحجاب ربنا امرنا به وعشان كده لازم نلبسه اما بقى ان الحجاب بيزيد من جمال البنت فانا اختلف معكم في النقطه دي في الحقيقه ليه بقى يا بنات لان الحجاب مش بيدنا جمال بل بالعكس الحجاب ده بيداري جمالنا بيداري مفاتنا بيداري زينتنا وان ربنا سبحانه وتعالى ما كانش امرنا به اقصد اقول لكم طبعا ان احنا من غير الحجاب اجمل واحسن بس احنا ربنا امرنا بالحجاب عشان زي ما قلت يخفي زينتنا لان ربنا قال(والا يبدين زينتهمن الا لبعولتهن)

بنت..... طيب بدل الحجاب بيخفي جمالنا واحنا من غير بنبقاا بنات عسولة⁦⁩ لي ربنا عمله فرض

ايلن...."طب انا مش هقولك انه فرض بس هنسيب النقطة دى شوية  ... المهم انتى لما تروحى تشترى حاجة بتجيبى اللى مكشوفة واللا متغطية؟؟!"
="طبعا اللى متغطية عشان الجراثيم والميكروبات والحشرات" 
-"وكذلك الناس مش بيبصوا على الجمال اللى مكشوف كله بيدور على الجمال اللى متغطى"
="بس انا بتخنق من الحجاب"
-"طب مش بتتخنقى من نظرات الشباب اللى كلها قزارة وهما بيبصولك ... هما مش بيبصولك عشان جمالك كل الموضوع ان لما حد يبقا ادامه حاجة مكشوفة... زى الحلوى مثلا لازم يشوفها بس لو اتعرض عليه انه يشتريها هيرفض ... كذلك أى شاب مش بيلفت او بالادق مش بيحترم غير البنت المستورة ... ولما يشوفها حجابها الكامل بيفتكر ان هيا عملت اللى عليها و ايجا دوره ويعمل اللى عليه ويغض بصره ... وحتى لو مش غض بصره يبقا هو اللى هياخد ذنب لوحده ... انما هيا مش هتشتالى ذنوب عشان هيا صاينه نفسها من الاساس وعاملة اللى ربنا أمرها بيه"

بنت تانية بس مش محجبة يعني حاطة الحجاب علشان داخلة المسجد فقط="طب لو أنا مش متشجعة أخد الخطوة دى"

ايلن...-"افتكرى ان الحجاب مش درجات جنة ... دا جنة ونار ... يا اما تدخلى ملكة بحجابك الجنة يا اما تدخلى النار ... شوفى هتختارى ايه"

البنت..."يعنى الحجاب ذُكر فى القرآن؟"

-ايلن..."طبعا ذُكر ... الأول معلومة صغيرة الحجاب الشرعى واللى المفروض يتسمى حجاب هو الخمار ... دا ذُكر فى سورة النور *{وَلْيَضْرِبْنَ بِخُمُرِهِنَّ عَلٰى جُيُوبِهِنَّ ۖ }* ... وبردو ذُكر اللبس الشرعى وهو الجلباب .. فى سورة الأحزاب *{ يٰٓأَيُّهَا النَّبِىُّ قُل لِّأَزْوٰجِكَ وَبَنَاتِكَ وَنِسَآءِ الْمُؤْمِنِينَ يُدْنِينَ عَلَيْهِنَّ مِن جَلٰبِيبِهِنَّ ۚ ذٰلِكَ أَدْنٰىٓ أَن يُعْرَفْنَ فَلَا يُؤْذَيْنَ ۗ وَكَانَ اللَّهُ غَفُورًا رَّحِيمًا }* ... بصى من الأخر خيمة زى ما بيقولوا ... بس أحلى خيمة و الله" 

="انتى حبيبتينى فيه اوى ... ان شاء الله هغير كل حاجة فى لبسى هوَّقف لبس بناطيل والبس عبايات وفساتين واخمرة وكل حاجة ساترة ... وكمان البنات ال معاكي أساسا قمر فى الخمار حبببتوني فيه أكتر" 
-ايلن...."اهم حاجة كل دا يبقا براحة ... خطوة خطوة لكن مرة واحدة كدا مش هتعرفى وهتزهقى"
="حاضر ان شاء ربنا يبارك لنا فيكي ياا ايلن انتي احلي حاجة ف الجامعة

ايلن بابتسامة...انتو ال احلي بنات ف الجامعة

وكل ده وناادين مركزة جداا مع ايلن وكلام البنات وباين عليها التأثر بكلامهم وطبعا ايلن ملاحظة تركيزها معاهم وفرحانة ف نفسها بس مش مبينة لنادين انها واخداه بالها

ايلن.....وطبعا انا نسيت اعرفكم بنادين بسبب انشغالي ف الدرس المهم دي ناادين اختي وصحبتي وباذن الله هتبقاا معانا ف الدرس وبكدا يبقاا درسنا خلص انهارده وتكمل المرة الجاية

وبعدين ايلن أنهت الدرس وطلعت هي والبنات وكله واحدة راحت ع بيتها

........................................................................
وبكده يبقى خلص البارت بتاعنا واهو البارت طويل جدا علشان عيونكو ياا حلوين

ومعانا بقاا أبطال الرواية بس للاسف مش محملين معايا ع الفيس نهائي والله حاولت كتير ومعرفتش بس انا نزلتهم على الواتباد هتلاقوهم في البارت التالت واللينك نهاية البارت
وطبعااا عايزة رايكمونغض بصرنا بقااا هااااا

هستني رايكم وتعليقاتكم بجد زعلتوني البارت ال فات لأن التفاعل كان ضعيف جداااا
وانا النهارده عملتلكم مفاجأة ونزلتلكم الابطال اهو عايز تفاعل يقلب الجروب مش عايزة الفون يبطل تن تن تن انهرده اديني قولت اهووعايزة رايكم ياااا بناااااااات بلاش الملصقات وكلمت تم دي لأن تعليقكم دليل على تقديركم ليا
السلام عليكم

بحبكم في الله

الى هنا تنتهى احداث رواية غرامى منتقبة البارت الثالث ، يمكنكم اكمال باقى احداث رواية غرامى منتقبة البارت الرابع  من خلال الضغط على اللينك واكمال الرواية .

نأمل أن تكونوا قد استمتعتم بـ رواية غرامى منتقبة ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .